في السلك .. بابكر سلك .. الحكم كان يلبس كسكته

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

13032016

مُساهمة 

في السلك .. بابكر سلك .. الحكم كان يلبس كسكته




في السلك
بابكر سلك
الحكم كان يلبس كسكته
#الحديبة_نيوز
* امس شفنا كيف مثل الهلال السودان
* وعلي الرغم من انو ليبيا من زمن القذافي بقول زنقه زنقه ماادقت فيها كورة
* الا ان الليبيين وروا الهلال جنس زنقه
* واشفقنا علي الحكم اكتر من الهلال
* يظهر عليهو كان مسخن شديد
* و في سخانتو ديك احتمال يكون ضربو السحائي
*عشان كده كان يلبس كسكته ويريحنا
* ومع شمسنا بتاعت اليومين دي
* وابو الهل لاعب عصر
* حقو حكم السبت الجاي يلبس الكسكته بالواضح المافاضح
* شمسنا والسخانه صعبات شديد
* ايها الناس
* من كورة قورماهيا في بورتسودان
* قلت ليكم نمره اتنين وعشرين بتاع الهلال الاسمو ابيكو ده ماسوره
* امس الليبيون مرقوا قذافي تاني من الماسورة
* مرقوا ماسوره من جوه الماسوره
* واحرز ابيكو اول اهدافه الافريقيه مع الهلال
* المسخن ابيكو ده يافطومه وكان اولي بالكسكته بي سخانتو دي
* اما ابو عاقله
* الزول ده اكيد مهند الطاهر لخبط تايمو
* الزول ده بتحاور سااااااكت
* اي زول يجي ماشي بالكورة جمبو يغسل
* مسجلين غساله يا اختي!
* غايتو قروشكم ما وقعت واطه
* جيبي ليك ليهو ركشه بالاقساط واهو استثمار
* ايها الناس
* التحكيم طبعا يخطئ ولا يظلم
* بالذات السوداني
* وكمان الافريقي بقي ينافس السوداني
* امس اخطأ في احتساب ضربتا جزاء للثوار
* واحدة كعبله وقشه والتانيه هاند تو بول
* ونقض حكم من زاوية نظرنا صحيح ومن وحهة نظر الحكم غير صحيح
* يمكن السخانه الفيها اثرت عليهو شديد
* قام اخطأ ولم يظلم الثوار
* لكن الدمازين ابدع
* الزول ده داير ليهو بوليس حركة ما حكم
* حقو ياروشا تأمنوا عليهو شامل كامل
* الزول حوادثو كتيره
* المهم
* اليوم نقابل النيجيري
* لاندري ان كان الحكم الافريقي مسخن ولا مامسخن
* باقي معظم افريقيا اليومين دي سخانه
* فان كان من بلدا سخانتها تلحم
* الله يستر النيجيريين ديل ما يبردوا عليهو الواطه
* لكن العشم في ربنا كبير
*واخوان العقرب جاهزين
* من لم يركب معنا
* هناك فرصة للركوب معنا بخالص الدعاء لنصرة الزعيم
* فيها ايه لو جينا من هناك متأهلين!
* المهم
* تمضي نفرة شفوت المدرجات قدما
* اينعت لمحات الابداع
* كانها تقول
* لا مستحيل تحت الشمس
* وتغني
* بي ايديننا نبنيك يا بلدنا صممنا لازم نبنيك
* التحيه لبصري وجميع اركان حربه ناس مبارك ودراج وبجبج والبقيه
* والتحيه لشركة زروق الهندسيه
* ولكل الجنود الشفوت في قوات دعم المريخ السريع
* ايها الناس
* كتيبتنا السنه الفاتت كانت مية مية
* هذا الموسم لم نفقد سوي ايمن سعيد للاصابه التي اجبرت الزعيم لعدم التجديد له
* وزدنا علي اولادنا قدرات اخري دون ان نخصم من قدرتنا القديمه
* النعسان قيمة مضافه اذا وجدت التوظيف الصحيح
* وعودة عنكبه اضافة شنكبه وعقربه
* وكلنا يقر باننا افتقدناه بالاعاره حينما اصيب بكور
* اما الوك فهو اضافه كبيره
* ولكن اتحادنا في سبيل مجاملة التمرد خرج علينا بشرط جديد يوخر اشراك الوك
* وماعرف رفاق ونسي عملوا ايه في الحته دي!
* المهم
* النصر سيأتي بحمد الله اذا عملنا له
* وكفاح لجنة التسيير ونضالها وهي ترفع الرايه في احلك الظروف يجبرنا علي تقديم التأهل هديه لها
* ايها الناس
* للاسف فينا من يتمني الخروج المبكر نكاية في لجنة التسيير
* مثلما كان فينا من يتمني الخروج المبكر نكاية في جمال الوالي
* زي ديل لارجاء فيهم
* حقوا يخلونا ويمشوا يختونا
* قبل ان نسأل الله ان يفتكرهم ويريحنا
* تعلموا يا هولاء حب المريخ الكيان من شفوت القروبات
* اللهم نسألك نصرا كبيرا عزيزا تعز به عبادك المريخاب
* اللهم انا نسألك يا علام الغيوب ان لا تحوجنا لشيبوب
* شيبوب امس لو لعب الهلال كان اتعادل
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* تزيدوا المويه برضك ما بتجينا
* تزيدوا سعر النت علينا
* والشبكه في حالها بتزفت علينا
* زدتوا الغاز بقي يخرب الميزانيه لينا
* اي شئ زدتوهوا يا والينا
* الا شي واحد ثابت عندكم ولدينا
* المرتب ده ماتزيدوهوا يا والينا
سلك كهربا
ننساك كيف والكلب قال الزول بتعرف مرتبو من حالة كلبو… ورقد في الطين يهمهم… اهو عايشين
والي لقاء
سلك
#الحديبة_نيوز

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى