قوقل ‏+‏ ‏
Use the English Language

في السلك .. بابكر سلك .. ذكرتوني الركشه

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

24012016

مُساهمة 

في السلك .. بابكر سلك .. ذكرتوني الركشهn




في السلك
بابكر سلك
ذكرتوني الركشه
في السلك
.
*قدر ماقلت انسي الركشه الضربتني
*الهلالاب ديل يذكروني بالحادث الاليم
*وااااقف في الطبليه داير احول رصيد
*محمد حول لي
*قبل ماتجيني رسالة الرصيد
*جاتني الركشه
*السواق كان عاكس الشارع
*جاتني معكوسه
*ررروووووووو
*جابتني ليك الدايمه
*زي قون قورماهيا
*جات معكوسه
*ورروووووووووو
*ذكرني الوك الركشه
*امشوا السلاح الطبي يا روشا
*والله اسكت بس
*طبي لي بهناك
*خليهم يشوفوا كسركم وين ويجبصوهوا ليكم
*لكن كسوركم كتار يا روشا
*الدشديش بجيب البتر حمانا الله
*لكن اهتمام الاسطاف بالناس في السلاح الطبي
*يشهي في المرض
*الدكاتره غير
*خليهم الدكاتره
*الدكتورات
*ياخ انا قربت ادي الركشه كراعي التانيه
*الطب اتطور يا روشا
*تاني اولاد المصارين الزرق دكاتره نهي كرتا
*-الطب السنه بقت بي تمنين مليون
*في سته سنين تطلع ليها بي قريب نص مليار غير حق الفطور والترحيل
*وحق الترحيل انت قايلو شنو يا روشا
*حق الترحيل اسبورتاج موديل السنه
*الطب اتطور
*تاني مابتلقي عوض دكام ومستر ريتشارد وياجي والجزولي دفع الله وعبدالله الحاج موسي وعمر محمود خالد
*تاني الدكاتره والدكتورات مصارين بيوض وشهاده عربيه
*وبعد عشره سنين بالطريقه دي
*البفوق في الانعاش بفتكر نفسو في حضرة الحور العين يا روشا
*حايشهونا في المرض
*ونبقي زي عمك الختت الدكتوره يدها في صدرو وقالت ليهو قول ميه يا حاج
*قال ليها واحد اتنين تلاته اربعه …….
*عمك شهاده عربيه دي ماسمع بيها يا روشا
*شاف النوره قايلها حور عين
*المهم
*مدافع الهلال الماسوره الجديد
*فاز بجائزة السلوك القويم
*مكسب
*الهلال جاب مدافع صاحب سلوك قويم
*ولان الهلال نادي للتربيه
*جاب الزول ابو سلوك ده مخصوص
*صدقني يا روشا
*الشاف الزول ده جاري
*وكل احذية الاهله الشرفاء وراهو ما كضب
*اسبيستوس ياكردنه ؟؟؟
*بالغت
*وقال روشا
*هذا المدرب متخلف كرويا
*بيني وبينك يا روشا متخلف
*زول يقول ما وجهت عشان الاستاد مليان جماهير
*يعني تاني يلعبوكم بدون جمهور يا خواجه
*وفطومه قالت ماشافت لاتكتيك ولا تكنيك ولا لياقه ولا روح للهلال
*فعلا الهلال محتاج روح
*كبوا ليهو روح اناناس يا فطومه
*وقالت كيسو فاضي
*املوهوا ليهو كسكتات
*وقالت
*نشجع المدرب الوطني ونشجع اولادنا
*طيب لو ولدكم المدرب الوطني ده قال داير حقو
*برضو يطلع ما بشبه الهلال زي ناس النقر وطارق !!!!
*الشايفو انا
*صلحوا علاقاتكم مع ناس كادوقلي
*مادايرين انسحابات من اول الموسم
*ايها الناس
*روشا يردح في المدرب
*فطومه تردح في المدرب وبي صفقتها كمان
*المدرب ده الجابو منو ؟؟؟؟
*امرق الحقيقه يا كردنه
*لكن سمعنا تحت تحت
*انو جمال الوالي خلف هزيمة الهلال ببورتسودان
*قالوا مشي الكعبه مخصوص يوم الكوره
*وملاهم ليك دعوات
*الزول الكلمني ما سمع الدعاء كويس
*لكن قال لي المتأكد منو
*اني سمعت جيمي قال الوك شنو كده ماعارف
*دعواتك يا ريس
*ايها الناس
*حبل الكضب قصير
*والخريف اللين من رشاشو بين
*ورشة بورتسودان دي وضحت انو هذا الموسم هو موسم جفاف وتصحر هلالي
*تعالوا يوم سبعه وعشرين
*احتفلوا بالممتاز
*واتفرجوا علي الزعيم اب رشاشا بين
*عشان تطمئنوا بس
*ايها الناس
*لجنة التسيير تحتاج لدعمنا ووقوفنا الي جانبها
*لاتجعلوا جنودنا لوحدهم في المعركه
*فهم يحتاجون الينا جميعا
ايها الناس
*صدقوني مدرب الهلال المتخلف كرويا ده
*لو لعب شيبوب الهلال كان درن
*يا قوم
*الوك في المريخ
*والوك في قورماهيا
*ولوك مديرا فنيا للزعيم
*الموسم ده يا محمد عبدالماجد تلوكوا الصبر بس
*اييها الناس
*تعيين محمد موسي صاح
*تعيين محمد موسي غلط
*محمد موسي هو انسب الناس لهذه المهمه
*ايها الناس
*اكتب قبل مباراة الختام في معسكرنا الاعدادي
*اتوقع لها اداءا متطورا ومقنعا
*لان كشفنا يحوي علي ناس مقنعين جدا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*مبسوطين من الحاصل في سوق امدرمان لينا
*بس وصية في الذمه يا والينا
*ماتوقفوا الحملات دي لينا
*وامرقوا علي حي العرب يا والينا
*وحول استاد الهلال البشبه القريه ما بشبه مدينه
*نضفوا البلد لينا
*خلونا نقدل ولو كانت بطوننا اللقمه ليها ضنينه
سلك كهربا
ننساك كيف والكلب اتطوع في حملات السوق فرحان لينا
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى