قدرك ولا لحم صدرك - في السلك بابكر سلك

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

01022016

مُساهمة 

قدرك ولا لحم صدرك - في السلك بابكر سلك




في السلك
بابكر سلك
قدرك ولا لحم صدرك

في السلك بابكر سلك‏ ‏
< اول امس الجماعه ما لقوا ليهم حشرة تأجل ليهم الكوره
< يا حليل النحل
< والعسل بدا ينقط
< نقطه نقطه
< نجيب قرعتنا ونلقط
< هو جنس عسل
< اسكت بس
< عسل في كسكته
< وعسل انت وسمح انت يا ورده
< سمعنا بي عسل السدر وعسل الملكات وعسل الجبل وعسل العلب
< لكن عسل الكسكته ده جديد
< مافي احلى منو الا قون اوكرا
< ياخ شدة ما اوكرا شربك كرعينو
< في ناس قايلنو كوفي
< وفي ناس قايلنو في الرابطه
< ديل خليهم
< في حنانة اتيمنت الا تحنن اوكرا
< حننت الرجل الما جاب بيها القون
< الكراع الجاب بيها القون تفتش فيها لي اسي
< يا ربي ختاها وين
< وديعه استثماريه؟
< تكون ورا رجلو التانيه!
< يا ربي قاعد فيها ؟
< يكون داسيها جوه الشراب؟
< يا ربي ما جابها معاهو؟
< قال ليك الحنانه تفتش لما الحنه نشفت
< والهلال درن
< اول امس حضرنا كورة برشلونه
< زي قون اوكرا ما لاقاني والله يا حباني
< واحدين قالوا كيفن شاتها
< ما شفتوها يا حباني
< واحدين قالوا رجلو زايده حرافه
< ما شفتوها يا حباني
< زي ناس روشا ما بشوفوها
< ما بشوفوها يا حباني
< الخالف كراعو وجابا
< ما شفتوها يا حباني
< الحنانه
< البتفتش في الرجل التانيه
< قاعده تغني
< زي قون اوكرا ده شفتو؟
< الحنانات يردن
< بري بري ما شفنا
< ايها الناس
< قون اوكرا نسانا الغاز والبتوجاز والظلل القزاز
< خلوهو الغاز
< النت مالو؟
< وهل السعر الذي أعلنته »زين« سعر غريب؟
< شوفوا كم قيقا وكم ميقا وضربوها بالدقيقه تعرفوا الطفا النور منو
< ايها الناس
< النت هين
< السواها مهند الطاهر في الهلال ما حصلت
< غسل سته
< نص دسته
< معقوله يا معلم نص دسته في طشت واحد!
< وبعد الغسيل
< قبل ليك علي ابو عاقله
< نفضو وطبقو وكواهو
< النايلون ده يا ورده المكوه بتشيلو
< وقال كدي
< مرة نشوف ابو عاقله ومرة نشوف اماسا
< ومرة تقعد امبده
< ومره تقوم الثوره
< الثوره بالشنقيطي ما تخربوا بيتنا
< فطومه اختي زعلانه من ورده
< كييييف يبشتن ابو عاقله بالشكل ده
< وقالت عمر مهند في الملاعب اكبر من عمر ابو عاقله في الدنيا
< طيب وكت صغير بتشوبر مالو يا فطومه؟
< فطومه لما محاورة ابو عاقله ووقعانو في الواطه كتر
< قربت تقول لي مهند
< قدرك ولا لحم صدرك
< وانتي شفتي حاجه!
< المدافع حسن السير والسلوك حا يتبهدل
< لكن قون اوكرا مبالغه
< علي اليمين يا روشا تتابع اوكرا ده
< انت زاتك تصلع وتلبس كسكته
< ايها الناس
< مفطوم اللبن ما بسكتو اللولاي
< لكن برضو ما برضعو النوناي
< مفروض يتعامل مع الواقع وياكل بي ايدو
< يحترم زمن الرضاعه ويحتفظ بالجميل
< لأنو جميل ان تحفظ الجميل لي زول جميل عمل جميل
< لكن البكاء على اللبن المسكوب نوناي ساي
< »2870« هو الحل
< يلا يا شفوت ما تبقوا زيف
< ابقوا الصمود
< لكن قون اوكرا حير الحنانه
< المهم
< هلالابي قابلني في الشارع
< بهاظر معاي
< قال لي الركشة انتقمت لينا حقنا
< قلت ليهو وقالوا الجبص السمح في الابيض
< لي اسي ما شفتوا تاني
< ايها الناس
< اكتب قبل لقاء الرابطة
< اتوقعها اعلاناً لصدارتنا لهذا الموسم من الليله
< ايها الناس
< ان تنصروا الله ينصركم
< اها
< نجي لي شمارات والي الخرتوم
< شفت كلام ناس البرلمان في اليوم الاول يا والينا؟
< سمعت كلام ناس البرلمان في اليوم التاني يا والينا؟
< طيب من أول يوم مالهم يا والينا؟؟
< ما قلتوا نوووووووواب
سلك كهربا
ننساك كيف والكلب كسر كل الشرائح وارتاح… قال بين كل شريحه وشريحه تظهر فضيحه… قيقا شنو وميقا منو وبايت وين؟
وإلى لقاء.
سلك
سبتمبر اليفن ويناير تونتي سيفنتقييم المستخدم: / 0
التفاصيل
نشر بتاريخ السبت, 30 كانون2/يناير 2016 15:04
< الحديث عن قون اوكرا يحلو
< الحديث عن قون اوكرا لا ينتهي
< الحديث عن قون اوكرا منتهى الحلاوه
< تعرف يا اوكرا
< قونك انت طير الكسكته
< كسكتة ابو كسكته
< وكسكتة ام كسكته
< خلاهم قاعدين ساي برا كسكتات
< جنص صلع
< اسكت بس
< تراها الكسكته تحتها ما فكي
< تحتها بلاوي
< الغريبه التفه
< قال ليك روشا الخلال في شعرو
< يفتش فيهو يومين
< ولسه يا فطومه يا اختي
< تتابعونا تشووفوا العجب
< وطبعا جنكم وجن سيرة العجب
< ايها الناس
< لو قون اوكرا ده جابو زول من ناس الهلال
< لو يعني
< اذا
< كانوا افتتحوا الجوهره وقالوا دي هي الجوهره التي وعد بها كردنه
< جوهره اكتر من القون ده شنو عاد
< لازم نتكلم عن القون ده
< قون بتكلم عنو العالم لي الليله
< شفتوا ناس اتحاد الجزائر كاتبين شنو؟
< قالوا قون زي ده عالميا ما حصل
< القون ده زي ضربة برج التجاره
< حدث عالمي يجبر الناس تتكلم عنو سنين
< »سبتمبر اليفن«
< »يناير تونتي سفن«
< واااااحد
< وضحايا الحادثتين معروفين
< الجماعه ابان كسكتات من الامريكان والفي السودان
< Its بن لادن يا عمك
< ام كسكته امسكي قوي
< الجايه فيها كوفي والعقرب
< ملحوظه
< اوكرا يجيب قون بي كرعينو الاتنين
< وولاء الدين يضيع البلنت الشاتها مرتين
< تقول لي نجم التسجيلات ودرة المحلات !!!
< ايها الناس
< اتمنى ان يكون الناس قد اقتنعوا
< بأن مجلس التسيير يقوم بالجهد الكبير
< ويحتاج منا للدعم الكبير
< استلموا المريخ كبير
< وظل المريخ في بداياتهم كبيراً
< وسيظل كبيراً
< ويكبر يوماتي بوقفتنا مع الكيان
< فحرب مجلس التسيير يشتت الافكار
< وتذكروا
< لا يهزم المريخ الا المريخ
< فلا تهزموا المريخ وتحبطوا الهمم
< المريخ كبير
< ويا ونسي سير سير واقطع المشوار بثقه وصحح المسير
< ايها الناس
< من احب المصنوعات الي نفسي الركشه الصدمتني
< لأنها جادت عليا بوحوه مشرقه ومحبه واحبها كثيراً
< هكذا نحن في المريخ
< اخوه لي بهناك
< ونعشق النجم ونهوى ونحب بعضنا البعض
< بارك الله فيك يا الركشه
< المهم
< مدافع الهلال حسن السير والسلوك ده عاجبني شديد
< في دبر كل صلاة ادعو الله ان يشركوهو في يومنا
< فبكري يحتاج لمشاوير طويله وكتيره
< واتمشوري
< ايها الناس
< الممتاز بدأ
< وحقو القصه دي ما تنسينا مراحلنا السنيه
< فجهد طارق ورفاقه كبير
< وبالرغم من ذلك يحتاج لوقفة الجماهير
< اولادنا اكبادنا تبدع على الملاعب
< نقيف معاهم ولو بالتشجيع في التمارين
< انهم زرعنا تجب علينا مراعاته
< لنحصد يوم الحصاد أجود المحاصيل
< كلنا خلف الكيان
< صغار وكبار
< ايها الناس
< ان تنصروا الله ينصركم
< اها
< نجي لي شمارات والي الخرتوم
< كان شفت يا والينا
< الغاز زادوهو بي جاي رقد بي جاي لينا
< كان مخزن يا والينا
< ولا الأزمة اساساً كانت لرفع السعر لينا
< ولا من أساسو مافي زول شغال بينا
< واي زول شغال لينا ؟؟؟
< اليومين دي يا والينا
< عندنا صديقاً لينا
< ما لاقنو مختفي علينا
< يكون داير يرفع سعرو لينا ؟؟؟
< والينا
< شايف الرغيف برضو بدأ يرفع القزاز ويظلل وما شغال بينا
سلك كهربا
ننساك كيف والكلب اكتر زول غايظو الزول البرفع القزاز ويظلل ويعلي سعرو علينا
وإلى لقاء.
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى