نور بيتنا
غناء البلابل
كلمات صلاح حاج سعيد


نور بيتنا وشار ع بيتنا يوم ما جيتنا
يا الهليت فرحت قلوبنا واطريتنا الليلة وجيتنا
كان فرشنا السكة ورود
لو كلمتنا كان بالجيه
خطوة عزيزة ويوم موعود
الخلاك تطرانا شوية
تسال فينا وتجي حارتنا
دابها الليلة الفرحة طرتنا
والحظ جانا وغشى سكتنا
زارنا وجابك لينا هدية
شوف شتلاتك كيف نشوانه
والفل فرهد فرحان بيك
والريحان طربان يتمايل
غازل زهرة وعاين ليك
كل البيت خليتو في فرحة
ضاحكة عيون وقلوب منشرحة
جيت واكتملت بيك اللوحة
اهلا سيدنا ومرحب بيك