سبتمبر اليفن ويناير تونتي سيفن - في السلك بابكر سلك

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

30012016

مُساهمة 

سبتمبر اليفن ويناير تونتي سيفن - في السلك بابكر سلك




في السلك
بابكر سلك
سبتمبر اليفن ويناير تونتي سيفن
اخبار‏ ‏
*الحديث عن قون اوكرا يحلو
*الحديث عن قون اوكرا لا ينتهي
*الحديث عن قون اوكرا منتهي الحلاوه
*تعرف يا اوكرا
*قونك انت طير الكسكته
*كسكتة ابو كسكته
*وكسكتة ام كسكته
*خلاهم قاعدين ساي برا كسكتات
*جنص صلع
*اسكت بس
*تراها الكسكته تحتها مافكي
*تحتها بلاوي
*الغريبه التفه
*قال ليك روشا الخلال في شعرو
*يفتش فيهو يومين
*ولسه يا فطومه يا اختي
*تتابعونا تشووفوا العجب
*وطبعا جنكم وجن سيرة العجب
*ايها الناس
*لو قون اوكرا ده جابو زول من ناس الهلال
*لو يعني
*اذا
*كانوا افتتحوا الجوهره وقالوا دي هي الجوهره التي وعد بها كردنه
*جوهره اكتر من القون ده شنو عاد
*لازم نتكلم عن القون ده
*قون بتكلم عنو العالم لي الليله
*شفتوا ناس اتحاد الجزائر كاتبين شنو ؟؟؟
*قالوا قون زي ده عالميا ما حصل
*القون ده زي ضربة برج التجاره
*حدث عالمي يجبر الناس تتكلم عنو سنين
*)سبتمبر اليفن (
*)يناير تونتي سفن (
*واااااحد
*وضحايا الحادثتين معروفين
*الجماعه ابان كسكتات من الامريكان والفي السودان
* Its بن لادن يا عمك
*ام كسكته امسكي قوي
*الجايه فيها كوفي والعقرب
*ملحوظه
*اوكرا يجيب قون بي كرعينو الاتنين
*وولاء الدين يضيع البلنت الشاتها مرتين
*تقول لي نجم التسجيلات ودرة المحلات !!!
*ايها الناس
*اتمني ان يكون الناس قد اقتنعوا
*بان مجلس التسيير يقوم بالجهد الكبير
*ويحتاج منا للدعم الكبير
*استلموا المريخ كبير
*وظل المريخ في بداياتهم كبير
*وسيظل كبير
*ويكبر يوماتي بوقفتنا مع الكيان
*فحرب مجلس التسيير يشتت الافكار
*وتذكروا
*لايهزم المريخ الا المريخ
*فلا تهزموا المريخ وتحبطوا الهمم
*المريخ كبير
*ويا ونسي سير سير واقطع المشوار بثقه وصحح المسير
*ايها الناس
*من احب المصنوعات الي نفسي الركشه الصدمتني
*لانها جادت عليا بوحوه مشرقه ومحبه واحبها كثيرا
*هكذا نحن في المريخ
*اخوه لي بهناك
*ونعشق النجم ونهوي ونحب بعضنا البعض
*بارك الله فيك يا الركشه
*المهم
*مدافع الهلال حسن السير والسلوك ده عاجبني شديد
*في دبر كل صلاه ادعو الله ان يشركوهوا في يومنا
*فبكري يحتاج لمشاوير طويله وكتيره
*واتمشوري
*ايها الناس
*الممتاز بدأ
*وحقو القصه دي ماتنسينا مراحلنا السنيه
*فجهد طارق ورفاقه كبير
*وبالرغم من ذلك يحتاج لوقفة الجماهير
*اولادنا اكبادنا تبدع علي الملاعب
*نقيف معاهم ولو بالتشجيع في التمارين
*انهم زرعنا تجب علينا مراعاته
*لنحصد يوم الحصاد اجود المحاصيل
*كلنا خلف الكيان
*صغار وكبار
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الغاز زادوهوا بي جاي رقد بي جاي لينا
*كان مخزن يا والينا
*ولا الازمه اساسا كانت لرفع السعر لينا
*ولا من اساسو مافي زول شغال بينا
*واي زول شغال لينا ؟؟؟
*اليومين دي يا والينا
*عندنا صديقا لينا
*ما لاقنو مختفي علينا
*يكون داير يرفع سعرو لينا ؟؟؟
*والينا
*شايف الرغيف برضو بدا يرفع القزاز ويظلل وماشغال بينا
سلك كهربا
ننساك كيف والكلب اكتر زول غايظو الزول البرفع القزاز ويظلل ويعلي سعرو علينا
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى