تابعونا عبر فيس بوك

قوقل ‏+‏ ‏
Use the English Language

اندياح .. داليا الياس .. يااااا متأخر

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

02042016

مُساهمة 

اندياح .. داليا الياس .. يااااا متأخرn




جاييني في الزمن الغلط!!
بعد انكسر جوآي مناي.. وعقد الأحاسيس انفرط!!
بعد الندم.. شال القلم.. ولوحة حياتي اتشخبطت
كل المشاريع اتلغت…
الصدق بالزيف اختلط…
وأوراق طموحي اتلخبطت..
شاخت رؤاي.. تعبت خطاي..
وقناة هواي )اتشفرت(
**
جاييني بعد الليل هجد.. ونجومو أطفأت السراج..
جية الصباح اتأجلت!!
شمس الوصال غابت عديل لمت خيوطا وغربت..
والقمرة حفاها الخسوف.. في الظلمة راحت وما اتلقت…!!
وجاييني بعد الإنهزام.. بعد الجروف أبت الغمام…
والروعة فيني اتبددت…!!
ضاعت سنيني وراء الرهاب.. وقضيتا في حسرة وعذاب…
وعيوني جافاها المنام.. يوماتي بالدمعات همت…!!
وجاييني من بعد الضياع.. بعد المعارك والصراع…!!!
بعد انتصر فيني الخداع.. والروح خلاص استسلمت؟!!!
أنا كان سلاحي الطيبة والقلب الكبير..
والدنيا كانت ليل وخوف وعصف الرياح الزمهرير…
ما كان في فرصة عشان أعيش.. واقع قليبي المستنير…
ومن يوم عرفتك وانت غير.. بالضحكة والألق المثير…
ما بتشبه الزمن المرير…
وانا بيك متيم وبستجير…
سرجت خيل اللهفة ليك.. في سكة الولع الخطير…
وأصبحت في محراب هواك.. عابد.. وفي قيدك أسير…
وفتحت بيك باب للعشم.. أفكار وأحلام بي فهم…
وانا هسة عايش في وهم..
أصلو العشم بقى مستحيل…!!!
وتجيني في الزمن الغلط؟!
من بعد ما ضاعت سنين؟!
تسكب رحيقك في دماي… وتشعل مجامر من حنين!!
ما عدت أملك غير هموم.. وما عدت تسمع غير أنين…
وتجيني في الزمن الغلط.. تفتح علي أبواب من الظن و الجنون؟
يا شاده الروح والفؤاد.. أنا عشت فيك معنى الجنون…
علمتني الولع النبيل.. وغسلت بالدمع العيون..
وشان إنت تستاهل هواي.. وانا فيك لقيت فرحي وهناي..
وكتبت ليك شعري وغناي..
وبقيت خلاصي حلمي ومناي..
بس بدري كان مفروض تكون!!!
تلويح:
وأن تأتي متأخرا خير من ألا تأتي..
)بركة الجيت(

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى