تابعونا عبر فيس بوك

قوقل ‏+‏ ‏
Use the English Language

في السلك .. بابكر سلك .. مفارقة النوم المباح للصباح

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

19012016

مُساهمة 

في السلك .. بابكر سلك .. مفارقة النوم المباح للصباحn




في السلك
بابكر سلك
مفارقة النوم المباح للصباح
الحديبة نيوز
.
*تابعت مباراة المريخ وهجر علي شاشة قون
*تابعت الموهبه اوكرا
*استغربت من ادائه
*وسألت نفسي
*يا نفس
*ماهذا الذي يخرمجه اوكرا !!!
*اصحيح ما ذهب اليه غرزه
*من ان اللاعب لايتعامل باحترافيه وعدو نفسه وغير منتج ؟؟؟
*ا كان غرزه محقا في قراره بالاستغناء عنه برغم موهبته الكبيره !!!
*اخاف ان يكون غرزه علي حق ونحن ضرتنا عاطفتنا
*المهم
*اعجبني الاداء الجاد لعطرون
*ولكل مجتهد نصيب
*ولكن اوكرا يحتاج لقرصة اضان وعين حمراء
*فنحن لا نتحمل مع تراوري اي استهتار جديد في الاداء
*ايها الناس
*سألت نفسي
*هل كان غرزه يحارب اوكرا ؟؟؟
*طيب ليه ؟؟؟
*ومصلحتو شنو ؟؟؟
*مع العلم بان كوفي الفنان المنتج
*كان يري غرزه ضرورة استبداله بلاعب آخر اكثر انتاجيه
*اتمني من كل قلبي ان يكون غرزه مخطئا في الحته دي بالذات
*غايتو لو غرزه كان صاح
*يبقي حايفارقنا النوم المباح للصباح
*المهم
*نتمني جديه اكبر في الاعداد
*وعين مفتحه كبيره
*ومحمد موسي بقدر علي كده
*فقط نتمني ان تنسجم مجموعة القطاع مع بعضها
*من اجل خلق جو معافي للعمل والتعاون وعدم التهاون
*غايتو الركشه بالغت
*ممكن تكون ماشه قدامك فجأه تقبل عليك
*ممكن تفتح التلاجه منها تطلع ليك
*ممكن ترقد في سريرك ترقد جمبك وتغطيك
*وبتصحي بدري مع الديك
*ومابتنوم اصلو
*ده جن شنو الجانا ده !!!!
*المهم
*قالوا طابق الكاوبوي من جهتين
*شريحتين في الجهه الشرقيه
*وشريحه في الجهه الغربيه
*والباقي بتموهوا خيال
*اقعدوا اتخيلوا كده بس
*واتخيلوا انكم فارقتوا محطة الصفر دي
*بس الخوف تبقوا زي سيبيريا
*تمشوا تحت الصفر يا محمد عبدالماجد
*تحت الصفر دي عندكم ليها كسكته ؟؟؟
*ولا كردنه بس !!!
*ايها الناس
*لانخاف علي موقف المريخ من تسجيل الوك
*ونخاف علي موقف شيبوب من تسجيله في المريخ
*والفيفا مشهوده
*المهم
*وليد ولي الذ زول
*زول ربنا خلقو ليمتع الناس بروحه الجميله
*يتبسم في وجوه الناس دوما
*ويضحكهم وهم في اتعس الاوقات
*امس قابلتو
*قال لي كفاره يا ابو السلوك
*وما تخاف الكسر بجبر سااااهل
*وقال لي
*انا قبل كده يد اتكسرت
*الدكتور جبصها لي وعمل لي شريط حماله
*قال لي بالنهار تربطها وبالليل تفكها
*قلت ليهو دي يد ولا كلبه يا دكتور !!!
*متعك الله بالصحه يا والي
*ايها الناس
*نصر علي التمديد للجنة التسيير
*خلينا منطقيين
*الوالي ما راجع
*وتغيير المجلس لايبشر بخير
*دعوهم يعملوا وسط دعمكم المادي والمعنوي
*وسنري ثمار انتاجهم
*المهم
*ايها الناس
*معقوله خلال اليوم يتكرر نفس السؤال اربعه مرات
*وتأتي الاربعه اجابات في اختلاف وتصاعد ؟؟؟
*الدولار عمل كم ؟؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*في رساله رسلوها لينا
*من الرسائل البتثقف فينا
*قالوا لينا
*قيصر روسي يا والينا
*اسمو بيتر الاكبر من روسا قدام اهلا لينا
*كان يفرض الضرائب علي من يطلقون لحاهم يا والينا
*ومقدار الضريبه حسب طول اللحيه يا والينا
*بيتر لو بقي وكيل ضرائب لدينا
*بحقق الربط بتاع السنه في شهر يا والينا
سلك كهربا
ننساك كيف والكلب لما سمع الروس رجع بي ذاكرتو لما اتسامينا …الروس الروس
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى