تابعونا عبر فيس بوك

قوقل ‏+‏ ‏
Use the English Language

بابكر سلك .. في السلك .. عيب الزاد ولا عيب سيدو

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

04032016

مُساهمة 

بابكر سلك .. في السلك .. عيب الزاد ولا عيب سيدو




بابكر سلك
في السلك
عيب الزاد ولا عيب سيدو

اخبار‏ ‏
< معادن الناس بتظهر عند الضرورة على حقيقتها
< اعتاد المريخ على البحبوحة في عهد جمال
< واعتاد كذلك على غياب وجوه كثيرة عند ابتعاد جمال
< غياب لدرجة المريخ لاعب متين ماعارفين
< نفس تلك الوجوه تعود مهللة ومستبشرة عندما يكون قرار جمال العودة
< احترنا فيهم!
< وقطع شك احتار فيهم جمال
< بدأنا نشك في انتمائهم
< أللمريخ ينتمون ام الى شيء آخر؟
< إنهم يذكروننا بمقولة سيدنا الصديق رضي الله عنه الشهيرة
< »من كان يعبد محمداً فإن محمداً قد مات.. ومن كان يعبد الله فإن الله حي لا يموت«
< وبرغم ذلك
< وفي نفس تلك الفترة
< فترة غياب البحبوحة عند ابتعاد جمال
< تطل علينا وجوهاً مشرقة
< لا لأن جمال قد ابتعد
< ولكن لأن المريخ يحتاج للرجال والمال
< يأتون من كل فج عميق
< راجلون وراكبون
< بعضهم يخمس السجارة ليدعم
< وبعضهم بذراعه يدعم
< وبعضهم يأتي باحثاً عن التكاليف
< إنهم المريخاب الشرفاء الشفوت
< على سبيل المثال لا الحصر
< قروب الديناكوردات يقوم بجمع نصيبه من مليار الدعم
< وهناك صيانة دار النادي
< السور الأخ الحبيب جلال عبدالماجد تكفل به وبدأ العمل
< وشركة زروق تقوم بصيانة واجهة النادي الشمالية وتعمل كاستشاري لأعمال الصيانة
< واجهة النادي الشرقية اولتراس أسود المريخ
< السباكة قروب صفوة بلا حدود
< المسرح والحديقة غرفة الزعيم عماد الماحي وآدم عيسى
< سباكة الطابق الأول والثاني الشفت خليل علي
< أعمال الكهرباء التزم بها مزمل أبو القاسم ومحمد خير ساريا
< صيانة المبردات الشفت عمر محمد
< الواجهة الجنوبية تجمع روابط المريخ
< صيانة الهول والطابق الأرضي قروب صفوة بلادي
< ودعم عيني مقدر من العقيد الشفت ياسر
< المرأة المريخية صيانة ونقاشة النادي من الداخل
< بربكم ديل مريخاب والذين ذهبوا مريخاب؟
< قمت بزيارة النادي
< قابلت الشفت البصري عيسى التوم مدير النادي المكلف
< قابلت التومات وهن يودعن الابتسامات برغم التعب
< وما أجمل وجنات المرأة المريخية وهي تفيض جيراً وجبصاً وتمني
< قابلت إيناس وهي تستعد، وكشف احتياجات الكهرباء بيدها متوجهة صوب مزمل ومحمد خير
< قابلت فتية يعملون في صمت مقدس وبمحبة كبيرة ودرجة الحرارة تدخلها طب الخرطوم
< قابلت الحسين ابو وشباب غرفة الزعيم
< كم انت كبير يا مريخ
< طالما في شعبك أمثال هؤلاء
< وعلى الذين يفكرون يا دوبك في معرفة أخبار المريخ أن ينقطونا بسكاتهم
< وينقطونا بغيابهم الذي لا ينقصنا شيئاً ولا يعيبنا بقدر ما يعيبهم
< إنهم ذلك النمل الذي أخبرتكم به
< النمل الذي يلملم أطرافه ليتلم حول صحن العسل
< كرهتوا النحل ذاتو اليوم الصنع فيهو العسل
< أيها الناس
< قرش بدعم
< جرة فرشة جير على حيطة بتدعم
< عيب الزاد ولا عيب سيدو
< سامعني يا النمل؟؟
< أيها الناس
< قروبات المريخ تضم خيرة الناس فهماً وثقافة وانتماءً
< اعتادت أن تنافس نفسها في دعم الكيان
< تعالوا نعلنها منافسة شريفة بيننا
< نتسابق فيها نحو شرف الأكثر دعماً للمريخ وخدمة
< أيها الناس
< اي لقب او صفة نطلقها علي شيء يخص المريخ
< الجماعة بهناك يسرقوها
< ومثال لذلك وصف الشفوت
< أطلقته على جماهير المريخ قبل كورة راجي وهنو
< يوم ابعمود كان عنوانو
< يانتشفتن يا نتبشتن
< بشوف الجماعة بسرقوا فيهو
< سرقوا أي شيء
< بس الماقدروا عليهو لقب بطل الكاسات المحمولة جواً
< وما تستغربوا لو يوم روشا كتب الأزرق الوهاج
< او فطومة كتبت القبطان الكاردينال
< تقليد بس
< الهلال الصيني السوداني
< ايها الناس
< اكتب قبل لقاء النسور
< كورة حاتكون جميلة
< لأنو نحنا كورتنا جميلة
< وكورة النسور جميلة
< ومابندق النسور بالشلوت
< لأنو ماعندنا حكم يحمي بلطجينا
< لكن بندق النسور بالأهداف
< يكفي إنو عندنا بكري المدينة
< أيها الناس
< »إن تنصروا الله ينصركم«
< آها
< نجي لي شمارات والي الخرتوم
< موضوع اليونان الحايم في الفيس لينا
< صحي ولا كضب ولا نستبعدوا ولا مابعيد يا والينا؟
< لو بقى صحي الغوهوا يا والينا
< لأنو الموضوع ده لو وصلنا في ناس طحنية بشغلوهوا لينا
< هو نحنا فارزين شيء يا والينا
سلك كهربا
ننساك كيف والكلب فاتح خيال للذكريات اتذكر ود بانديه
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى