المواضيع الأخيرة
» عناوين الصحف السودانية الصادرة اليوم الخميس 21 يونيو 2018
الخميس 21 يونيو 2018 - 9:07 من طرف Admin

» عناوين الصحف الرياضية الصادرة اليوم الخميس 21 يونيو 2018
الخميس 21 يونيو 2018 - 9:07 من طرف Admin

» الصراخ يبدأ - اخر الليل ‏‏‏‏إسحق احمد فضل الله
الأحد 15 أبريل 2018 - 20:59 من طرف Admin

» ورونا شطارتكم !
الأحد 15 أبريل 2018 - 11:40 من طرف Admin

» العودة لهذه البدائل
الأحد 15 أبريل 2018 - 11:40 من طرف Admin

» عُذرا أيها الحمير !!
الأحد 15 أبريل 2018 - 11:39 من طرف Admin

» ‏‏‏‏أكثر من عبور.. افتتاح جسر النيل الأزرق
الجمعة 13 أبريل 2018 - 21:31 من طرف Admin

» شكرا أخوات بصمة
الجمعة 13 أبريل 2018 - 21:31 من طرف Admin

تابعونا عبر فيس بوك

قوقل ‏+‏ ‏
Use the English Language
شارك
احدث الملفات بالموقع

في السلك بابكر سلك - رجعونا نبيت في الفرن يا اخينا

اذهب الى الأسفل

19022016

مُساهمة 

في السلك بابكر سلك - رجعونا نبيت في الفرن يا اخينا




في السلك
بابكر سلك
رجعونا نبيت في الفرن يا اخينا
بابكر سلك في السلك‏ ‏
*علمنا بلقاء ونسي بالوالي
*فقفز سؤال الي عقولنا
*اين العداء بين الرجلين ؟؟؟
*ولماذا يعكر البعض صفو المياه ؟؟؟؟
*ما الذي يدور في نفس يعقوب ؟؟؟
*وماذا يفيد المريخ من حدوث العداء المصنوع بامر ناس يعقوب ؟؟؟
*وهل المصالح الشخصيه وصلت لدرجة عرقله مسيرة الكيان من اجلها ؟؟؟
*اشياء غريبه تحدث بالمريخ
*ولا يهزم المريخ الا المريخ
*خليكم تفتيحه وشيلوا مفاتيحا
*زي ديل الابعاد هو الانسب معهم
*لان الكيان يمرض في وجودهم
*هم للاسف كثر
*ونحفظ لهم من المواقف ما هو كفيل باجبارهم علي التواري خلف جدران منازلهم
*قبل ان نسأل تلك الجدران
*بنوك من ياتو قروش يا جدران ؟؟؟
*المهم
*اذا عدنا لمباراتنا ضد اهلي الخرطوم
*نلاحظ ارتفاع المستوي عن السابق
*وبرغم تحركات تراوري الايجابيه في بعض الاحيان
*الا انو الزول ده رجع تاني للتعامل باستهتار مع الفرص السهله
*وعاد للانانيه التي تجعله يفضل عمل اي شئ الا التمرير للزميل
*وللسلبيه التي تجعله يفقد الكرة بسهوله وترتد علينا الهجمه بعد ان كنا الاقرب للتسجيل
*الزول ده ادوهوا العين الحمراء
*وهو الموسم ده ما حضر عشان سواد عيوننا
*ولكن ليسوق نفسه
*ويجب ان نستفيد نحن من تسويقه لنفسه
*وفائدتنا في ان يلعب بجديه ويفارق الانانيه
*غير كده الكنبه التي تجبره علي التفاني والاخلاص من اجل تسويق نفسه
*ايها الناس
*تحيه لعلي جعفر وهو يتطور في ظل حرب يشنها اهله عليه
*عفارم عليك يا ود الوزير
*وخلونا نصنع من ولدنا نجما كبيرا بدل حربه
*الاهله صنعوا من اسامه التعاون وخليفه نجمين
*نحنا علي صاحب الميزات الكتيره يغلبنا ننجمو ؟؟؟
*ايها الناس
*كوفي كان ما كوفي
*واوكرا مستمر في الغياب عن التشكيل بسبب عدم الجاهزيه
*فهل كان غرزه غلطان ؟؟؟؟
*غرزه لما قال بدلوهم لي
*الدنيا قامت وما قعدت
*وينك يا دنيا
*ووين اوكرتك وكوفيكي ؟؟؟
*الاتنين نجوم
*لكن العين الحمراء بتطلع منهما الافضل
*ايها الناس
*الكلام المامسؤل القالوا المسؤل وجعني شديد
*قصة مبيت الفرن وقسمة الصابونه
*سيدي المسؤل رجعونا لي ايام مبيت الفرن
*عشان يرجع الدولار الفي زمنكم وصل مليون ضعف سعرو لما جيتو ولقيتونا بايتين في الفرن
*كنا بنقسم الصابونه وقتها
*لاننا ماكنا نعاني وسخنا ودرننا وفسادا يستحق تنظيفه اكتر من نص الصابونه
*نص صابونه بتكفينا
*الليله صابون لوح وصابون بدره وصابون سائل ما بقدروا ينضفونا
*عفريته بالجازولين )المدعوم ( لاتستطيع ان تنظفنا
*رجعونا يا حبيبي لي زمن مبيت الفرن
*عشان نرجع للرغيف المدعوم
*والجنيه المابعوم
*ومجانية التعليم والعلاج
*وللمساواه امام تولي الوظائف العامه
*رجعونا نبيت في الافران
*عشان نعود نغني احب مكان وطني السودان
*بدل يكون غنانا احب مكان في السودان صالة المغادره يا مان
*صاح يا حبيبي كنا بنبيت في الفرن
*لكن وزن العيشه وقتها كان بساوي وزن طاولة من عيش اليومين دي
*صاح كنا بنبيت في الفرن لاربعه عيشات
*لاننا كنا بندعم حركة التحرير الارتريه بطاولة رغيف كلما نشيل نحنا اربعه عيشات
*صاح كنا بنبيت في الفرن لاننا اصحاب مبادئ وقتها وداعمون كنا لكل الثورات
*فباسمنا بدت حريه لافغاني ولزنجيه وللثوار في كل مكان زي ماقال الحبيب اكرم زكي
*وكنا يا عزيزي بنبيت في صف البنزين
*نقتسم البنزين المدعوم
*اكرر المدعوم نقطه لكل مواطن
*يا ريت نرجع نبيت في الفرن وفي الطلمبات
*منو الكان ببيت في الفرن ؟؟
*ناس الحي يا مسؤلا فينا
*ناس الحله بكل مضامينا
*لانو وقتها ما كان في زول بخلي حواشتو ويجينا
*وماكان في زول خلا سائل في مدينه
*كان في مشروع جزيره مدور لينا
*وكان في مصانع غزل ونسيج بتنتج لينا
*وبتشغل اولادنا قبلهم في كل مدينه
*ياريت نعود لي زمن نبيت في الفرن يا حبيبنا
*اقول ليك قولة
*رجعونا لي الزمن داك
*علي الطلاق نؤيكم ونطلع نهتف ليكم باقي العمر الفينا
*معقوله يا ناس
*اي تصريح مستفز لينا ؟؟؟؟
*المهم
*لسه اعاني من آثار اعتداء الركشه
*وزي ماقلت ليكم جابت لي الحبايب
*لكن اخي ورفيقي شيخ امير خضر
*الرجل الخلوق المؤمن
*عصر معاي الدكشه بتاعت الركشه عصرة شديده خلاص
*ولا زال
*الرجال مواقف يا شيخ امير
*وموقفك معاي اكبر واشهر من موقف جاكسون
*اما المحطات الصغيره
*فيتجاوزها الهايس زي الماحصل شئ
*نجيكم في السمحه يا حلوين
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*لي زمن مبيت الفرن حنينا
*والفرن زاتو بقي يحن لينا
*هل من عوده يا والينا ؟؟؟
سلك كهربا
ننساك كيف ولما كنا بنبيت في الفرن الكلب زاتو كان بمشي معانا ويبيت جمب الفرن
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: diggdeliciousredditstumbleuponslashdotyahoogooglelive

 
صلاحيات هذا المنتدى:
لاتستطيع الرد على المواضيع في هذا المنتدى