في السلك .. بابكر سلك .. O Zero

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

26012016

مُساهمة 

في السلك .. بابكر سلك .. O Zero




في السلك
بابكر سلك
O Zero

بابكر سلك
.
< أظرف ناس هم الأهلة الشرفاء
< وأظرف ناس في الأهلة الشرفاء هم ناس روشا
< ناس روشا كانوا بطمبروا للهلال
< المدافع الغاني الصخرة
< ولاء الدين زين الدين زيدان
< شيخ مكورو حافظها
< الدمازين قافلها بالضبة والمفتاح
< كاريكا )الحاج( من أفضل خمسة لاعبين في إفريقيا
< عندهم قوقل براهم بجيبوا من الاحصائيات
< بكري تاني هدافي إفريقيا بسبعة أهداف
< وأكثر لاعب جهز أهداف لزملائه او تسبب فيها
< ما من الخمسة الأفضل في إفريقيا
< لكن كاريكا الذي نال أكبر قدر من صافرات الاستهجان إفريقياً
< واحد من الخمسة
< غايتو قوقلكم ده هو الغطس حجركم
< عمك قوقل الأزرق بتاع ناس روشا ده
< يوم بعملها
< بقول ليكم الهلال جاب جويات إفريقية
< بدري الكلام ده
< أيام الحكم التركي
< وحتي في متحف شيكان في تلاتة من جويات ابو الهل الإفريقية قاعدة جمب الجبة
< وإنو الخليفة عبدالله نصح الإمام المهدي بجلب جويات ابو الهل من شيكان لمتحف بيت الخليفة
< لكن الإمام رفض لإنو بيت الخليفة الوكت داك ما كان ليهو شهادة حيازة
< وما اتبنى
< وخافوا إعادة التخطيط تشيل منو الجزء الفيهو جويات الهلال الإفريقية
< قوقلكم ده زي الزول القال هداك الهلال
< أدوهو جائزة
< قال ليهم داك واحد تاني
< المهم
< ناس روشا كانوا بطمبروا للهلال بقوا يحشدوا ليهو في الناس
< بعد السقوط أمام قورماهيا
< وبعدما شفنا الحاصل
< الصخرة طلع حصحاصة
< وشيخ موكورو طلع لا شيخ ولا شيء
< وولاء الدين طلع داريو كشافات ساكت
< وبعد كاريكا لا طلع من أفضل خمسة لاعبين ولا شيء
< طلع من النفس
< ناس روشا بقوا يحشدوا الناس للهلال
< روشا يناشد الأهلة المنتشرين بكردفان وولايات دارفور الخمسة
< وأبناء أبيي وإنسان جبال النوبة
< التسعة وتسعين جبل
< وناس لقاوة والدلنج والأبيض وكادقلي
< يناشدهم بمساندة الهلال اليوم أمام هلال كادقلي
< نسيت ياروشا ناس الحركة الشعبية وجنوب النيل الأزرق
< ما شايفك ناشدتهم
< ما قلتوا...
< ما قلتوا تونس ومعسكر شهر وأبهرنا الناس واللياقة ألف
< بعد طمبرتوا بقيتوا تحشدوا؟؟؟
< الله يجازي ناس قورماهيا
< سمعنا بي جهاز كشف الدهب
< لكن جهاز كشف الكضب ده ما شفناهوا إلا في قورماهيا
< بالله لما الزول يكضب وقورماهيا قاعد
< طوالي الحكم بصفر
< تووووووووت
< قوووووووون
< ويحدثنا روشا عن موعد افتتاح جوهرة الكاردينال
< يا حليل الهلال
< حتي اسمو في الاستاد كردنة بقي يقسموا؟؟؟
< يا حليل ناس محمد علي زروق وابناء جيلو البنوا استاد للهلال
< يا حليل الوطنية يا خالد عزالدين ومعقل الرجال
< ويا حليل الرجال البنوا طابقين وما ختوا فوق الكيان اسمائهم يا حليل جمال
< قلت لي قلعة الكاردينال!!!
< أيها الناس
< جميع كتاب الهلال يحتجون على تتويج المريخ البطل
< شوفوا ليكم عدم خجلة
< فبعد انسحاباتكم الشينة
< وبعد أن أدمت على الأعقاب كلومك
< وبعد الفتح اتلفتحتوهوا عياناً بياناً ده
< وبعد ده كلو
< يصدر قرار الجمعية العمومية ببقائكم بالممتاز
< سكتنا على القرار لأننا نحترم القانون
< والقانون قال أعلى سلطة هي الجمعية العمومية
< احترمنا القانون وسكتنا
< كان تخجلوا وتسكتوا ساااااي
< أيها الناس
< بعد الشفناهوا يوم قورماهيا ده
< سيعود أبو الهل من كردفان بالإسعاف
< بنقطة واحدة
< جهزوا الدربات يا ناس
< وفصيلة الهلال ليست نادرة
< فصيلة الهلال ليست نادرة
< رااااااااقدة
< O صفر )O Zero(
< براً الصفر عندكم شنو ؟؟؟
< أيها الناس
< الزعيم رجع البلد
< وبكرة تتويجنا كيتاً على العزابة
< المقاطع مريخ 2016 يجي يحضر التتويج بكأس 2015 ويمرق
< والداير يتفاعل مع مريخ 2016
< يجي يحضر تتويج 2015 ويقعد يستمتع
< أيها الناس
< بعد السقوط أمام قورماهيا
< وإحراج أدروبات الوطن العزيز
< روشا بقى يكلمنا عن جوهرة الكاردينال
< وجوهرة رمضان تحدثنا عن مديونية المريخ في عهد جمال
< قورماهيا كيف يا جوهرجي إنت يا حريف !!!!
< وسؤال للحبيب مزمز الذي حدثنا عن رغيف الهلال
< يا ميزو.. رغيف الهلال ده برضك أربعه بي ألف ؟؟؟؟
< مفروض خمسة يا الحبيب بي ألف او ستة
< لأنو ما فاخر
< الرغيف المخلوط بالفيتريتا ما سمح
< لكن أجود أنواع الرغيف بكون دقيقو دبل زيرو
< أبو الهل عندو زيرو كبير.
< زيرو عالمي
< عشان كده رغيف الهلال اتاكل يا مزمز كلو في ثغرنا الباسم
< ثغرنا أكل رغيف الهلال وانفتح كبييييير يتكشم
< قورماهيا ورت الرغيف المكشم برا بصل يات ميزو
< يا قوم
< الليلة الرغيف حايبدأ من كادقلي النزف
< سمعتوا بنزف الرغيف؟؟؟
< وبكرة صفقة ورقيص وتتويج عريس
< جميعنا بالقلعة الحمراء من عصراً بدري
< أيها الناس
< »إن تنصروا الله ينصركم«
< اها
< نجي لي شمارات والي الخرتوم
< كان شفت يا والينا
< سوق ام درمان كلو يوم بنضف زيادة لينا
< قشة ما تعتر ليك يا والينا
< وبعد تنضفوا السوق يا والينا
< نضفوا نفوس ناس السوق البستغلوا فينا
< لو طلعت إشاعة غلاء الدقيق يا والينا
< تحت الترابيز يدسوهوا في دقيقة علينا
< وإن قالوا في مرض جداد يا والينا
< البيض تاني إلا من الإمدادات الطبية يا والينا
< زي ديل يا والينا
< هم الخاربين الحياة علينا
< ولو اشتغلنا بالغالي متروك يا والينا
< علي اليمين يجوك يترجوك عشان نشتري منهم احتياجاتنا وما يلينا
سلك كهربا
ننساك كيف والكلب بكرة الزول الجشع البستغل فينا وبكره أكتر الزول الضعيف أمام السلعة رغم إنو مقتدر البشتري بأي سعر وما بفكر فينا
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

في السلك .. بابكر سلك .. O Zero :: تعاليق

لا يوجد حالياً أي تعليق

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى