في السلك .. بابكر سلك .. بي ايدينا نبنيك يا بلدنا

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

08032016

مُساهمة 

في السلك .. بابكر سلك .. بي ايدينا نبنيك يا بلدنا




في السلك
بابكر سلك
بي ايدينا نبنيك يا بلدنا
اخبار
* وللاوطان في دم كل حر يد سلفت ودين مستحق
* وتغني الناس لاوطانهم كثيرا
* ومن اجل اوطانهم قدموا جهدا كبيرا ومقدسا
* فازدهرت اوطانهم ونمت
* وبينهم كان المتخاذلون
* والطابور الخامس
* والمتخابرون مع جهات اجنبيه لمصالحهم الخاصه
* وكان التمن خيانة وطن
* ما احلي الانتماء
* وما اعظمه حينما يكون لوطن
* عندما تكون التضحيات لاجل وطن قدم له السلف دون من ولا اذي
* البيت وطن
* الحله وطن
* المدينه وطن
* المحافظه وطن
* الولايه وطن
* والوطن وطن
* ايها الناس
* المريخ وطن
* وطنا الباسمك كتبنا ورطنا
* احبك
* احبك حقيقه واحبك مجاز
* احبك واحييك
* ايها الناس
* تنتظم وطني المريخ نفرة اعادة تأهيل النادي
* نادينا ينادينا
* لانه اصبح خرابه
* اهمال لسنين عددا
* قضي علي الاحمر والاصفر فاصبح يابس
* اثاث فخم اصبح خرده
* مكيفات غير موجوده في اماكنها
* ومراوح مخلوعه من اماكنها ولمبات بي مكناتها غير موجوده في مكاناتها
* ومراوح اخري مخلوعه من الحصل للمراوح المنزوعه
* ولمبات منزوعة الدسم
* بورد سااااكت
* لامكنه ولا استارتر
* كشافات تكشف عن اهمال مقصود وضعف اداري كبير
* ومستنقع مياه غرب مبني النادي في الاستوائيه زيو مافي
* اجزم بوجود التسي تسي فيه
* وخرده وكرور بالهبل في كل الطوابق
* سراميك قايم وسراميك نايم
* وحمامات اظن ان مجرد ذكرها قد ازكم انوفكم
* حمام مبيض وحمام مفقع
* وحمام ود قلبا مولود داخل السقف المستعار لهول النادي
* اسي هو زاتو والد
* ده غير الجندب والفار والعنكبوت
* منظر لم يعجب الشفوت الجد جد
* فانتظمت حملة اعادة تأهيل دار النادي
* انهم الشفوت الذين تقاطروا من كل حدب وصوب
* دعموا ماديا وعينيا وبالجهد البدني
* فبدأ الامر ظاهرا للعيان
* الشعار كان
* بي ايدينا نبنيك يا بلدنا صممنا لازم نبنيك
*
* تدافع الشفوت من اجل اعادة البريق لدار النادي
* اي زول التزم بشئ جابو
* زي شوبش الحنه
* مافي زول قال حاجه ماعملها
* النادي خلية نحل
* عمل وعسل
* ولازالت الوفود تتقاطر
* علي سبيل المثال امس التقيت بالشفوت
* مريخاب للابد
* مريخاب اسياد بلد
* قروبات شبكة الزعيم
* اما الباشمهندس مبارك محمد علي والاشمهندس نفيسه هاشم
* كانت مساهمتهما عدد200 شتلة زهور تطرح زهورا بالوان الشعار احمر واصفر
* الوجيه حامد بدوي وجموعته مصممون علي تغيير جميع ابواب النادي الي ابواب صينيه موديل حديث
* وتستمر الشفتنه
* دكتور مدثر خيري ومنتدي المحبين التزموا بجميع اعمال الكهرباء المتبقيه بعد المساهمه
* لان كهرباء النادي تحتاج لتغيير شامل كامل لا الي اعادة تأهيل وتلتيق
* ولكن
* ايها الناس
* يسأل الناس عن سبب الموقف السالب لاعلام المريخ تجاه هذه التظاهره
* نمتلك تلاته صحف حمراء جميعها يشكل غيابا عن الساحه
* اهمال ام سلبيه ام استراتيجيه??
* اسئله تطرح نفسها وتنتظر الاجابه من الاعلام الاحمر
* ايها الناس
* تداعت كثير من القروبات للترويج لمقاطعة الصحف المريخيه جراء سلبيتها المحيره في موضوع اعادة تأهيل النادي
* شخصيا اخجل واتوراي خجلا خلف هذا الموقف السالب
* فهل يعترف الاعلام الاحمر بقصوره ويعكس مايدور بالكيان بكل شفافيه???
* المهم
* من فاته قطار المشاركه الفرصه موجوده
* ومن فوت قطار المشاركه عمدا عليه مراجعة مريخيته
* من ساهم بقرش ببقي مساهمه
* ومن شارك بمليار ببقي مساهمه
* ومن سدد جنيه وهو لايملك غيره يكون اعظم زول فينا لانو بكون ساهم بكل ما يملك
* ايها الناس
* في القروبات في كلام حايم مفاده مقاطعة مشروع2870
* بل وكمان مرسلين للناس طريقة الخروج
* وقالوا لانو الشركات بتشيل القروش وما بتدي المريخ
* ده كلام فارغ
* اي قرش بتحول المريخ بشيل نصيبو فيهو
* لكن علي لجنة التسيير ضغط الشركات لتحسين خدماتها
* لانو في شفوت كتاااار بشاركوا والشركات ماقاعده تخصم منهم
* عليه لاداعي لمغادرة الاشتراك في الخدمه
* ايها الناس
* سنعود عودة تفصيليه لموضوع اعادة تأهيل النادي
* ادبيا اي زول مفروض ياخد حقو
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* الطماطم بي هنا رخصت لينا
* الدكوه بي هنا غلت علينا
*نحنط الطماطم و نصبرها يا والينا
* لمن الدكوه ترخص لينا
* قول الطماطم حنطناها واتصبرت نحنا البصبرنا شنو يا والينا
سلك كهربا
ننساك كيف والكلب لما يسمع الصبر بنقلب ويواصل نومو
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى