بدون حجاب - شفقتكم طيرت صدارتكم !

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

09022016

مُساهمة 

بدون حجاب - شفقتكم طيرت صدارتكم !




بدون حجاب
خالد عز الدين
شفقتكم طيرت صدارتكم !
ـــــــــــــــــــــــ

• اولاد عمنا ديل شفقانين بطبعهم .. من جذورهم واصولهم شفقانين .. ياخي ديل اسمهم غلبهم يصبروا علي .. حولوا للاهلي وفكتوريا والمريخ !
• الشفقة في طبعهم ..يحتفلوا ليك قبل مواعيد الاحتفال لحدي ما يشربوا الاحتفال زاتو .. مرة عملوا سيكافا في الخرطوم .. مع الافتتاح احتفلوا بالبطولة ! غلبوا التاكسي التعاوني ستة .. جو في النهائي يحتلفوا .. اتغلبوا بمسمار كاسروكا واحد اصلي محتارين لي هسة في الموضوع ده !
• ومرة شبكونا ليك العلامة الكاملة العلامة الكاملة .. احتفلوا بالموضوع ده في كل انحاء العالم .. وكان هناك احتفال خاص برابطة المريخ في الامارات .. جمعوا ما لذ وطاب وقدموا الدعوات للصحفيين بقيادة حسن بسبوسه .. قالوا لي تعال بدون بسبوبه بنشبعكم بلح شامي ! في النهاية سولي شريف جاب القون .. الله يجازيك يا اهلي الخرطوم .. حسن بسبوسة الضيف خرج وسط دعوات المضيفيين بانو كج ! والحقيقة انو حسن ما كج لكن الشفقة .. الشفقة في طبعكم ده !
• ياخي ديل كترت ما شفقانين اول مرة يصلوا نصف النهائي لدوري الابطال افتكروا القصة سيكافا .. طوالي قالوا شامين ريحة مطار ! مرة اتقدموا علي الهلال في الدورة الاولي بسبعة نقاط .. كتبوا عن المريخ والتاريخ .. في نهاية البطولة كان الفارق بينهم والهلال سبعة نقاط برضو ! طبعا الوقت داك من كان في سمير فضل !!!
• شفقانيييين .. الولد شيبوب .. سافر الجنوب .. عملوا اعلان لكل احفاد )سيدة( في كل العالم .. بان )الكيان( مهدد في وجودوا .. ببساطة الولد طلع معاهم ..قال ليهم القصة ما مستاهلة انا ما جيت مخطوف ولا مهدد بالسلاح .. انا عايز الكاش والكاش بقلل النقاش .. كتبوا عن الذراع الطويلة والدولار والدينار .. من المطار لبيت الكاردينال ! مد رجليك علي قدر شفقتك ..
• شفقة غريبة حيرتنا نحن زاتنا .. قبل الدوري ما يبدا كويس شبكونا ليك الصدارة .. الصدارة .. مع انو هم زيهم وزي الامل وزي اي فريق انتصر في اول مباراة !
• المباراة الثانية في ارضهم برضو .. شبكونا المريخ يحافظ علي الصدارة .. نحن قلنا خلاص الدورة الثانية قربت تنتهي ولجنة الاستئنافات اجتمعت والقصة دورت تاني .. طلعت دي المباراة التانية ! المريخ يفوز ويتصدر ! طلعوا طلعة خفيفة علي الفاشر رجعوا يكتبوا عن التحكيم وسؤ الملاعب ولجنة التسيير ! جنس شفقة ...!
• عااادي عندنا نحن الصدارة .. ما بنجيب سيرتها زاتو .. شنو يعني الهلال اتصدر .. وضع طبيعي .. خمسة سنين علي التوالي .. الدوري معانا .. شنو يعني صدارة في الاسبوع الرابع .. عااادي جدا ممكن تمشي وعارفنها بتجي تاني حتي لو سمير جا ! وليه يا سمير ما جيتا .. حلوك ولا نسيتا ! والله انا مستغرب من اتحاد الكرة .. ليييه حل لجنة سمير .. اتحاد مصر علي انو المريخ بطل ! طيب سمير ايش عمل ؟ ومصر علي انو عمر عثمان غلطان ؟ طيب معتصم مالو زعلان ؟ ومصر علي انو اتحاد القضارف ما عاقب اللاعب ؟ طيب ما اهو المريخ غالب ! اتحاد عمل اي حاجة زي لجنة سمير ازهري باجعفر ! حالنو لييه .. المشكلة انو ديل قالوا اخير ما تكون في لجنة ولا لجنة سمير ! مافي لجنة استئنافات !! تصدقوا .. ياخي كان تخلوا سمير ده لحدي ما اللجنة الجديدة تعينوها .. جنس شفقة .. ما مريخاب شفقانين برضو ! ياخي ديل قبل قروش الفيفا ترتاح في الحساب بسحبوها ! شفقة اليورو دي كمان .. الله لا وراكم !!
• اوكرا هداف الدوري اوكرا صاحب اجمل هدف .. هدف اسطوري لاوكرا . العالم يتوقف لمشاهدة هدف اوكرا.. الود مسكين تاني ما شما عافية .. قونين زيو وزي الباقين .. اي لاعب في الدوري جاب قونين لحدي ما الدوري بقي ابو قونين .. كده بس في شفقتكم دي !
• الناس المعاهم كاريكا ما بشفقوا .. مباراة سئ !مافي مشكلة برجع تاني .. اهو كاريكا رجع .. وبشه موجود .. مافي شفقة .. نجوم كبار ثقتهم في روحهم كبيرة بلعبوا في نادي كبير .. لا اتغير اسمو ولا خافوا اهلو ولا فتشوا لي رئيس ! ما تشفقوا علي رحيل لجنة التسيير .. بتندموا علي الشفقة دي برضو .. ما بتلقوا رئيس .. خلاص الدعم ببح ! انا خائف تغيروا الاسم زي ناس الخرطوم .. تسموا المريخ الوطني 2
• ون تو .. اليورو دوروا .. ناس الفيفا جايين .. بس ما لاقين حجز .. ما تشوف ليهم حجز يا اسامة .. واهو برضو ينالك من البخت نصيب يا عجيب !!
• نقيف هنا عشان عندنا حاجات عايزين نجهزها للفيفا براااحه .. اصلنا ما بنحب الشفقة .. ما هلالاب تقيانييين‏

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى