تابعونا عبر فيس بوك

قوقل ‏+‏ ‏
Use the English Language

في السلك بابكر سلك - نيجيريا مطرتها كتيره

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

15022016

مُساهمة 

في السلك بابكر سلك - نيجيريا مطرتها كتيره




في السلك
بابكر سلك
نيجيريا مطرتها كتيره
في السلك‏ ‏
*شكل مباراتنا ضد نيل شندي وضح حقائق
*التيم ما جاهز
*بصمة المدرب تأخرت كثيرا
*يمكن لقصر المده والموسم في بداياته
*واما لتأخر فهمها عند اللاعبين
*ولكن ايا كان السبب
*المريخ لم يظهر بعد بالشكل الذي يرضي الطموح
*والذي يبشر بموسم افريقي يضاهي السابق
*ونتمني ان يكون بناء هذا الموسم متينا وجيدا كاسكليتون
*وتقفيل
*ونرجوا ان يكون تشطيب تلك المباني ديلوكس وفاخر
*لاننا لو حالونا ان نكسو الجالوص بالقلادن
*ونمندل الارض لنركب عليها السراميك
*فان الجالوص يظل جالوصا
*ويتفكك القلادن وينتفخ صف السراميك
*واحتمال تقع الخرابه مع اول مطره
*-ونيجيريا مطرتها كتيره
*ايها الناس
*من اوجه تجهيز اللاعبين
*كنت اتوقع في سبيل تجهيز اللاعبين ان يشارك محمد مصطفي اساسيا امام نيل شندي
*بالذات والمعز مصاب وبعيد عن الفورمه
*ومحمد مصطفي شارك في جزء من مباراة مريخ الفاشر وفي كل مباراة الامير
*ومع احترامنا لنيل شندي
*لم يكن هناك خوف منه
*فكانت مشاركة محمد مصطفي ضروريه لاعداده
*انا ما مدرب ولكنها مجرد وجهة نظر
*الايام الفضلت للمباراه الافريقيه غير كافيه لعودة جابسون لمستواه
*فكان علي الجهاز الفني ان يخلق البديل الامثل في خانة جابسون
*سيما وعلاء لابد من عودته للدفاع الي جانب امير
*وعودة ضفر كمحور كانت تتطلب مشاركة عطرون كطرف لاعداد ضفر وعطرون افريقيا
*سيما ورمضان لا يمكنه المشاركه في المقابله الافريقيه
*واشراك بخيت خميس منذ بداية الدوري كان ضروريا
*لان جانب مصعب الدفاعي ضعيف
*وبخيت قوي في هذه الناحيه
*ومباراتنا الاولي خارج الديار
*يعني التوازن فيها مطلوب
*سد الثغرات والاعتماد علي المرتدات
*في وجود العقرب وعنكبه واوكرا اذا جاب ليهو لياقه والنعسان كصانع لعب خلفهم
*ايها الناس
*المريخ كان سيئا يوم نيل شندي
*علاء تائه وامير يستهتر واوكرا خارج الفورمه وضفر ساكيها ساي ومصعب غريب جدا
*كل ما يفعله هو انه يذهب الي الخط لحظة توقف اللعب ويطلب مويه
*محلو الكرستالات الفيهو تفتح مصنع مويه
*والشارب ليها شنو قدر ده ما بعرف ؟؟
*اما راجي فحزنت لمستواه
*بس الصدمه كانت في كريم
*الله كريم
*الزول ده ورونا الجابو منو ؟؟؟
*عشان التاريخ يسجل
*ايها الناس
*انا ما مدرب
*لكن مفروض نعتمد علي عظم التيم ونخت الاضافات عليهو
*عششان عضم التيم هو ميزة
*فالهلال مثلا بدون عضم
*فخده ساااااي
*لذلك يوم ايشيا ويوم موكورو
*ويوم ايشيا وموكورو
*فليتو
*انا غايتو مابعرف عضم بالبلجيكي شنو
*لو بعرف عضم بالبلجيكي
*كان كلمت لوك مدربنا ده وقلت ليهو امسك في عضم التيم
*المهم
*نسأل الله ان يوفقنا في تجهيز الفريق افريقيا
*حتي نعود لمستوي الموسم الماضي
*المهم
*لي اسي رجلي في الجبص
*دي ركشه ولا بص ؟؟
*الله يكفيكم شر الركشه
*والخرشه
*والركشه بالخرشه
*وبمناسبة الركشه ورجلي
*امس قابلني واحد صاحبي
*شافني نازل من العربيه
*قال لي سايق كيف بي رجلك دي ؟؟
*قبل ما اجاوبو لاحظ للعصايا
*قال لي سايق بالعصايا ؟؟
*قلت ليهو سايق بالعصايا انا سايق حمار اصلو ؟؟؟
*بيخ لي عربيتي
*اقسط فيها العمر كلو
*قال بالعصايا قال
*المهم
*خالد عزالدين اعترف بصحة هدف اهلي شندي
*مدام اعترفت بصحة هدف اهلي شندي المنقوض ظلما يا خالدونا
*هاك الكمامه دي
*واتكممي
*ايها الشفوت
*امسكوا العدد
*ورد عديل كده
*2870 ,,,2870 ,,,,2870 ,,,
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*قالوا ظهرت نتائج انضف العواصم لدينا
*الف مبروك يا والينا
*قالوا تصدرنا القائمه بالفينا
*مايهمنا الصداره من فوق ولا من تحت يا والينا
*المهم تصدرنا يا والينا
*يلا امرقوا المليارات نحتفل بيكم واحتفلوا بينا
*باق نحنا في الاحتفالات مافي زول بصرف اكتر مننا يا والينا
سلك كهربا
ننساك كيف والكلب لما سمع بي نضافة عواصم العالم ما اندهش لينا ,,,,نفض القراد ورقد
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى