غيض من فيض .. خلف الله أبومنذر .. شباب الهلال جمال الفال

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

12042016

مُساهمة 

غيض من فيض .. خلف الله أبومنذر .. شباب الهلال جمال الفال





#الحديبة_نيوز
# بثلاثية نظيفة تفوق وتعملق شباب هلال السودان عصر أمس على ملعبهم بأمدرمان أمام منافسهم الشقيق الأصغر هلال الفاشر فى الاسبوع الثالث عشر لبطولة الدورى الممتاز ليثبتوا ان الفكرة لا تموت ولا تفتر ولا تندثر ولا تنحسر بل تظل متقدة متوهجة وان لفها جب النسيان وأسرها بئر الحرمان لسنوات وتكالب عليها الاعداء فلابد وأن تنهض وتمشى وتقفز .
# عصر أمس كان شباب الهلال فى الموعد ولا نقول قدموا داخل المستطيل الأخضر الطرب الغيث والغيث الطرب وأبدعوا وأدهشوا وأمتعوا وأسمعوا ولكن نقول قدموا ما يقنع ان الفكرة مبشرة ومستبشرة فى ثبات الحارس يونس وقوة تسديدات أبوعاقلة ومهارة محمد عبدالرحمن وانطلاقات محمود أمبدة وتمريرات صهيب الثعلب وصلابة عمار الدمازين وبقية الشباب الوثاب المهاب الذى أعلن عن نفسه بصورة مثلى ومطمئنة.
# هى البدايات التى يجب أن نتمسك بها وتجارب يجب ولابد وأن تتواصل لنجنى ثمارها فلا زال الطريق طويلا على الشباب وعلينا حتى نصل الى ما نريد فريق مشبع بالقدرات والثقة والخبرات والتناغم والتفاهم والانسجام وكل متطلبات كرة القدم لتحقيق الانتصارات والانجازات ويواصل العطاء فى المستطيل الأخضر لعشر سنوات على الأقل بذات القوة والحماس والثبات والاستجاشة ضراوة والطموح دون أن يحوجنا لاجراء عملية تغيير جلد من حين لآخر بل يحوجنا لاضافة عنصر أو عنصرين لدعم الصفوف.
# شكرا شباب الهلال جمال الفال على ما قدمتم وأحسنتم ولا نقول بلغنا المراد ووصلنا الى ما نريد فلا زال أمامنا الكثير الذى يحتاج للصبر والايمان بالفكرة ودعمها وما زال أمامنا العشرات من المباريات التنافسية والاعدادية تمدكم بالزاد والعتاد وأمامنا بطولة )سيكافا( للأندية رغم أنوف الموتورين والمتوترين فهى لكم للاعداد وليس السعى للتتويج وهذا ما يجب ان يرسخ فى أذهانكم ويتعمق ويتعملق فى وجدانكم فان ظفرتم بلقبها فلكم منا الشكر والتقدير على قدر حبات المطر وعدد النجوم وعدد أوراق الشجر
غيض
# شكرا جميلا شباب الهلال على قدر حبات المطر وعدد النجوم وعدد أوراق الشجر ، شكرا لكم وأنتم تثبتون وتأكدون ان الفكرة مبشرة ومستبشرة وان المستقبل واعد وذاخر وباهر باذن ناصب السماء بلا عمد
# بسم الله وما شاءالله حقيقة تسديدة اللاعب الشاب أبوعاقلة الساحقة الماحقة التى نتج عنها الهدف الأول لم نشاهدها قريبا ولا حتى من اقدام المحترفين
# نقول نعم للشباب ليس هضما لمجهودات أو عدم اعتراف بعطاء لاعبى الخبرة الذين نرفع لهم القبعات مع انحناءة خاصة تقديرا لما قدموه وسيقدموه للهلال ولكن نقول نعم للشباب حتى نراهن على فريق لعشر سنوات على الأقل يؤدى بقوة وحماس وفنيات عالية ويحقق الانتصارات.
# أمشى بكره يا القباض أخوى من غير تعرف وتفهم حاجة قول الهلال جاب طبيب نفسي للاعبين التقول الهلال لاعب فى بطولة التجانى الماحى
# فى واحد صاحبنا قال برسل صورة حوار بالايميل فيهو جنس قبض
# بالجد وأنا قلت ليهو رسل يا أمان وليك الأمان والضرب فى المليان
# انتو ناس نجمة المسالمة مسافرين ناغورنوكرباخ أقصد الجزائر متين لأنو بأمانة عندى وصية لأخونا أمير كمال لأنو السترة والفضيحة متباريات
# أهم وصية ونصيحة يا أمير كمال ما تكون عوير وتسافر الجزائر بالشكل العارفنو وحافظنو ناس أغالو وعلى جابو وبشتنوك بيهو فى أمدرمان .
# حاول اتنكر عشان ما يعرفوك لأنو لو عرفوك زولهم ذاتو بدخلوا الميدان شايلين كمنجات والحفلة بدور من الدقيقة الأولى لبداية المباراة
# حاول اتنكر صبغ شعرك وأحلق صلعة وألبس ليك بدلة وكرفتة وعراقى وأدخل الميدان قول للحكم أنا الفنان اللحو وعايز أعمل حوار تلفزيونى مع الرئيس الجزائرى الراحل هوارى أبومدين وسلم عادى على أوغالو وجابو.
# اتونس معاهم قول ليهم الجو عندكم فى الجزائر كويس ونحن فى السودان الجو كعب وعندنا الكهرباء والموية بتقطع طوالى والغاز غالى
# ما تخاف أدخل معاهم فى مواضيع اقتصادية واجتماعية خاصة مع جابو عندو أبوه اتوفى يوم الجمعة الفات أسالو مافى أخبار من المرحوم أبوك
# خليك عادى ما تلفت نظر زول وكل دقيقة والتانية أربط الكرفتة وعاين لى جابو جوه عينو وقول ليهو سبعة صفر كويسة بتصلح العلاقة بين البلدين
# غايتو دى وصيتى ونصيحتى وأمشى لأخونا المهندس ونسى شوف بقول ليك شنو.. اذا قال ليك نجدد الثقة قول ليهو شوف حاجة تانية فيها فايدة مع ناس أوغالو وجابو عشان فى الجزائر ما تكون فى خسارة فى الأرواح والممتلكات واللقيمات.. ودعتك الله وخلى بالك من نفسك وأمسك فى ثقتك
# وبعدين أنت يا ونسى أخوى ساعد أمير ما تجدد فيهو الثقة قبل المباراة بى كم يوم ..أحسن تسافر معاهم الجزائر وتخت ليك كرسى جنب جمال سالم وكل دقيقة تخش الميدان تجدد الثقة فى أمير وتديهو موية وترجع
# اعلام نادى نجمة المسالمة السالب شبع تقريعا وسخرية من محترف الهلال أبيكو عندما أخطأ فى مباراة ناديه أمام الأهلى الليبي ونسى ان أمام ناديه مباراة أمام وفيق سطيف ونحن راجين على جعفر وأمير كمال وأخوانهم الدروايش على أحر من الجمر زى ناس على جابو وأغالو

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى