قوقل ‏+‏ ‏
Use the English Language

في السلك .. بابكر سلك .. ام فتفت

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

22032016

مُساهمة 

في السلك .. بابكر سلك .. ام فتفت




في السلك
بابكر سلك
ام فتفت
ـــــــــــــــــ
* اي زول عندو حافله دايره تغطي معاهو يشتغل ليبيا بالهوي
* طبعا لو كتبت كلمة وشفتها جوه المرايا بتلقاها معكوسه
* الا ليبيا
* خت ليبيا وعاين ليها بره المرايا
* تلقاها ليبيا
* خت ليبيا وعاين ليها جوه المرايا
* تلقاها برضو ليبيا
* ليبيا دي فيها شيطان خلي بالك
* جوه المرايا وبره المرايا ليبيا معايا معايا!!
* دي ليبية شنو دي
* ايها الناس
* يعجبني الاهله لما يفقدوا المنطق
* ولكن تعجبني هضربة رمضان شديد
* خرج الهلال من الدور الاول افريقيا
* فخرج علينا رمضان وجوهرته بمانشيت يقول
* دوري الابطال يخسر الهلال
* دي مسابقه يا رمضان??
* قصدك نرتب الجمله في المانشيت اعلاه ترتيبا صحيحا لانها وردت مبعثرة
* مبعثره في كل شئ
* في معناها وفي منطقها وفي ترتيب كلماتها
* علي كل انا برتبها ليك صاح
* الهلال يخسر بالابطال بالدور الاول
* دي الحقيقه الخجلان يقولها رمضان
* اكتب ليبيا في ورقه يا رمضان
* كتبتها?
* سمح اقراها
* قريتا?
* ختها قصاد مرايا واقراها
* لو طلعت ليك ليبيا جوه
المرايا مختلفه عن ليبيا بره المرايا
* يبقي دوري الابطال يخسر الهلال
* ولو طلعت ليك ليبيا جوه المرايا وليبيا بره المرايا بتشابهن وزي بعض
* يبقي الهلال يخسر الابطال ويقعد ساااااي يا عمك
* المهم
* تخيلت كركبه بالليل في بيت كردنه
* قام كردنه فتح الشباك برااااحه ماشاف شئ
* اتوكل علي الدائم وفتح الباب ومرق علي الحوش
* سمع ليهو صوت رجلين جاريات
* برطعك برطعك اوردلوب
* كردنه صائحا
* من انتم ????
* صوت يرد من بين الظلام
* من انتم انتوا ديل
* من انتم والمحترفين الجبتوهم مواسير
* من انتم وفي شهرين مغيرين تلاته مدربين مواسير وكمان تتبجحوا
* من انتم والكشافات صينيه ماسوره
* من انتم وشماعتكم في الاخفاق هي الايدي الخفيه والمؤامرات وبعض اللاعبين
* من انتم انتوا ديل !!!!
* من انتم والناطقه قالوا احتمال تجيب جماهير من الصين
* عشان تتخلصوا مننا كلنا
* وتملوا الاستاد صينيين لابقولوا ليه ولا بقولوا لماذا
* تشجيعهم كلو كن تن ترن بن تن تنكلن
* يوم الكوره صوت الجماهير يبقي زي صوت الكارو الشايل خردة قزاز
* من انتم انتوا ديل ياخ
* ويخرج صاحب الصوت من الظلام واثق الخطوات متوجها نحو كردنه
* كردنه يقوم… ..
* الحته دي ماركزت عليها في الخيال
* غايتو يايقوم جاري يايقوم سداري
* لكن كان ختي ليبيا جمب المرايا بعرف حاجه
* ايها الناس
* ركض قلم روشا اكتر من اللاعبين داخل الملعب
* فكان موعد الجماهير مع المقلب
* فطومه اختي لاتري عيبا ولو بسيطا في كردنه
* فكان موعد الجماهير مع ليبيا بره المرايا وليبيا جوه المرايا اسباب ازايا
* وكسير التلج في الشمس الحاره دي جاب الالتهاب
* من انتم
* سؤال حاير في عقول الاهله??
* جونا من وين الناس ديل??
* بركة القالوها بالدارجي
* جونا من وين
* لانو لو قالوها بالفصيح
* ماكان كتبتها
* الفصاحه في الحاجات دي ما حبابها
* وتبقي حقيقه واحده
* الهلال يخسر ويودع الابطال من الدور الاول
* المهم
* الطار طار لي نفسو ياعمك
* نركز مع الما طاروا
* بكري ببالغ
* في نيجيريا لعب باص القون
* وفي امدرمان لعب باص البلنت وجاب البلنت
* ده بكري شنو ده
* الخوف نخت بكري بره المرايا
* جوه المرايا تظهر ليبيا
* بكري ده مامضمون
* ولو تعاون تراوري مع بكري بجديه
* صدقوني
* نعتلي منصات البطولات الافريقيه من جديد
* وكلميني يا مرايا
* المهم
* في التكميليه هبشه صغيره ونكمل الكشف
* الا اولي يا روشا
* بمناسبة التكميليه
* قلت لي شيبوب حايجيكم متين???
* في التكميليه?
* يكمل معاكم سفر الولايات ???
* شيبوب ياخ
* لعب في المورده نزلها
* سقناهو الكنغو قاعد بره طرنا
* قونو في اتحاد الحزائر ما اتحسب
* ناس روشا قالوا ليهو ارجانا في التكميليه
* هم زاتهم بقوا كايسين البقول ليهم ارجوني في التكميليه
* واتكملي
* المهم
* الكمونيه يابت
* ليبيا
* اسي الجاب ليبيا هنا شنو
* ليبيا دي يظهر ماحاتفك مننا
* خلي الكمونيه يا بت
* جيبي ام فتفت
*
* المهم
* سألنا من محمد عبد الماجد قالوا ما احتجب
* قالوا في العمره
* عمرة بالجينز يا حماده
* امال رحله كيف??
* ياتقعد للحج ياحماده يا تقع الحقيبه
* بتطول وتاخد مدة
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* امتحانات الشهاده مدوره فينا
* فلذات الاكباد يا والينا
* بنات وبنينا
* توفيقهم فرحه لينا لعيون حزينه
* لكن امتحان العربي ابو لهب مابحلو يا والينا
* ان شاء الله في التصحيح يراعوا للحته دي ولي فرحة عينينا
سلك كهربا
ننساك كيف والكلب لما شاف امتحان العربي قال ده حالتو المقرر عربي جوبا ???
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

في السلك .. بابكر سلك .. ام فتفت :: تعاليق

لا يوجد حالياً أي تعليق

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى