تابعونا عبر فيس بوك

قوقل ‏+‏ ‏
Use the English Language

في السلك بابكر سلك - سنتر الخرطوم الشباب بالكوم

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

16022016

مُساهمة 

في السلك بابكر سلك - سنتر الخرطوم الشباب بالكوم




في السلك
بابكر سلك
سنتر الخرطوم الشباب بالكوم
بابكر سلك في السلك‏ ‏
*امس مشينا مباراتنا ضد الخرطوم الوطني في دوري الشباب
*قبال اي شئ
*التحيه والتجله والاحترام
*لادارة الخرطوم الوطني وقطاع الشباب بالخرطوم الوطني
*ونرفع القبعات للكابتن ابوز الجاز الذي صنع فريقا منظما وواعيا جدا
*وننحني اجلالا للاعبي فريق شباب الخرطوم الوطني الذين اعادونا الي ايام كانت المواهب الشبابيه فيها علي قفا من يشيل
*تلك الايام التي كانت الملاعب بالاحياء وبين الحارات تتوافر فيها بكثرة
*قبل عمليات الاستيلاء علي تلك الملاعب لتقوم مكانها مؤسسات لاتنفع المواطن ولا تضيف للحي
*شكرا للخرطوم الوطني ادارة وجهاز فني ولاعبين
*شكرا لجمهور الخرطوم الوطني الذي شجع بوعي حضاري واحترام كبير
*ايها الناس
*اندهشنا للانسجام بين لاعبي الخرطوم الوطني
*وادهشنا الاداء بحرفيه واحترافيه )صعلكة كوره (
*وهذه لعمري اشياء توضح حسن اختيار العناصر قبل تسجيلها
*ووعي وحرفية من يوقوم بالاختبارات من فنيي الخرطوم الوطني
*اما اولادنا
*فحدث ولا حرج
*اجزم باني لم اجد في شبابنا بالامس ولا واحد عندو موهبه
*موهبة شنو !!!
*فهم كروي مافي
*فهم شنو ؟؟؟
*علاقه بالكورة مافي
*شفتوا ليكم زول مابعرف يجري ؟؟؟
*انا امس شفتو
*لاموهبه ولا فهم ولاحرفية في الاداء ولا ملكات ولا امل ساكت فيهم لي باكر
*الشفناهم امس ديل اولاد حله سااااي
*ماممكن يكونوا بلعبوا كورة في فريق منظم
*واللوم ما عليهم
*اللوم علي الذين اجروا لهم الاختبارات واختاروهم ليمرمطوا سمعة الفريق ومكانته
*ايها الناس
*في المراحل السنيه المريخيه لا يختلف شفتان
*ولكن في عهد اللاعبين ديل
*صدقوني لانتفق حولهم الا في ابعادهم من الفريق فورا
*زي ديل مابجي منهم
*زي ديل لو دربوهم في مراحل برشلونه السنيه ما بجي منهم
*واجزم
*لو وجهنا جهاز الدهب علي اولانا اللعبوا امس ديل
*سنه ما بصفر
*ريحة موهبه ساكت مافيهم
*لكن
*منو الاختبر ديل واختارهم ؟؟؟
*ياخ فيهم واحد الكورة فوق مستنيها تنزل براها
*الولد ده ماعارف انو الكورة لما تكون فوق زي الحكومه ما بتنزل براها
*الا ينزلها زول
*واقف راجيها تنزل
*لما نزلت لقي ناس الخرطوم شالوها ومشوا بيها ولعبوها اربعه باصات وحاوروا بيها سته من اخوانو
*امس اي حاجه دايرنها اولاد الخرطوم الوطني عملوها في اولادنا
*جمعوا وطرحوا وغسلوا وكووا
*وهدفوا من جوه الخط ومن بره الخط ومن بره الاستاد زاتو
*يا طارق يا اخوي
*البتعمل فيهو انت للسنيه كبير
*ابعد ديل لانو مابجي منهم
*وابعد من اختارهم في الاختبارات
*لو ده عزلهم ما بنفعوا
*وذكروني نكتة الولد القال داير يعرس
*ابوهو قال ليهو الف مبروك
*بعدين بمشي اعزل ليك العروسه
*الولد قال ليهو شكرا يا ابوي
*عزلك شفتو في امي
*خليني اعزل براي
*وعشان كده حقو يا طارق الجماعه العزلوا لينا ديل
*تقول ليهم شكرا عزلكم شفناهوا في اماتنا
*وعشان ماتلحقونا امات طه كتر خيركم
*ايها الناس
*الكورة نعم نصر وهزيمه
*ولكن الاداء بكفر ليك وقت الهزيمه
*والثلاثيه التي خسرنا بها بالامس
*والله العظيم شويه جدا
*تحيه خاصه لفرقة الخرطوم الوطني الشابه
*واخص بها رقم حداشر
*صلاح الامير الصغير
*او قل سكسك زمانه
*ورقم عشره
*ورقم اتنين ورقم خمسه الفكيناهم برانا من كشوفاتنا
*وكل الفرقه الخرطوميه
*في سنتر الخرطوم الشباب بالكوم
*وفي نصنا الردوم بالهبل
*يا طارق
*معقوله زول مابعرف يجري ؟؟؟
*السيل بعرف يجري ياخ
*علي كل
*وطالما الاتحاد عندنا بكرم المنسحب
*تيمنا ده يوم مباراتو ضد الهلال نخدق يا حبيب
*نلقي لينا اي سبب
*الزوغه الناس بتنساها
*لكن الفضيحه بتقعد
*ايها الناس
*لو داير اوصف ليكم علاقة اولادنا امس بالكوره
*مافي حاجه غير اقول ليكم
*كونسلت من خريجي التاريخ والقانون واللغه العربيه في غرفة العمليات يجرون جراحه لي مريض
*اكيد صيوان الزول ده بندقه قبل الزول يتبنج
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*قلنا لي زولا كده المويه زادوها لينا
*زادوها في الماسير ؟؟؟كده قال لينا
*قلنا ليهو ابدا زادوها لينا
*قال لينا يعني زادوها للمواسير !
*انا كنت قايل زادوها في المواسير
*حتي بعدين يزيدوها للمواسير
*لانو لي ….بتفرق عن في
سلك كهربا
ننساك كيف والكلب طلباتو لحمه ولبن ….في المواسير ولا للمواسير يا بوبي !!!
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى