قوقل ‏+‏ ‏
Use the English Language

ﺑﻴﻦ ﺍﻟﺤﻮﺵ ﻭ ﻭﺩﺳﻠﻔﺎﺏ .. ﻓﻲ ﺭﺛﺎﺀ ﻭﺍﻟﻲ ﺍﻟﺪﻳﻦ ﻭﻣﺼﻄﻔﻰ

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

ﺑﻴﻦ ﺍﻟﺤﻮﺵ ﻭ ﻭﺩﺳﻠﻔﺎﺏ .. ﻓﻲ ﺭﺛﺎﺀ ﻭﺍﻟﻲ ﺍﻟﺪﻳﻦ ﻭﻣﺼﻄﻔﻰ

مُساهمة من طرف حمزه عوض في الثلاثاء 3 مايو 2016 - 7:07

ﺃﺭﻭﻉ ﻣﺎ ﻗﻴﻞ ﻓﻲ ﺍﻟﺸﻌﺮ ﺍﻟﺴﻮﺩﺍﻧﻲ
ﺑﻴﻦ ﺍﻟﺤﻮﺵ ﻭ ﻭﺩﺳﻠﻔﺎﺏ
ﺭﺍﺋﻌﺔ ﺍﻻﺳﺘﺎﺫ ﻫﺎﺷﻢ
ﺻﺪﻳﻖ ﻓﻲ ﺭﺛﺎﺀ ﻭﺍﻟﻲ
ﺍﻟﺪﻳﻦ ﻭﻣﺼﻄﻔﻰ
ﺗﻄﻴﺮ ﻗﻤﺮﻳﺔ
ﻣﻦ ﻋﺸﻪ
ﺗﻔﺘﺶ ﻟﺴﻪ
ﻟﻲ ﻗﺸﻪ
ﻳﺤﺶ ﺟﻨﺤﺎﺗﻬﺎ
ﺻﻘﺮ ﺍﻟﺮﻳﺢ
ﺗﻘﻊ ﻣﻜﺘﻮﻟﻪ
ﺑﺎﻟﺪﻫﺸﻪ
ﺻﺒﺎﺣﺎﺗﻲ ﺍﻟﺤﻠﻢ
ﻣﻀﺒﻮﺡ
ﺻﺒﺎﺣﺎﺗﻲ ﺍﻟﻔﺮﺡ
ﻏﺸﻪ
ﻣﺒﺎﻫﺠﻨﺎ ﺍﻧﺘﺤﺮ ﻟﻮﻧﻬﺎ
ﻣﺮﺍﺑﻌﻨﺎ ﺍﻧﺘﻬﺖ ﺣﻔﺮﺓ
ﺣﺪﺍﺋﻘﻨﺎ ﺍﺗﺴﻘﺖ ﺻﻔﺮﻩ
ﻣﻘﺎﺑﺮﻧﺎ ﺍﺗﻤﻠﺖ ﺧﻀﺮﻩ
ﻧﺰﺡ ﺩﺧﺮﻳﻨﺎ ﻟﻲ ﻃﻴﻨﺎ
ﻭﻓﻲ ﺟﻮﻓﻬﺎ ﺍﻟﺴﻤﺢ ﺧﺶ
ﻭﺑﻴﻦ ﺍﻟﺤﻮﺵ ﻭﻭﺩﺳﻠﻔﺎﺏ
ﺻﺒﺢ ﺟﺮﺡ ﺍﻟﻮﻃﻦ ﻣﻤﺸﻰ
....
ﻣﺬﻳﺎﻉ ﺍﻟﻮﻃﻦ
ﻣﺘﻌﻮﺱ
ﻳﺴﺎﺳﻖ
ﻣﻦ ﻓﺮﺍﻕ ﻟﻔﺮﺍﻕ
ﻳﺮﺍﺯﻱ ﺍﻟﻤﻮﺕ ﻋﺮﻳﺸﺔ ﺍﻟﻔﻞ
ﻳﺸﻘﻖ ﻓﻲ ﺳﻘﻔﻨﺎ ﺍﻟﻀﻞ
ﻭﻳﺴﺪ ﺑﻲ ﻛﻔﻮ ﻧﻮﺭ ﺍﻟﻄﺎﻕ
ﺍﻳﺎ ﻭﺍﻟﻲ ﺍﻟﻐﺒﺶ ﻭﺍﻟﺤﻮﺵ
ﻭﺗﺮ ﻣﺼﺒﻮﻍ ﺑﺤﺰﻥ
)ﺍﻟﺪﻭﺵ (
ﻣﻐﺺ ﻣﻐﺮﻭﺱ ﻓﻲ
ﺻﻮﺕ ﻣﻘﺮﻭﺵ
)ﻫﻼﻝ ( ﻣﻦ ﻓﻮﻕ ﻧﺠﻴﻞ
ﻣﺮﺷﻮﺵ
ﺻﻌﺐ ﺣﻨﻀﻞ ﺍﺳﺎﻙ
ﻳﻨﻄﺎﻕ
ﻭﺯﻱ ﻛﻞ ﺟﻤﻴﻞ ﻭﺍﺻﻴﻞ
ﻓﻲ ﺑﻠﺪ ﺍﻟﺤﺮﻗﺔ ﻭﺍﻟﺪﻗﺪﺍﻕ
ﺗﻔﻮﺕ ﺑﺴﺮﺍﻉ ﻛﺎﻧﻚ ﺿﻮ
ﺷﻠﻊ ﻓﻲ ﺍﻟﺠﻮ
ﻛﺎﻧﻚ ﺿﻴﻒ
ﻛﺎﻧﻚ ﻃﻴﻒ
ﺭﺳﻢ ﻟﻠﻨﺎﺱ ﺷﻌﺮ ﺑﺎﻟﺴﺎﻕ
ﺟﺪﻉ ﻓﻲ ﺍﻟﻄﻴﻦ ﺑﺬﻭﺭ ﺳﺮﻭ
ﻃﻠﻊ ﻓﻲ ﻏﻔﻠﻪ ﺑﺎﻟﺮﻗﺮﺍﻕ
....
ﺑﻴﻦ ﺍﻟﺤﻮﺵ ﻭﺩ ﺳﻠﻔﺎﺏ
ﻛﻔﺮ ... ﻭﻭﺗﺮ
ﻋﺬﺍﺏ .... ﻭﺳﻔﺮ
ﻏﺒﺎﺭ ...... ﻭﺣﻔﺮ
ﺳﻬﺎﻡ ﺍﻟﺤﺮﻗﻪ ﻣﻦ ﻧﺸﺎﺏ
ﺍﺳﻒ ﺧﻠﻰ ﺍﻟﺸﺪﺭ ﻫﺎﺟﺮ
ﻭﺷﺎﺏ ﻗﺶ ﺍﻟﺠﺰﻳﺮﺓ
ﺍﻟﺸﺎﺏ
....
ﺑﻴﻦ ﺍﻟﺤﻮﺵ ﻭﻭﺩﺳﻠﻔﺎﺏ
ﻗﺪﻡ ﺩﻭﺯﻥ ﺣﺮﺍﻓﺔ ﺗﺴﺮ
ﻭﺗﺮ ﺿﻤﺪ ﻫﻮﺍﻥ ﺍﻻﻣﺔ
ﺑﻲ ﺣﺮﻑ ﺍﻟﻘﺼﻴﺪ ﺍﻟﺤﺮ
...
ﺑﻴﻦ ﺍﻟﺤﻮﺵ ﻭﻭﺩﺳﻠﻔﺎﺏ
ﺑﺮﻳﻖ ﻧﺠﻤﻴﻦ
ﻧﻘﻴﺢ ﺟﺮﺣﻴﻦ
ﺩﻋﺎﺵ ﺍﺳﻤﻴﻦ
ﺑﺬﺭﻭﺍ ﺍﻟﻨﺸﻮﺓ
ﻓﻲ ﺍﻻﻭﺻﺎﻝ
ﻭﺧﻠﻮ ﺍﻟﻜﻮﻥ ﺭﻗﻴﺼﻮ ﻛﺘﺮ
ﻭﻛﺎﻥ ﺛﻤﺮ ﺍﻟﺤﺼﺎﺩ
ﺍﻟﺸﻮﻙ
ﻭﺗﺒﺮﻳﺢ ﺍﻟﺴﻬﺎﻡ ﺍﻟﻤﺮ
ﻭﺭﺳﻢ ﺍﺳﻤﻴﻦ
ﻋﻠﻰ ﻧﺼﺒﻴﻦ
ﻣﻤﺪﺩﻩ ﻓﻲ ﻓﻴﺎﻓﻲ ﺧﺮﺍﺏ
ﺗﻘﻊ ﻟﻮﺯﺗﻴﻦ
ﻓﻲ ﺳﺪﺭ ﺍﻟﻄﻴﻦ
ﺗﻨﻘﺮﺵ ﻓﻲ ﺧﻼ ﺍﻻﺣﺰﺍﻥ
ﻋﻠﻰ ﻋﻮﺩ ﺍﻟﻬﺸﺎﺏ
ﺭﻳﺸﺘﻴﻦ
ﺧﺮﻳﻒ ﺍﻟﺮﺍﺯﻩ
ﺣﺘﻞ ﻏﻴﻤﻮ
ﻧﺎﺡ ﻣﺤﺴﻮﺭ ﻋﻠﻰ ﺍﻟﻮﻟﺪﻳﻦ
ﻳﻐﻴﺐ ﻭﺍﻟﻲ ﺍﻟﻘﻠﻮﺏ
ﺍﻟﺰﻳﻦ
ﻭﻣﺪﺳﻮﺳﻪ ﺍﻟﺮﻓﻮﻑ
ﻭﺍﻟﻴﻦ
ﻭﻭﺩﺳﻠﻔﺎﺏ ﺗﻔﺎﺭﻕ ﺍﻟﺮﻭﺡ
ﻭﺍﺭﻭﺍﺡ ﺍﻟﻬﺘﺶ
ﺑﺎﻳﺮﻳﻦ
ﻳﻤﺮﻗﻮﺍ ﺍﻟﻨﺎﺱ
ﺩﻳﻮﺵ ﻭﺧﻠﻮﻕ
ﻋﻠﻰ ﺩﺧﺮﻱ ﺍﻟﻮﻃﻦ
ﺑﺎﻛﻴﻦ
ﻻ ﺍﻋﻼﻥ ﻻ ﺍﺫﻋﺎﻥ
ﻻ ﺗﺮﺗﻴﺐ ﻻ ﺗﻐﻴﺐ
ﻻ ﺗﺮﻫﻴﺐ
ﺑﺤﺮﻑ ﺍﻟﺪﻳﻦ
ﺑﻠﺪ ﺑﻌﺰﻑ ﺻﺪﻕ ﻧﻔﺴﻮ
ﺩﻟﻴﻠﻮ ﻫﻮﺍﻫﻮ
ﻓﻲ ﻗﻠﺒﻮ
ﻭﻣﺘﻮﻛﻞ ﺑﺮﻭﺡ ) ﻳﺎﺳﻴﻦ (
...
ﺑﻴﻦ ﺍﻟﺤﻮﺵ ﻭﻭﺩﺳﻠﻔﺎﺏ
ﺷﻠﻴﻞ ﻭﺍﻟﻠﻴﻞ
ﻭﻋﻴﻦ ﺍﻟﺴﺪﺭﻩ
ﺑﺘﻔﺘﺢ ﻋﻠﻰ ﺍﻟﻘﻤﺮﻩ
ﻭﺑﻜﺮﻩ ﺻﺒﺎﺡ
ﺑﻴﺘﻤﻄﻰ ﻭﻳﻘﻮﻡ ﻣﺮﺗﺎﺡ
ﻭﻟﺪ ﻣﻤﺮﺍﺡ
ﻳﺴﻮﻕ ﺍﻟﻜﻮﺭﻩ ﺑﻲ ﻗﻠﺒﻮ
ﻳﺤﺎﻭﺭ ﺑﻴﻬﺎ ﻓﻲ ﺍﻟﻤﻄﺮﻩ
ﻳﺪﻧﺪﻥ ﺑﻴﻬﺎ ﺑﺎﻻﻗﺪﺍﻡ
ﻭﻳﺴﺎﺳﻖ ﺑﻴﻬﺎ
ﻓﻲ ﺍﻻﺣﺮﺍﺵ
ﻭﻳﻨﻘﺮﺵ ﺑﻴﻬﺎ ﻓﻮﻕ ﺍﻟﺮﺍﺱ
ﻳﺨﻠﺐ ﺑﻴﻬﺎ ﻟﺐ ﺯﻫﺮﻩ
ﻭﻳﺒﺸﺮ ﺑﻴﻬﺎ ﻓﻮﻕ ﺷﺠﺮﻩ
ﺗﺰﻏﺪ ﺍﻣﻮ ﻭﺗﻜﺒﺮ
ﺩﻗﺮ ﻳﺎﻋﻴﻦ
ﻳﺎ ) ﻭﺍﻟﻲ ﺍﻟﺪﻳﻦ (
ﺗﺨﺎﻑ ﺍﻟﻌﻴﻦ
ﺗﺠﺮ ﺑﺴﺮﺍﻉ
ﺗﺠﻴﺒﻠﻮ ﺣﺠﺎﺏ
ﻣﻦ ﺍﻟﻔﻘﺮﺍ
...
ﺑﻴﻦ ﺍﻟﺤﻮﺵ ﻭﻭﺩﺳﻠﻔﺎﺏ
ﻧﺎﻱ ﺍﻟﺮﺍﻋﻲ
ﻳﺘﺒﺘﺐ ﺷﺠﻮﻥ
ﻧﻐﻤﺎﺗﻮ ﻭﺗﺼﺒﺢ ﻋﻠﻰ
ﺍﻟﻀﺎﻣﺮﻳﻦ ﻋﻠﻰ ﺍﻟﺒﺴﻄﺎ
ﻛﻤﻨﺠﺔ ﻧﻮﺡ
ﻋﻠﻰ ﺍﻟﻮﺍﻟﻲ
ﺗﻘﻄﻊ ﻓﻲ ﺟﻨﻮﻥ ﻭﺗﺮﻫﺎ
ﺭﻗﺼﺔ )ﺯﻭﺭﺑﺎ (
ﺑﺎﻟﻜﻮﺭﻩ ﻭﺍﻏﺎﻧﻲ ﺍﻟﻌﺰﺓ
ﻟﻲ ) ﻃﻴﺒﻪ (
ﻭﻟﻲ )ﻧﻮﺭﺍ (
ﻭﻟﻠﻔﻘﺮﺍﺀ
ﺩﻣﻮﻉ ﺍﻟﻨﺨﻠﻪ ﺑﺘﺒﺪﻉ
ﺗﻜﺐ ﻓﻲ ﺍﻟﻮﺍﺩﻱ
ﻧﺎﻓﻮﺭﻩ
ﺗﻄﺮﺷﻖ ﺑﺎﻟﺤﺰﻥ
ﻋﺸﺮﻩ
ﻭﺗﺘﻜﺮﻓﺲ ﻏﺼﻮﻥ ﻟﻴﻤﻮﻧﻪ
ﻓﻲ ﺷﻮﻛﻪ ﺗﻘﻮﻝ ﻣﺤﺸﻮﺭﻩ
ﻓﻲ ﺍﻟﻮﻛﺮﻩ
...
ﺑﻴﻦ ﺍﻟﺤﻮﺵ ﻭﻭﺩﺳﻠﻔﺎﺏ
ﻳﻘﻴﻒ )ﻓﺎﺭﻣﺎﺱ (
ﻋﻠﻰ ﺍﻟﺘﻠﻪ
ﻳﺄﺫﻥ ﻟﻲ ﺧﻼﺹ ﺍﻟﻨﺎﺱ
....
ﻭﺯﻱ ﻛﻞ ﺟﻤﻴﻞ ﻭﺍﺻﻴﻞ
ﻓﻲ ﺑﻠﺪ ﺍﻟﺤﺮﻗﻪ ﻭﺍﻟﺪﻗﺪﺍﻕ
ﻳﻔﻮﺕ ﺑﺴﺮﺍﻉ
ﺗﻘﻮﻝ ﺯﻱ ﺿﻮ
ﺷﻠﻊ ﻓﻲ ﺍﻟﺠﻮ
ﺗﻘﻮﻝ ﺯﻱ ﻃﻴﻒ
ﺗﻘﻮﻝ ﺯﻱ ﺿﻴﻒ
ﺟﺪﻉ ﻓﻲ ﺍﻟﻄﻴﻦ
ﺑﺬﻭﺭ ﺳﺮﻭ
ﻃﻠﻊ ﻓﻲ ﻏﻔﻠﻪ
ﺑﺎﻟﺮﻗﺮﺍﻕ
ﻛﻞ ﺍﺣﻼﻣﻨﺎ
ﻛﺎﻥ ﺑﺘﻤﻮﺕ
ﻣﻦ ) ﺍﻟﺘﺨﺪﻳﺮ (
ﻣﻤﺎ ﻋﺮﻓﻨﺎ
ﻛﻠﻮ ﺣﺮﻳﻒ
ﻭﺯﻭﻝ ﺭﺍﺋﻊ
ﻣﺼﻴﺮﻭ ﻋﺴﻴﺮ
ﻣﻤﺎ ﻭﻋﻴﻨﺎ ﻳﺎﻣﺎ ﺳﻤﻌﻨﺎ
ﻧﺎﺱ ﺑﺘﻘﻮﻝ
ﺻﺤﻴﺢ ﻣﺎﺑﺘﺪﻱ ﺍﺻﻠﻮ
ﺣﺮﻳﻒ
ﺻﺤﻴﺢ ﻣﺎﺑﺘﺪﻱ ﺍﺻﻠﻮ
ﺷﺮﻳﻒ
ﺯﺭﻋﻨﺎ ﻳﻄﻮﻝ
ﻳﻘﻴﻒ ﻗﻨﺪﻭﻝ
ﻧﺤﺎﺣﻲ ﺍﻟﻄﻴﺮ
ﻳﺮﻙ ﺍﻟﻤﻮﺕ
ﻓﻲ ﻋﻴﺶ ﺍﻟﺮﻳﻒ
...
ﺑﻴﻦ ﺍﻟﺤﻮﺵ ﻭﻭﺩﺳﻠﻔﺎﺏ
ﻧﻌﻴﺶ ﻭﻧﺸﻮﻑ
ﺟﺮﻋﻨﺎ ﺍﻟﺰﺍﻳﺪﻩ ﺑﺎﻟﺘﺨﺪﻳﺮ
ﻏﻴﻮﻣﻨﺎ ﺍﻟﺮﺍﺣﻠﻪ ﺩﻭﻥ ﺗﻔﺴﻴﺮ
ﻛﻨﻮﺯﻧﺎ ﺍﻟﺮﺍﻳﺤﻪ ﺑﺎﻟﺘﻘﺼﻴﺮ
ﺭﺅﺍﻧﺎ ﺍﻟﻮﺍﻗﻌﻪ ﺑﺎﻟﺘﻜﺴﻴﺮ
ﻭﻛﻠﻮ ﺣﺮﻳﻒ
ﻭﺯﻭﻝ ﺭﺍﺋﻊ
ﻗﺼﺎﺩﻭ ﻫﺪﻑ
ﻭﻳﻘﺎﻭﻡ ﺟﺮﺣﻮ ﻭﻳﺘﺤﻤﻞ
ﻭﻳﺘﺒﺘﺐ ﻓﻲ ﺟﺮﻭﺡ ﺍﻟﻨﺎﺱ
ﻭﻳﺘﺄﻣﻞ ﻭﻳﺤﻠﻢ ﺑﻲ ﻭﻃﻦ
ﺍﺟﻤﻞ
ﺗﺪﻭﺳﻮ ﺍﻟﻤﺎﻓﻴﺎ ﻓﻲ ﺟﺮﺣﻮ
ﻭﻓﻲ ﺣﻠﻤﻮ
ﻭﻳﺘﻜﻌﺒﻞ
...
ﺑﻴﻦ ﺍﻟﺤﻮﺵ ﻭﻭﺩﺳﻠﻔﺎﺏ
ﺯﻣﻦ ﻣﺎﺑﺪﻱ ﺯﻫﺮﺓ ﺷﻤﺴﻮ
ﻏﻴﺮ ﺍﻟﺬﻟﻪ ﻭﺍﻟﺘﻨﻜﻴﻞ
ﻭﻃﻦ ﺍﻭﺭﺍﺩﻭ ﻣﻮﺕ ﺍﻗﻤﺎﺭﻭ
ﺑﺎﻟﺘﻌﺠﻴﻞ
ﻳﻘﻊ ﺟﺪﻱ ﺍﻟﺨﻼ ﺍﻟﺴﺎﺳﺎﻕ
ﺑﻌﺪ ﺭﺳﻢ ﺍﻟﺸﻌﺮ ﺑﺎﻟﺴﺎﻕ
ﻭﺯﺍﻥ ﺗﺮﻧﻴﻤﻮ ﻛﻠﻮ ﻧﺠﻴﻞ
ﻭﻳﻐﻴﺐ ﻓﺎﺭﻣﺎﺱ
ﻭﻭﺩﺳﻠﻔﺎﺏ
ﻭ )ﺳﺖ ﺍﻟﺠﻴﻞ (
ﺑﻌﺪ ﺧﻠﻰ ﺍﻟﻘﺼﻴﺪ
ﺗﺠﻤﻞ ﻛﻮﻥ
ﻋﺬﺍﺏ ﺍﻟﻨﺎﺱ
ﺑﺮﻳﺸﻪ ﺍﻟﺼﺤﻮﻩ ﻭﺍﻟﻔﻜﺮﻩ
ﻳﻘﻮﻝ ﻟﻠﻨﺎﺱ
ﺑﻔﻮﺕ ﺍﻟﻠﻴﻞ ﻭﺑﻨﻔﺘﺢ ﺷﻤﺲ
ﺑﻜﺮﻩ
ﻋﻠﻰ ﺟﺒﻞ ﺍﻟﻬﻤﻮﻡ
ﻳﻄﻠﻊ
ﻣﻬﻮﻡ ﻓﻲ ﻋﺬﺍﺏ ﺍﻟﺠﻴﻞ
ﻳﻘﺒﺾ ﺑﺎﻟﺜﺒﺎﺕ ﺇﺯﻣﻴﻞ
ﻭﻳﻨﺤﺖ ﺑﺎﻟﺼﺒﺮ ﻭﻃﻨﺎً
ﻫﻮﺍﻫﻮ ﺍﺻﻴﻞ
ﻋﺬﺍﺑﻮ ﻧﺒﻴﻞ
...
ﺑﻴﻦ ﺍﻟﺤﻮﺵ ﻭﻭﺩﺳﻠﻔﺎﺏ
ﺗﺘﻔﺘﺢ ﺟﺮﻭﺡ ) ﻣﺮﻳﻢ (
ﻭ )ﺳﺖ ﺍﻟﺠﻴﻞ (
ﺗﺼﻴﺮ ﺷﻤﺴﺎً
ﺑﺘﻄﻠﻊ ﺿﺎﺣﻜﻪ
ﻣﻠﻴﻮﻥ ﻣﻴﻞ
ﻭﻧﺠﻤﺎﺕ
ﻓﻲ ﺧﻼ ﺍﻻﺣﺰﺍﻥ
ﺗﺴﻮﻕ ﺧﻄﻮﺍﺕ
ﻣﺴﺎﻓﺮ ﻟﻴﻞ
ﻣﺰﺍﺭﻉ ﻟﻠﻐﺒﺶ ﻣﻴﺮﺍﺙ
ﻣﻼﻋﺐ ﺗﺨﻠﺐ ﺍﻻﻧﻔﺎﺱ
ﻣﺴﺎﺭﺡ ﺣﺮﻩ
ﺩﻭﻥ ﺣﺮﺍﺱ
ﻭﻏﻨﻮﺍﺕ ﻟﻠﺒﻨﺎﺕ ﻭﺍﻟﻨﻴﻞ
....
ﺗﻄﻴﺮ ﻗﻤﺮﻳﻪ ﻣﻦ ﻋﺸﻪ
ﺗﻔﺘﺶ ﻟﺴﻪ ﻟﻲ ﻗﺸﻪ
ﻳﺤﺶ ﺟﻨﺤﺎﺗﻬﺎ
ﺻﻘﺮ ﺍﻟﺮﻳﺢ
ﺗﻘﻊ ﻣﻜﺘﻮﻟﻪ ﺑﺎﻟﺪﻫﺸﻪ
ﺻﺒﺎﺣﺎﺗﻲ ﺍﻟﺤﻠﻢ ﻣﻀﺒﻮﺡ
ﺻﺒﺎﺣﺎﺗﻲ ﺍﻟﻔﺮﺡ ﻏﺸﻪ

حمزه عوض


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى