قوقل ‏+‏ ‏
Use the English Language

دق الدلجة .. محمد عبد الماجد .. ثلاثة اوامر قبض في مواجهة )ونسى( انتوا عاوزين ليكم )حارس مرمي( ما رئيس

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

17042016

مُساهمة 

دق الدلجة .. محمد عبد الماجد .. ثلاثة اوامر قبض في مواجهة )ونسى( انتوا عاوزين ليكم )حارس مرمي( ما رئيس




دق الدلجة
محمد عبد الماجد
 ثلاثة اوامر قبض في مواجهة )ونسى( انتوا عاوزين ليكم )حارس مرمي( ما رئيس
#الحديبة_نيوز
• في مساحة اخرى كتبنا عن )هروب العشري( – الهروب الذي يسأل عنه رئيس النادي وليس المدرب المصري.
• الحاجات واضحة كدا.
• سوف نعود ان شاءالله للاجواء الطاردة التى يصنعها رئيس الهلال في الهلال والتى جعلت كل من يتولى الاشراف الفني على الهلال يهرب بهذه الصورة.
• هروب مدرب قبل 48 ساعة من مباراة هامة ومصيرية في الدوري يسأل عنه المجلس.
• مع ان عملية طارق العشري عملية غير كريمة ..وتنقص من قدره وسمعته كمدرب محترف.
• يا طارق العشري عمليتك دي احمد بدير في )مسرحية( ما بعملها.
• وقد كان للعشري موقف مماثل مع نادي المقاولون العرب.
• هكذا هي مواقف العشري…)تاني مدرب مصري ما تجيبوه لينا(.
• لكن يبقى اختيار العشري والتعاقد معه تم عبر المجلس.
• جايبين لينا مدرب ممكن يبيعك في اي لحظة.
• العشري يربطه مع الهلال )عقد( – ومجلس الهلال هو المسؤول عن هذا العقد – فكيف مكّنوا العشري على الهروب من خلال عقد لا يحفظ لهم حقوقهم.
• خاصة ان الامر تكرر اكثر من مرة – لكن مع ذلك فان مجلس الهلال ظل يلدغ من الجحر بنفس الطريقة والسيناريو.
• مرة الكوكي.
• ومرة العشري.
• ومرة النابي.
• هل عقد العشري فيه )صواميل( ايضا؟.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
• الغريبة بعد كل هذا هناك من يحسب الخطأ على المدرب والواقعة تكررت من اكثر من مدرب في وجود الكاردينال في قيادة الهلال.
• العشري مدرب بلا )اخلاق(..لا خلاف على ذلك.
• لكن يبقى القاسم المشترك الاعلى او الاوحد في هذه الهروبات هو رئيس نادي الهلال اشرف الكاردينال…وليس العشري ولا نبيل الكوكي.
• انتوا الناس ديل بتجيبوهم لينا من وين؟.
• ومنو البتعاقد معهم؟.
• المشكلة واضحة ليس في المدرب وحده وانما في المجلس الذي جعل الاجواء في الهلال )عفشة( بهذه الصورة بحسب تعبير الصعيد المصري ونحن نتحدث عن مدرب مصري.
• عشفة بالسوري يعني )مخربطة(.
• وبالسوداني يعني كعبة وملخبطة.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
• نتمنى ان يتجاوز الهلال محطة عطبرة ويفوز اليوم باذن الله وتوفيقه على الامل في ظل هذه الاوضاع الصعبة لنعود من بعد عبر هذه المساحة لنتحدث عن )الازمة( التى يعيش فيها الهلال والتى جعلت هناك على رأس كل 60 يوما مدرب جديد للهلال.
• نفسي اعرف هؤلاء المدربين الذين يتعاقد معهم الهلال من الذي يحضرهم للهلال – حتى افهم تلك الروح العدائية في الاطاحة بهم.
• الغريب ان الكاردينال هو الذي يحضرهم وهو الذي يتعاقد معهم بعد غزل عريض فيهم ..ثم يكون هو نفسه الذي يطيح بهم.
• الكاردينال عندما يتعاقد مع المدرب يطلعوه )بطل(.
• وعندما يطيح به – ايضا يطلعوه )بطل(.
• يعني في الحالتين – الكاردينال عداهو العيب.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
• نخش على اخوانا المريخاب.
• نحن عندنا مباراة في عطبرة.
• وما عاوزين )نخربط(.
• ولا نقول شيء.
• امين خزينة المريخ الرشيد الطاهر عقد امس مؤتمر صحفي – قال فيه : )معسكر الفريق في اديس تكفل به نادي المريخ و التي كلفت الفريق 37,5 الف دولار بجانب تكفل نادي سانت جورج بــــ )25( تذكرة فضلا عن )9( تذاكر كلفت المريخ 41 الف جنية فضلا عن دعم السيد ادم سوداكال للمعسكر بــــ)5( الف دولار اما معسكر الدوحة فقد تكفلت به رابطة المريخ بالدوحة اما بقية ايام المعسكر تكفل بها مجلس المريخ بجانب نثرية اللاعبين )10( الف دولار و التذاكر قيمتها )15( الف دولار(.
• كشف حال بس.
• عليكم الله شفتوا الوضع الصعب دا.
• ادم سوداكال لو قفل تلفونو ..بتقبلو وين؟.
• لو بطارية التلفون نزلت ..بتصرفوا كيف؟.
• عندما قرأت هذه الارقام – اتذكرت الدعم الذي يقدم للمنكوبين في السيول والامطار.
• قلت السنة دي )النكبة( بتاعة الخريف جاءت قبل )الخريف(.
• من غير مطرة.
• بالله ميزانية المريخ بقت زي )كشف البكاء(.
• اي والله – زي كراسة الجرورة.
• يمين لو نحن ما طلعنا من دور الـ )32( في البطولة الافريقية ومدربنا هرب – الكلام دا ما بنقعدكم بيه للصباح.
• الكاردينال فوّت علينا الفرصة.
• المولد دا ..راح علينا ذلك.
• معقولة في نادي بسيروه بالطريقة دي.
• طيب انتوا يا ناس اللجنة وقت بدفعوا ليكم القروش دي كلها – قاعدين تعملوا في شنو؟.
• مهمتكم شنو؟.
• الرشيد الطاهر امين خزينة المريخ قال : ان المجلس اكمل اجراءات سفر البعثة فجر الاحد وستصل البعثة الساعة الثانية عشر الى الجزائر و ستبيت في الدوحة باحد فنادق شركة الخطوط القطرية و ذلك بدعم من احد ابناء المريخ و ان المجلس وفر التذاكر الى الدوحة بكلفة وصلت الى 196 مليون على ان تسلم ادارة البعثة 25 الف دولار وهي عبارة 22 الف دولار نثرية و احتياطي 3 الف دولار تسلمها محي الدين عبد التام.
• والله لو جيتو لي رأيّ يا الرشيد مفروض ولا تسافروا.
• ولا في داعي للجزائر دي.
• ساكت مسافرين للبدهلة.
• خسارة ساكت.
• الرشيد الطاهر قال دفعنا 335 مليون حافز تأهل.
• على شنو؟.
• الموضوع ولا بستاهل.
• لو عارفين الراجيكم في الجزائر..كان دفّعتوا اللاعبين بدل ما تدفعوا ليهم.
• قال شنو؟.
• قال دفعوا للاعبين 335 مليون حافز تأهل.
• على شنو؟.
• الحاجات دي زمن جمال الوالي كانوا ولا بحسبوها.
• ولا بقيفوا عندها.
• هسع بقوا ما بفوتوا حاجة.
• حاسبنها بالقطارة.
• عجبني ليك يا بكرى المدينة.
• عشان كدا كورتك فكت.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
• اما فيما يتعلق بمباراة الوفاق سطيف فقد قال امين خزينة المريخ )ان دخلها بلغ 576 مليون و كان صافي الدخل 449 مليون خصم منه 48 مليون حكام بجانب 47 مليون اقامة وبالاضافة لخصم 153 و 27 مليون و خصم 31 الف جنيه فضلا عن حجز الاتحاد العام لمبلغ 100 مليون ليكون صافي الدخل 19 مليون رفض المريخ استلامها . كما قام الاتحاد العام بخصم نصيبه من البث اما رعاية المباراة فقد حصل المريخ فيها على 120 مليون اما الاستاد فكانت هناك 36 لوحة مقابل 5 مليون جنية لكل لوحة(.
• شوفوا الناس ديل بقوا يحسبوها كيف؟.
• ما خلوا حاجة.
• بحسبوها باللوحة.
• والله انتوا يا الهلالاب مع هروب مدربكم دا ..عايشين في نعمة.
• اخطر ما قاله امين خزينة المريخ الرشيد الطاهر قاله فيما يتعلق باموال تأهل المريخ لنصف نهائي الابطال و البالغة 75 الف دولار حيث ذكر امين خزينة نادي المريخ ان ناديه لم يتسلمها و لم يعرف عنها شيئا حتى الان او يعرف اين ذهبت.
• بالله دا كلام.
• القروش دي راحت وين؟.
• كيف يعني ما بعرفوا حاجة عنها.
• المريخ القروش التى يدخلها بتمشي لي حساب زول.
• دا كلام شنو دا؟.
• 75 الف دولار ..ما معروفة مشت وين؟.
• امين خزينة نادي المريخ قال ان هناك ثلاثة اوامر قبض في مواجهة رئيس نادي المريخ لفندق برادايس و اورانيا و جهة ثالثة وهي من عهد المجلس السابق تم تحويلها ضد رئيس المريخ واجبة السداد.
• رئيس نادي المريخ صدرت ضده ثلاثة اوامر قبض..على كدا انتوا عاوزين ليكم )حارس مرمى( – ما عاوزين ليكم )رئيس(.
• المدهش ان امين خزينة المريخ قال ان هذه الديون التى صدر فيها امر قبض كلها من تركة المجلس السابق.
• ساكت بتشكروا في جمال الوالي.
• هسع عليكم اسامة ونسى دا ذنبو شنو؟.
• تهتفوا لي جمال الوالي ..وامر القبض يصدر في حق اسامة ونسى.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
• …..
و
• الكوكي لم يكسب شيء من هروبه.
• والعشري ..ما بكسب الحبة.
• الله ينصر الهلال اليوم.
• …..
• السيدة )ل( – العشري هرب عرفناه – )السكر( دا مالو؟ – حاصل عليه شنو؟.
• وقرّط على كدا.

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى