في السلك .. بابكر سلك .. الليله ليلتك يا مريخ

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

19032016

مُساهمة 

في السلك .. بابكر سلك .. الليله ليلتك يا مريخ




في السلك
بابكر سلك
الليله ليلتك يا مريخ
ـــــــــــــــــ
* اليوم يعلن الواقع ويسجل التاريخ تأهل الزعيم للدور الافريقي القادم
* القصه مامضمونه لدرجة التقاعس
* فالمساله ليست مسألة وقت فحسب
* ولكنها قبل كل شئ مسألة تفاني واجتهاد وتحديد الترقي هدفا استراتيجيا لا يقبل الاحتمالات
* اي زول يقوم بي شغلوا كامل
* اي زول تكون حدودو هي حدود شغلو وبس
* الجهاز الفني يقوم بعمله دون تدخلات
* اللاعبون يسكبون العرق علي الملعب ليرتوي عشب العشق الابدي
* والشفوت علي المدرجات يدركون دورهم جيدا
* انهم جندنا
* يحرسون الثغور بهتافهم الداوي
* بأهازيج الفرح التي تشق دفاعات الخصم لتنفذ منها عقربنا
* لا لصافرات الاستهجان التي توتر اولادنا
* لا لتوجيه النقد اثناء اللعب لفلان وعلان
* لا للتشتت والتحزب
* فكلنا تحت راية لن ندعك تسير وحدك يامريخ
* محاربة مافيا الدخل واجب المجلس
* ايها الناس
* لا للشماريخ
* حذرنا منها الاتحاد الافريقي
* ولبد لينا
* ومن يستعمل الشماريخ التي تضر بالمريخ
* لا نستبعد ان تتعرض حياته للخطر وللفناء
* فمشجع قادم عبر الفيافي من الولايات
* ومشجع اقتطع من قوته وحضر للاستاد من الصباح
* بالتأكيد لن يسكتوا علي تصرف ضار بالمريخ
* عليه
* الجماهير الواعيه هي التي تعرف كيف تدعم
* واصحاب الاستراتيجيات يدركون جيدا ماذا يضر بالمريخ
* يبقي علي الشفوت رقابه ذاتيه علي انفسهم
* وعليهم رقابة ومراقبة غيرهم
* من يستعمل الشماريخ يقصد الاضرار بالمريخ
* ومن يقصد الاضرار بالمريخ عليه ان يتحمل مايحدث له
* فالجماهير العاشقه ردت فعلها تفوق كثيرا في مقدارها مقدار الفعل الضار
* المهم
* المريخ عالمي
* يشرفنا اليوم السفير البريطاني باسرته والنجمه تلمع علي صدورهم
* خواجه مريخابي شفت
* قرر ان يقود التشجيع من اي موقع يجد فيه الفرصه
* تشرفنا اسرة السفاره الالمانيه
* المريخ عالمي
* ديل ناس الآرسنال وشلسي والبايرن وهامبورج
* لا يعرفون في البلد دي غير القصر الجمهوري وشارع النيل والمريخ
* عاااااااالمي
* المهم
* امس كشافات الجماعه ولعت
* تشبه لي كشافات الأكسنت الفي التصادم تحت ديك
* والغريبه حاجه مدوره اللمبات قدام وورا قاعده ساي
* زي طقم الاسنان
* من قريب زي زنن الركشه
* والعميان شايل المكسر
* النور دخل المسح الاجتماعي
* تاني ناس محمد عبد الماجد لو جيتهم بقولوا ليك نديك عصير ولا نولع ليك النور
* اول امس الهلال عمل حاجه المريخ عملها قبال حداشر سنه
* وفرحانين
* الجديد في الكرو حلو
* لكن اخلاء الدكاكين حايتم بي ياتو قانون يافطومه ماوريتينا
* قانون تم نهي كرتا
* المهم
* عندنا شافع في حلتنا يا دوبك بتعلم في الكلام اسمو احمد
* الشافع ده زي الاخطبوط الالماني بتاع كاس العالم داك
* اي شئ يتنبأ بيهو بحصل
* جيت لقيتوا قاعد مع ابوهو
* ابوهو هلالابي
*قلت ليهو ازيك يا حماده
* رفع يدو وقال لي )اديك(
* قلت ليهو كورة المريخ بتنهي كم وكورة الهلال بتنتهي كم
* قال لي )الاتنين دلون(
* ابوهو نكرو نهائي
* غايتو كان بقت ياحماده تبقي اخطبوط عديل يا ولدي
* ايها الشفوت
* كلنا من عصرا بدري نحضر
* نعمل للتأهل
* بالحسابات كده تعادل بنتأهل
* يبقي مافي داعي للشفقه
* والفوز بهدف بأهلنا برضو
* يبقي مافي داعي للشفقه برضو
* يشفقوا الناس البطيرهم درون حماده
* الناس اللو جابو قون لا يكفيهم للتأهل
* الناس اللو جا فيهم قون الا يطفوا حلاوه نور الجديده بتاعتهم دي
* المهم
* اي زول يلبس الشعار زولنا ونشجعوا
* لست مدربا ولا فنيا
* ولكن من الجاهزيه حسب متابعتي ستكون التشكيله كالآتي
* جمال ورمضان وامير وعلي وبخيت وعمر بخيت والحسن وراجي وتراوري العقرب وجابر
* علي اهبة الاستعداد كوفي واوكرا والنعسان ومصعب عنكبه وعلاء وضفر
* ولكني اتوقع تألق غير عادي للواعد بخيت خميس
* اللهم درونات حماده… .يارب العالمين
* ايها الناس
* ان تنصروا الله ينصركم
* اها
* نجي لي شمارات والي الخرتوم
*كان شفت يا والينا
* زمان في المدرسة قالوا لينا
*انما الامم الاخلاق ياوالينا
* حقتنا ذهبت واهلنا ذهبوا ولا لسه يا والينا
* سلك كهربا
ننساك كيف لو زول دقه بابنا الكلب بقول ليهو الجماعه ديل ذهبوووووووا يا اخينا
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى