تابعونا عبر فيس بوك

قوقل ‏+‏ ‏
Use the English Language

دق الدلجة |محمد عبد الماجد كمان جابت ليها )مجانين( يا مجدي !!

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

20032015

مُساهمة 

دق الدلجة |محمد عبد الماجد كمان جابت ليها )مجانين( يا مجدي !!






في صحيفة )الجوهرة الرياضية( امس بل في عنوانها الرئيس الاول : )مجنون يدير مباراة الهلال والرصاصات(.
• مجنون مع )الرصاصات( دي ممكن يكتل ليه زول.
• الاتحاد الافريقي دا ما فيه زول عاقل. • نحن ناقصين.
• يا ربي مباراة الهلال ح يديرها )مجنون ليلي(. • دا قالوا ليك )مجنون ضربات جزاء(.




• مجنون ليلي طبعا زول حساس شديد …المخالفة بيحسبها قبل وقوعها بي ربع ساعة.
• ضربة الجزاء عندو بي النية.
• ولا بيستحمل حاجات زي دي.
• ولا عندو ليها قلب.
• اعود الى انفراد )الجوهرة الرياضية( امس ..وانقل ليكم الخبر كما جاء في الصحيفة…)عشان ما تقولوا نحن بنتكلم ساكت(.
• عشان ما تفتكروا نحن بنقطع من رأسنا.
• )اسند الاتحاد الافريقي لكرة القدم الكاف ادارة مباراة الهلال وبيغ بوليتس الملاوي في اياب الدور الاول لبطولة دوري ابطال افريقيا الى طاقم تحكيم من جنوب افريقيا بقيادة حكم الصافرة )فيكتور مغيل غوميز( يسانده على الخطوط كلا من )سيويلا وبيتر( بالاضافة الى )جوليوس ناصف( حكما رابعا ، فيما يراقب اللقاء )جوزيف نكولي( من زامبيا وذلك في خطاب صادر عن لجنة الحكام تحصلت الجوهرة على نسخة منه ويعد )غوميز( من الحكام الشباب في القارة السمراء ويتميز بقوة الشخصية لكنه بالمقابل اثار الكثير من الجدل في جنوب افريقيا خلال العام الماضي عندما اطلق صفارته لاحتساب )11( ركلة جزاء في )4( مباريات خلال عشرين يوما الامر الذي دعا الاتحاد الجنوب افريقي الى التوصية بخضوع الحكم الى جلسات علاج لدي طبيب نفسي(.
• يعني مجدي شمس الدين من )الغتاتة( الفيه – المرة دي جايب لينا حكم )مجنون( عديل كدا.
• حكم بيجدع بالحجارة.
• اول انتوا قايلين حكام المباريات بعيّنهم منو؟.
• بعيّنهم مجدي شمس الدين دا.
• مجدي جايب لينا )حكم( عندو )نفسيات(.
• مجنون رسمي.
• يا ريت لو وقفت على )النفسيات(.
• يعني )فيكتور مغيل غوميز( عادي جدا )الجدعة( يعملها ليك )ضربة جزاء(.
• وضربة المرمي يعملها لينا مخالفة داخل المنطقة.
• الزول دا ما مضمون. • اها عليكم الله في )قصد( اكتر من كدا.
• غايتو مجدي شمس الدين عملها ظاهرة ..جاب لينا حكم مفوت.
• ناس يقدموا ليهم قايمة من الاسماء عشان يختاروا )الحكم( البريحهم ..وناس يجيبوا ليهم حكم )مجنون(.
• الما بريدك في لجنة الحكام الافريقية بيحدر ليك.
• مجدي غلبو يعمل لينا حاجة هنا ..قال يلبد لينا في لجنة التحكيم الافريقية..بقى يجيب لينا في الحكام المجانين.
• فيكتور مغيل غوميز اكيد هسع واقف ليه في )صينية حركة( في جوهانسبرج في تقاطع شارع البلدية مع شارع المك نمر.
• هم الجماعة ديل عندهم شارع البلدية زيّنا.
• غايتو شارع البلدية بالتحديد ما عارفو – ما بقدر اجزم ليكم بيه …لكن اكيد ناس جنوب افريقيا ما عندهم شارع اسمو )المك نمر(.
• التقرير المميز الذي قدمته )الجوهرة الرياضية( امس يجب ان يقف عنده لاعبي الهلال وان يقرأوا التقرير جيدا.
• على الفاتح النقر المدرب المكلف للهلال الوقوف عند هذا التقرير الزول دا )مجنون( عديل كدا.
• مجنون رسمي ..يقولوا ليكم الكلام الف مرة.
• فيكتور مغيل غوميز احتسب ليه )11( ضربة جزاء في )4( مباريات ..يعني ضرباتو اكتر من )خرفان( المريخ.
• كل خروف بي ضربة جزاء.
• غوميز في مباراة واحدة احتسب ليه )5( ضربات جزاء – الحكاية شنو؟.
• الزول دا الحساسية كاتله.
• اول مرة اشوف لي حكم )مرهف( كدا.
• تقول عازف بيانو.
• يا ناس الهلال الزول دا عادي جدا يحتسب على الهلال خمس ضربات جزاء ..ويطير الهلال من دور الـ )32(.
• ممكن يعملها.
• والله لو الهلال ما كان غالب في مباراة الذهاب 4 / صفر …كنا قنعنا مع الحكم المجنون دا.
• والرجفة التى كان )عبدالمولي الصديق( رحمة الله عليه يكتب عنها ..كان مسكتنا من قبل عشرة يوم من المباراة.
• فيكتور مغيل غوميز قالوا ليك مع ضربات الجزاء بيخرج الكروت الحمراء.
• بيطرد طوالي.
• ولا بتلفت.
• مجنون – بيعملها.
• الطريف وحسبما جاء في التقرير ما صرح به )كافين جونسون( مدرب فريق سبور سبورت والذي قال للصحفيين : )ربما هذا الرجل يريد ان يدخل موسوعة غينيس للارقام القياسية ..او يريد ان يصبح مشهورا قبل ان يضيف اعتقد ان عليه ان يقف في المرآة وينظر الى نفسه وما يفعله بكرة القدم في جنوب افريقيا(.
• زول زي دا يا مجدي شمس الدين بيجيبوه للهلال.
• حركاتكم البتعملوا فيها جوة البلد ..عرفناها – كمان عاوزين تعملوا لينا حركاتكم دي برة البلد.
• انتوا ما عندكم وطنية؟.
• تعينوا لينا حكم )مجنون(.
• عضو الاتحاد الجنوب افريقي صرح لمجلة )كيك اوف( كما جاء في التقرير وقال عن الحكم : ) غوميز يحتاج الى مساعدة ..انه يعاني من مشكلة حقيقية في اتخاذ القرارات ..لقد قررنا ان يري طبيبا نفسيا ..تصرفه وطريقته في ادارة المباريات وتقديره لسلطته كحكم يجب ان تتم مراجعته مشيرا الى ان تصرفاته التى تشبه ابطال افلام الكاوبوي او رعاة البقر في تحدي اللاعبين والمدربين والجماهير تثير القلق وقد تؤدي الى فوضي وشغب يوما ما(.
• حكم نوع دا ..يجيبوه للهلال.
• قصد عديل.
• ناس وليد علاءالدين مع هذا الحكم بكونوا خايفين على رقبتهم ..الزول دا ما يقوم يفلق ليه لاعب من الهلال.
• كان على )الكرت الاحمر( الموضوع مقدور عليه.
• الكرت الاحمر هين.
• غايتو يا مدثر كاريكا غوميز دا إلا تغنوا ليه )قالوا – قالوا علي شقى ومجنون(.
• كلموا الشغيل يحفظ )حبيبي جننا وغير حالي(.
• الظروف ما معروفة.
• اعملوا حسابكم ..الزول دا يا بشه اوعكم زول يتكلم معاه.
• لو حسب على الهلال )ضربة جزاء( في التسخينة ما تشتغلوا بيه.
• المشكلة ..والحاجة البنخاف منها ..سيف مساوي مع الناس )العاقلين( ضربات الجزاء التى يرتكبها بتقول يا غربتي.
• مساوي مع الزول )المجنون( دا كيف؟.
• يا الفاتح النقر ..اقعد مع مساوي ..او ما تشرك مساوي في مباراة الاياب..غوميز دا ضربات الجزاء عندو زي شراب الموية.
• ونحن اي ضربة جزاء بتعمل لينا )شلل(.
• ولا فاضيين.
• ولا عندنا وقت للحاجات دي.
• خلاص اشركوا جمعة.
• جمعة في ضربات الجزاء ما ساهل.
• وغوميز دا ما بقدر ليه غير جمعة.
• …………….. و
• امس كتب رمضان احمد السيد بصورة جميلة عن الراحل عبدالمولي الصديق وانصفه عندما شهد له بالكثير من الروائع.
• اتينا الى )قوون( كما ذكر رمضان في يوم واحد الى جانب الزميل عمر المكابرابي.
• كانت من اجمل الفترات بالتأكيد ..الكتابة لجوار عبدالمولى الصديق.
• ربنا يرحمه ويغفر ليه.
• تعادل المريخ امس مع الخرطوم الوطني …ابقى الفارق في النقاط بين الهلال والمريخ بعد التساوي في عدد المباريات )4( نقاط.
• شيبون …دا لو مشى )الدهب( احسن ليه.
• كورة شنو؟..البلعبها ليكم شيبون.
• كورة هي وإلا مسلسل عربي؟.
• الدوري الممتاز السنة دي يا ناس المريخ إلّا تلعبوه بي ناس سلك.
• ناس شيبون ديل ..ما بجيبوا ليكم حاجة.
• الغريبة غارزيتو اصلو ما قاعد يقصر معانا.
• شغال معانا )نزيف(. • نزيف صاح.
• يا حليل المريخ..المريخ بقى يجيبوا فيه قون ما يقدر يعدل.
• يجيب القون هو ..يعادلوا معاه. • حالتكم بقت صعبة.
• خلوا جمال الوالي يستعجل ليكم بالاستقالة.
• ما يقعد ليكم كدا.
• لا شغال لا مستقيل.
• البعرفو منو؟.
• الزول دا هسع مستقيل وإلّا ما مستقيل.
• يقعد يشتغل ليكم بين بين كدا.
• بي طريقتكم دي ح تطيروا من البطولة الافريقية.
• قلنا ليكم الكلام.
• ما قاعدين تسمعوه.
• تعينوا الحكام براكم ..وبرضو ما قاعدين تفوزوا.
• بعد كدا الاتحاد يعمل ليكم شنو؟.
• مجدي شمس الدين بعد كدا إلّا يلعب ليكم براهو.
• اصلو ما قاعد يقصر معاكم.
• افتكر غارزيتو يستحق التكريم من رابطة الهلال.
• بختك يا محسن سيد ..ماشه معاك باسطة.
• قربت تستلم. • ………
• السيدة )ل( ..ما عندي مشكلة مع )القهوة( لكن الظاهر )القهوة( عندها مشكلة معاك ..طعمها اتغير.
• وقرّض على كدا.

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى