نبض الصفوة .. أمير عوض .. طيران الأكياس

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

21032016

مُساهمة 

نبض الصفوة .. أمير عوض .. طيران الأكياس




نبض الصفوة
أمير عوض
طيران الأكياس
#الحديبة_نيوز
★أهلنا بقولوا )النية زاملة سيدها(..
★و الحمدلله ربنا منحنا كما أنتوينا..
★إنتصرنا و عبرنا و نحن في أسوأ الظروف..
★في الوقت الذي تفرغ فيه غيرنا لتبخيس إنتصارنا همزا و لمزا و تشكيكا..
★عبر الزعيم لدور الستة عشر )الكباااار(.. و طفق بعضهم يحلل في صحة ضربة الجزاء التي أراحت النفوس!!
★ننتظر من السادة المحللين مواصلة التحليل و صحوة الضمير ليفتونا في ضربة الجزاء الثانية تحديدا..
★ضربة مخجلة..
★مخزية..
★هايفة..
★لكنه التحكيم الأفريقي..
★نفس التحكيم الذي قرعة الكاردينال بأبشع الأوصاف في العام الماضي..
★قلت لي بسجدوا مع لعيبتنا..
★طيب الشوفناهو ده شنو الليلة؟
★ده بكون الركوع.. السجود في مرحلة المجموعات..
★أقصي أنجازات الهلال.. هو الصعود للمجموعات ثم دور الأربعة فالطيران بعدها بسلام..
★السنة دي ود البدري سمين..
★معقولة تلعبوا المجموعات بي جزار الدمازين و أبيكو مواسير؟!!
★ديل شبه مجموعات بالله!!
★السنة دي جنازة البحر طلعت من بدري..
★زمان كانت رازة و تنطح..
★الموسم ده الثوار لحقوها أمات طه من الدور الأول..
★من قولة تيت.. طلعوا بره..
★يا فرحة ما تمت..
★يصلحوا في المعبرة و يركبوا في الكشافات علشان ينطط فيهن الأمل و الأمير..
★غايتو الكشافات عاقلة..
★عرفت المواسير ديل ما وش أبطال..
★السنة دي محلي بس..
★و لا الكونفيدرالية ذاتها..
★أقترح تنظيم كأس عدالة عاجل..
★العشري طلع كيسو كيف؟
★أنا حاسي إني حألاقيهو هنا في القاهرة قريب..
★يقعد لي شنو تاني؟
★هو الممتاز عايز ليهو مدربين محترفين كمان؟!!
★كفاية لحد هنا يا إبن النيل.. مهمتك إنتهت..
★جنازة البحر دي مورينو ما يعمل ليها حاجة..
★والله المريخاب ديل ببالغو..
★ينقوا في لعيبتهم و نمور الورق تتنطط في الصحف..
★مدربنا يغلب بره نحن زعلانين..
★يغلب جوة.. برضو زعلانين..
★و ناس قريعتي راحت ينفخوا في المواسير لما صدقنا ذاتو..
★غايتو جزار الدمازين كنت عارفو ماسورة..
★لكن النصيحة لي الله.. أبيكو ده فاجأني عديل..
★فاجأني النهار..
★ده إرتبك بدون ما زول يربكو..
★هو إسمو أبيكو واللا أربكو..
★ده حير الإرتباك ذاتو..
★ربكة ربكت الثوار و ركبت الجماعة التونسية..
★أما شيخ موسورو.. و إيشيا.. فالله العليم يقعدوا في مايو..
★حيكون في جزر..
★سلخ..
★كاريكا ذاتو حيتسلخ..
★هداف أفريقيا..
★بي بلنتين..
★انا بناشد عقروب ما يزيد أهدافو..
★ما ممكن يطلعوا ملوص من البطولة الأفريقية..
★نخلي ليهم الهداف..
★خلاص يا كاريكا.. بي بلنتياتك دي حتبقي الهداف..
★موش السنة الفاتت كنت في منتخب أفريقيا..
★موش إختاروك مع المحترفين الأوربين!!
★السنة دي خليها علينا..
★الهداف دي أقل هدية نقدمها ليك..
★حنديك الجائزة بكرة..
★ماف داع تتلطع لي نهاية الموسم..
★انت نسيت موسمكم خلص..
★ببح..
★كل سنة و انتو كيسكم مليان..
★ماف حاجة طيرتكم إلا الأكياس..
★قعدتو تنقوا زي ناس السوق المركزي..
★ده كيسو فاضي.. و ده كيسو مليان..
★أها خمو و صرو..
★لم ينجح أحد.
★نبضات أخيرة★
★نعلم بعظم المسئولية.. فمن غيرنا قد لون التأريخ بالذهب..
★المريخ الزعيم.. و الرائد الذي لا يكذب أهله.. و غيره منظراتية و فراجة..
★المرحلة القادمة تتطلب تحضيرا أكثر تركيزا و هدؤا..
★لا خوف علي المريخ.. لأن الوقائع تقول ذلك..
★نعرف موضع الخلل.. و العلاج في يدنا.. لذلك لا نتهيب علي قدرة الفريق بالعودة لثياب البطل..
★كل الملامح و المعينات موجودة.. و بقليل من الصبر نظفر بغالي الأمنيات..
★منذ الغد ستتفرغ الصحافة الزرقاء لقتل ثقة الزعيم و لاعبيه.. فلا تمنحوهم هذه الفرصة..
★تماسكوا كما أنتم.. و تقاربوا أكثر.. و دعوا الكلاب تنبح و القافلة تسير.
★نبضة أخيرة★
الطيران يليق بكم.

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى