الخميس 26 أغسطس 2021 - 10:36
يا حليل أيام جدودنا
مافي زول في الحِلة قاري
إلَّا فاهمين في حياتم
وعندهم تفكير حضاري
لا في جامعات لا مدارس
لا عمارات لا كباري
لا في زول سايقلو هايس
لا في زول شاف الفراري
لا في تلفونات بتزعج
لا في ألعاب لا أتاري
المرطِّب عندو رادي
شايلو حايم في العصاري
يسمع الأخبار ويشرح
وللجديد دايماً مُباري
لا في تلفاز لا مسلسل
لا ممثل جاي عاري
لا فيلم أحداثو كاذبة
والبطل عريان وجاري
لا في موسيقى بتدندن
مافي غير صوت القماري
لا بنوك ربوية فاسدة
ولا في توريد للمصاري
شُلَّة تحفر وشُلَّة تزرع
وناس تنضِّف في المجاري
والنفير في يوم حصادهم
والفَزَع ساعة الطوارئ
النفوس كانت جميلة
ومافي زول للشين بضاري
السماح بالفطرة فيهم
مافي زول للسيرة قاري
لا في زول قرا للصحابة
ولا أحاديث البخاري
كانوا ناس طيبة ومحنَّة
وكل زول بي جارو داري
:rose::rose::rose::rose::rose::rose:
الأكل كان في المساجد
وعندهم قعدات لطيفة
النفوس كانت نقية
والقلوب بالحيل نضيفة
كل زول جايب ملاحو
مرتو طبَّاخة وحريفة
تلقى زول جايبلو كِسرة
لا في بيتزات لا رغيفة
وصحبو جاب قراصة كاربة
أكلة مافي إنسان بِعيفا
وتاني زول جايب بليلة
أكلة سمحة كمان خفيفة
وفي العصير قعدات قهاوي
وتتفتح ونسات ظريفة
وفي المغيرب شاي مقنن
عاملا حبوبة الكئيفة
القمر في الحوش ينوِّر
في الليالي يضوِّي ريفا
كانت الونسات مسلسل
وتتحكي القصص الطريفة
الجدود كان لينا بحكوا
لي قصص بالحيل مخيفة
في البيوت الجد مُربِّي
وبرضو حبوبة الشريفة
الولد بطلع مؤدَّب
والبنية ملاك عفيفة
الرجل كان عندو هيبة
ومافي شخصيات ضعيفة
وبمسكوا الزول من لسانو
وقالوا تنقدَّ الرهيفة
مافي زول بجرح أخوهو
ويحكي بي ألفاظ سخيفة
كانت الألسُن مُصانة
وكانت الأعين كفيفة
والعقول راجحة وكبيرة
والأيادي كمان شريفة
هسي شوف الناس وحالهم
صارت الأحوال مخيفة
كل زول خاصم أخوهو
والصراعات جد عنيفة
والتجارة بقت تلاعُب
بالموازين الطفيفة
مافي زول بهتم بجارو
لو ضعيف لو حتى جيفة
حالنا مؤسف الله يستر
صرنا بين هدَّام وقيفة
يا حليل أيام جدودنا
مافي زول في الحِلة قاري
إلَّا فاهمين في حياتم
وعندهم تفكير حضاري
لا في جامعات لا مدارس
لا عمارات لا كباري
لا في زول سايقلو هايس
لا في زول شاف الفراري
لا في تلفونات بتزعج
لا في ألعاب لا أتاري
المرطِّب عندو رادي
شايلو حايم في العصاري
يسمع الأخبار ويشرح
وللجديد دايماً مُباري
لا في تلفاز لا مسلسل
لا ممثل جاي عاري
لا فيلم أحداثو كاذبة
والبطل عريان وجاري
لا في موسيقى بتدندن
مافي غير صوت القماري
لا بنوك ربوية فاسدة
ولا في توريد للمصاري
شُلَّة تحفر وشُلَّة تزرع
وناس تنضِّف في المجاري
والنفير في يوم حصادهم
والفَزَع ساعة الطوارئ
النفوس كانت جميلة
ومافي زول للشين بضاري
السماح بالفطرة فيهم
مافي زول للسيرة قاري
لا في زول قرا للصحابة
ولا أحاديث البخاري
كانوا ناس طيبة ومحنَّة
وكل زول بي جارو داري
:rose::rose::rose::rose::rose::rose:
الأكل كان في المساجد
وعندهم قعدات لطيفة
النفوس كانت نقية
والقلوب بالحيل نضيفة
كل زول جايب ملاحو
مرتو طبَّاخة وحريفة
تلقى زول جايبلو كِسرة
لا في بيتزات لا رغيفة
وصحبو جاب قراصة كاربة
أكلة مافي إنسان بِعيفا
وتاني زول جايب بليلة
أكلة سمحة كمان خفيفة
وفي العصير قعدات قهاوي
وتتفتح ونسات ظريفة
وفي المغيرب شاي مقنن
عاملا حبوبة الكئيفة
القمر في الحوش ينوِّر
في الليالي يضوِّي ريفا
كانت الونسات مسلسل
وتتحكي القصص الطريفة
الجدود كان لينا بحكوا
لي قصص بالحيل مخيفة
في البيوت الجد مُربِّي
وبرضو حبوبة الشريفة
الولد بطلع مؤدَّب
والبنية ملاك عفيفة
الرجل كان عندو هيبة
ومافي شخصيات ضعيفة
وبمسكوا الزول من لسانو
وقالوا تنقدَّ الرهيفة
مافي زول بجرح أخوهو
ويحكي بي ألفاظ سخيفة
كانت الألسُن مُصانة
وكانت الأعين كفيفة
والعقول راجحة وكبيرة
والأيادي كمان شريفة
هسي شوف الناس وحالهم
صارت الأحوال مخيفة
كل زول خاصم أخوهو
والصراعات جد عنيفة
والتجارة بقت تلاعُب
بالموازين الطفيفة
مافي زول بهتم بجارو
لو ضعيف لو حتى جيفة
حالنا مؤسف الله يستر
صرنا بين هدَّام وقيفة
