في السلك بابكر سلك - ليست حرب ولكنه الثأر

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

22022016

مُساهمة 

في السلك بابكر سلك - ليست حرب ولكنه الثأر





في السلك
بابكر سلك
ليست حرب ولكنه الثأر
ـــــــــــــــــ

* امل عطبره لا نعتبره عدوا خارج الملعب
* واكد ذلك في حسن استقباله لبعثتنا بعطبره يوم المباراه التي قرر القانون اعادتها ورفض امل عطبره القرار وانسحب من تلك المباراه
* مات وقتها القانون واحترامه
* واعترت تلك الحقبه فوضي غير مسبوقه
* لا عداء لنا مع امل عطبره
* ولكن لنا ثأر شريف لديهم
* سنأخذه عنوة واقتدار وعلو كعب
* فامل عطبره زميلنا بالممتاز وصديق الهلال ليس ندا لنا
* ولا صديق امل عطبره زاتو ندا لنا
* فالجويه اطاحت بالنديه
* ويمكن ان يكون امل عطبره ندا لصديقه
* وصديقه ندا لصديقته رابطة كوستي
* ورابطة كوستي تنعم بنديتها لنهضة ربك
* جميعهم انداد في الانجازات الصفريه الدوليه والصفريه الجويه
* لذا امل عطبره ليس ندا لنا
* ولاقطر عطبره زاتو
* لكن لنا تار بطرفهم
* اولادنا لازم يعرفوا كده
* ولازم يعرفوا اننا مابرضينا ضد امل عطبره غير الفوز باكبر نتيجه تحدث بالممتاز منذ تأسيسه
* وسنري ماذا سيفعل التحكيم في مواجهة العنف الغير شرعي المتوقع
* ياربي التحكيم بنذر ويطرد زي ماشفنا يوم مريخ كوستي ضد اهلي شندي?
* انتوا كورة مريخ كوستي الجايه ضد منو ?
* لا اله الا الله محمدا رسول الله
* معقوله
ايها الناس
* ماننسي تارنا
* لكن كمان ماننسي احترامنا
* واتمني ان يتصدر العقرب روليت الهدافين يوم لقاء الامل
* وسؤال ما محتاج جواب
* مولانا جمال حسن سعيد جايينا بالكسكته برضك ولا في دي صحوبيه مافي!
* معقوله طرد محسن وانذار الواطه كلها?
* طيب مريخ كوستي اللاعب ليها شنو ??
* ولا ننسي مريخ كوستي الذي تعادل مع الهلال في موسم الانسحابات في الدوره الاولي
* وفاز عليه الهلال في الدوره التانيه بهدف من ضربة جزاء اثر مخالفه ارتكبها مهاجم الهلال مع مدافع مريخ كوستي
* عمركم سمعتوا بضربة جزاء تنتج لصالح فريق مهاجمه عرقل مدافع الخصم ??
* في البلد دي بحصل اكتر من كده
* مع ناس يخطئ ديل ممكن الواحد فيهم يخطئ في كتابة اسم لاعب تم طرده ويكتب اسم لاعب في البلد مافي
* خليهو في الكوره
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* التوقيت شتا والجو مسخن فينا
* ضل الشتا رامي والسحائي قايم علينا
* المجري في شارع العرضه طافح والمحليه ماشغاله بينا
* جرثومه المعده لافه في معدتنا ما لاقيه السخينه
* وتاكل فينا يا والينا
* نرجع نبيت في الفرن ولا تحلوها لينا!!!
سلك كهربا
ننساك كيف والكلب قال يا حليل مبيت الفرن باعوضه ماكانت بتجينا
والى لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى