في السلك بابكر سلك - فضل ليكم طيرا ابابيل يافطومه

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

28012016

مُساهمة 

في السلك بابكر سلك - فضل ليكم طيرا ابابيل يافطومهn




في السلك
بابكر سلك
فضل ليكم طيرا ابابيل يافطومه
في السلك بابكر سلك‏ ‏
.
*امس اتجرتقنا
*الزعيم عريس موسم 2015
*غصبا عن عين اي زول مفنقل عينو
*ويا حاسدين غرامنا يا قاصدين خصامنا
*شوفوا غيري وغير حبيبي
*عروسنا كان دايره ود الجيران
*وود الجيران رمتالي رصيدو صفر كبير
*معقولة عروس تقبل بي زول رصيدو صفر في الزمن الصعب ده !!!!
*المهم اننا اتجرتقنا بالحريره الحمراء والضريره الصفراء
*وود الجيران قاااعد
*منحل
*يعاين سااااي
*جاا يوم الجرتق زول عزمو مافي
*نحل سااااي
*النحل امس جا ينحل
*حضر الجرتق ومع قون اوكرا الاول قام فرتق
*النحل بولعوا ليهو الدخان
*بطش بالدخان
*واوكرا ولعها
*النحل طشه
*ولا نحله ما قعدت في الاستاد
*حتي صديقي عباس نحله ما جا
*ايها الناس
*انا لما شفت البلكونتين العملهم كردنه في استادهم
*كنت مستغرب ده شنو
*ماطابق
*لانو الطابق داير ما يدور
*لكن العملو كردنه ده بشبه لي طابق شاخور بتاع استاد الخرطوم
*الحته الوقعت فيها اللافته يوم كورة فيتا
*قلت يكون شفاها من استاد الخرطوم
*ولكن النحل بارك الله فيهو ورانا الحقيقه
*تراهو كردنه عمل مناحل
*النحل بربوهوا في مستطيلات زي العملها كردنه دي
*نحل سااااااكت
*ابو كسكته قايلنو كاوبوي
*طلع نحل بوي
*عندو منحل
*غايتو النحل يتخيل لي من جنود ربنا
*بعد كده فضل ليكم طيرا ابابيل يا فطومه ونخلص
*لكن نحمد الله
*قونين حلال
*لا عملنا بلنت ما حسبوها
*ولا في انفراد\ علينا اوقفتوا الصافره بحجة التسلل
*حلال وبلال
*والله يحل الموسم ده من اخطاء التحكيم
*فعبارة يخطئ ولا يظلم دي اصبحت ما بتاكل عيش
*ماممكن يخطئ اكتر من يحكم
*مفروض يحكم اكتر من يخطئ
*ولا شنو يا ناااااااس
*المهم البدايه غيلا سيئه
*كنا نتوقعها افضل
*ولكن علينا ان نستصحب معنا غيابات العقرب وكوفي
*رمضان وضفر
*وعلو لو بديل
*ايها الناس
*ابراهومه لو ترك الثقه الزائده عن الحد
*سيصبح نجما تتغني باسمه الجماهير
*الولد موهوب ويمكن ده سبب الثقه دي
*ركز يا كابتن تحلق في سماوات الابداع ولا تتهخيب التهديف من المسافات البعيده
*فانت صحب مضرب قوي يا ولد
*ايها الناس
*اوكرا احرز الهدف الثاني بطريقة احرجت ميسي وبرشلونه كثيرا
*حقو ميسي ينزل اللقطه من اليوتيوب ويراجعها
*عله ينجح في تطبيقها
*ولكن الاروع من كل ذلك مستوي علي جعفر امس
*واجمل اللوحات كانت تفاعل الجماهير الايجابي مع علي جعفر
*وصل علي نفس المستوي يا كابتن
*ايها الناس
*بالطبع لانفهم افضل من المدرب
*ولكن الوسط كان سلبيا من الناحيه الهجوميه
*محتاج علاج
*وجابسون لا نخاف منه ولا عليه
*لانه زي عربية الجاز
*بتأخر في الدواره
*لكن كان دور تاني ما ببطل
*تراوري لاول مره يلعب لصالح الجماعه
*فصنع الهدفين للمبدع اوكرا
*ولو حافظ اوكرا علي اصراره ولياقته وتعامل باحترافيه
*فانه موعود بنجومية الموسم الافريقي
*مهارة ماشاء الله
*وسرعه فائقه تقول مركب كورنة كلب
*ما شاء الله
*ايها الناس
*الركشه لا زالت بتجيب لي في الحبايب
*امس استمتعت بعادل حسن المقيم بالسعوديه وشقيقه
*وتشرفنا بطلة الرائع بشري الصوفي
*وختمت يومي بزيارة كريمه من اخوتي واحبتي في تجمع روابط المريخ
*احبك يا الركشه لانك جمعتيني بالاحبه
*ايها الناس
*الله يكفيكم شر الركشه والخرشه
*المهم
*من اول يوم بطل الدوري نحنا
*تلاته نقاطنا حلالالالال
*وهداف البطولة ولدنا
*قونين فيهن واحد لو ركزت معاهو وانت في المدرجات تقع
*قون خلع اب كسكته وام كسكته
*شفتي ليك قون زي ده يا فطومه
*زول يجيب قون خالف رجلو ؟؟
*لي اسي ناس فطومه ماعارفين اوكرا شاتها باليمين ولا بالشمال
*ابو شنب كتب في التقرير الهدف الاول اوكرا بالرجل الشمال
*القون التاني اوكرا بي رجلينو الاتنين
*القصه دي ذكرتني التعلمجي
*قالوا في تعلمجي العسكريه دي اتولد ليها مخصوص
*بنوم بي بس خمسه
*ياخ ده بنوم عامل انتباه
*في الصلاه دي صفا ما بيملها
*اها قال ليك عمك ده يوم بدرب في مستجدين
*فيهن مستجد بويا بس
*جنس شتاره
*جنس شتاره
*شتاره تحير
*اها التعلمجي قال ليهم كلك ارفع رجلك اليمين زاويه قائمه ميه وعشرين درجه
*طبعا اي شئ زاد
*اسي الغاز ما زاد ميتين في الميه ؟؟؟
*زمان الزاويه القائمه تسعين درجه بس
*المهم الطابور كلو رفع رجلو اليمين
*التعلمجي خبره طبعا
*جا وقف قدام الطابور قصاد الرجلين الشمال
*لقاها كلها علي الارض
*صاحبنا الاشتر كان رافع الرجل الشمال
*التعلمجي لقي الكرعين الشمال كلها في الارض الا رجل صاحبنا الاشتر الشمال مافي
*قال ليهم
*ده منو الرافع رجلينو الاتنين ده
*دحين ابو شنب ما ليهو حق يكتب في التقرير اوكرا جاب القون التاني بي رجلينو الاتنين !!!!!
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*في شارع العرضه في خور عاملينو لينا
*عشان صرف الخريف يا والينا
*موصله فيهو جميع الكافتريات يا والينا
*وجمب الجامع مقفول علينا
*جنس باعوض يا والينا
*جنس باعوض في الخور اتربي لينا
*الباعوضه قدر ابو القنفت يا والينا
*وبعد تعضينا تحمر لينا
*وماتقول لي ماناقل للملاريا يا والينا
*يعني بنوني فينا ناقل الدوري الاسباني لينا !!!!
سلك كهربا
ننساك كيف والكلب يحك في اضانو بي كراعو الورا والباعوض ينقل مننا ليهو ومنو لينا
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى