قورماهيا .. ابرما ابرما .. ابرما .. في السلك بابكر سلك

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

22012016

مُساهمة 

قورماهيا .. ابرما ابرما .. ابرما .. في السلك بابكر سلكn




في السلك
بابكر سلك
قورماهيا …ابرما ابرما … ابرما
في السلك بابكر سلك
.
*غايتو صمويل رقم 22 ده حمام اصلي يا ) اسلي(
*الزول ده قاعد سااااااي
*والله رجيعو للكورة ده يلقي العقرب
*كردنه بموت بالتسمم
*سم العقرب صعب
*الجاب قون قورماهيا اسمو الوك
*من ابناء ابيي نيروبي
*قال للجناح قورماهيا
*ابرما ابرما ابرما
*وبرما
*اريتو مابرما
*ام برما
*ام برما برما برما
*الكضب ظهر
*الجعجعه ظهرت
*وبعد ولاء الدين اضاع ضربة الجزاء الممنوحه عطفا علي الهلال
*تخيلت الهلال ينسحب
*مواسير 2016 اجود من مواسير 2015 يا روشا
*ابقوا علي الجوهره
*اصلن درجتين بالجمبات اخير من عدمن
*لكن بي كورتكم دي ما بتدعموا كردنه
*الزول قال ليك داخل جوه كسكتتو
*احرجتوهوا يا فطومه
*اخير معسكر الفجيره
*قورماهيا يا
*المهم
*تتذكروا قصة ادروب
*ادروب خفير مزرعه في بورتسودان
*سيد المزرعه نيجيري
*كلوما يجي المزرعه يلقي ادروب نايم
*يوم قال ليهو انت يا ادروب طوالي نايم !!!
*ادروب قال ليهو
*ايوه ادروب تنوم
*ادروب لو ماتنوم انت تجي من النيجيريا تسوي المزرعه في البورتسودان وادروب قاعد !!!
*دي ياها البقت علي ابو الهل
*قوماهيا جاي من الكينيا تسيل كأس في البورتسودان لو ما هللوب نايم !!!
*واتنومي
*المهم
*ساندنا مجلس التسيير بقوة
*ودعونا الناس للالتفاف حوله ومناصرته
*لا لأننا اصدقاء ونسي
*او نسابة دكتور عامر
*او اولاد عم عبدالتام
*ولاهواري قرا معانا
*ولا باشمهندس مهندس عصام مزمل جارنا
*ولكن ساندناه لان الزعيم يحتاج لجهودنا مجتمعه
*ولان حداثة تجربة معظمهم تفرض علينا مناصحتهم
*ولان طموحنا في ايجاد وانشاء استثمارات مريخيه كبير
*لذا ساندناهم ووقفنا الي جانبهم لان ذلك مفترض فينا ومفروض عينا علينا
*ايها الناس
*اشعر با هناك من يعمل علي الايقاع بين لجنة التسيير وجمال
*ولان القناعه هي من يعادي جمال يكسب كره الجماهير
*اري ان البعض يخلق في وضع كهذا
*المهم
*ان غفرنا بعض اخفاقات لجنة التسيير بسبب قلة الخبرات
*فاننا لا نعفي اصحاب الخبرات منهم كأبي جريشه ودكتور اسامه وغيرهما
*وان غفرنا للجنة التسيير ضعف التجربه والخبره
*فان البديهيات لاتعتبر خبرات حتي نعذرهم عند الوقوع في اخطاء بسببها
*وماحدث حول رحلة دبي مشين لسمعة نادي عملاق كالزعيم
*وشين في حق جمهور عظيم
*ووصمة في جبين اعضاء الجنه لايغفرها الا عملا كبيرا يكفر عما حدث
*مثل الاستثمار مثلا
*او وضع منهجية لتنظيم العمل الجايط في المريخ
*ايها الناس
*مطرقة النقد الموجه بشده للجنة التسيير
*تدخل الخوف في قلوب الشفوت
*وتفقدهم الثقه في الزعيم
*وبالتالي يفقد الزعيم نصف قوته
*وهي الجمهور
*فنصبح غريبي ديار وسط ديارنا منذ بداية الممتاز
*ويستفيد من ذلك الكاوبوي
*خطأ كبير وقعت فيها لجنة التسيير
*لا يقابله خطا الا الغاء حجوزات بعثة المريخ المتوجهه للعلمه
*فوقتها لولا تدخل جمال
* الرماد كان لينا كال
*فبمثل ما تجاوزنا ذلك الخطأ الكبير من اجل الاستمرار والاستقرار
*يمكننا ان نتجاوز هذه السقطه لنفس الاسباب والدوافع
*وعلي مجلس التسيير ان يتقبل النقد بصدر رحب
*وان يتصرف بحكمة الكبير مع تخوف الجماهير
*ايها الناس
*ابو كسكته شو امس ما انستر في بورتسودان
*بورتسودان عشق فطومه اختي
*فحب ابو كسكته للشو
*يفوق حب قيس لليلي
*وقصة روميو مع جوليت
*وحكاية عنتر مع عبله
*كسكته شو مش حاتقدر تغمض عينيك
*المهم
*مريخابي خبيث قبل الكورة
*قال لي كردنه لو ماضامنها ما كان مشي بورتسودان عشان يقيف علي الضمانات بنفسو
*ويعمل شو
*قلت ليهو يوم التطواني ويوم اتحاد الجزائر موش كان واقف بنفسو برضو ؟؟
*قال لي استفاد من التطواني ووقف بنفسو يوم سموحه
*قلت ليهو الله يجازيك يا ده
*المهم
*اتير لو لعب ضد قورماهيا
*كان انتهت سته صفر
*اخطر صانع العاب ضد الهلال
*ومكسيم ناس الكمرون قالوا لينا
*حدو دايما مع اي فريق موسم واحد
*التاني اخير جينارو
*ايها الناس
*النصيحه للمجلس افضل من البحث عن خطأ
*الدعم للمجلس
*بالمال بالفكره بالرأي
*افضل من ان نتفرج علي المجلس
*وصدقوني
*لامشكلة بين جمال والمجلس
*والدليل ان جمال هو اكبر داعم للمجلس
*فما يجمع جمال وونسي كتير وكبير ومبادئ
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الجبص مصحينا
*والباعوض حايم فينا
*والبلد بقت كرنتينا
*ولا زول ما سائل فينا
*وكان شفت يا والينا
*المويه ما بتجينا
*الوجوه صاره وحزينه
*وكان شفت يا والينا
*بعض مسئولينا
*برجعوا الباقي للخزينه
*والبعض الآخر يا والينا
*بودي للباقي الخزينه
*ولا زول ما سائل فينا
*الكلب حزنان علينا
سلك كهربا
ننساك كيف والكلب حزين لما يشوفنا يجعر يجعر يجعر …قايلنا متنا وشامي ريحة الفطايس فينا
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

قورماهيا .. ابرما ابرما .. ابرما .. في السلك بابكر سلك :: تعاليق

مُساهمة في الجمعة 22 يناير 2016 - 16:58 من طرف ابوزكي

بالله عليك إنت كاتب ياسبحان الله رحم الله الإعلام الرياضي

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى