تابعونا عبر فيس بوك

قوقل ‏+‏ ‏
Use the English Language

بابكر سلك .. في السلك .. شفع الروضة اتخرجوا

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

23032016

مُساهمة 

بابكر سلك .. في السلك .. شفع الروضة اتخرجوا




بابكر سلك
في السلك
شفع الروضة اتخرجوا
ـــــــــــــــــ

< المتابع لحركة المجتمع هذه الايام يجد ان معظم الاسر مشغولة
< مشغولة بصغارها
< فالايام ايام تخاريج الروضة
< الصغار كلهم اتخرجوا بدري
< الحكاية دي بدت طول واستمرت
< ناس الثانوي لسه بمتحنوا
< وناس الجامعات اهو مواصلين
< لكن ناس الروضة اتخرجوا
< بدري بدري
< حلاااااتهم لو شفتهم بي روباتهم
< وبلبسوهم كمان كسكته
< تلقي الواحد منهم حلاتو الراس قدر النبقة والكسكته قدر البرش
< تلقاهو ماشي وسايقنو من يدو
< الكسكته دوغري والراس ملفوت لي ورا
< الراس صغير عاد
< وابداعات رياض الاطفال في التخريج تنافس نفسها
< في واحدين بخرجوهم صغار شديد
< تلقى الحزام لافي فيهو تلاته لفات
< وفي واحدين شدت ما صغار
< تحت البنطلون بحتاطوا ليهم بالبامبرز
< لكن وقفة التخريج طويلة
< والصغار ما بتحملوا
< حتى البابمبرز غلبو الصبر
< بلل معاهو كل الامكنة
< وتخريجات رياض الاطفال دايماً من عصراً بدري
< عشان صغار وما بقدروا يساهروا
< من العصر يخرجوهم ليك
< وتعال شوف الغنا الجماعي والابداعات الفردية
< روضة الثوار بعمر المختار ابدعت في برنامجها
< ادارة عائشة القذافي
< من اغنياتهم في التخريج كانت
< دنيا اللوده دنيا دميله فيها تهاني وفيها اميله
< نحنا بنحبك يا ماما فاتنه
< دلستينا ودريتينا وخلجتينا
< لعبتينا ووليتينا وعومتينا وتيلتينا
< ولسه نحبك ماما فاتنه
< ونحنا نحبك ماما فاتنه
< دلستينا… دليتينا.. عومتينا وتيلتينا
< وكان عندهم في التخريج نشاط مسرحي كمان
< في اسكتش كده عجبتني حته شديد
< شافع لابس كسكته مع شافع ما لابس كسكته
< ابو كسكته: نحنا موش دبنا ليكم النول وولعناهوا ليكم
< ابو من غير كسكته: ساح دبتوهوا لينا النول ..لكن ولع تنق .. بلنق تفا
< ابو كسكته: ما خلاس تفا تفا نعمل ليكم سنو؟
< ابو من غير كسكته: اعملوا لينا نول زي بتاع ناس عمو جمال… عسله سنين ماتفا
< ابو كسكته: لكن نول ناس عمو دمال ما سيني ما بتفي
< المهم
< الشفع اتخرجوا بدري
< من عصرا بدري
< والكبار لسه فيها
< ناس الجامعات لسه
< الدراسات العليا لسه
< والسنه دي مناقشة الدكتوراة واردة ان شاء الله
< الغريبة في تخريج شفع الروضة مكتوب في الخلفية
< عقبال الدكتوراة
< لسه بدري يا ماما فاطمه على الدكتوراة
< يا دوبك روضة
< حلك الاساس والثانوي والجامعة والماستر
< الماستر لازم موضوعو يكون مانديلا والنضال الافريقي المعاصر
< ده مدخل الدكتوارة الوحيد يا ماما فاطمه
< ايها الناس
< المريخ عالمي لا محالة
< ويوم العبور كان بيننا داخل الاستاد المريخي الغيور المستر مايكل ارون السفير البريطاني لدى السودان
< هو واسرته كانوا حضوراً انيقاً مشرفاً
< انجليز شفوت شديد
< ولأن المريخ عالمي طبيعي ان تجد على مدرجاته جنسيات متعددة وحد بينها حب المريخ
< الخواجة برغم انه دبلوماسي
< الا ان دبلوماسيته ما قدرت تخبئ مريخيته الصارخة
< مستر مايكل مريخابي وآرسنالابي
< وهو ليس غريباً على السودان
< كان معلماً بمدرسة الدامر الثانوية في بدايات التمنينات
< وها هو يحفظ العشرة ويعود في ابريل لمدرسة الدامر الثانوية مع عديل المدارس والرائع طارق الامين ومجموعته ليعيد تأهيل صرح عمل فيه يوماً ما
< لله درك يا شفت
< على صفحات الزعيم نلتقي اخونا في المريخ المستر مايكل آرون قريباً
< خواجة اسلي
< وحقو في عديل المدارس بالدامر يا طارق
< تصحب معك اطفال روضة الثوار بعمر المختار عشان يغنوا
< نحنا بنحبك ماما فاتنه
< دلستينا ودليتينا وعومتينا وتيلتينا
< وطبعاً العوم والطيران من المناشط الاساسية في روضة الثوار بعمر المختار تشرف عليها ماما فاطمه
< ايها الناس
< اولاد الاولتراسات هم اولادنا وتاج راسنا
< لا نتعامل معهم كغرباء
< وهم لا يعاملونا كغرباء
< بل نفتخر بهم
< لأنهم طوروا التشجيع فينا
< الناس تقعد في محبة وتناقش الأمور بشفافية
< والكاسب الاكبر هو المريخ
< ايها الناس
< ان تنصروا الله ينصركم
< اها
< نجي لي شمارات والي الخرتوم
< كان شفت يا والينا
< في كلام كده جابوا لينا
< ان بقي صح يا والينا
< اردن للعلاج تاني يانا المامشينا
< بي حقنا كمان ويلعبوا فينا!!!
< الحلبة… الشيح… الجردقة … الحرجل… مر حجازي… لبان ضكر .. ما لهم يا والينا؟
سلك كهربا
ننساك كيف والكلب عارف فوائد الحرجل بالنسبة لينا… قال أردم قال… أقصد أردن قال… بالله!
والى لقاء.
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى