قوقل ‏+‏ ‏
Use the English Language

في السلك .. بابكر سلك .. الرتينه بقت

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

20032016

مُساهمة 

في السلك .. بابكر سلك .. الرتينه بقت




في السلك
بابكر سلك
الرتينه بقت
#الحديبة_نيوز

* باي هوك او كروك نحمد الله اتأهلنا
* المباراه لم تكن بالمستوي المتوقع
* الشفوت قصروا في الجيه
* ودي الحته العارفنها بتحصل في حال التلفزه
* تحيه لمن تكبد المشاق من العشاق
* وسماح المرة دي للناس الماحضروا
* مع العلم بان دخل المباريات الافريقيه هو الداعم الاكبر للمشوار
* خاصة ودخل المباريات المحليه محجوز من موسما بدري ولي مواسم ومواسم قادمات
* فنيا المباراه فوق الوسط
* ولولا استهتار خط الهجوم لحسمناها من الشوط الاول
* ولكن المكسب عودة الاسد علي جعفر للتألق
* والاجمل وقفة الجماهير التشجيعيه له
* والاحلي من ذلك تألق الشبل بخيت خميس
* وثباته واثبات ذاته
* الولد شرس وقوي ورجلو واصله ماشاء الله
* بدورها من اي حته
* المعلم كان معلم كعادته
* راجي وعبدو قاما بالادوار الدفاعيه والضغط علي الخصم
* وفشلا في صناعة اللعب
* لان راجي بحب يلوك الكوره اول
* وعبدو بتلفت علي المدافع قبل يتلفت علي الكوره
* بكري كنت اتوقع منه مستوي افضل من الذي قدمه
* ولكن يمكن تكون سلبية تراوري قد حجمت بكري
* مايهمنا اننا تأهلنا
* لكن الفريق داير شغل لسه
* الحسن زي بايظ الكوتشينه
* بقع براهو
* واظن ان الجهاز الفني قد تأخر في التبديل كثيرا
* كل ذلك قد يكون سببه النصر خارج الارض وضمان التأهل
* حقو الناس تتحاسب بالكوره
* عشان تبدع في جميع المباريات
* ايها الناس
* عادة ثقيلة تلازمنا في المباريات الفي استادنا بالذات الافريقيه
* بعد المباراة ينزل بعض الجمهور لارض الملعب
* وهاك يا شعبيط علي العراضات وطوطيح في الشباك
* الحكاية دي منظرها قبيح جدا
* وبتتلف الحاجات دي
* والناس بدل تتفاعل مع مشروع الدعم تتطوطح في العراضات وتخسر النادي اموال صيانه وتبديل هو في غني عنها
* حقو يادحيه تشوف طريقه تمنع دخول الناس لارض الملعب حفاظا علي ممتلكات النادي
* المهم
* وقفة احتجاجيه من الاولتراسات
* وحدين منهم مامقتنعين بانو قرار منع الشماريخ صادر من الكاف
* وواحدين قالوا القرار صدر لكن حدد انو الشماريخ ماتقع جوه الملعب
* انا شايف حقو رئيس التحرير ينشر قرار الكاف علي الصحيفه عشان الناس تعرف الحاصل بالضبط
* ايها الناس
* الاولتراسات ادخلت ثقافة تشجيعيه جديده افادت النادي كثيرا وغيرت من سلبيات التشجيع القديمه
* وناس بالفهم ده اقناعهم واقتناعهم بالمستندات ساهل
* ارجوا ان تظهر الحقيقه ليبرد حشا اولادنا في الاولتراسات لان الكيان يحتاجهم
* ايها الناس
* سمحين كعبين اتأهلنا
* البلنت بلنت ما بلنت اتأهلنا
* وحتي لو ضاعت متأهلين
* انبسط الوطن
* وزي مافرحنا امس ان شاء الله نفرح اليوم
* قول آميييين ياروشا
* ايها الناس
* دايرين نساند ابو الهل لكن ماعارفين الكوره متين
* ناس يقولوا العصر وناس يقولوا بالليل
* كورة الهلال زي قيام سودانير
* بتقوم بتقوم لكن متين مافي زول عارف
* كورة الهلال زي القبض
* بتجيك بتجيك متين الله اعلم
* وفي ناس قالوا الشوط الاول العصر ويصلوا المغرب الشوط التاني العشا
* بي كشافتين
* الاربعه مامضمونات
* قلنا ليكم ياروشا الصيني ده مابنفع
* ولما فرحتوا بالنور الدخل المسح الاجتماعي
* قلنا ليكم الصيني ده ما بنستر
* الصيني ده رتينه سااااي
* اها الرتينه بقت
* كشافات مابتاعة استادات
* ديل بتاعات مواقف سيارات
* زي بتاعت مدينة الحجاج في جده
* حقات مواقف
* بتشتروا ساي ياروسا?
* كان تشاوروا
* كان تسألوا جيمي جابهم من وين
* ركبوكم ماسوره يافطومه في،الكشافات دي
* لكن مافرقت
* قبلوها كلها شرق خلوها تشتغل في موقف امبده الجمبكم ده بتنفع
* المهم الكورة عصر او ليل
* ابيكو ده مايجي جمب خط طمنطاشر
* الزول ده بهدف بهدف
* اعملوا ليهو صريف بره الخط قولوا ليهو حدك هنا
* بس الخوف تغنوا ليهو
* اندريه
* يا الزارعنك في الصريف اندريه
* وهو يقول ليكم من ساقني بلا خريف اندريه
* انتوا تقولوا لو ما الصبر تكليف اندريه
* هو يقول ليكم من قونكم مابقيف اندريه
* غايتو درون حماده امس طرشق بي بونط
* نشوف درون حماده بتاع الليله
* لانو قال التولتين دلون
* المهم انتصرنا بفضل من الله
* وعشمنا في الله كبير
* وناس روشا لو قدر لهم يطيروا الليله
* مامشكله سنقاتل من اجل الوطن برانا
* ونغني برانا برانا نشيل الشيله
* وناس روشا يتفرغوا لموضوع الجوهرة وحتت الرتينه
* السنه البعدها يشاركوا من جديد كعادتهم
* اصلهم مابملوا المشاركه
* المشاركه ملحوقه ياروشا
* الحقوا الجوهره
* ايها الناس
* كردنه اراد التأصيل عندما احضر الرتاين دي
* لانو عندنا جيل مابعرف الرتينه
* كردنه كتر خيرهم وراهم الرتينه
* لكن روشا ماورانا الطفا الرتينه منو
* ايها الناس
* ان تنصروا الله ينصركم
* كشافات زي السبحه المضيئه ياخ
* ومحمد عبد الماجد محتجب ليهو اسبوع
* زمان بعملها بعد يطيروا
* ويجي يكتب لينا عن عثمان حسين
* السنه دي ياحماده بعد الاحتجاب امسك الحقيبه يا اخوي
* بتاخدوا زمن طويل وغنا الحقيبه كتيييير
* اها
* نجي لي شمارات والي الخرتوم
* كان شفت يا والينا
* الباعوض جا يعضينا
* مالقي دم فينا
* غزه كيعانو وعديمين دم قال لينا
* قلنا ليهو افرز يا باعوض يا اللافي طول الليل فينا
* عديمين دم نحنا ولا المصه الدم الفينا
* سلك كهربا
ننساك كيف والكلب قال حيرتونا… مفلسين وتاكلوا في كاك وكت كات وكتكوت يوم بتكاكوا يا حلوين
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى