تابعونا عبر فيس بوك

قوقل ‏+‏ ‏
Use the English Language

في السلك .. بابكر سلك .. فضل سلك ومحمد الامين

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

13052016

مُساهمة 

في السلك .. بابكر سلك .. فضل سلك ومحمد الامين




.
في السلك
بابكر سلك
فضل سلك ومحمد الامين

* امس الهلال العاطل عن التنافس الافريقي دخل التسجيلات من اصلع ابوابها
* ماخلوا صلعه ماسجلوها
* فضل ليهم سلك ومحمد الامين
* وناس روشا طبعا حايهللوا لتسجيل شيبوب المعطوب
* شيبوب التلب منهم في الجنوب
* استعرضنا عضلاتنا وجبناهوا بالبلكونه
* فكيناهوا في جاكسون عكس الهوا
* لو كنا نريده لسجلناهوا زي ماجبناهوا
* ولكن لاننا نعلم حقيقة اصابته التي بسببها سفرناهوا للامارات
* وندرك هشاشتة من فنقيلو ارضا في التمرين لاقل احتكاك
* ونعلم انها عبرت
* ايها الناس
* شيبوب ماسورة ومقلب
* وشهر اطناشر ملاعب الحواري حاتستلم زول
* طيب لو شيبوب مامعطوب
* في تونس مالعب ولامباراه ليه علي الرغم من ان محورهم الكاميروني قد غادرهم???
* ماعلينا
* والصلع الكتيرة دي اثبتت ان كلام ناس روشا وكردنه بتاع الاعتماد علي الاشبال كان مكنات ساي
* كان قلة حيله
* اسي في الاتحاد قالوا ناس كردنه ساقوا خمسه من الرديف بي جمبه وسادومبا بالجمبه التانيه قالوا لي اسامه صم لينا ديل بي ده
* قلت لي 2017 الهلال بدون اجانب ومتوسط الاعماركم ???
* المهم
* عاجبني ناس التسيير
* لابسجلوا لا بجيبوا الحجار
* يظهر نفسهم لسه قايم من تسجيل كريم الحسن
* ايها الناس
* التكميليه هذا العام امتحان حقيقي للتسيير
* وهو امتحان آخر العام
* الخوف من الرسوب والاعادة
* ياربي يقفلوا المجموع ويجوا اول السودان عشان مايربتوا
* لو ربتوا عاد
* الخوف الكاف يصدر قرار يشيل مننا مانديلا
* المهم
* كردنه من ناحية كتر السيخ وشتت الاسمنت
* كتر السيخ وشتت الاسمنت
* لكن الكشافه الصبوا المدرج حولها دي لو دايرين يغيروها الا يجيبوا البصيره ام حمد
* تقطع رقبة الكشافه وماتطلع
* تكسر الزير وبرضك ماتطلع
* ومحمد عبد الماجد يتحدث عن تلاته طوابق ماعارف انو في طابقين مقبلات علي الحيطه
* ديل غايتو بتملن جقور
* المنطقه ديك اكبر منتج للجقور في العالم
* ايها الناس
* ماتقولوا لي شيبوب جا التسجيلات بنفس الفنيله???
* ايها الناس
* الهلال يسجل عشرين صلعه
* يسجل اربعين ضلعه
* ده ما المهم
* المهم كيف نتأهل عشان خالد عزالدين المابحب المريخ يكره المريخ عديل كده ويجينا من آخر
* تأهلنا برمي الجوهرة وبمسخ كل الصلع علي ناس خالدونا
* لانهم لايحبون المريخ اكثر من حبهم للهلال
* لذا يجب علينا تهيئة الجو المناسب واعداد العدة الازمه لتأهلنا
* دايرين رمضان يدخل عليهو رمضان يلقاهو في الحزن بسبب تأهل المريخ غرقان
* ولنا سؤال
* ناس سادومبا والطاهر الحاج ديل وريتوهم انهم حايلعبوا تمهيدي السنه الجايه ولا خميتوهم ساي!!!
* ساسا بعد العمر ده ماظنيت امو قاعده
* يعني مرض ام سادومبا المرة دي مافي
* المرة دي في مرض سادومبا شخصيا
* وزول في عمر سادومبا ده ماظنيت بقدر علي الجري في التمهيدي
* لكن اديكم فكرة يافطومه
* سادوبا التايواني يلعب طرف يمين
* يجري لحدي خط النص
* يسلم الصلعه اقصد الكورة لسادومبا الاصلي
* سادومبا الاصلي يجري بيها لحدي خط طمنطاشر ويقع في الواطه
* الفيهو بتكون كملت
* يشيلها الخصم يلعبها باص طويل خلف سادومبا التايواني
* والهدف الثالث للضيوف
* مكسيم ما ليهو دخل بالهدف
* شيبوب والشغيل ونزار يلعبوا في خانه واحده علي اساس انهم لاعب واحد
* التلاته تقااااااال
* والركب ادري بها الطب
* بهناك بويا وفداسي وحاج كاريكا مابسدوها
* وارجعوا ابنوا الجوهره من جديد
* لانو الاهله الشرفاء لا بعرفوا كسكته ولا بعرفوا سوق سته
* فطومه
* اتحاد اصحاب الصلع
* انا وكردنه ومحمد الامين وكوجاك وحتي صاحبات الصلع ناس فلانه
* كلنا في انتظار التوقيع بكشوفات الهلال طالما كان المؤهل لذلك هو صلعه فنانه
* المهم
* ناس التسيير عارفين التسجيلات بدت?
* الاجابه بيان بالعمل
* ايها الناس
* ان تنصروا الله ينصركم
* اها نجي لي شمارات والي الخرتوم
* كان شفت يا والينا
* واحد بشرنا وقال لينا
* تركيا والسعوديه لي تصليح الكهربا التزمن لينا
* واحد اتلفت علينا وقال لينا
* تدخل بي حمد وتمرق بي كافوري اقصد خوجلي يا والينا
* نط الاول وقال لينا
* اطمئنوا معدات المرسلنها لينا
سلك كهربا
ننساك كيف والكلب قال معدات مالو في سوق ليبيا مابتتباع لينا
والى لقاء

حمزه عوض


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى