تابعونا عبر فيس بوك

قوقل ‏+‏ ‏
Use the English Language

غياب ولاء الدين لامتحانات الاساس

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

28022016

مُساهمة 

غياب ولاء الدين لامتحانات الاساس




من هنا وهناك
هيثم صديق
غياب ولاء الدين لامتحانات الاساس
غياب ولاء الدين لامتحانات الاساس‏ ‏
الود ده دخل المدرسة متاخر
واللا ربت
بكون بات
اذا بيتوه في سن الستاشر ما يبيت في فصل دراسي
البخيل قال للشحاد
بتاكل ملاح الخدرة البايت
الشحاد جعان لدرجة ياكل الخدرة نية قال ليه اي باكل
البخيل قال ليه : خلاص وامشي وتعال بكرة يا دوب الليلة طابخنها
لكن الطبخة ديك بايتة اكيد
وبرة التلاجة كمان
قعدت في البرد عادي
ارتفعت درجات الحرارة ريحتها مرقت
انشاء الله الود ده مذاكرين ليه كويس
الامتحانات في الاساس بعد بكرة
والله الدماعة ديل ببالغوا
يسجلوه بستاشر سنة في خانة اندريا ابو 61
دي اتنين واتاشر رجعت تاني
زمن التعداد السكاني عندنا قريبتنا سجلت عمرها 25 سنة
وولدها الكبير مسجل عمرو 28 سنة
الناس استغربت
لكن واحد صاحبنا قال لينا بكون عمتكم دي بعد ما حصلت الخمسين رجعت نازلة
الظاهر ولاء الدين ده جاء للستاشر دي من فوق
دخل الجامعة ونزل
الشافو السنة الجاية في بطولة جيم ما كضب
قالوا مضي ليه في اورنيك التسجيل خالو صالح سنار
جاب معاه ولي امرو
قبل كده جابوا ليهم يمني اهلوا فتحوا بلاغ فقدان
الناس دي بتكون هي البتهرب اطفال الهجن
لكن ولاء الدين ده ما طفل
مسجل في خانة اندريا
يعني بلغ تلت المية
الناس دي بتابع الافلام كتير
ده موضوع مقتبس من فيلم )صغيرة علي الحب(
بطولة سعاد حسني ورشدي اباظة
انتو رشدي اباظة ده قريب حمادة )بوظ( اعصابنا واللا تشابه في الاسماء بس
في فيلم صغيرة علي الحب سعاد حسني لبست لبس بنات صغار ومشت تقدم برنامج الاطفال
الطفلة المعجزة سموها
احتمال يكون مقتبسين من فيلم هندي
مش في فيلم هندي الود وخطيبتو لقوا ليهم طفلة مرمية في الشارع
مشوا شالوها وربوها و
في نهاية الفيلم طلعت امهم
زمان كنت فاكر الهنود ديل ببالغوا
لكن لقيتهم عندهم شبيه
متى يبلغ اللاعب يوما تمامه
اذا كنت تسجله عجوز وغيرك يصغرو
طبعا اكيد بتكون في سمكرة هسي شغالة
لكن وين
دي ضربة في القائم
وفتلة في الشاسي
يا دماعة انتوا خلوها مناسبة
اعملوها صغيرة شوية
مش تجيبوا عربية دركسونها يمين علي اساس انها 2016
تنويه
كنت قد اعطيت مساحتي هذه قبل يومين للاستاذة سمية طه والتي كتبت عن الاستاذة عفاف الامين وسقط اسم الاستاذة سمية عفوا وان كان واضحا اني لست كاتب الرسالة لان الكاتب شكرني من خلال المادة كما وضح تماما ان الاستاذة سمية هي من كتبت المادة من سياقها.. اعتذر جدا للاستاذة سمية لسقوط اسمها واعتذر ايضا لها من قراري بعدم اعطائها مساحتي لاحقا.

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى