تابعونا عبر فيس بوك

قوقل ‏+‏ ‏
Use the English Language

تحروا الهلال - كم انت مسكين يا ملعب النقعة

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

06022016

مُساهمة 

تحروا الهلال - كم انت مسكين يا ملعب النقعة





.
‎تحروا الهلال
محمد حسن شوربجي
كم انت مسكين يا ملعب النقعة
ـــــــــــ

)))((( اعطوا الكاردينال حقه :
الكاردينال رئيس الهلال شايل هموم تقيله تنوء عنها الجبال
الرجل ورغم مشاغله وسفرياته المتواصله لمتابعه اعماله الخاصه
فهو يمنح الهلال جزءأ كبيرا من وقته
والقلعة الزرقاء يتابعها لحظة بلحظه
ولعلنا كل يوم نشاهد تلك القلعة وهي تعانق السماء
مدرجات وكشافات وسيخ واسمنت
وفريق ومحترفين وادارة ودوري
مترصدين واعداء وحاقدين ومنافقين
الكاردينال هو اول رئيس هلال يبني ملعبا للهلال
كل الرؤساء السابقين مع احترامنا لهم لم يمنحوا الهلال ما منحه الكاردينال
يجب اخوتي ان نوفي هذا الرجل حقه
)))((( هيثم عاشق للهلال :
اخيرا اقتنعت شخصيا بصحة قرار تعيين الكابتن هيثم مصطفي مساعدا للمدرب
واخيرا وبعد اتصالات مع مقربين من بعض النجوم اكدوا لي ان سيدا شخصيه قياديه بمعني الكلمه
سيدا اخوتي يملك كارزيما قيادة الآخرين
سيدا استطاع في فترة قصيره كسب محبة لاعبي الهلال
وقد الآن يقوم بدور كبير مع الفرنسي الذي تقف اللغة حاجزا بينه وبين بعض اللاعبين
سيدا اخوتي وحين انتقل للمريخ كانت حاله كحال الخميني حين قال أنه"يتجرع السم"عندماوافق علي إنهاءالحرب مع العراق
وفعلا كان غير مرتاحا حين انضم للمريخ
والدليل ابتعاده السريع واعتكافه المنزل رافضا اللعب للمريخ
حين رايته مساعدا لمدرب الهلال اكد لي مدي حبه للهلال
هيثم اخوتي عاشق حقيقي للهلال
)))((( الهلال متصدر :
صحف المريخ ودون خجل قالت ان المريخ هو المتصدر
هذه الصحف العمياء لا تعرف ان الهلال هو المتصدر
فالهلال قد فاز اخيرا خارج الديار
والمريخ تعادل اخيرا خارج الديار
)))((( علي جعفر فقع المرارة :
وتعادل بطعم الخسارة
وعلي جعفر فقع المرارة
واكرا ما سجل اهداف عالميه وزعل كل الادارة
وبكري جاري وجاري وجاري وجاري زي الحياري
وتراوري وعنكبه وكوفي محترفين جابوهم بالطياره
ويا عيني عليهم لاعبو هلال الفاشر لا معسكر ولا حوافز ولا ملايين
ومن بيوتهم للملعب والرواتب ممكن تتأخر بالشهور والسنين
ولا دوحة ولا قطر ولا تونس ولا سوسه ولا مصر ولا حبشه ولا بوفيهات ولا يحزنون
كل اكلهم كول ومرس وادودري ولحم طازج ومديدة تاما بالعجين
والعصيرات دوم وتبلدي وبرتقال وقونقليز وقدرقودان وقضيم
و كان ممكن احمد عادل يهزم الوصيف وتكون ضربه في الصميم
وبعد هلال السلاطين حبابو مريخ السلاطين
وانا كل يوم يطلعلي مرفعين
طيب كيف حنتخارج ما في حل الا التحكيم
بلنتي او وقت اضافي او طرد لاعب او شكاوي وتلاعب بالقوانين
والو صلاح محمد صالح التحكيم فاشل وحكامك تعبانين
ما تشيلوا هم الحكم عمار كريمه او ابو شنب او زولا من الجماعه الطيبين
خلاص اتفقنا اقروا الفاتحه وقولوا آمين
اها ادونا كمان تلفون ادارة مريخ الفاشر
الو جدو صفيطه اسماعيل بشير وابكر حسن
معاكم جمال سودكال الفادني
وبما اننا قد احطنا علما بأن ناديكم تعبان وما عندكم ملعب زي الناس
نحن علي استعداد بالمساهمة في بناء ناديكم بس رسلوا رقم الحساب قبل مباراة المريخ معاكم
بس بشرط ان يفوز المريخ في المباراة
وما ممكن هزيمتين في النقعه
دي حتكون فضيحة بجلاجل
لازم المريخ يفوز علي مريخكم
والمبلغ ممكن يكون كبير
وبعدين كلموا لينا شرف يهدي اللعب وما دايرين غير هدف واحد يا سلاطين
يا اخوانا مستحيل هزيمتين ورا بعض
الخرطوم الوطني ضربونا قبل يومين
وانتو كمان دايرننا نتغلب تاني
دي صعبه دي والله
ولكن الاخضر الليموني يقلل النقاش
كم انت مسكين يا ملعب النقعة وأنت من المتهمين
فعراضاتك متهمه
ونجيلتك متهمه
ومدرجاتك متهمه


Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى