تابعونا عبر فيس بوك

قوقل ‏+‏ ‏
Use the English Language

في السلك .. بابكر سلك .. بلنتييييييييييين والشمس بره

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

08022016

مُساهمة 

في السلك .. بابكر سلك .. بلنتييييييييييين والشمس بره




في السلك
بابكر سلك
بلنتييييييييييين والشمس بره

بابكر سلك‏ ‏
< قبل كل شيء التحية لمريخ وهلال الفاشر
< ولجمهور الفاشر
< لعبوا مباراتين ضد المريخ
< بشراسة وقوة وانتماء لولايتهم وأنديتهم كبير
< وهذا هو ما يقود الدوري الممتاز للتطور
< وبالتالي تتقدم الكورة عندنا
< شخصياً لا أحب الفرق التي تلعب أمام القمة بدونية
< او التي تلعب لصالح احد طرفي القمة
< ولكن كل ما اطلبه
< ألا نرى حماس هلال الفاشر وشراسة مريخ الفاشر بمستوى اقل في مقبل مبارياتهما
< وبالذات يوم لقائهم بالهلال
< عشان ما نفهم فهم تاني
< ويمكننا أن نقبل الفهم التاني بالنسبة لهلال الفاشر
< ولكن بالنسبة لمريخ الفاشر لن نقبل اي فهم تاني
< فاهمني يا سلاطين!!
< أيها الناس
< جمال سالم استحق الطرد لأنه تصرف )بهبالة(
< ولكن قبل جمال سالم كان الحكم يستحق الطرد
< لأنه لو احتسب الحالة الاوضح من الشمس
< ماكان لاعب مريخ الفاشر رجع للكورة بعد اعتدائه على أمل أن يستفيد من سقوط جمال سالم
< فالحكم المحترم اخطأ في عدم احتساب الحالة
< هذا الخطأ ادى لظلم المريخ وجمال سالم
< واخطأ بعدها
< كورة معكوسة استلمها محمد مصطفى
< أراد أن يلعبها بسرعة
< كابتن السلاطين أمسك به واسقطه ارضاً
< تفتكروا دي برضو الحكم ما شافها؟؟؟
< ولا اخطأ سااااي ؟؟؟؟؟
< دي يخليها وينذر بكري المدينة الواقف امام الكرة الثابتة ومعه لاعبين من السلاطين
< وقبلها في مباراة هلال الفاشر
< ظننا أن قانون اللعبة الجديد
< لسه ما عملوا فيهو قواعد للمخالفات والفاولات
< فالكراتيه التي مارسها ناس هلال الفاشر
< لم تجد صافرة تستهجنها ولا كرتاً يؤدب الناس
< مالكم ما شفتوا الحكام البحسبوا بلنتيين نهاراً جهاراً؟؟؟
< من عصراً بدري بلنت ينطح بلنت
< المهم
< تحية كبيرة للاعبين على الأداء بمسؤولية كبيرة وقوة وارادة
< تحية لهم على الروح التي أدوا بها
< وتحية خاصة للنعسان
< البلجيكي ده قولوا ليهو بالبلجيكي
< نعسان سوفينوز بسترا بشكة
< نصترافيشكي ربطرابلكي
< اختراقلوسيزكي
< مهارتونش
< الولد ده خفيف وحريف ولا يخاف اللعب الضاغط
< معقولة
< بلنتيين والشمس برة
< آمال لو ضلمت بحصل شنو؟؟؟
< أول يوم نشوف غمت العصر ده
< المهم
< قون العقرب سد نفوس كتااااار
< لا بلنت ولا بلنت تاني
< قون عدييييييييييييل كده
< وسط خمسة مدافعين وحارس
< أما هدف تراوري
< فهو صاحب أبعد مسافة تهديفية في الدوري الممتاز طيلة مسيرته
< والعندو قون أبعد من ده يورينا ليهو
< بتاع علولو في مكسيم داك
< ماكان في الممتاز
< برغم إنو كان من شارع الجامعة
< أيها الناس
< نذكر السلاطين بالشراسة والعنف القانوني والانتماء الكبير في مقبل المباريات
< المهم
< الزعيم يحتاج منا لوقفة قوية
< بالذات بعد الغيرة الكبيرة التي أدوا بها
< ولعمر بخيت دور كبير وأدوار خفية
< تحية وألف تحية للنجم الكبير
< لكن بصراحة
< النعسان لعاب وخفيف وحريف
< وفي الوسط بجي منو كتير شديد
< خاصة اذا أتيحت له فرصة الوصول للمنطقة الخطرة من الخلف.
< هل تدري يا نعسان إنك لعاب لعاب لعاب؟!!!!
< لكن صدقوني
< الفرنسية زي السمعت ذاعوها
< خلاص قايمة
< باريس طويل يا عمك
< سخن يا النقر
< زولك بالشفناهوا أمس ده ما قاعد كتير
< انتوا النقر إخوان وفوزي حاسبوهم ولا لسه؟؟؟
< لو ما حاسبوهم التبرع شنو؟؟؟؟
< أيها الناس
< جمال سالم يحتاج لتعنيف على تصرفه
< ويحتاج لتوعية
< قولوا ليهو مع حكامنا ديل ياما تشوف كتير
< ماتساعدهم بالاحتجاج والتصرف المامنضبط
< بترصدوك
< ومرات بصهينوا لو كتلوك ذاتو
< ديل يخطئوا ولا يظلموا
< هكذا تربوا
< واذا خالفوا تلك التربية
< الرباهم عليها بنكرهم في المحكمة الشرعية
< إلا يشوفوا ليهم شغله تانية
< لذا تعامل بإنك محترف ومتربص بك
< إنت غايظ ناس كتار
< ما كسيم كتل زول يوم كادقلي في الشوط الأول
< وكأنو ما عمل شيء
< يخطئ ما شاف الكتلة
< يصفر ساي يعني !!!!
< أيها الناس
< يظهر إنو السنة دي اللقيمات كتير شديد
< ومع الغاز الغالي ده
< لقيمات الحطب بسمم
< أيها الناس
< »إن تنصروا الله ينصركم«
< آها
< نجي لي شمارات والي الخرتوم
< كان شفت يا والينا
< اتساوت أيامنا علينا
< بقينا لا بنعرف السبت من الأحد يا والينا
< ولا التلات من الخميس الفينا
< الجمعة دي ما فرزناها إلا بعد صلينا
< الاتنين والأربع أجزوا لينا
< أصلوا زمان قالوا لينا
< اذا تساوت الأيام لدينا
< يبقى انتهينا
سلك كهربا
ننساك كيف والكلب يوم السبت بالنهار ينبح ساااااي قايلو الخميس بالليل
والي لقاء
سلك
مبدأ التطهير يصيرتقييم المستخدم: / 0
التفاصيل
نشر بتاريخ السبت, 06 شباط/فبراير 2016 14:55
< اذا كنا نريد مريخاً قوياً علينا بدعم المجلس
< واذا كان المجلس طامعاً في دعمنا المادي وبالفكرة
< عليه ان يدير الكيان بشفافية وحرفية وتجرد
< بعيداً عن الموازنات والمجاملات
< لأننا وان ايدناه يمكن ان ننقلب عليه اذا تهاون في مصالح الكيان
< ايها الناس
< الموسم شغال
< ورئيس القطاع الرياضي يسجل غياباً كبيراً
< ومدير الكرة المعين
< والذي احتج عليه رئيس القطاع الرياضي
< هو الآن بعيدا عن تلك المعتركات
< والمجلس ساكت يعاين
< بل ولم يحرك ساكناً في بركة القطاع والدائرة
< وهذا لعمري عدم شفافية وعدم قدرة على المواجهة
< المجلس يعتمد على خبرات ابو جريشة
< وابو جريشة يتبختر بخبراته ويعتمد على قلة خبرة الباقين
< والضائع هو المريخ
< ايها الناس
< على المجلس ان يحسم امر القطاع والدائرة بما يحقق مصلحة الكيان
< قرار شجاع وجريء
< لا مراعاة فيه الا للكيان
< ثم يلتفت الى المكتب التنفيذي
< فتكرار الاخطاء هو العيب نفسه
< ايها الناس
< ان العمل على ايجاد استثمارات للنادي
< اضحى عبارة مخدرة للشفوت
< نخبئ خلفها السلبيات من شاكلة قصور القطاع وعدم وجود مدير للكرة
< يا قوم
< من يشترط ليعمل يذهب
< ومن يريد ان يفرض رأيه يذهب
< ومن يعمل باستراتيجية اهدافها ليست مصلحة الكيان يذهب
< والبقاء للاصلح
< والاصلح هو من يضع مصلحة الكيان هدفاً لاستراتيجيته
< ومبدأ التطهير يصير
< ايها الناس
< اين النعسان ؟؟؟؟
< وهل للتدخل الاداري في الشأن الفني دور في اهمال تلك الموهبة؟
< وهل فعلاً هذا المدرب ضعيف الشخصية ويعمل بالرموت كنترول؟
< طيب امير دامر دورو شنو؟
< يا قوم
< يا اهل الربع
< يا ناس المجلس
< لماذا تتأخر قراراتكم دوماً
< هل هي محاولات ارضاء البعض على حساب الكيان؟
< بصراحة
< بدأت اراجع موقفي من المجلس
< اتمنى ألا اجد ثغرة انفذ منها واخرج عن دائرة التأييد
< المهم
< ماذا حدث في موضوع الوك؟؟؟
< وهل يذكر المجلس ان امامه تحدٍ يسمي الوك؟
< ايها الناس
< ما قدمه الزعيم امام هلال الفاشر من مستوى
< يجعلنا نشفق على الزعيم ونأسف علي فراق غارزيتو
< فعندما يحضر اللاعبون متأخرين عن المحاضره التي تسبق المباراة
< فإن عنوان شخصية المدرب يتضح
< وعندما يحارب لاعب صغير السن
< فإن شخصية المجلس تتضح
< وعندما نظهر بمظهر كالذي ظهرنا به بالفاشر
< فإن شخصيتنا بالميدان تتضح جلياً
< واذا كانت هذه هي شخصيتنا بالملعب داخلياً
< الف رحمة تنزل على شخصيتنا على الملاعب الافريقية
< تلك الشخصية التي استعدناها في عهد غرزة
< فاعادت الجماهير للمدرجات
< فابدعت تلك الجماهير
< واضحت حديث الاعلام الافريقي والجمهور الرياضي بافريقيا
< فهل بهذا الحال المائل يحق لنا ان نحلم بموسم يضاهي الموسم الماضي؟
< يا مجلس التسيير
< يا قوم
< يا اهل الربع
< ايها الناس
< الصرامة والجدية هي اساس العمل المنظم
< دعونا من التراخي والمجاملات وتفويت المؤامرات
< اصدروا قراراتكم في خصوص القطاع الرياضي
< وفي خصوص تعيين محمد موسى لدائرة الكرة
< فمحمد موسى لا يقل انضباطاً عن غارزيتو
< ايها الناس
< ابينا غارزيتو لانه حجم الفوضى
< ولان اهل الفوضى هم اهل القرار
< طلع غرزة وبقيت الفوضى
< فهل نحلم بمجلس يقضي على الفوضى حتى لا تضيع سمعتنا الافريقية
< ايها الناس
< اخونا برجاس طريح الفراش الابيض بالامارات
< يحتاج لدعائنا جميعاً
< فنحن في الوسط الرياضي لا بنخاصم لا بنعادي
< ونحب بعضنا مهما اختلفت الواننا
< ونتفقد بعضنا البعض من قلوبنا
< اسألكم بالله الدعاء له بالشفاء
< اسألك يا الله يا عظيم يا رب العرش العظيم ان تنعم بالشفاء على اخينا برجاس
< ايها الناس
< ان تنصروا الله ينصركم
< اها
< نجي لي شمارات والي الخرتوم
< كان شفت يا والينا
< الضبانة قدر ده
< والباعوضة قدر ده
< والجقر قدر ده
< والنفايات بالكوم
< والامراض على قفا من يشيل
< والناس تردد
< اعوذ بالله من الركشة والخرشة والحديد والمرض الجديد
سلك كهربا
ننساك كيف والكلب لما يتنفض بحت القراد ... حتو حت البلا
والى لقاء.
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى