نبض الصفوة .. امير عوض .. عقودات الهلال عقدتنا

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

17042016

مُساهمة 

نبض الصفوة .. امير عوض .. عقودات الهلال عقدتنا




نبض الصفوة
امير عوض
عقودات الهلال عقدتنا
#الحديبة_نيوز
★الناس ديل مالهم..
★الحاصل عليهم شنو؟
★النفور ده سببو شنو؟
★و منو؟
★طفشوا الكوكي..
★و أولاد النقر..
★و كافالي.. )ده طفشتو فطومة بي كيسها(..
★و الآن.. إبن النيل.. جرفو السيل..
★قده سلك..
★ما سلك بتاعنا.. سلك المعبرة..
★فر بجلدة فرار السليم من الأجرب..
★الناس ماشين عطبرة..
★و زولهم راح شمار في كسبرة..
★الأولتراسات منقرضة في بعض..
★و العشري يضرب في الكشري..
★الحريقة مولعة.. و الراجل زادها لهب..
★كردنة ده يلقاها من وين واللا وين..
★الكشافات طلعت ماسورة..
★قالوا ليهو ديل الصواميل..
★طيب صواميل الفريق الإتحلت دي مالها؟
★العشري ده ما قرضتوهو ليه..
★صامولتو دي الحلاها منو؟
★و كردنة ده يودي وشو وين تاني؟!!
★يجي النيل الأزرق كيف؟ و يقول شنو الرئيس الما لعب ده؟!!
★ده نحن اتبهدلنا أوي يا جدعان!!
★القوة المالية الضاربة.. الضربات كترت عليها..
★لبعة العشري دي غالبا ما تكون قاضية..
★غايتو.. كلما اتذكر كلام كردنة في عطبرة بتاع الخور.. أضحك..
★و إتشق من الضحك..
★هو قال عايز يودي منو للخور؟
★الإتحاد واللا الهلال؟
★الزمن طول و شكلي نسيت..
★لكن الشايفو قدامي ده وااااضح..
★كردنة رمي ليهو حاجة في الخور و نفذ كلامو..
★بكرة جماعة البصيرة أم حمد يقولوا دي المعارضة..
★العشري ذاتو طلع جيب من جيوب المعارضة..
★قلت لي ما عرفوا الا من الفيس بوك!!
★الراجل بعد وصل بلدو كتب ليهو منشور و جدع تاق لفطومة..
★كردنة طبعا ما عندو حساب في الفيس..
★شن عرف الدكتور بالفيس بوك!!
★ما علينا..
★نرجع لي قصتنا..
★فطومة بعد التاق أول حاجة عملتها إنها عملت بلوك للعشري..
★حظرتو ليك زي الما حاصل حاجة..
★و بعدها ضربت للريس.. و هي مهمومة..
★ما عارفة تكلموا كيف!!
★و الجرس شغال يرن..
★تووووت.. توووت..
★و كردنة فتح الخط..
★أهلا بالكوتش المنسقاتي..
★صباح الخير يا ريس..
★صباح النور و من عطبرة تجينا اخبار السرور..
★ان شاء الله..
★مالك مهمومة و نفسك رايح كدة؟
عطبرة دي حقتنا ما تخافي.. ده الأمل أملنا و حبايبنا..
★أبدا يا ريس.. بس في مصيبة صغيرة كدة..
★مصيبة شنو؟ يا ساتر تستر.. الكشافات وقعت؟
★لا..
★جوهرتي انهرست طيب؟
★لا ياخ..
★صلاح ادريس راجع السودان؟
★ابدا..
★كتبة الجوهرة تاني ناس الاولتراس دقوها؟
★لا لا.. ماف مشاكل الليلة..
★طيب الحاصل شنو جهجهتي باكاتي و انت عارفة انا كنت ارتكاز قديم..
★الحاصل.. العشري..
★مالو القشري.. برضو طلعتي كيسو فاضي؟
شوفي يا فطومة انا لليلة ما قادر ادافع عن خرمجتك القلتيها في كافالي.. ياخ ناس المعارضة اكلو لحمي..
★ابدا يا ريس.. انا ما جبت سيرتو و خليت سيرة الاكياس لي يوم القيامة..
★طيب مالو.. اوعه تكوني اتكلمتي معاهو قبل تاخدي الرخصة سي؟
★قلت ليك خشمي ده ما فتحتو والله يا ريس..
★اها مالو.. عايز قروش.. موش أمس اديناهو كل حقوقو..
★الحاصل إنو لحق أمات طه..
★مشي لي طه؟
★لا يا ريس.. أمات طه.. ما طه داك..
★يطرشني كان فهمت حرف.. يا ادم تعال اتفاهم مع فطومة دي!!
★فهم الريس يا ادم انو العشري شرد.. براحة لكن.. فهموا بي رواقة و بدون ما تأثر علي أعصابو..
★كويس..
★قول ليهو كلها شهر و انا جايه امسك الهلال مدربة..
كلمو ما يشيل هم.. موش سيكافا الفطيسة دي.. انا قادرة اشيلها بالشباب براي..
★لكن الطفشو شنو.. انا امس اديتو كرتونة.. و صورتو للزمن..
★بري ما عارفة.. الظاهر ديل ناس المعارضة..
خليهم لي بكرة بأدبهم..
ما تنسي كلم الريس برواقة بعد الفطور عشان ما تسد نفسو.. باي..
★توت توت توت..
★و توتا توته.. العشري خلص الحدوتة.
★نبضات أخيرة★
★ناس الهلال ديل مفروض يطبقوا كلمة التعاقد حرفيا..
★بمعني.. يمسكوا المدرب و يعقدوا يدو في حبل و يربطوهو لامن نهاية عقدو..
★ما ممكن..
★أي كوتش طفش قبل نهاية عقدو..
★و الغريبة المحترفين..
★من زمن زولو..
★و حتي مكسيم..
★طفشان من أصلو..
★طفشني بلا زعل.. ياخي طفشني بلا زعل..
★الطافش.. الهالكني ريدو.. هلك النفوس و الأولتراس تريدو.. مالو لو يرحم مريدو..
★أوتطفشين صغيرتي أو تطفشين..
★غايتو..
★جنس محن..
★نبضة أخيرة★
العشري طفش قبل نشوف كيسو.

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى