ﺩﻕ ﺍﻟﺪﻟﺠﺔ | ﻣﺤﻤﺪ ﻋﺒﺪﺍﻟﻤﺎﺟﺪ ﻣﺠﻠﺲ ﺍﻟﻬﻼﻝ ﺷﻴﻠﺔ ﺍﻟﻤﺪﺭﺏ ﻋﻨﺪﻭ ﺍﺳﻬﻞ ﻣﻦ )ﺷﻴﻞ ﺍﻟﻨﻐﻤﺔ(

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

04032015

مُساهمة 

ﺩﻕ ﺍﻟﺪﻟﺠﺔ | ﻣﺤﻤﺪ ﻋﺒﺪﺍﻟﻤﺎﺟﺪ ﻣﺠﻠﺲ ﺍﻟﻬﻼﻝ ﺷﻴﻠﺔ ﺍﻟﻤﺪﺭﺏ ﻋﻨﺪﻭ ﺍﺳﻬﻞ ﻣﻦ )ﺷﻴﻞ ﺍﻟﻨﻐﻤﺔ(




ﺩﻕ ﺍﻟﺪﻟﺠﺔ | ﻣﺤﻤﺪ ﻋﺒﺪﺍﻟﻤﺎﺟﺪ
ﻣﺠﻠﺲ ﺍﻟﻬﻼﻝ ﺷﻴﻠﺔ ﺍﻟﻤﺪﺭﺏ ﻋﻨﺪﻭ ﺍﺳﻬﻞ ﻣﻦ )ﺷﻴﻞ ﺍﻟﻨﻐﻤﺔ(
• ﻭﺍﺣﺪ ﻣﻦ ﺍﻟﻨﺎﺱ ﺍﻟﻔﻮﻕ – ﻋﻴﻮﻧﺎ ﺧﻀﺮ ﺯﻱ ﻋﻠﺒﺔ
ﺍﻟﻜﺒﺮﻳﺖ .
• ﺍﻭﻝ ﻋﻠﺒﺔ ﺍﻟﻜﺒﺮﻳﺖ ﻋﻴﻮﻧﻬﺎ ﺧﻀﺮ؟؟ .
• ﺍﻟﺠﻤﺎﻋﺔ ﺩﻳﻞ ﻣﺎ ﺗﺴﺄﻟﻮﻫﻢ – ﻣﻤﻜﻦ ﻳﺸﺒّﻬﻮﺍ ﻋﻠﻰ
ﻛﻴﻔﻬﻢ .. ﻣﺎ ﻓﻲ ﺯﻭﻝ ﺑﻘﺪﺭ
ﻳﻘﻮﻝ ﻟﻴﻬﻢ ﺣﺎﺟﺔ .
• ﺍﻟﺰﻭﻝ ﻗﺎﻝ ﻟﻲ ) ﺍﻛﺮﺍ( ﺿﻴّﻊ ﺿﺮﺑﺔ ﺍﻟﺠﺰﺍﺀ ﻟﻴﻪ؟ .
• ﻗﻠﺖ ﻟﻴﻪ ﻳﻜﻮﻥ ﻓﺎﻛﺮﻫﺎ ) ﻛﻮﺭﻧﺮ( – ﺍﺻﻼ ﻣﺎ ﻓﻲ ﺿﺮﺑﺔ
ﺟﺰﺍﺀ ) ﻻ ﻭﺟﻮﺩ ﻟﻀﺮﺑﺔ
ﺍﻟﺠﺰﺍﺀ( .. ﺯﻭﻟﻜﻢ ﺩﺍ ﻧﻔﺬﻫﺎ ﺗﻨﻔﻴﺪ ) ﺍﻟﻜﻮﺭﻧﺮ( .
• ﻃﺒﻌﺎ ﺍﻛﺮﺍ ﻣﺎ ﺑﻌﺮﻑ ﻋﺮﺑﻲ – ﻗﺪﺭ ﻣﺎ ﻗﺎﻟﻮﺍ ﻟﻴﻪ ﻧﺎﺱ
ﻋﻼﺀﺍﻟﺪﻳﻦ ﻳﻮﺳﻒ ﺍﻟﺸﻲﺀ
ﺩﻱ ) ﺿﺮﺑﺔ ﺟﺰﺍﺀ ( ﺍﻛﺮﺍ ﻣﺎ ﻓﻬﻢ ﺣﺎﺟﺔ .
• ﻣﻌﻘﻮﻟﺔ ﻓﻲ ) ﺿﺮﺑﺔ ﺟﺰﺍﺀ( ﺑﺘﻤﺸﻲ ﺭﺃﻳﺔ ﺍﻟﻜﻮﺭﻧﺮ .
• ﺿﺮﺑﺔ ﺍﻟﺠﺰﺍﺀ ﺑﺘﻤﺸﻲ ) ﺍﻟﻜﻮﺭﻧﺮ ( ﺍﺫﺍ ﺍﻟﺤﻜﻢ ﺑﻴﺤﺴﺒﻬﺎ ﻣﻦ
) ﺍﻟﻨﺺ( .
• ﻏﺎﻳﺘﻮ ﻳﺎ ﺍﻛﺮﺍ ﺍﻧﺖ ﺍﻓﻀﻞ ﻣﻦ ﻳﺮﺩ ﻋﻠﻰ ﺣﻜﻢ ﺍﻟﻤﺒﺎﺭﺍﺓ .
• ….
• ﻣﺤﺴﻦ ﺳﻴﺪ ﺯﻱ ﻣﺎ ﺍﺷﺎﺭ ﺣﺴﻦ ﻓﺎﺭﻭﻕ ﻓﻲ ﺑﺮﻧﺎﻣﺠﻪ ) ﺯﻣﻦ
ﺍﺿﺎﻓﻲ ( ﺣﺴﺐ ﺗﺼﺮﻳﺤﺎﺗﻪ ﻓﻲ
) ﺍﻟﺼﺪﻱ( ﺍﻣﺲ ﺍﻥ ﺍﻟﺒﺎﺷﺎ ﻭﺍﻟﻤﻌﺰ ﻣﺤﺠﻮﺏ ﻫﻤﺎ ﻣﻦ ﻃﺎﻟﺐ
ﺑﺎﺷﺮﺍﻙ ﺿﻔﺮ .
• ﻳﻌﻨﻲ ﻳﺎ ﻣﺤﺴﻦ ﺳﻴﺪ ) ﻏﺎﺭﺯﻳﺘﻮ ( ﺩﺍ ﻛﺎﻥ ﻭﺍﻗﻒ ﻓﻲ ﺍﻟﺨﻂ
ﻋﺸﺎﻥ ﺍﻟﻜﻮﺭﺓ ﻣﺎ ﻣﺘﻠﻔﺰﺓ .
• ﻃﻴﺐ ﻳﺎ ﻋﺒﺪﺍﻟﺼﻤﺪ – ﺧﻠﻮﺍ ﻏﺎﺭﺯﻳﺘﻮ ﻳﻘﺴﻢ ﻣﻊ ﺍﻟﺒﺎﺷﺎ
ﻭﺍﻟﻤﻌﺰ ﻣﺤﺠﻮﺏ .
• ……..
• ﺯﻭﻝ ﻣﻦ ﻧﺎﺱ ﺍﻟﺤﻠﺔ ﻗﺎﻝ ﻟﻲ ﺍﻧﺖ ﺗﻌﺎﻝ ﻫﻨﺎ ) ﻣﻮﺳﻰ ﺍﻟﺰﻭﻣﺔ(
ﻛﺎﻥ ﻣﺸﺎﺭﻙ ﻓﻲ
ﻣﺒﺎﺭﺍﺓ ﺍﻟﻤﺮﻳﺦ ﻭﻋﺰﺍﻡ .
• ﻗﻠﺖ ﻟﻴﻪ ﻳﺎ ﺯﻭﻝ ﺍﻧﺖ ﺟﻨﻴﺖ .. ﻣﻮﺳﻰ ﺍﻟﺰﻭﻣﺔ ﺑﻴﻠﻌﺐ ﻓﻲ
ﺍﻻﻫﻠﻲ ﺍﻟﺨﺮﻃﻮﻡ .
• ﺍﻟﺰﻭﻝ ﻗﺎﻝ ﻟﻲ ﻃﻴﺐ ﺑﻜﺮﻱ ﺍﻟﻤﺪﻳﻨﺔ ﺩﺍ ﻣﺎ ﺑﻴﻠﻌﺐ ﻓﻲ
ﺍﻟﻬﻼﻝ – ﻣﻊ ﺫﻟﻚ ﻛﺎﻥ
ﻣﺸﺎﺭﻙ ﻓﻲ ﺍﻟﻤﺒﺎﺭﺍﺓ .
• ……….
• ﻃﻴﺐ ﺍﻟﺬﻛﺮ – ﻗﺎﻝ ﻟﻲ ﺭﺃﻳﻚ ﺷﻨﻮ ﻓﻲ ﻛﻮﻓﻲ ﻣﺤﺘﺮﻑ
ﺍﻟﻤﺮﺥ ﺍﻟﻐﺎﻧﻲ؟ .
• ﺍﻛﺘﻔﻴﺖ ﺑﻲ ﺍﻧﻲ ﻗﻠﺖ ﻟﻴﻪ ﺍﻟﻈﺎﻫﺮ ﻛﻮﻓﻲ ﺩﺍ ﺑﻴﺤﺐ ﺍﻟﻠﺤﻤﺔ
ﺷﺪﻳﺪ .
• ……
• ﺍﻟﺒﺎﺷﺎ ﻛﺎﺑﺘﻦ ﺍﻟﻤﺮﻳﺦ ﺑﻘﻰ ﻳﻘﻌﺪ ﻓﻲ ﺍﻟﻜﻨﺒﺔ ﻭﻳﺘﻠﻔﺖ .
• ﺗﻔﺘﻜﺮﻭﺍ ﺍﻟﺰﻭﻝ ﺩﺍ ﻗﺎﻋﺪ ﻳﺤﻮﻝ ﺭﺻﻴﺪ .
• ﻛﻞ ﻣﺮﺓ ﻳﺘﻠﻔﺖ ﻳﻌﺎﻳﻦ ﻟﻠﺠﻤﻬﻮﺭ .
• …
• ﺑﻠﺔ ﺟﺎﺑﺮ ﻛﺎﺑﺘﻦ ﺍﻟﻤﺮﻳﺦ – ﺑﺮﺿﻮ ﺍﺧﺘﻔﻰ .
• ﺑﻠﺔ ﻭﻗﺖ ﻳﻠﻘﻰ ﺍﻟﻠﺤﻤﺔ ﻣﺎ ﺑﻴﻠﻌﺐ ﻟﻴﻜﻢ .
• ……….
• ﻭﺍﺣﺪ ﺗﺎﻧﻲ ﻣﻦ ﺍﻟﺠﻤﺎﻋﺔ ﺑﺮﺿﻮ .. ﻗﺎﻝ ﻟﻲ ﺑﻜﺮﻱ ﺍﻟﻤﺪﻳﻨﺔ
ﺟﺎﺏ ﻟﻴﻪ ﻗﻮﻥ ﻛﻴﻒ؟ .
• ﻗﻠﺖ ﻟﻴﻪ ﺑﻜﺮﻱ ﺍﻟﻤﺪﻳﻨﺔ ﺍﻟﻘﻮﻥ ) ﻋﺰﻭﻣﻬﻮ( ﻋﻠﻴﻪ ) ﻋﺰﻭﻣﺔ (
ﻧﺎﺱ ) ﻋﺰﺍﻡ( ﻭﻣﺎ ﻋﺎﻭﺯﻧﻮ ﻳﺠﻴﺒﻮﻩ .
• ﻭﺍﻗﻔﻴﻦ ﻟﻠﻜﻮﺭﺓ ﻳﺘﻌﺎﺯﻭﻣﻮﺍ .
• ﺍﻧﺎ ﻳﺎ ﺩﻭﺏ ﻋﺮﻓﺖ ﻛﻠﻤﺔ ) ﻋﺰّﺍﻡ( ﺩﻱ ﻃﺎﻟﻌﺔ ﻣﻦ ﻭﻳﻦ؟ .
• …..
• ﺷﻔﺖ ﺍﺧﺮ .. ﻗﺎﻝ ﻟﻲ ﺍﻧﺖ ﻧﺎﺱ ﺍﻟﻨﻴﻞ ﺍﻻﺯﺭﻕ ﺟﺎﺑﻮﺍ ﻣﺒﺎﺭﺍﺓ
ﺍﻟﻤﺮﻳﺦ ﺍﻟﺴﺎﻋﺔ 12 ﻟﻴﻪ؟ .
• ﻗﻠﺖ ﻟﻴﻪ ﻳﻜﻮﻧﻮﺍ ﺍﻓﺘﻜﺮﻭﺍ ﺍﻟﻬﻼﻻﺏ ﻧﺎﻣﻮﺍ .. ﻛﻮﺭﺗﻬﻢ ﺍﻧﺘﻬﺖ
ﻣﻦ ﺳﺒﻌﺔ
ﺍﻟﺒﻴﺴﻬﺮﻫﻢ ﻟﻠﺴﺎﻋﺔ 12 ﺷﻨﻮ؟ .
• ﻟﻜﻦ ﺍﻟﺸﻔﻮﺕ ﺩﻳﻞ ﻣﺎ ﺑﻨﻮﻣﻮﺍ .
• ﻟﻮ ﺑﻨﻮﻣﻮﺍ ﺩﺍ ﻣﺎ ﻛﺎﻥ ﺣﺎﻟﻬﻢ .
• ﻧﺤﻦ ﻏﺎﻳﺘﻮ ﻭﻗﺖ ﺷﻔﻨﺎ ) ﺿﺮﺑﺔ ﺍﻟﺠﺰﺍﺀ( … ﻗﻠﻨﺎ ﺧﻂ 18
ﺑﺘﺎﻉ ﺍﻟﻤﺮﻳﺦ ﺑﻴﺒﺪﺃ ﻣﻦ
ﺍﻟﺤﻠﺔ ﺍﻟﺠﺪﻳﺪﺓ .
• ﻣﻌﻘﻮﻟﺔ ﻓﻲ ﺯﻭﻝ ﺑﻴﺴﺤﺐ ﻟﻴﻪ ﺿﺮﺑﺔ ﺟﺰﺍﺀ ﻓﻲ ﺍﻟﻤﻨﻄﻘﺔ
ﺍﻟﺼﻨﺎﻋﻴﺔ .
• ﻃﻴﺐ ) ﺍﻟﺨﺮﻓﺎﻥ ( ﻋﻠﻰ ﺷﻨﻮ؟ .. ﻭﻗﺖ ﺑﻴﺴﺤﺒﻮﺍ ﻟﻴﻜﻢ ﺿﺮﺑﺎﺕ
ﻣﻦ ﺑﺮﺓ ﺍﻟﺒﻠﺪ .
• …..
• ﺍﻟﺰﻭﻝ ﻭﻗﺖ ﻳﻜﻮﻥ ﻋﺎﻭﺯ ﻳﺸﻜﺮ ﺣﺎﺟﺘﻮ … ﺳﺎﻫﻞ ﺟﺪﺍ ﻳﺮﻓﻊ
ﻣﻦ ﻗﺪﺭ ﺍﻟﺤﺎﺟﺔ ﺍﻟﺒﻴﺼﺮﻫﺎ .
• ﻟﺬﻟﻚ ﻗﺎﻟﻮﺍ ﻟﻴﻚ ﺍﻱ ﺯﻭﻝ ﻋﺎﺟﺒﻮ ﺍﻟﺼﺎﺭﻳﻬﻮ .
• ﺍﻥ ﺷﺎﺀﺍﻟﻠﻪ ﺻﺎﺭﻱ ﻟﻴﻪ ) ﺣﻠﺒﺔ( .
• ﻋﻜﺲ ﻫﺬﺍ ﺑﻘﻮﻟﻮﺍ ﻟﻴﻚ ﺍﻟﻤﺎ ﺑﺮﻳﺪﻙ ﻓﻲ ) ﺍﻟﻀﻠﻤﺔ( ﺑﻴﺤﺪﺭ
ﻟﻴﻚ .
• ﺍﻟﻮﺍﺣﺪ ﻟﻮ ﻋﺎﻭﺯ ﻳﺮﻓﻊ ﻟﻴﻚ ﻗﺪﺭ ) ﺍﻟﻌﺪﺱ( .. ﺑﻘﻮﻝ ﻟﻴﻚ :
) ﻭﺍﻟﻠﻪ ﻋﺪﺱ ﺯﻱ ﺍﻟﻠﺤﻤﺔ ( .
• ﺯﻱ ﺍﻟﻠﺤﻤﺔ ﻛﻴﻒ? – ﻋﺪﺱ ﻓﻴﻪ ) ﻋﻀﻢ ( .
• ﻭﻣﺮﺍﺕ ﺍﻟﺰﻭﻝ ﻭﻗﺖ ﻳﻜﻮﻥ ﻋﺎﻭﺯ ﻳﺸﻜﺮ ﻟﻴﻪ ﺟﻤﺎﻋﺔ ﻣﺎ
ﻋﻤﻠﻮﺍ ﻟﻴﻪ ﺍﻱ ﺷﻲﺀ – ﻭﻣﺎ
ﻗﺪﻣﻮﺍ ﺣﺎﺟﺔ .. ﺑﻘﻮﻡ ﻳﻘﻮﻝ ﻟﻴﻚ : ) ﻭﺍﻟﻠﻪ ﻋﻨﺪﻫﻢ ﻣﻮﻳﺔ
ﺑﺎﺍﺍﺍﺭﺩﺓ( .
• ﻣﻮﻳﺘﻬﻢ ﺳﻤﺤﺔ ﻟﻜﻦ !!.
• ﻭﺯﻱ ﻣﺎ ﻓﻲ ﻧﺎﺱ ﺑﻴﺸﻜﺮﻭﺍ ﺳﺎﻛﺖ – ﻓﻲ ﻧﺎﺱ ﺷﻐﻠﺘﻬﻢ ﻓﻲ
ﺍﻟﺪﻧﻴﺎ ﺩﻱ ) ﺍﻟﺸﻨﺎﻑ( .
• ﻳﻤﺸﻮﺍ ﻟﻴﻬﻢ ﻋﺮﺱ .. ﻳﺠﻮﺍ ﺭﺍﺟﻌﻴﻦ ﻣﻨﻮ – ﻳﻘﻮﻟﻮﺍ ﻟﻴﻚ
ﻭﺍﻟﻠﻪ ﻣﺸﻴﻨﺎ ﻟﻴﻨﺎ ﻋﺮﺱ –
ﺍﻟﻌﺮﻭﺳﺔ ﺯﻱ ) ﻳﻮﺟﺪ ﻣﺮﻳﺾ ﻳﺤﺘﺎﺝ ﻟﻌﻤﻠﻴﺔ ﻧﻘﻞ ﺩﻡ
ﻋﺎﺟﻠﺔ( .
• ﻳﻤﻴﻦ ﻟﻮ ﻣﺎ ﺍﻟﻌﺮﻳﺲ ﻭﺍﻗﻒ ﺟﻨﺒﻬﺎ – ﻛﺎﻥ ﻓﺘﺤﻨﺎ ﻓﻴﻬﺎ
ﺑﻼﻍ ﺍﻧﺘﺤﺎﻝ ﺷﺨﺼﻴﺔ .
• ﺍﻟﻀﻌﻔﺔ ﻛﺎﺗﻼﻫﺎ .
• ﺍﻭ ﺟﺎﺑﻮﺍ ﻟﻴﻨﺎ ﺻﺤﻦ ﺍﻟﻜﻮﻛﺘﻴﻞ ﻟﻮ ﻣﺎ ) ﺍﻟﻤﻮﺯﺓ( ﻛﻨﺎ ﻗﻠﻨﺎ
) ﻛﻠﻤﺎﺕ ﻣﺘﻘﺎﻃﻌﺔ(
ﺍﻱ ﺣﺎﺟﺔ ﻓﻴﻪ ﻣﻦ ﺣﺮﻓﻴﻦ .
• ﻭﺍﻟﻌﺠﺐ ﺍﻟﻔﻨﺎﻥ .
• ﻛﻤﺎﻥ ﻭﻗﺖ ﻳﻘﺒﻠﻮﺍ ﻟﻴﻚ ﻋﻠﻰ ﺍﻟﻔﻨﺎﻥ – ) ﻛﺮﻭﻣﺔ( ﻓﻲ ﻗﺒﺮﻭ
ﻳﺘﻤﻠﻤﻞ .
• ﻣﺮﺓ ﻣﺸﻴﻨﺎ ﻟﻴﻨﺎ ﺣﻔﻠﺔ – ﺟﺎﺀ ﻭﺍﺣﺪ ﺍﺗﺒﺮﻉ ﻟﻴﻨﺎ
ﺑﺎﻟﻤﻌﻠﻮﻣﺎﺕ ﻗﺒﻞ ﻣﺎ ﺗﺒﺪﺃ
ﺍﻟﺤﻔﻠﺔ – ﻭﻗﺎﻝ ﻟﻴﻨﺎ ﺍﻟﻔﻨﺎﻥ ﺩﺍ ﺑﻐﻨﻲ ﻏﻨﺎ ﺍﻟﺤﻘﻴﺒﺔ .
• ﺷﻔﻨﺎ ﻟﻴﻚ ﺍﻟﻔﻨﺎﻥ ﻋﻤﺮﻭ ﻋﻠﻰ ﺍﻻﻗﻞ 110 ﺳﻨﺔ – ﻗﻠﻨﺎ
ﻟﻴﻬﻢ ﺍﻛﻴﺪ ﺍﻟﻔﻨﺎﻥ ﺩﺍ
ﺯﺍﻣﻞ ) ﺳﺮﻭﺭ( ﻓﻲ ﺳﻮﻕ ﺍﻟﻤﻮﺭﺩﺓ .
• ﻋﻠﻰ ﺍﻗﻞ ﺍﻟﻔﺮﻭﺽ ﻳﻜﻮﻥ ﺍﺷﺘﻐﻞ ﻣﻌﺎﻩ ﻓﺮﺩﺓ ﻛﻮﺭﺱ .
• ﻃﺒﻌﺎ ﺍﻟﻜﻮﺭﺱ ﺑﺘﺎﻉ ﺍﻏﻨﻴﺔ ﺍﻟﺤﻘﻴﺒﺔ .. ﺑﺘﻠﻘﺎﻫﻢ ﺑﻌﺎﻳﻨﻮ
ﻓﻲ ﺍﺗﺠﺎﻩ – ﻭﺑﺼﻔﻘﻮﺍ
ﻓﻲ ﺍﺗﺠﺎﻩ ﺗﺎﻧﻲ .
• ﻭﺍﻟﻐﺮﻳﺒﺔ ﺑﻌﺪ ﺩﺍ ﺑﺪﺧﻠﻮﺍ ﻟﻴﻚ ﺻﺎﺡ ﻭﻗﺖ ﻳﺸﻴﻠﻮﺍ ﻟﻴﻚ
) ﺍﻟﺮﻣﻴﺔ( .
• ﻋﻨﺪﻧﺎ ﺯﻭﻝ ﻛﺒﻴﺮ ﻓﻲ ﺍﻟﺤﻠﺔ ﻛﺎﻥ ﻓﺮﺩﺓ ﻛﻮﺭﺱ ﺣﻘﻴﺒﺔ –
ﺍﻟﺰﻭﻝ ﺩﺍ ﻭﻗﺖ ﻳﻘﻮﻝ ﻟﻴﻚ
) ﻳﻠﻮﺣﻦ ﻟﻲ ﺣﻤﺎﻣﺎﺕ( ﺭﻳﺤﺔ ﺍﻟﺤﻤﺎﻡ ﺍﻟﻤﺸﻮﻱ ﺗﺸﻤﻬﺎ .
• ﻧﺎﺱ ﻭﺻّﺎﻓﻴﻦ .
• ﻭﻗﺖ ﻛﻤﺎﻥ ﻳﺪﺧﻞ ﻟﻴﻚ ﻓﻲ ) ﺑﺪﻭﺭ ﺍﻟﻘﻠﻌﺔ ﻭﺟﻮﻫﺮﻫﺎ( ﻟﻮ
ﻣﺎ ﻓﺼﻠﺖ ﺍﻟﻜﻬﺮﺑﺔ ﺑﺘﺤﺼﻞ ﺣﺮﻳﻘﺔ .
• ﻭﻧﺎﺱ ﺍﻟﻤﻄﺎﻓﻲ ﻃﺒﻌﺎ ﺑﻴﺠﻮﻙ ﺍﻟﺴﻨﺔ ﺍﻟﻘﺎﺩﻣﺔ .
• ﺗﻘﻮﻝ ﻣﻌﺰﻭﻣﻴﻦ ﺣﻔﻠﺔ ﻋﻴﺪ ﻣﻴﻼﺩ .
• ﻣﺮﺓ ﺣﺼﻠﺖ ﺣﺮﻳﻘﺔ .. ﻧﺎﺱ ﺍﻟﻤﻄﺎﻓﻲ ﻭﺻﻠﻮﺍ ﻟﻴﻨﺎ ﺑﻌﺪ
ﺍﺟﺎﺯﺓ ﺍﻟﻔﺘﺮﺓ .. ﻗﻠﻨﺎ ﻟﻴﻬﻢ ﻓﻲ ﺷﻨﻮ؟ .
• ﻗﺎﻟﻮﺍ ﻟﻴﻨﺎ ﻗﺎﻟﻮﺍ ﻓﻲ ﺣﺮﻳﻘﺔ ﻓﻲ ﺍﻟﺤﻠﺔ .
• ﻧﺤﻦ ﻧﺴﻴﻨﺎ ﺍﻟﻤﻮﺿﻮﻉ – ﻗﻌﺪﻧﺎ ﻧﺘﺬﻛﺮ القديم
ﻘﺪﻳﻤﺔ .
• ﺍﺧﺮ ﺣﺎﺟﺔ ﺭﺟﻌﻨﺎ ﻟﻲ ) ﻏﻮﻏﻞ( ﻋﺮﻓﻨﺎ ﻟﻴﻚ ﻓﻲ ﺣﺮﻳﻘﺔ
ﺣﺼﻠﺖ ﻓﻲ ﺍﻟﺤﻠﺔ ﻗﺒﻞ ) 45 ( ﻳﻮﻡ .
• ﻗﻠﻨﺎ ﻟﻴﻬﻢ ﻃﻴﺐ ﺍﻧﺘﻮﺍ ﺍﻟﺠﺎﺑﻜﻢ ﻫﺴﻊ ﺷﻨﻮ؟ .
• ﻗﺎﻟﻮﺍ ﻟﻴﻨﺎ ﻣﻌﻠﻴﺶ ﺍﻟﻤﺪﻳﺮ ﻛﺎﻥ ﻓﻲ ﺍﺟﺎﺯﺓ .
• ﻗﻠﻨﺎ ﻟﻴﻬﻢ ﺧﻼﺹ – ﺗﺎﻧﻲ ﻗﺒﻞ ﻣﺎ ﺗﺤﺼﻞ ﺣﺮﻳﻘﺔ ﺑﻨﺸﻮﻑ
ﺟﺪﻭﻝ ﺍﻟﻴﻮﻣﻴﺔ ﻋﻨﺪﻛﻢ –
ﻧﻮﻋﺪﻛﻢ ﻟﻮ ﺍﻱ ﻭﺍﺣﺪ ﻓﻴﻜﻢ ﻛﺎﻥ ﻓﻲ ﺍﺟﺎﺯﺓ ﻧﺄﺟﻞ
) ﺍﻟﺤﺮﻳﻘﺔ( ﺷﻮﻳﺔ .
• ﻗﺎﻟﻮﺍ ﻟﻴﻨﺎ : ﺍﻳﻮﺍ ﺍﻧﺘﻮﺍ ﻳﻌﻨﻲ ﺍﻟﺤﺮﻳﻘﺔ ﻗﺎﻋﺪﻳﻦ
ﺗﻘﺼﺪﻭﻫﺎ؟ .
• ﻗﻠﻨﺎ ﻟﻴﻬﻢ ﺍﺑﺪﺍ ﻣﺎ ﻗﺎﻋﺪﻳﻦ ﻧﻘﺼﺪﻫﺎ ﻟﻜﻦ ﺍﻱ ﺣﺮﻳﻘﺔ
ﺑﻨﺤﻜﻲ ﻟﻴﻬﺎ ﻇﺮﻭﻓﻜﻢ ﺩﻱ
ﺑﺘﻘﺪﺭ ﺍﻟﻤﻮﻗﻒ ﻭﺍﺗﺄﺟﻞ ﺍﻟﻤﻮﺿﻮﻉ ﺷﻮﻳﺔ .
• ﻣﺮﺓ ﺗﺎﻧﻴﺔ ﻋﻨﺪﻧﺎ ﺯﻭﻝ ﻃﻘﺘﻮ ﻟﻴﻚ ﻣﻼﺭﻳﺎ .
• ﺍﻟﻤﻼﺭﻳﺎ ﺧﻠﺘﻮ ﻟﻴﻚ ﺯﻱ ﺍﻟﻤﻼﻳﺎ ﻣﻦ ﺍﻟﻀﻌﻔﺔ .
• ﺷﻠﻨﺎﻩ ﻭﺟﺮﻱ ﻋﻠﻰ ﺍﻟﻤﺴﺘﺸﻔﻰ .
• ﺍﻟﺪﻛﺘﻮﺭ ﻗﺎﻝ ﻟﻴﻨﺎ ﺍﻟﺰﻭﻝ ﺩﺍ ﻣﺤﺘﺎﺝ ﻟﻴﻪ ) 17 ( ﻗﺰﺍﺯﺓ ﺩﻡ .
• ﻗﻠﻨﺎ ﻟﻠﺪﻛﺘﻮﺭ 17 ﻗﺰﺍﺯﺓ ﺩﻡ ﻧﺠﻴﺒﻬﺎ ﻟﻴﻪ ﻣﻦ ﻭﻳﻦ؟ .. ﻧﺤﻦ
17 ﻗﺰﺍﺯﺓ ﺳﻤﻨﺔ ﻣﺎ
ﻋﻨﺪﻧﺎ ﻟﻴﻬﺎ ﻗﺪﺭﺓ – ﻋﺎﻭﺯﻧﺎ ﻧﺠﻴﺐ ﻟﻴﻪ 17 ﻗﺰﺍﺯﺓ ﺩﻡ .
• ﻗﺎﻟﻮﺍ ﻟﻴﻨﺎ ﺍﻣﺸﻮﺍ ﺑﻨﻚ ﺍﻟﺪﻡ .
• ﻗﻠﻨﺎ ﻟﻴﻪ ﻟﻮ ﻣﺸﻴﻨﺎ ﺍﻟﺒﻨﻚ ﺍﻟﻤﺮﻛﺰﻱ ﺫﺍﺗﻮ ﺍﻟﺮﻗﻢ ﺩﺍ ﻣﺎ
ﺑﻨﻠﻘﺎﻩ ﻋﻨﺪﻫﻢ … ) 17 (
ﻗﺰﺍﺯﺓ ﺩﻡ ﺍﻧﺘﻮﺍ ﻋﺎﻭﺯ ﺗﻌﻤﻞ ﻟﻴﻨﺎ ﻣﻨﻮ ) ﺧﺰﺍﻥ( .
• ﻋﺎﻭﺯ ﺗﻌﻤﻞ ﻟﻴﻚ ﺳﺪ ﻳﺎ ﺩﻛﺘﻮﺭ .
• ﻋﺎﻭﺯ ﺗﻌﻤﻞ ﻟﻴﻚ ﺻﻬﺮﻳﺞ ﺩﻡ .
• ﺍﻟﺪﻛﺘﻮﺭ ﻣﺸﻰ ﻟﻴﻚ ﻋﻠﻰ ﺍﻟﺰﻭﻝ ﺍﻟﻀﺎﺭﺑﻮﻩ ﻣﻼﺭﻳﺎ – ﻗﺎﻝ
ﻟﻴﻪ ﺷﺎﻋﺮ ﺑﻲ ﺷﻨﻮ؟ .
• ﺯﻭﻟﻜﻢ ﺭﻓﻊ ﺭﺃﺳﻮ ﻭﻗﺎﻝ ﻟﻴﻪ ﺷﺎﻋﺮ ﻳﺎ ﺩﻛﺘﻮﺭ ﺍﻥ ﺍﻧﺒﻮﺑﺔ
ﺍﻟﻐﺎﺯ ﺡ ﺗﺒﻘﻰ ﺑـ ) 75( ﺟﻨﻴﻪ .
• ﺍﻟﺪﻛﺘﻮﺭ ﻗﺎﻝ ﻟﻴﻨﺎ ﺍﻟﺰﻭﻝ ﺩﺍ ﺣﻤﺘﻮ ﻋﺎﻟﻴﺔ .
• ﻭﻣﻼﺭﻳﺘﻮ ) ﻃﺎﺭﺕ( .
• ﻗﻠﻨﺎ ﻟﻴﻪ ﻃﺒﻴﻌﻲ ﻳﺎ ﺩﻛﺘﻮﺭ ﻃﻮﻝ ﻣﺎ ﻫﻮ ﺑﺘﻜﻠﻢ ﻟﻴﻚ ﻋﻦ
ﺍﻧﺒﻮﺑﺔ ﺍﻟﻐﺎﺯ .
• ﺑﻌﺪﻳﻦ ﺍﻟﻤﺎ ﻃﺎﺭ ﺷﻨﻮ ﻓﻲ ﺍﻟﺒﻠﺪ ﺩﻱ .
• ……………
• ﻭﺍﺣﺪ ﻗﺎﻝ ﻟﻲ ﺍﻧﺖ ﺗﻌﺎﻝ ﻫﻨﺎ ﺍﻟﻜﺎﺭﺩﻳﻨﺎﻝ ﺩﺍ ﻛﻞ ﻣﺎ ﻳﺠﻲ
ﺭﺍﺟﻊ ﻣﻦ ﺑﺮﺓ ﻳﻘﻮﻟﻮﺍ
ﻟﻴﻚ ﺍﻟﻜﺎﺭﺩﻳﻨﺎﻝ ﻳﺤﺴﻢ ﺍﻟﻤﻠﻔﺎﺕ ﺍﻟﻌﺎﻟﻘﺔ .
• ﺍﻟﻤﻠﻔﺎﺕ ﺍﻟﻌﺎﻟﻘﺔ ﺩﻱ ﺷﻨﻮ؟ .
• ﻳﻜﻮﻥ ﻋﺎﻭﺯ ﻳﺸﻴﻞ ﻣﺪﺭﺏ ﻭﻳﺠﻴﺐ ﻣﺪﺭﺏ .
• ﻧﺎﺱ ﺍﻟﻬﻼﻝ ﺍﻟﻤﺪﺭﺏ ﻋﻨﺪﻫﻢ ﺑﻴﺸﻴﻠﻮﺍ ﺯﻱ )ﺷﻴﻞ ﺍﻟﻨﻐﻤﺔ( .
• ﻣﺎ ﺑﺘﻠﻔﺖ .
• ﺍﻟﻜﺎﺭﺩﻳﻨﺎﻝ ﻓﻲ ﻛﻞ ﺳﻔﺮﺓ ﺑﺸﻴﻞ ﻟﻴﻪ ﻣﺪﺭﺏ .
• ﻭﻳﺠﻴﺐ ﻟﻴﻪ ﻣﺪﺭﺏ ﺟﺪﻳﺪ .
• ﺧﻠﻴﻚ ﺟﺎﻫﺰ ﻳﺎ ﺍﻟﻔﺎﺗﺢ ﺍﻟﻨﻘﺮ .
• ﺍﻟﻜﺎﺭﺩﻳﻨﺎﻝ ﺳﻔﺮﺗﻮ ﺑﻲ ﻣﺪﺭﺏ .
• …….
• ﻭﺍﺣﺪ ﺗﺎﻧﻲ ﺧﺎﻟﺺ ﻗﺎﻝ ﻟﻲ ﺗﻔﺘﻜﺮ ﺍﻟﻬﻼﻝ ﻣﻤﻜﻦ ﻳﺮﺟﻊ
) ﺧﻠﻴﻔﺔ( ﻓﻲ ﻳﻮﻧﻴﻮ ﺍﻟﻘﺎﺩﻡ .
• ﻗﻠﺖ ﻟﻴﻪ ﺍﺣﺘﻤﺎﻝ ﻃﻮﻝ ﻣﺎ ﻋﺎﻭﺯ ﻳﺮﺟﻊ ) ﻣﻴﺸﻮ ( .
• ﺍﺻﻠﻮ ﻣﻴﺸﻮ ﻛﺎﻥ ﺍﻓﻀﻞ ﻣﺪﺭﺏ ﺑﻜﻮﺭﻳﻚ ﻓﻲ ﺍﻟﺨﻂ ) ﻳﺎ
ﻫﻠﻴﻔﺔ ﺍﺭﺟﻊ( .. ﻫﻮ ﻭﻛﺎﻣﺒﻮﺱ .
• …………..
• ﺷﻔﺘﻮﺍ ﻧﺎﺱ ﺍﻟﻬﻼﻝ ﻣﻦ ﻳﻘﻮﻟﻮﺍ ﻟﻴﻚ ) ﺍﻟﺠﻮﻫﺮﺓ ﺍﻟﺰﺭﻗﺎﺀ(
ﺍﻋﺮﻑ ﻃﻮﺍﻟﻲ ﺍﻟﺰﻭﻣﺔ ﻣﻀﺎﻳﻘﺔ .
• ﻳﺎ ﻛﺎﺭﺩﻳﻨﺎﻝ ﺻﻠّﺢ ﻟﻴﻨﺎ ﺍﻟﻔﺮﻳﻖ ﺍﻭﻝ .
• ﻣﺎ ﻋﺎﻭﺯﻳﻦ ﻟﻴﻨﺎ ) ﺟﻮﻫﺮﺓ ﺯﺭﻗﺎﺀ ( ﻓﻲ ﺍﻻﻭﺿﺎﻉ ﺩﻱ .
• ………

• ﺍﻟﻬﻼﻝ ﻋﻨﺪﻩ ﺍﺭﺑﻌﺔ ﻻﻋﺒﻴﻦ ﻓﻲ ﺍﻟﻤﻨﺘﺨﺐ
ﺍﻻﻭﻟﻤﺒﻲ .. ﻳﻌﻨﻲ ﺍﻟﺴﻤﺘﻘﺒﻞ ﻛﻠﻪ ﻓﻲ ﺍﻟﻬﻼﻝ .
• ﺑﺸﻪ ﺍﻟﺼﻐﻴﺮ ﻣﺘﻌﺔ ﺍﻟﺘﻤﺮﻳﺮ ﺍﻟﻤﻮﺳﻴﻘﻲ .
• ﺑﻨﻌﺮﻑ ﺍﻟﺘﻮﺯﻳﻊ ﺍﻟﻤﻮﺳﻴﻘﻲ – ﻟﻜﻦ ﺍﻟﺘﻤﺮﻳﺮ ﺍﻟﻤﻮﺳﻴﻘﻲ ﺩﺍ
ﺷﻨﻮ؟ .
• …..
• ﺍﻟﺴﻴﺪﺓ ) ﻝ ( ﻟﻮ ﻓﻜﺮﺗﻲ ﻓﻲ ﺍﻟﻬﺠﺮﺓ … ﻫﺎﺟﺮﻯ ﺑﻲ ) ﺭﻛﺸﺔ (
ﻃﻴﺎﺭﺍﺕ ﺍﻟﺰﻣﻦ ﺩﺍ ﻣﺎ
ﻋﻨﺪﻫﺎ ﺿﻤﺎﻥ .
• ﻭﻗﺮّﺽ ﻋﻠﻰ ﻛﺪﺍ

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى