قوقل ‏+‏ ‏
Use the English Language

تحروا الهلال - المريخ اتنقع في النقعة

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

05022016

مُساهمة 

تحروا الهلال - المريخ اتنقع في النقعة





.
‎تحروا الهلال
محمد حسن شوربجي
المريخ اتنقع في النقعة
ـــــــــــ

)))((( والتحكيم يمدد المباراة ٩ دقائق :
واقولها ثانية يجب علينا ان نوجه تحذيرا قويا لحكام صلاح وقد بدأوا مع الهلال بكل هذا الترصد والاخطاء التحكيميه
ففي مباراة هلال الابيض عكس حكام صلاح الكثير من الحالات ضد الهلال
ولعل اوضح تلك الحالات الكرة التي اخرجها لاعبو هلال الابيض وتم احتسابها الي كورنر ضد الهلال
كذلك لمسة اليد الواضحه من دفاع هلال الابيض والانذارات الكثيره للاعبي الهلال
اعيدوا اخوتي شريط المباراة لتروا اخطاء الحكام الكثيره ومجاملتها لاحمد هارون
الهلال ايها الاخوة لحمه مر
ونحن نحذر الحكام من غضبة جماهير الهلال
من قبل اوقف البلد كلها علي رجل واحدة
وحتي الحكومه خافت علي نفسها من الثورة الزرقاء
وتدخل رئيس الجمهوريه
وتدخل بكري حسن صالح
وتدخل حسبو
وتدخل البرلمان
وتدخل الجوديه
حكام صلاح ما حياخدوا غلوة مع الكاردينال
بسهوله ممكن الاستغناء عنهم ما لم يديروا المباريات بطريقة حياديه
الكاردينال مطالب بوقفة قويه ضد التحكيم قبل ان يتمادي المريخ في تطويعهم لصالحه والحصول علي نقاط لا يستحقها
لقد بدأ الدعم التحكيمي للمريخ عيانا بيانا
وفضيحة تحكيميه يشهدها ملعب النقعه
وحالات كثيره احتسبت للمريخ عله يسجل
وتمديد للوقت الرسمي للمباراة عله يسجل
اوقفوا المهزلة التحكيميه التي بدأها حكام صلاح
والا ………………………………….
)))((( المريخ نقعوه نقعه بطاله في النقعه :
و الابن الفاشري السلطاني يقتلع التعادل من براثن الوصيف المفلس
واتنقع المريخ في النقعه
وبدأ نزيف النقاط في حدودنا الغربيه
واحلي حتة هي حتة منطقة علي جعفر
ويا سلام عليك يا علي جعفر
فأنت المعبر الوحيد لكل دفاعا ت الوصيف الواهن
وكرمك الحاتمي اصبح يريح الكثير من المهاجمين
وخلاص اصبحت اخطاء علي جعفر هي التي من خلالها تنتصر بها الفرق
ولو عايز تفوز علي المريخ فلا بد من علي جعفر ولو طال السفر
واحمد عادل كاد ان يحرز هدفا عبر علي جعفر لولا رعونته
ويا سلام عليك يا صالح الامين فلقد كبلت كل هجوم المريخ
و عنكبه الليله ما اتعنكب يا اخوان
و تراوري لا وجود له في الميدان
و بيجري المدينه ظل يجري ويجري ويجري والسلام
ووينك يا اوكرا واهدافك العالميه والاعلام
و١٠ دقائق هديه تحكيميه للمريخ ويا حرام
اخونا احمد المجذوب عبر عن تعادل النقعه بكلمات جميله :
وبعنوان بمناسبة درون الفاشر
...
اثار الفلس في النجمة ظهرت لينا
تجرجر في رجولا وشكلو طالع عينا
في الفاشر هناك شفنا العلوم الزينة
اتخمه الوصيف زي خمة الكوشتينة
...
تعرف يا وصيف ...ساماتا فيك ما خاتي
ولا غلطان عليك الاخضر الوحداتي
عامل لينا فيها فريق قوي وهمباتي
من قولة احم جات الوصافة تتاتي
..
شفناهو الوصيف الليلة مرقوع رقعة
ومن ولد الهلال يا حليلو مصقوع صقعة
غايتو علي العموم بعد الخبت والوقعة
ما ظنيت يهوب تاني جمب النقعة
...
الدوري ابتداء وقطر المهازل دور
في الفاشر هناك راس الوصيف اتدور
عندي سؤال وحيد جاوب عشان نتنور
قول لي يا وصيف بالجد متين تتطور
)))((( النقعة ملعب ممتاز وما دايرين اعذار فارغه :
فقد احتج منسوبو المريخ من سوء ارضية الملعب
وطلب مسئولو هلال الفاشر الا يتحجج منسوبو المريخ بذريعة ملعب النقعة حال خسر فريقهم أو تعادل مع الخيالة في مباراة اليوم ،
هو في النهايه ملعب عادي وممتاز وهو كملعب المريخ ان لم يكن افضل منه
ولماذا لم يشتكي لاعبو هلال الفاشر من ارضية الملعب ؟
انه العذر الاقبح من الذنب
)))((( التراس الاسود الزرقاء :
في الحلوة والمرة نحن معاك عايشين
في كل مكان نحن وراك سايرين
بدينا ثورتنا ضد الظالمين
ضد الفساد وضد الفاشلين
اوليو اوليو اوليو اولي اولي
ربنا يحفظكم


Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى