في السلك .. بابكر سلك .. جسمي انتحل لييييه النحل

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

27012016

مُساهمة 

في السلك .. بابكر سلك .. جسمي انتحل لييييه النحلn




في السلك
بابكر سلك
جسمي انتحل لييييه النحل
في السلك بابكر سلك‏ ‏
.
*جابت ليها نحل كمان يا محمد عبدالماجد !
*ده كلو من روشا
*يحشد في ناس الابيض وناس كادوقلي ماخلي زول
*النحل قال معزومين
*الدعوه عامه
*وجاكم
*لكن ربنا مرقكم
*النحل خارجكم
*علي اليمين النحل ده كان يلم ليكم في الكسكته دي
*كان جابكم زلبطه ساااااي
*كان قرض الكسكته والبدله البدون كرفته
*كان قطعكم حته حته
*وكانوا ادوكم سته
*جابت ليها نحل كمان !!!!
*نحل الجبال كان جاي يقرض الهلال
*لكن ربك مرق عيال الكاردينال
*لكن نحل الابيض مابدي الحكم فرصه يصفر
*نحل مقرم
*بعرف من اين تؤكل الكسكته
*غايتو الابيض دي الا يخارجكم منها الباعوض
*فريق ولا ناشونال جوقرافيك يا روشا
*نحل وباعوض وجقور
*حيرتونا يا فطومه يا اختي
*لكن دحين النحل ده ما من ضمن جنود ربنا ؟؟؟؟
*كان كدي انسحبوا سااااي
*السنه دي جايه من فوق
*لكن النحل بالغ
*اصلو كان عندكم نقطه في كادوقلي
*وعندكم ولا نقطه في الابيض
*يعني كورة الابيض دي شوفوا ليكم ليها جراد ولا حاجه
*كان جيتوا الميدان
*المدرب برجع فرنسا
*ومساعد المدرب برجع اهلي شندي
*والكسكته بترجع عمه
*وفطومه بترجع المريخ
*باقي فطومه اختي زمان كانت معانا في المريخ
*قريت ليها حوار علي صفحات السوبر طيبة الذكر
*مريخابيه لي بهناك
*وروشا يرجع الهند
*ورمضان يرجع قون
*والجوهره ترجع زريبه
*ومحمد عبدالماجد يرجع يحتجب
*ويكتب لينا بعد داك عن ابو عرك البخيت
*جسمي انتحل اهم حاجه يا محمد عبدالماجد
*لييييييييييييه النحل
*يا رمضان
*لو مشيتوا مدني في الخريف ياكم الانسحبتوا
*والله مدني دي فيها ابو جندب في الخريف قدر الارنب
*الا غايتو ايلا ده يقدر عليهو
*انتوا اشترطوا علي الاتحاد يبيد الجندب او تنسحبوا
*علي الاقل يبقي عندكم سبب منطقي للانسحاب
*ايها الناس
*خلونا من النحل والجراد وابو الجندب والجقر
*الليله تتويجنا بالبطولة التي حققناها عنوة واقتدار
*الاحتفال بالدار
*بالقلعه الحمراء ما جوهرة الكاردينال
*نحنا ما بنغلب الافراد علي الكيان
*الليله التتويج للموسم الماضي
*والتفويج للموسم الجديد
*اتوقع ان نبدأ موسمنا بعلو كعب
*نتيجه واداء
*ومن الليله نجر العربات خلفنا
*العربات المجرورات والمنسحبات بالقاطره الخطيره
*نجر خلفنا كل العربات
*وعربات النحل اهم عربات
*الناس المنحلين ديل بنحلوا ليه ؟؟؟
*نجي كلنا من عصرا بدري
*انا بي كراعي المجبصه دي
*جاي مدرجات شعبيه يا فرده
*حيث المتعه والاثاره والشطاره
*المدرجات الشعبيه معقل الشفوت
*واتشفتني يا نحله
*ايها الناس
*نحن في المريخ اخوه
*هكذا تربينا عليها
*وهكذا عشناها وتعايشنا بها ومعها
*بالامس حظيت بزيارة كريمه من ممثلي اعضاء شبكة قروبات نهواك يا مريخ
*شفوت زي الشفوت
*زاروني ليطمئنوا علي
*استمتعت بهم ومعهم
*فوالله وجدتهم رجال يتشرف المريخ بهم
*شرفوني كثيرا
*وجددوا حبي وانتمائي للكيان
*وكان ما كنت من زي ديل يا اسماعيل حسن
*كان وا أسفاي وا مأساتي وا ذلي
*وكان انتحرت كمان
*شكرا لكم احبتي ونجيكم في السمحه دوما
*واحب الركشه الضربتني
*لانها لسه بتجمع لي في الاحبه يوماتي
*لما تبرا رجلي دي
*بديك كراعي التانيه يا الركشه
*وبمناسبة الركشه
*طبعا دقشتني في شارع الزلط مقابل بيتنا
*وبيتنا فاتح علي الشارع
*والشارع ماشه فيهو الركشه
*وبيتنا فيهو دكاكين
*اول من وقعت في الزلط
*اول حاجه جاتني في بالي
*اسي الناس ديل مع الدكاكين والزلط ده يسووا الصيوان ده وين !!!!
*ايها الناس
*الليله نجي كلنا
*علي الاقل نقدم بالدخل دعما لمجلسنا
*الدعم لازم يكون كبير
*ونساند اولادنا
*السند دايما هو الجماهير
*نستمتع بي كورتنا
*لا يلغيها فار جقر كبير
*ولا نحل بطير
*كلنا يا شفوت
*وبسم الله ابتدينا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*ده شنو سعر الغاز الجديد العملتوهوا لينا
*ضربتوا في تلاته طوالي يا والينا !!!!
*نحنا عارفين الله في والله واحد يا والينا
*شنو الدايرين تثبتوهوا لينا ؟؟؟
سلك كهربا
ننساك كيف ولما جارنا قال لي مرتو مدردمه زي انبوبة الغاز الكلب قال ليها بختك قصدو يقول ليك يا غاليه
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى