تابعونا عبر فيس بوك

قوقل ‏+‏ ‏
Use the English Language

ناس دكتوارة في التعذيب وماجستير عديل في الهم !!

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

25032016

مُساهمة 

ناس دكتوارة في التعذيب وماجستير عديل في الهم !!




بالعربي الكسيح
محمد الطيب
ناس دكتوارة في التعذيب وماجستير عديل في الهم !!

ـــــــــــــــــ
* )ست الودع( إذا )رمت الودع( أربعين مرة لن تستطيع ان تتوقع خروج الهلال علي يد الفريق الليبي المُشرد ..
* لن تتوقع ذلك حتى ولو كان )البياض( بالدولار وليس بـ)الفكة( ..
* وذلك لان )ست الودع( في مرات كثيرة تكن واقعية ، بينما الكاردينال أبعد ما يكون عن الواقعية ..
* وعدم واقعية الكاردينال تظهر من خلال )معاونيه( ..
* وتظهر من خلال )قراراته( وبعض تصرفاته التى تصل احيانا مرحلة التهور علي نحو ما حدث في )الإضاءة( وما حدث من قبل في موضوع بكري المدينة وهو القائل : )أنا لو أخلي الهلال بكري تاني ما بدقها( ..
* وبكري )دقاها( زي السلام عليكم يا الكاردينال ..
* وعلي فكرة )ربع قوة الهلال ذهبت مع ذهاب بكري( وهذه حقيقة لن يغبشها الكاردينال مهما فعل ..
* رئيس الهلال بالأمس اصدر قرارا بانهاء خدمات )سيسيه ، ابيكو ونيلسون( ..
* ورغم مباركتنا للخطوة إلا ان الهلال كان بامكانه ان يصبر علي هذا الثلاثي لحدي شهر خمسة ولكن الهلال لن يصبر علي العشري ومدرب الاحمال المصري وهيثم مصطفي ..
* الهلال لن يصبر علي ثلاثي الجهاز الفني لان العشري )ضعيف( وهيثم )عندو تار( ومدرب الأحمال ما عارف سجم رمادو ..
* ولياقة نجوم الهلال تحكي عن الحال ..
* العشري قبل ما )يخت( كراعو في مطار الخرطوم قال : )أنا حافظ الكرة الليبية( ..
* وفي النهاية طلع كلام ساكت ..
* لا حافظ الكرة الليبية ولا حتي محافظ علي الشخصية المصرية القوية ..
* علي بالنعمة انت ما حافظ اي حاجة يا العشري ..
* أنا والله داير زول يفهمني الفلسفة شنو في إبعاد أبو عاقلة من مباراة الاياب مع إنو كان نجم مباراة الذهاب التي جرت قبل اسبوع من مباراة الاياب ؟؟
* قدر ما حاولت أفهم الفلسفة غلبني والله ..
* ولكن أظن سبب إبعاد أبوعاقلة من التشكيلة هو نفس سبب إشراك وليد الشعلة وابعاد ولاء الدين حتى من قائمة الـ)18( ..
* وعلي فكرة .. احد أعضاء الجهاز الفني رسم خطة )تمكين( عمار الدمازين من أجل شطب مساوي ..
* نعم مساوي )موقوف( وعدم مشاركته منطقية ولكن المخطط كان سيبدأ بعد إنتهاء الإيقاف ..
* وهو مخطط يشمل )الثعلب وبشة الصغير ووليد علاء الدين ومساوي وكاريكا وبشة الكبيرة( ..
* وهو نفس مخطط ابعاد )النعيم وحمودة بشير والبلدوز ونادر الطيب وأحمد الباشا ومجاهد القدال وريتشارد والصادق تبري وكافالي( ..
* نفس المخطط ..
* والمخطط الجديد سيبدأ فعليا بإبعاد مبارك سلمان ..
* وهسه أنا بقولها ليكم : العشري بعد شهر او اقل من شهر سيختلف مع مبارك سلمان كجزء من )الطبخة( ..
* ما ح تكون في اي مشكلة بين )العشري وسلمان( ولكن العشري سيجد نفسه مثل )خادم الفكي المجبورة علي صلاة الصبح حاضر( ..
* مبارك سلمان عمره المتبقي في الهلال أقل من شهر .. وإنتو في وإحنا في ..
*ستتم إقالة سلمان حتي يتمكن هيثم من الإنفراد بالعشري الضعيف ..
* وهيثم طبعا عندو )ماجستير في الإنانية( و)دكتوراة في التخطيط( ..
* )ماجستير الإنانية( ناقشه هيثم بالمريخ حينما سمحت له نفسه ان يدوس بـ)كدارته( علي )رأس فيصل العجب( ويقتلع الكابتنية في اسوأ عملية انانية علي مر تاريخ الكرة السودانية ..
* والمصيبة إنو المخططات هذه لا علاقة لها بمصلحة الهلال بل هي القصد منها )المغارز( و)التصفية( ..
* المهم ..
* هيثم سيهزم مشروع الكاردينال وشعاره الذي رفعه )2017 هلال خالي من الاجانب( ..
* هيثم لو قاعد صدقني يا الكاردينال شعارك ده بيبقي معكوس ..
* ح يبقي : )2017 هلال خالي من الوطنيين( ..
* أنا والله أحس بغيرة شديدة تجاه الكاردينال لانني ارى انه يمكن ان يكون افضل من ذلك بكثير ..
* زول )دفع دم قلبو في الجوهرة( يستحق ان نغير عليه ولكن الرجل وضح انه غير حريصا علي إنجازه المعماري ..
* الهلال ده يا الكاردينال )رأس مالو( فريق الكرة ..
* لو فريق الكرة )ظابط( إحنا ما عندنا مشكلة حتى ولو كانت المدرجات من )طين الجالوص( ..
* لانو الأهلي المصري لحدي الان ما عندو استاد يوازي اسمه الكبير ..
* يبقي تقوية رأس المال مهمة للحد البعيد ..
* يعني يا الكاردينال لو عملت لينا الاستاد اربعة طوابق وناسك )تحت تحت( بحاربوا في الثعلب وايشيا ووليد علاء .. الفايدة شنو يعني ؟؟
* ح نستفيد شنو من الطوابق الاربعة ؟؟
* وبعدين يا الكاردينال الفريق لو كعب وما عندو نتائج تأكد إنو الطابق التاني خسارة اسمنت ساكت ..
* الغرض من توسعت الاستاد جلب الجمهور ..
* والجمهور ما بجيك عشان )لون الاستاد( ولا بجيك عشان )الكسكتة( ولا بجيك عشان انت الكاردينال ..
* الجمهور بيجي للفريق ..
* وطول ما الفريق بهذا المستوى تأكد ان الطابق التاني سيكون أجمل سكن لأكياس النايلون ..
* عشان كده يا كردنة غير سكتك ..
* واسمع كلامنا إحنا لا عندنا معاك مصلحة ولا عندنا معاك مشكلة وعلاقتنا بيك سببها الهلال ..
* أفرض هيبتك يا الكاردينال عشان الجوهرة يكون ليها طعم ..
* أبعد هيثم وكل الذين يعكرون صفو الهلال حتى يسلم الهلال ويسلم مجتمع الهلال من )الاذية( ..
* وإحنا اطلاقا لا نخاف علي الهلال لان الهلال يملك جمهور معلم في كل شي ..
* عظمة جمهور الهلال تكمن في كونه ظل ولأكثر من )80( عاما ممسكا بـ)القرون( بينما غيره )يحلب( ..
* وهذا )نُبل( وإفراط في الحب ..
* وعلاقة الجمهور بالهلال كفريق هي علاقة )عاطفية( في المقام الأول ولذلك تجد جماهير الهلال لا تميل كثيرا علي )محاسبة المقصرين( لانها تفترض فيهم الحب والوفاء ..
* ولكن كثيرون فسروا )تسامح( جمهور الهلال بانه غباء فاصبحوا )يشترون ويبيعون في الهلال( دون حياء ..
* الهلال هو ثروة قومية وطاقة كبيرة في هذا الوطن بل هو يشكل ملامح مزاج البلد بصورة عامة ..
* وإذا كان السودان خالي من فصل الربيع فان نجاحات الهلال هي فصل الربيع غير المعلن ..
* ينعدل مزاج البلد حينما يكون الهلال منعدلا والعكس صحيح ..
* وما كان للهلال ان يستمد هذا الطاقة لو لم يكن يتمتع بكل هذا الشعبية الجماهيرية الخرافية ..
* والوضع الراهن يتطلب دورا تاريخيا من هذا الجمهور العريض ..
* وفي النهاية لا يحس بالوجعة إلا اصحاب الوجعة ..
* يعني )الجمرة بتحرق الواطيها( ..
* والكاردينال مستحيل يحس بوجع زول )أكل سندوتش طعمية بثلاث جنيهات وشرب كوز موية بجنيه( ووقف في الصف ودخل الاستاد الساعة )2( وكافح الشمس بـ)لهفة الانتظار( وشجع ثم خرج تعيسا بعد ان شاهدا هلالا خفيفا لا يقوى الصمود أمام الفريق الليبي المشرد ..
* لن يحس الكاردينال بذلك لانه لم يقف في )الصف( ولم يضرب )الطعمية( وربما لم يدخل الاستاد في ايام شبابه ..
* ونحن نخاطب الكاردينال دون غيره لانه هو المسؤول أمامنا وكل ما يحدث من تخبط وعشوائية بصم عليها هو وبالعشرة كمان ..
* ونواصل .

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى