قوقل ‏+‏ ‏
Use the English Language

في السلك .. بابكر سلك .. تاني جابوا سيرة الركشة

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

25012016

مُساهمة 

في السلك .. بابكر سلك .. تاني جابوا سيرة الركشةn




في السلك
بابكر سلك
تاني جابوا سيرة الركشة

بابكر سلك
.
< المحيرني المدافع الجابوهو ناس الهلال ده
< انتوا جادين يا روشا ؟؟؟؟
< قال الصخرة قال
< دي صخرتكم مع الناس!
< صدقوني الزول ده لو لعب ضدنا
< العقرب بتشقلب كلو تلاتة دقائق
< ايها الناس
< استطاع مجلس التسيير أن يحافظ على عظم الفريق وعظمته
< جمال سالم والمعز محجوب وعلولو وأمير ورمضان ومصعب وجابسون وراجي وبكري وكوفي وأوكرا وغيرهم
< تخلص من ديديه واستبدله بمدافع محترف وتخلص من أيمن سعيد الذي بدأ العد التنازلي منذ بداية الدورة الثانية للموسم الماضي
< أضاف من الوطنيين مكاسب كبيرة
< استعاد عنكبة المشاغب وأضاف النعسان هداف التأهيلي وعطرون الأسد
< يبقى مجلس التسيير استطاع أن يحافظ على قوة الفريق التي ورثها من المجلس السابق
< وأضاف إليها بعض الأسلحة
< تخلص من بلة والباشا وزغبير
< ويمكن تسعين في المية من الجمهور تتفق مع لجنة التسيير في من تخلص منهم
< لان الجمهور لايذكر آخر مرة شاهد فيها الباشا او بلة او زغبير
< وصعد المجلس شمس الفلاح
< وفي تقديري إنه أحرف طرف يمين في شرق ووسط إفريقيا
< دحين شرق ووسط إفريقيا دي قورماهيا موش فيها؟؟؟
< طيب وكت فيها
< كيف مدرب قورماهيا يصرح بأن الهلال أفضل فريق في شرق ووسط إفريقيا وهو غلب الهلال في ثغرنا الباسم ؟؟؟
< كمان الشتل بقى شتل مدربين أجانب يا محمد عبدالماجد؟؟؟؟
< غايتو يمكن مدرب قورماهيا قال الهلال أفضل فريق في شرق ووسط إفريقيا ما شال سيكافا
< كده معقولة
< لكن أفضل فريق في سيكافا دي كتيرة
< أمال الفرق الشالت سيكافا مرة ومثنى وثلاث وماشة على رباع
< ديل يبقوا شنو ؟؟؟
< التاريخ يشهد لمارين الصومالي والهلال السوداني انهما فشلا فشلاً كبيراً في الحصول على بطولة سيكافا
< ويمكن مارين الصومالي يكون أفضل حالاً من الهلال
< لأنو الصومال ما استضافت بطولة سيكافا
< عكس السودان الاستضافها خمس مرات
< منهم تلاتة مرات شارك فيها الهلال وطلع بقد القفة
< في ناس القفة دي ما بعرفوها
< عشان نسهل ليهم
< بقد كيس جيلاني
< وبالنسبة لأولاد ميكي
< بقد كيس هدايا
< ده غير السبع مرات الشارك فيها الهلال خارج السودان
< وكالعادة عاد للسودان كما عاد من بورتسودان
< بخفي حنين
< بالنسبة لاولاد ميكي خفي حنين دي يعني الشوز بتاعت عمك كايند
< الهلال كايند وحنين جداً ياروشا
< ماعارفكم دايرين تصوروهو للناس أسد وبعبع ليه؟
< المهم
< موضوع الركشة ده ما داير يطلع من راسي
< الزول السايق الركشة جاني زيارة
< قلت ليهو ياخ إنت زول عديم عشرة
< قال لي كيف؟
< قلت ليهو ياخ دقشتني في صدري
< ولما وقعت في الواطة دي طلعت لي في رجلي
< كان تتفاداني
< ضحك وقال لي
< والله يا خال أنا اتفاجأت بالضربة
< ولما إنت وقعت اتفاديتك
< عشان اتفاداك مشيت مشوار والله بي خمسطاشر جنيه ما بمشيهو
< وبعد ده لقيت رجلك في التلتوار البهناك
< انت وقعت ولا انكشحت يا عمك؟ !!!!
< قلت ليهو الله أكبر عليك
< أريتني لو ما شطبت البلاغ
< أيها الناس
< بمناسبة الركشة
< الجماعة يخيل لي تاني رجعوا لي حركاتهم
< ومشوا لي ابو ماسورة
< ابو ماسورة الكسر لينا طمبل وكليتشي وكتل ايداهور
< وطشش وارغو
< المرة دي قالوا ليهو شوف يا ابو ماسورة
< بالحتة الفيها الحديدة
< بكري بابكر ما تفرز
< كابو ربنا مرقو لأنو الباء بعد الكاف
< لكن لو كان اسمك باكو يا هيثم
< كان اتكاملتك أمجاد يا حبيب
< ربنا مرقك
< عشان كده ما استغربت لما حصل حادث لي بكري وحادث لي
< نحنا فكِينا على الله ده
< واتفكفكي
< ايها الناس
< يوم سبعة وعشرين يوم تتويجنا بالبطولة الفاتت
< وضربة البداية لبطولتنا الجديدة ان شاء الله
< نجي كلنا
< العز اهل
< نعز مريخنا ونحتفل بالبطولتين وكأس الشهيد فتحي خليل
< المريخ عريس بطولات الموسم الفات كلها
< ونغني كية للعزابة
< ايها الناس
< »إن تنصروا الله ينصركم«
< اها
< نجي لي شمارات والي الخرتوم
< كان شفت يا والينا
< ام درمان كلها تردد جد لينا وجدلينا
< السوق انكشف لينا
< وبدت تظهر معالم مدينة
< وكان شفت يا والينا
< القصيرية ظهرت لينا
< كانت خلف الشوالات والقنا رايحة لينا
< تصدق خمسة وعشرين سنة يا والينا
< ودينا على الله لي ترزي فيها يخيطها لينا
< وراح علينا
< بالناس الفرشت في الزلط وفرشت في ريسينا
< بي تصاديق المحليات الملت السوق طبليات علينا
< عشان خمسين جنيه يا والينا
< كانوا بصدقوا لأي زول يفرش يخلي بسمة المدينة حزينة
< واول يوم نعرف انو مظلة المحطة الوسطى كسروها علينا
< تصدق يا والينا
< الخواجات كانوا بجوا سوق ام درمان يتفرجوا على السعف في زنك النسوان
< وعلي سن الفيل وجلد الاصلة كمان
< ويصوروا ابداع اهل السودان
< اسي يدخلوا تلاتة خواجات سمحين وسمان
< يمرقوا من السوق بهناك ضعاااف لاتعرفهم البان ولا تعرفهم ألمان يا مان
< بركة السوق ام درمان بدا يرجع لينا زي زمان
سلك كهربا
ننساك كيف والكلب لي اسي ما مصدق انو ده سوق ام درمان.. قال الخوف في اول عيد يقولوا ليكم معاكم الكاميرا الخفية..غايتو لو عملوها يا بوبي كلنا بنقول هوووووو ونعضي من طرف
والي لقاء
سلك
ذكرتوني الركشةتقييم المستخدم: / 0
التفاصيل
نشر بتاريخ الأحد, 24 كانون2/يناير 2016 14:36
< قدر ما قلت انسى الركشة الضربتني
< الهلالاب ديل يذكروني بالحادث الأليم
< وااااقف في الطبلية داير احول رصيد
< محمد حول لي
< قبل ما تجيني رسالة الرصيد
< جاتني الركشة
< السواق كان عاكس الشارع
< جاتني معكوسة
< ررروووووووو
< جابتني ليك الدايمه
< زي قون قورماهيا
< جات معكوسة
< ورروووووووووو
< ذكرني الوك الركشة
< امشوا السلاح الطبي يا روشا
< والله اسكت بس
< طبي لي بهناك
< خليهم يشوفوا كسركم وين ويجبصوهو ليكم
< لكن كسوركم كتار يا روشا
< الدشديش بجيب البتر حمانا الله
< لكن اهتمام الاسطاف بالناس في السلاح الطبي
< يشهي في المرض
< الدكاترة غير
< خليهم الدكاترة
< الدكتورات
< ياخ انا قربت ادي الركشة كراعي التانية
< الطب اتطور يا روشا
< تاني اولاد المصارين الزرق دكاترة نهي كرتا
< الطب السنة بقت بي تمنين مليون
< في ستة سنين تطلع ليها بي قريب نص مليار غير حق الفطور والترحيل
< وحق الترحيل انت قايلو شنو يا روشا
< حق الترحيل اسبورتاج موديل السنة
< الطب اتطور
< تاني ما بتلقى عوض دكام ومستر ريتشارد وياجي والجزولي دفع الله وعبد الله الحاج موسى وعمر محمود خالد
< تاني الدكاترة والدكتورات مصارين بُيض وشهادة عربية
< وبعد عشرة سنين بالطريقه دي
< البفوق في الانعاش بفتكر نفسو في حضرة الحور العين يا روشا
< حا يشهونا في المرض
< ونبقى زي عمك الختت الدكتورة يدها في صدرو وقالت ليهو: قول ميه يا حاج
< قال ليها واحد اتنين تلاته اربعه .......
< عمك شهادة عربيه دي ما سمع بيها يا روشا
< شاف النورة قايلها حور عين
< المهم
< مدافع الهلال الماسورة الجديد
< فاز بجائزة السلوك القويم
< مكسب
< الهلال جاب مدافع صاحب سلوك قويم
< ولأن الهلال نادي للتربية
< جاب الزول ابو سلوك ده مخصوص
< صدقني يا روشا
< الشاف الزول ده جاري
< وكل احذية الاهلة الشرفاء وراهو ما كضب
< اسبيستوس يا كردنة؟؟؟
< بالغت
< وقال روشا
< هذا المدرب متخلف كروياً
< بيني وبينك يا روشا متخلف
< زول يقول ما وجهت عشان الاستاد مليان جماهير
< يعني تاني يلعبوكم بدون جمهور يا خواجه
< وفطومه قالت ما شافت لا تكتيك ولا تكنيك ولا لياقة ولا روح للهلال
< فعلا الهلال محتاج روح
< كبوا ليهو روح أناناس يا فطومة
< وقالت كيسو فاضي
< املوهو ليهو كسكتات
< وقالت
< نشجع المدرب الوطني ونشجع أولادنا
< طيب لو ولدكم المدرب الوطني ده قال داير حقو
< برضو يطلع ما بشبه الهلال زي ناس النقر وطارق!!
< الشايفو انا
< صلحوا علاقاتكم مع ناس كادوقلي
< ما دايرين انسحابات من اول الموسم
< ايها الناس
< روشا يردح في المدرب
< فطومة تردح في المدرب وبي صفقتها كمان
< المدرب ده الجابو منو؟
< امرق الحقيقه يا كردنة
< لكن سمعنا تحت تحت
< انو جمال الوالي خلف هزيمة الهلال ببورتسودان
< قالوا مشى الكعبة مخصوص يوم الكورة
< وملاهم ليك دعوات
< الزول الكلمني ما سمع الدعاء كويس
< لكن قال لي المتأكد منو
< اني سمعت جيمي قال ألوك شنو كده ما عارف
< دعواتك يا ريس
< ايها الناس
< حبل الكضب قصير
< والخريف اللين من رشاشو بين
< ورشة بورتسودان دي وضحت انو هذا الموسم هو موسم جفاف وتصحر هلالي
< تعالوا يوم سبعة وعشرين
< احتفلوا بالممتاز
< واتفرجوا على الزعيم أب رشاشا بين
< عشان تطمئنوا بس
< ايها الناس
< لجنة التسيير تحتاج لدعمنا ووقوفنا الى جانبها
< لا تجعلوا جنودنا لوحدهم في المعركة
< فهم يحتاجون الينا جميعاً
ايها الناس
< صدقوني مدرب الهلال المتخلف كروياً ده
< لو لعب شيبوب الهلال كان درن
< يا قوم
< ألوك في المريخ
< وألوك في قورماهيا
< ولوك مديراً فنياً للزعيم
< الموسم ده يا محمد عبد الماجد تلوكوا الصبر بس
< ايها الناس
< تعيين محمد موسى صاح
< تعيين محمد موسى غلط
< محمد موسى هو انسب الناس لهذه المهمة
< ايها الناس
< اكتب قبل مباراة الختام في معسكرنا الاعدادي
< اتوقع لها اداءً متطوراً ومقنعاً
< لأن كشفنا يحتوي على ناس مقنعين جداً
< ايها الناس
< ان تنصروا الله ينصركم
< اها
< نجي لي شمارات والي الخرتوم
< كان شفت يا والينا
< مبسوطين من الحاصل في سوق ام درمان لينا
< بس وصية في الذمة يا والينا
< ما توقفوا الحملات دي لينا
< وامرقوا علي حي العرب يا والينا
< وحول استاد الهلال البشبه القرية ما بشبه مدينة
< نضفوا البلد لينا
< خلونا نقدل ولو كانت بطوننا اللقمة ليها ضنينة
سلك كهربا
ننساك كيف والكلب اتطوع في حملات السوق فرحان لينا.
وإلى لقاء

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى