تابعونا عبر فيس بوك

قوقل ‏+‏ ‏
Use the English Language

في السلك بابكر سلك - النعسان ونص الفستان

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

14022016

مُساهمة 

في السلك بابكر سلك - النعسان ونص الفستان




في السلك
بابكر سلك
النعسان ونص الفستان
بابكر سلك‏ ‏
*جماهير المريخ الواعيه
*امس عبرت عن كرهها للرائحة التي ازكمت الانوف طويلا
*ففاحت تلك الرائحه التي فاقت ماتجده عند نافخ الكير
*وكان من جماهير المريخ التعبير
*قون كوكو كان القشه التي كسرت ظهر البعير
*وقتلت الجمل والجمال
*ونلفت نظر السلطه
*السلطه التي اعتادت ان تتدخل بعد فوات الاوان
*ليحتسب الناس خسائرهم وتستمر التفلتات
*علي السلطه ان تكشف وتكتشف المؤامرات التي تبرر بانها تخطئ ولا تظلم
*تحقيقا للعداله
*كي تنشد استقرارا في الوسط الرياضي
*وتقتل احساس الظلم الذي يقود الناس للخروج عن طورهم
*المهم
*كماماتا حمتنا من استنشاق تلك الريح المنتنه
*ايها الناس
*بتعرفوا الفستان ؟؟
*طيب بتعرفوا النسوان ؟؟؟
*خلاص احكي ليكم
*زمان كان عندنا نسوان وعندهن فستان
*النسوان بلبسن الفستان
*والفستان فيهو نص
*نص الفستان ده اهم حته في الفستان
*اذا مزبوط بتزبط الفستان
*واذا كان مجوبك ببوظ الفستان
*وتظهر اللابسه الفستان مهما كان مستوي جمالها
*تبدو مبشتنه ولا تلفت النظر
*وان تلفت الانثي النظر فانها ترضي غرورها
*اما اذا لم تلفت النظر
*فنفسياتها بتبقي في الواطه دي
*اها
*زمان كان عندنا سودان ونسوان ونص فستان
*امس في كورتنا
*النعسان كان زي نص الفستان
*زابط يا عمك
*وبعد خروج النعسان
*انبهل الفستان
*وبقن شينات النسوان
*وبارن النسوان في السودان
*جمال الفستنان في نصو
*واذا مافيهو نص
*ببقي شوال سااااكت
*سموهوا شوال
*عشان زي الشوال العرض فوق وفي النص وتحت واحد
*وبكون طبعا مليان فل
*مليان توف
*فنسواننا ماشاء الله حبه وعبوه
*الشوال بتملي لمن يطقطق
*لذا ولذلك
*كان وسطنا بالامس زي الشوال
*مبهول ساكت بعد خروج النعسان
*ودي ماطريقه بتلعبنا آخر الشهر افريقيا يا جهازنا الفني
*اما مدافعنا رقم اتنين وعشرين
*كنت بضحك في مدافع الهلال رقم اتنين وعشرين
*ولما شفت رقم اتنين وعشرين بتاعنا
*قلت لي روحي
*البشوف اتنين وعشرينو يتمني اتنين وعشرين الناس
*الزول ده الجابو منو ؟؟؟؟
*ولنا سؤال
*هل اوكرا كان مقنعا ؟؟؟
*اين كوفي ؟؟؟
*ومامدي صحة قرار غارزيتو حينما طالب بابعادهما ؟؟؟
*وهل قرار ابعاد غارزيتو كان صائبا ؟؟؟؟
*وايهما انفع
*النعسان ام اوكرا ؟؟؟
*بصراحه كده ؟؟؟
*ولماذا لا يستفيد اوكرا من موهبته ولا يفيد المريخ بها ؟؟؟
*وهذا لا يمنع ان قونو خيالي ولم ولن يحدث
*وهدف عنكبه بالامس هو الاسرع منذ بداية الدوري
*المهم
*اللغم قام بالمدرب يا روشا
*واللغم ده بقوم بيكم نفر نفر
*مابخلي حقو
*قوم طيارة باريس وحالف يقوم طيارة الرئيس
*وادها صنه
*ادها سيدا ادها يا
*ايها الناس
*من اجمل الاشياء في مباراة الامس
*منظر الملعب وصحة النجيل
*انها بصمات قروبات مجلة ستموني
*بصمات الشباب ديل ظهرت
*وبصمات البلجيكي لسه
*وما يرفحنا حقيقة
*ان شباب مجلة قروبات ستموني قد التزموا بالملعب وصحته وصيانته علي نفقتهم حتي نهاية الموسم
*دايرين نشوف مجهودات القروبات الاخري
*يلا يا شفوت ننافس انفسنا في دعم الزعيم
*ويظل مشروع 2870 هو الحل الامثل والحلم الاكبر
*فهل الزم كل فرد فينا نفسه بالاشتراك !!!!
*المهم
*من النكات العجبتني
*قالوا واحده قالت لي راجلها
*انا موش مرتك واهم زول في حياتك ؟؟؟
*قالها بالحيل
*قالت ليهو وموش مفروض تحقق لي احلامي ؟
*قال ليها مفروض
*قالت ليهو تجيب اسد تضبحوا لي هنا في البيت ده
*قال ليها يا مرا اسد اضبحو كيفن ؟؟
*مفروض تطلبي المستطاع
*قالت ليهو خلاس خليت الاسد
*اديني تلفونك وافتح لي الواتساب
*قال ليها قلت لي الاسد اضبحو في البرنده ولا في الحوش ؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*من عيوبنا ومساوينا
*لما نبركن صاح بقفلنا زول ساعتين ما بجينا
*ولما نبركن غلط نقفل الناس ولا هامينا
*نمرق في الدقيقه لو قررنا المروق يا والينا
*والغريبه يا والينا
*الزول مفروض يعتذر بعد يغلط علينا
*تخيل في ناس سايقين يعتذروا اول حتي يغلطوا علينا ؟؟
*يبقي نعمل الصاح نتضايق ونعمل الغلط نرتاح يا والينا ؟؟؟
*يبقي الغلط هو الشائع والصاح هو الاشتر الفينا
سلك كهربا
ننساك كيف والكلب لما يشوف زول مقفول في باركينج بقول في سرو يوقفك ساعتين ويقول ليك معليش ده لو زوقو عالي
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى