هيثم صديق |من هنا وهناك الكاردينال يكتب اغاني علي كبك

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

22032015

مُساهمة 

هيثم صديق |من هنا وهناك الكاردينال يكتب اغاني علي كبك






طبعا الايام دي مافي كلام الا عن بكري المدينة
وعن علي كبك
علي كبك فنان لم يسمع اغنياته احد
الناس سمعوا بيها سمع
وقروها مكتوبة
ما عارف جرائد الهلال ما جابت اغاني علي كبك ليه
لو كانت عند الحكام او الاتحاد العام كان اتسربت ليهم
علي كبك عندوا اغاني عجيبة
اغاني بتلقاها في السلخانات بس
علشان كده انا عندي شك انها من كلمات الكاردينال
مش اشعار الكاردينال )كمونية( زي ما قال محمد عبد الماجد
اشعار لو شغلت المروحة بتجمد
ولو وقفتها السخانة بتطلع عينك
قالوا اخر اغنية لعلي كبك اسمها محكمة كاس
)يا بكري المدينة نحن ثقتنا سمينة
ما تقول نحن ما واعيين ليك(
الكاردينال قال انه سيتابع قضية المدينة حتي اخر يوم في عمره
ذكرني ياسر عرفات
ياسر عرفات زمان كل مرة يجي السودان ونحن نطلع في مسيرة
ويخاطبنا )سنصلي قريبا في القدس(
واهو
الكاردينال جاء لنادي الهلال علشان ينسحب
والجمهور جاء علشان يسمع انسحبنا
الجمهور كان متحمس لدرجة اطلق الالعاب النارية
كان مفروض علي كبك يكون موجود
يا علي كبك يا ياكلوا سمك
ما تستغربوا لو علي كبك جا رئيس للهلال
اذا كان الخندقاوي عمل ليه )قبضة( استضافوه علي اساس انه نائب رئيس
علي كبك عنده البوم كامل
ما تقولوا شكلوا شين
ما اشنة من تبديل الارقام
ولا اكثر دمامة من صفر )ساكن سكني(
ممكن علي كبك يعكل ليكم اغنية تكون شعار المدرجات
بكري المدينة ده عامل في الكاردينال عمايل
قال قال ليه شيل القروش وعدها في بيتكم
بكري شالها عداها ورجعها
الكاردينال ابي ما يشيلها
الكاردينال ده مابشيل قروش بكري
وما بشيل كاس
الا يشيل وراء علي كبك
ترباس كان كورس وراء الفرجوني
لحدي ما بقي ترباس الواحد ده
لحدي ما عطش ومشي يشرب موية
هو بالذمة لقاها كم بعد رجع
الموضوع طول ونسينا
غايتو الكاردينال ده لو دخل البرلمان كان الحشد ده نفعوا
الكاردينال عايز يخلي الهلال
مش قال يخلي الهلال ولا يخلي بكري المدينة
معناها عاوز يخلي الهلال
موضوع بكري المدينة طويل شديد
معقد
زي الاوضاع في العراق والمنطقة برمتها
اييييه يا علي ياكبك
انت رجل المرحلة
انت غني والكاردينال يشعر والخندقاوي يلحن
هذا زمان ناس علي كبك
انا طبعا بتوقع انه يكون في دويتو قريب ما بين علي كبك واحلام )شدة(
طبعا الصفر الكبير اسمو)تموت تخلي(
متذكرين حزاء تموت تخلي
مقطوع من لستك اللستك
زي جوة الجوة كده
………………………….
*تعادل المريخ امام الخرطوم الوطني دق ناقوس الخطر
وانهي فخرنا بان المريخ بمن حضر
اصبح غياب عنصر فعال يعني تواضع المستوي
لقد انهزم المريخ في استاده امام مريخ الفاشر لكنه لم كن سيئا
لعب بجدية وعانده الحظ كثيرا
وكان الامر كذلك في شندي بل ولقد لعب المريخ هناك اجمل مبارياته
لكن المريخ لم يكن موجودا امام الخرطوم
لذلك فرح الناس بالتعادل
والدوري كذلك
ويمكن لهذه المباراة ان تكون بوابة الصعود الافريقي
ولنا عودة
لهذا الامر…ولعلي كبك


Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى