توقيع رياضي .. معاوية الجاك .. من أنتم؟

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

21032016

مُساهمة 

توقيع رياضي .. معاوية الجاك .. من أنتم؟




توقيع رياضي
معاوية الجاك
من أنتم؟
#الحديبة_نيوز
* سبحان الله.
* أول مرة في حياتي أشوف لي فريق كورة يحرز تلاتة أهداف وخصمو يحرز هدف واحد وبرضو ما يتأهل
* طبعاً دي ما نكتة ولا حجوة ولا هرافة
* دي عملها الهلال والله
* أبيكو أحرز هدف وكاريكا هدفين.. والأهلي الليبي أحرز هدفاً واحداً أمبارح في الزريبة وبرضو الهلال طار
* شفتو الزمن بقى غريب كيف؟
* الزمن ذكرنا نكتة المسطول القال: )الزمن ده الحاجات ما فيها بركة خالص وبقت تحير.. عيشتين ما بشبعن.. وضربتين جزاء ما بيأهلن.
* صدقت يا والله
* أمبارح قبل القرعة قال ليك الحكم قال للعيبة الهلال: أها الحا يشوت ركلة الجزاء منو فيكم من هسع؟
* أها نط واحد من الجماعة قال ليهو يا حكم إنت قاصد ياتو ركلة.. الأولى ولاّ التانية؟
* قال ليهم الأولى لأني حا إحتسبها بدري بدري عشان أريح أعصابكم وأعصاب جمهوركم لأني عارف أعصابكم تعبانة ومنتهية
* الحكم تاني قال للجماعة والله لو ما خايف من الفضيحة إحسبها ليكم هسع قبل القرعة
* الجماعة قالوا ليهو ليها لا خلاص إحستبها بدري بدري وأعمل حسابك لو الحارس صداها تعيدها
* الحكم قال ليهم الموضوع منتهي.. أنا بضمن ليكم ركلتين جزاء يعني هدفين في جيبكم لكن أكتر من كده ما بقدر أعمل حاجة
* الجماعة قالوا ليهو طيب لو الأهلي الليبي أحرز هدف في مرمانا؟
* الحكم قال ليهم ده الخايف منو أنا.
* عندي ليكم فكرة رهيبة.. ما إنتو أصلاً أهدافكم بيحرزها أبيكو.. الزول ده ما تلعبوه.. العبوا بمدافعين إتنين بس لأنو أبيكو ده لو لعب أنا ما بضمنو ليكم
* المهم الجماعة ما إشتغلوا بي نصيحة الحكم الحريف وأبيكو لعب وما شاء الله نافس إنييستا في صناعة أحلى الأهداف
* بمناسبة أبيكو قال ليك تاني فرق الممتاز ما حا تلعب أي صانع ألعاب في مباريات الهلال.. أبيكو موجود وما بقصر وبقوم بالمهمة بإمتياز
* كنا فاكرين أبيكو بيسجل بس.
* لكن الزول طلع حريف.. يسجل ويصنع كمان زي ما صنع هدف الأهلي الليبي أمس
* بمناسبة الأهلي معقولة يطيركم فريق لسه ما معروف تابع لأي جهة في ليبيا
* ورونا الثوار ديل تابعين لي حفتر ولاّ التني ولاّ ناس طرابلس؟.
* يحرز تلاتة أقوان وخصمه يحرز هدف واحد وبرضو يطير
* ده عملها الهلال والله.. أحرز تلاتة أهداف.. هدف لأبيكو وهدفين لكاريكا
* مكسيم طالب بتغيير أبيكو العشري ما سمع كلامو
* بالطريقة دي مكسيم حا يطالب بفسخ عقدو معاكم
* بمناسبة العشري الراجل مسكين.. أيامو إنتهت سريع في الخرطوم قبل يتعرف على اللعيبة كويس
* مسكين يا إبن النيل.. لكن ده حق صلاح الجزولي القلت عليهم بره الشبكة ومنحتو كل الفرص.
توقيعات متفرقة
* حكم المباراة لما إحتسب ركلة الجزاء التانية جرى على نقطة الجزاء بسرعة الإفلات
* الزول عايز ياكل حلاااال.. ما تزعلوا منو يا مريخاب
* والله الحكم ده لو شارك في الأولمبياد حا يشيل ذهبية ألف وخمسمائة متر بسهولة
* الزول ده أرنب بس في الجري ما شاء الله تبارك الله ما نسحرو
* مساوي المسكين ما كمل إيقافه لأربع مباريات
* معقولة تتخارجوا قبل السيف الضاوي يكمل إيقافه.. كان تنتظروه شويه
* إن شاء الله تتخارجوا من دور الترضية.. كده بتكون حلوة
* فريق ما عندو بلد يلعب فيها ولا جمهور يشجعو ما تقدروا عليهو
* والهلال عندو جمهور وعندو دولة مجلس وعندو ملعب وقبل ده كلو عندو حكم صاح وبرضو إتخارج
* بعد كدة إتفرغوا للكشافات براحتكم وما تستعجلوا مافي حاجة وراكم تاني
* إشتغلوا كشافاتكم بالمهلة وشوفوا الشركة الصينية تغيرها ليكم ولو رفضت تعالوا شارع الحرية بتلقوا ليكم كشافات كويسة مش إنتو بقيتو ناس دوري محلي؟
* الدوري المحلي ده ما محتاج كشافات الصين تتعبوا في جماركها.. تعالوا شارع الحرية وأسألوا من محمد خير ساريا أو مالك أنس عندهم ليكم كشافات محترمة ممكن تمشوا بيها
* أهلي شندي أو نمور دار جعل عملوها ورافقوا الزعيم في المشوار الأفريقي وغلبوا سانت لوبوبو العنيد والقوي بهدف الأباتشي وإتأهلوا لدور الستة عشر من البطولة الكونفيدرالية
* النمور فريق محترم إتأهل من غير ركلات جزاء.. خدمة يمين وعرق جبين
* آخر كلام.. الهلال بالليبية.. والعشري بالمصرية
* من أنتم؟

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى