تابعونا عبر فيس بوك

قوقل ‏+‏ ‏
Use the English Language

في السلك .. بابكر سلك .. القاطوسه فوق روشن الكوجينه

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

21032016

مُساهمة 

في السلك .. بابكر سلك .. القاطوسه فوق روشن الكوجينه




في السلك
بابكر سلك
القاطوسه فوق روشن الكوجينه
زنقه زنقه دنيا دبنقا.. حته حته وطارت الكسكته..
الثوار مرقوا الماسوره من الماسوره
*قلت ليكم الثوار ديل صعبين.
*الزول البجعجع ساكت بمرقوهوا من الماسورة .
*القذافي شبكم ليك جرذان وزنقة زنقة .
*مرقوهوا من الماسورة .
*الهلال جعجع مرقوهوا من الجنة وسقطها .
*مرقوا الماسورة من الماسورة .
*وتاهل اهلي ليبيا بهدف ابيكو الجميل .
*مستنين الكشافات تولع .
*ناركم ولعت ياروشا
*اريت كان لعبتوها بالليل يافطومة
*لاحد شاف لاحد دري
*كان تتغمتوا في الضلمة ديك كتيمي
*وخرجت الجماهير تغني
*من الاسكلا وحلا قام من البلد ولي دمعي للثياب بله
*بله جابر؟
*فصل فيهو اتتين وتلتين
*البجي اتنين وتلتين بكون شنو ؟
*موش بكون الطيش؟
*اها ياروشا
*جيتوا الاتنين وتلتين؟
*يعني طيش الفصل
*ومولانا مجدي عندو بضاعة
*قال اشتري اتنين والتالت مجاني
البسال مابتوه..دارنا نحنا قريبة ليه
*ايها الناس
*الامنيات لاتخلق فريق بطولات
*والمكابرة لاتخلق فريق بطولات
*ومحاولات رمضان لتبخيس انجازات المريخ لاتخلق بطولات
*وحركات روشا لاتصنع فريق بطولات
*وتحديات فطومة اختي ومساندة اب كسكتة في كل الامور لاتخلف فريق بطولات
*ومهما كترت المحاولات
*لايمكن ان تخلق تلك المحاولات فريق بطولات
*اسال مجرب ماتسال طبيب
*المجرب ديل نحنا
*نحنا الجبنا بطولات دولية جوية
*البسال مابتوة
*دارنا نحنا قريية ليه
*ودارنا منكم قطعة زلط ياروشا
*اسالونا ماتخجلوا
*بي طريقتكم دي حاتحاولوا كتير
*حاتطولوا وتاخدوا مدة
*ياتسالوا ياروشا ياتمسكوا في صفركم ده وتقعدوا قالوا للليبين :)نولع ليكم الكشافات ولانديكم شربات (
*المهم
*ابيكو جاب قون هناك
*وجلي القون هنا
*ومن كورة قورماهيا في بورتسودان قلتا ليكم الزول دا ماسوووووووووورة
*لكن ناس روشا قالوا المدافع المدهش
*الصخرة الغانية
*تاني غايتو روشا وفطومة زول بصدقهم مافي
*شخصيآ متبرع ليكم بي تربيزتين في خشم باب المحكمة تكتبوا عرضوحالات
*اعمدة نهي تصديق تم كتابة كهيه
*المهم
*مستجد النعمة بتخلع دائمآ
*اتخلعوا بالكشافات
*قالوا للليبين نولع ولانديكم شربات
*الليبين قالوا ليهم طيروا لينا
*واخيرا غني الليبيون
*السائق الشولو ياحليل البلوم
*الكشافة ملكو برا ياحليل البلوم
*ماودعنا ساعة قام ياحليل البلوم
*والطار حليلو حمام ياحليل البلوم
*لكن بصراحة الناس حاتقرأ لمحمد عبدالماجد
*لانو عرفها من بدري احتجب ليهو اسبوع
*ومحمد عبدالماجد عودنا علي الكتابة عن الغنا لمن يحتجب
*المرة دي الاحتجاب طويل شديد
*موسم كامل
*اكتب عن الحقيبة عشان كتيرة ياحمودي
*ايها الناس
*لوشارك شيبوب الهلال ماكان طلع مغلوب
*كان تلعبوا شيبوب عشان تتاهلوا
*خاص شبكة النجوم الحمراء
*بدل تسكوا شيبوب ياروشا
*كان تسكوا ابيكو ده
*الاميرة السمراء قالت ليكم دايرة اقرا
*من حقها
*اميرة سمراء ببح امير بحراوي بس
*المهم
*طيش الاتنين وتلتين ماعيب
*العيب عدم الاستفادة من الدرس
*وزنقة زنقة
*وحتة حتة طارت الكسكتة
*تاني ماسورة يخرجها *الثوار من الماسورة
قال ايه
*معسكر تونس المثالي
قال ايه
*المريخ مفلس ومعسكروا بالقطاعي
*ورمضان قال كورة المريخ بايخة تعالوا اتفرجوا في ابداعات الهلال
*خاص شبكة النجوم الحمراء
*حضرنا يارمضان ولم نجدكم
*قلت لي الكاف يرشح الهلال للبطولة
*الكاف دا جن ولابتجنن يارمضان
*حضرنا وشفنا الاسعافات بتنقل بالكوم
*حضرنا وشفنا الامل يموت في عيون الاهلة الشرفاء
*حضرنا يارمضان وشفنا موت الضان
*ماشاهدناه امس ذكرنا مسلسل الراحل الفاضل *سعيد موت الضان
*بتعرف موت الضان يارمضان؟
*كان جيت امس كان عرفتو
*المهم
*زنقة زنقة ودار دار الهلال طار
*زنقة زنقة دنيا دبنقا
*حتة حتة طارت الكسكتة
وتحية لاهلي شندي
*قلنا ليكم السوبر مفروض بين المريخ واهلي شندي
*المريخ رجل صالح
*جمال حسن يعيد وين؟
*الهلال وين؟
*كل الناس الانسحبت وين؟
*وبقي المريخ وحيدآ *يدافع عن الوان العلم مع الابطال
*واهلي شندي ماقصر
برضو بدافع عن الوان العلم في الكونفدرالية
*والغريبة كل الاقوان جابوها اولاد الهلال
*قونا في نيجيريا جابو عبده ود الهلال
*قونا في ام درمان جاب بكري ود الهلال
*قون اهلي شندي جابو كليتشي ود الهلال
*قون اهلي ليبيا في تونس جابو ابيكو ود الهلال
*ولادة السرور ياروشا
جهزوا الباقين
*ايها الناس
*ايها الاهلة الشرفاء
*مامشكلة ومافي شئ راح
*افرض مشيتو لي قدام حاتعملوا شنو يعني ؟
*الكاس صعب ان لم يك مستحيﻵ
*لكن فرصة
*كردنة في التكميلية ماحايقصر
*حايجيب ليكم لاعبين مبالغة
*الهلال هو القوة المالية الضاربة في البلد دي
*القوة الضاربة الجابت الكشافات الضاربة
*تستطيع ان تجلب لاعبين علي شاكلة ابيكو بالهبل
واتكملي
*قال تكميلية قال
*لكن اخاف علي العشري
الزول ده لي اسي ماعرف محل الكشري
*بالمصرية ياعشري تلحق في القاهرة الكشري
واتكشري
*ايها الناس
*اليكم الفرق التي غادرت ابطال افريقيا وحاتلعب السنة الجاية تمهيدي ياهريدي وهي
*النهضة تشاد ..البوليس الصومالي ..القطر جييوتي ..الهلال السوداني..الجرادة الغينية ..الضب الموريتاني ..الككو الاريتري ..الورل الموزمبيقي
*ايها الناس
*بتاع بحر قال اي شئ بقي ممحوق ومافيهو بركة
رغيفتين مابشبعوك بلنتيين ماباهلوك
*حتة حتة وطارت الكسكتة
*المهم
*الشفت لؤي الحتانة قال لي البلد دي حيرتنا
نيلين وموية مافي
سدين وكهرباء مافي
شريحتين وشبكة مافي
بلنتيين وتاهل مافي
*المهم
*اذا عدنا لمباراة البطل ود البطل
*نجد ان نجومية علي جعفر ساهم فيها ثبات بخيت
*وثبات بخيت ساهمت فيهو نجومية علي
*ولوك لعبها بعقلية تكتيكية احترافية
*الخواجة اب راسآ كبير زي راس الاسد دا ماقاعد في الواطة
*المهام الخاصة لكل لاعب كانت تبين ان الرجل خبير
*الراس دا ماشايل الشعر دا بس يظهر يامستر لوك
*شايل مخ كمان
*وكلامي دا حاتشوفوهوا في دور الستة عشر
دا دور ماقدركم ياروشا
الهلالاب ديل مابتوبوا اصلو...لسه ماإرتاحوا من عمار مرق جابو عمار الدمازين
*ايها الناس
*وقفة الجماهير ضرورة لحصاداي مجهود
*والمد الجماهيري في كورتنا ماكان قدر كده
*وناس الالتراسات هم شباب شفاف ومثقف ونزيه
*اخرجونا من حتة صرف النادي علي التشجيع
*يمولون انفسهم بانفسهم
*ادخلوا ثقافة تشجيعية جديدة بترت الاساءات التي كانت ديدن المدرجات
*وادخلوا ثقافة ان دور المشجع ان يشجع بصرف النظر عما يحدث داخل الملعب
*الاولاد ديل مكسب كبير
ومن حقهم الاقتناع بالمستندات الرسمية عن قرارات الكاف
*لانهم شباب واعي ومتعلم ومعلم وفاهم وبعرف المنطق من عدم المنطق
*وليهم سؤال
*الشماريخ منعها الكاف علي اطلاقها ام اذا وقعت في الملعب؟
*الاجابة بالمستندات
*ايها الناس
*الهلالاب ديل مابتوبوا اصلو
*لسه ماارتاحوا من عمار مرق جابوا عمار الدمازين الهلال يقيل العشري ويعين عابدين درمة خفيرآ للمقبرة
*وصية لكردنة
*بيع المواسير لبتاع الخرد
*بيع الكشافات لمصور افراح واقلبوا مزرعة جداد
*واجدع الكسكتة ياانت
المهم
*الهلال طار من الدور الاول
*ولا اظن ان ابوالهل في زمن الحكيم كان بطير من الدور الاول
*يبقي الهلال يفتقد الي الحكمة
*ايها الناس
*الكشافات دي شؤوم وفقر تطفي براها
*تطير الهلال
*اسي اي زول يعاين ليها
يتذكرالهلال طار
*خلوها مطفية
هي ذاتها تشبه الاستشوار
*تقول اشتروها من مركز تجميل
*الكشافات دي الاشترتها ليكم منو ياروشا؟
*ايها الناس
امس في الواتساب ورد الينا مايلي:
*الهلال يقيل العشري ويعين عابدين درمة خفيرآ للمقبرة
*بتاع بحر قالوا ليهو الليبين طيروا الهلال
قام قال ليهم ديل طيروا القذافي مايطيروا الهلال
*كمساري بتاع حافلة هلالابي
*بعد الكورة الحافلة واقفة في شارع العرضة
كمساري بتاع حافلة هلالابي
*بعد الكورة الحافلة واقفة في شارع العرضة
*السواق قال ليهو قول ليبيا ليبيا الكمساري سكت ساااااي
*جا واحد قال ليهو ليبيا؟
الكمساري قال ليهو لا السما الاحمر
*قال ليك الكمساري فقد وظيفتو زي مافقد التاهل
*الله يجازيك ياروشا قطعت رزق الزول
*ايها الناس
*أسي الهلالاب ديل يقعدوا سنة كاملة يقاشروا النيلين دي ؟
*حايبقوا زي الدبابة الجمب الإذاعة والتلفزيون ..يوصفوا بيهم
*لكن بختك ياكردنة
لاحوافز مباريات افريقية
لاسفر بره البلد
*بيع البص ياكردنة واشتري ليك نيسان ابوسايفون يوديهم ليك كادوقلي ونيالا وودمدني وعطبرة
*ايها الناس
*الكورة كلها المذيع يكورك
الله يهديك ياابيكو ..الله يهديك ياابيكو
*العاجبك في ابيكو شنو *ياالمذيع داير تزحمنا بيهو في الإسلام؟
*الهداية دي بتجيبوا لينا
نحنا ناقصين؟
القاطوسة فوق روشن الكوجنة
*ايها الناس
*اهلنا في ليبيا عندهم كلام بقول
*القاطوسة فوق روشن الكوجينة
*يعني الكديسة فوق شباك المطبخ
*لكن ماورونا القاطوسة منو
*والروشن منو
*والكوجينة منو
*غايتو الكوجينة دي بتكون فطومة
مابتكون القاطوسة
*لكن الروشن منو ياروشا
*ايها الناس
*ان تنصروا الله ينصركم
اها نجي لشمارات والي الخرتوم
*كان شفت ياوالينا
الثوار عملوها فينا
بلنتيين الحكم يشيل ويدينا
*لكن ابيكو قادينا
*اسي نقعد سنة مكتفين ايدينا ياوالينا ؟
سلك كهرباء ....
*ننساك كيف والكلب قال من قالوا العصر عرفتهم بطيروا ..الحمام مابطير بالليل؟!
والي لقاءفي ‏

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى