في السلك بابكر سلك - برج العذراء

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

25022016

مُساهمة 

في السلك بابكر سلك - برج العذراء





في السلك
بابكر سلك
برج العذراء

< أنا مبسوط شديد
< قالوا مواليد برج العذراء دي أيام سعادة ليهم
< وأنا والله العظيم من مواليد برج العذراء
< أمس اكتشفت إنو مكسيم برضو من مواليد برج العذراء
< عشان كده أمس الضحك برشو
< اول مرة أسمع لي بي زول الضحك برشو
< لكن ابراهيم فتح الرحمن المحامي قال لي مكسيم الضحك ما برشو ساي
< برشو وشرطو
< المهم
< مكسيم والهلال وجميع فرق وحراس العالم ما استطاعوا تحطيم رقم بريمة
< بريمة حافظ على نظافة شباكه دوري كامل إلا خمس مباريات
< ودائماً المعجزات يحققها المريخ
< المعجزات لا يحققها الناس ساي من طرف
< المهم
< أمس في الشوط الاول مريخ كوستي جاب قون غريب
< الزول الجاب القون ده حقار
< من بره الخط دخل بالهلال كلو
< ولسان حاله يقول تحت السمر يحلو تحت القمر
< وبعد داك دردقها تحت القمر
< مكسيم بتاع برج العذراء الضحك برشو
< محمد اسماعيل حقار لكن
< قام بقص الشريط وإعلان افتتاح معرض شباك مكسيم
< وليبيا فتحت
< بس الأجمل من كده سبحة العشري
< سبحة العشري كراعها خضراء
< خضراء شديد
< حولت مكسيم من مواليد برج العذراء لمواليد برج الحوت
< يبلع جب وجب
< وكم أنا أتشوق لمعرفة برج روشا وبرج محمد عبدالماجد وبرج خالد عزالدين
< فطومة اختي برجك شنو؟
< ما تقولي لي برج الحمام؟
< لكن بصراحة
< نمرة تمنية بتاع الهلال امس لو بقى ابو عاقلة
< بركة الماسجلناهو
< الزول ده بعد بشتنة مهند ليهو الزعلت فطومة من وردة
< مشتت لي اسي
< لكن الروعة كانت في رقم 22
< ياخ ده الله يلعبوا لينا ضد بكري وعنكبة والنعسان والوك
< والله اليوم داك يا خالدونا بقى برجكم برج الكتاكيت
< أيها المحمد عبدالماجد
< ماعزمتونا الجرتق
< لكن حضرناهوا
< أيها الناس
< بعد فشل مكسيم في تحطيم رقم بريمة
< حقو عشان ناس خالدونا يتفردوا ويسجلوا رقم لي هلالهم يستحيل تحطيمه عالمياً
< إنو نعتبر استمرار الصفر تمنية وتمانين سنة رقم متفرد يميز الهلال
< ولنا سؤال
< هل دكاكين استاد الهلال تعتبر من المباني العامة؟
< سنعود للموضوع ده بالقانون
< واذا عدنا
< جوهرتكم دي الا تبنوها في ميدان شمبات خلف الطلمبة
< فطومة
< حاسبتوا السادة يا سادة؟
< واتجرتقي
< المهم
< قرار الاتحاد بتاع أبناء أبيي بشمل جمعة ولا ما بشملوا؟
< لأنو قبل الأعاره من كوبر أتقدم ورق يفيد بأن جمعة من أبناء أبيي.
< وإنو ابن أبيي الكبير كمان
< آها
< نجي لي شمارات والي الخرتوم
< كان شفت يا والينا
< قدر ما شكينا واشتكينا
< معتمد ام درمان ما شغال بينا
< الخور يا والينا
< الخور الفي شارع العرضة معمول لينا
< الخور الإتملي علينا
< ومابصرف يا والينا
< وطول العام روائح كريهة طالعة لينا
< باعوض أشكال وألوان بنتجو لينا
< ينوني فينا ويعضينا
< وشارع العرضة ده فيهو مكتب المعتمد يا والينا
سلك كهربا
ننساك كيف ومشينا نفحص وظائف الكبد قلنا للفحيص دايرين نفحص وظائف الكلب.. والكلب يضضضضحك
والي لقاء
سلك
ليست حرباً ولكنه الثأرتقييم المستخدم: / 0
التفاصيل
نشر بتاريخ الإثنين, 22 شباط/فبراير 2016 14:27
< أمل عطبرة لا نعتبره عدواً خارج الملعب
< وأكد ذلك في حسن استقباله لبعثتنا بعطبرة يوم المباراة التي قرر القانون اعادتها ورفض امل عطبرة القرار وانسحب من تلك المباراة
< مات وقتها القانون واحترامه
< واعترت تلك الحقبه فوضى غير مسبوقة
< لا عداء لنا مع امل عطبرة
< ولكن لنا ثأر شريف لديهم
< سنأخذه عنوة واقتداراً وعلو كعب
< فأمل عطبرة زميلنا في الممتاز وصديق الهلال ليس نداً لنا
< ولا صديق أمل عطبرة زاتو ند لنا
< فالجوية اطاحت بالندية
< ويمكن ان يكون امل عطبرة نداً لصديقه
< وصديقه نداً لصديقته رابطة كوستي
< ورابطة كوستي تنعم بنديتها لنهضة ربك
< جميعهم انداد في الانجازات الصفرية الدولية والصفرية الجوية
< لذا امل عطبرة ليس نداً لنا
< ولا قطر عطبرة زاتو
< لكن لنا تار بطرفهم
< اولادنا لازم يعرفوا كده
< ولازم يعرفوا اننا ما برضينا ضد امل عطبرة غير الفوز باكبر نتيجة تحدث في الممتاز منذ تأسيسه
< وسنرى ماذا سيفعل التحكيم في مواجهة العنف غير الشرعي المتوقع.
< يا ربي التحكيم بنذر ويطرد زي ما شفنا يوم مريخ كوستي ضد اهلي شندي؟
< انتوا كورة مريخ كوستي الجاية ضد منو؟
< لا اله الا الله محمداً رسول الله
< معقولة
< ما عارف ليه سبب الرياضة الجماهيرية اللافي في الواتس اليومين دي بقى يزاول لي
< عارف ليك سبب يا محمد عبد الماجد؟
< يظهر إنو الموسم ده حا يشهد حركات وطنية جديدة يا خالدونا
< المهم
< كلنا لن ننسى ان امل عطبرة ما ند لينا
< كلنا يجب أن نذكر ان عند امل عطبرة تاراً لينا
< كلنا يجب أن نشجع بقوة ونحث على النصر العريض لاعبينا
< كلنا يجب أن نحترم في خلق رياضي جميل امل عطبرة وبرضك في الرياضة السمحة زميل لينا
< كلنا كجماهير يجب ان تتشابك ايدينا
< ليقوى الزعيم ويحقق اكبر فوز في الممتاز لينا
< ايها الناس
< الزول لما يمشي يجيب لمبه صينية من الدكان ويربطها وما تولع
< بقول يا ولد شوف الكهربا دي قطعت ولا شنو
< ولما يعرف انها ما قاطعة بفتح المفتاح ويقفلو ستة مرات واللمبة في حالها
< واخيراً بفكها ويرجعها الدكان والشمطه تقوم
< قرأت في الزاوية العملاقة انو ناس ابو كسكتة ركبوا كشافتين ونزلوهم
< أبوا يولعوا يا روشا ولا شنو؟
< بناظير الزناطير يا اختي انتوا بتخموا ساي قبال تجربوا اللمبات؟
< الله يستر من الطابق الجديد ما يلحق قاعة الدراسة بالجامعة الشهيرة
< رجعوا لينا دكتوراتنا او أعيدوا تشييد القاعة
< بشرط البنا والبناول الطوب يكونوا مننا
< باقي بناكم والجاب طوبكم للقاعة كانو صينيين اظنهم.
< قاعة تقع قبال الدكتوارة تنشف!!!
< حيرتونا يا خالدونا
ايها الناس
< ما ننسى تارنا.. لكن كمان ما ننسى احترامنا
< وأتمنى أن يتصدر العقرب روليت الهدافين يوم لقاء الأمل
< وسؤال ما محتاج جواب
< مولانا جمال حسن سعيد جايينا بالكسكتة برضك ولا في دي صحوبية مافي!
< معقولة طرد محسن وانذار الواطة كلها؟
< طيب مريخ كوستي اللاعب ليها شنو؟
< ولا ننسى مريخ كوستي الذي تعادل مع الهلال في موسم الانسحابات في الدورة الاولى.
< وفاز عليه الهلال في الدورة التانية بهدف من ضربة جزاء اثر مخالفه ارتكبها مهاجم الهلال مع مدافع مريخ كوستي.
< عمركم سمعتوا بضربة جزاء تنتج لصالح فريق مهاجمه عرقل مدافع الخصم؟
< في البلد دي بحصل اكتر من كده
< مع ناس يخطئ ديل ممكن الواحد فيهم يخطئ في كتابة اسم لاعب تم طرده ويكتب اسم لاعب في البلد مافي.
< خليهو في الكورة
< أيها الناس
< إن تنصروا الله ينصركم
< أها
< نجي لي شمارات والي الخرتوم
< كان شفت يا والينا
< التوقيت شتا والجو مسخن فينا
< ضل الشتا رامي والسحائي قايم علينا
< المجرى في شارع العرضة طافح والمحلية ما شغالة بينا
< جرثومة المعدة لافة في معدتنا ما لاقية السخينة
< وتأكل فينا يا والينا
< نرجع نبيت في الفرن ولا تحلوها لينا؟!
سلك كهربا
ننساك كيف والكلب قال يا حليل مبيت الفرن باعوضة ما كانت بتجينا
وإلى لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى