في السلك .. بابكر سلك .. جارين خمسين غلط

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

16052016

مُساهمة 

في السلك .. بابكر سلك .. جارين خمسين غلط




.
في السلك
بابكر سلك
جارين خمسين غلط

* ضربة العقرب
* او عملية يتشقلبون
* لي اسي مدورة الكسكته ومستشارنها السته
* ومستشارين الكسكته السته هم
* روشا والرشيد وفاطمه الصادق وفطومه اختي والناطقه والمنسقه
* كده سته
* عملية يتشقلبون شقلبت عقولهم
* بقوا يسجلوا عشره عشره
* ويشطبوا عشرين عشرين
* يجيبوا المحترفين
* قبل نهاية الدورة الاولي يطردوا المحترفين
* في اربعه شهور جايبين اربعه مدربين
* غايتوا عملية يتشقلبون شقلبتهم شقلبه
* الروماني الماحاضر يتشقلبون اتشقلب معاهم
* رفض النيجيري وقال ده منو الجاب الزول ده
* تاني يوم اتشقلب وقبلو
* لذا يحاول مجلس الهلال باي شكل خداع جماهير الهلال
* داير يعمل من موضوع شيبوب بطوله
* وهم عارفين انو الموضوع مابنسيهم شقلبة العقرب
* ناس خالد عزالدين المابحبوا المريخ حبوا شيبوب
* وقايلين روحهم جرونا خمسين
* وين ياعمك ورقكم زايد
* ونزولكم ناقص
* الخمسين غلط
* ارفع ورقك واكتب ليهو خمسه وخمسين
* بالماده خمسه وخمسين
* جريتوا الخمسين غلط
* رفعناكم ورقكم وقافلين نطقطق
* اجدعوا البايظ
* لو رميتوا كسكته خمسين
* جوكرين وكرت حايم ساااي
*جوكرين كلو واحد فيهما اعقرب من التاني
* اجدعوا البايظ ان شاء الله مهاجم شاب
* عشان تعرفوا الخمسين بجروها كيف
* لو جدعتوا طرف الفنيله
* تسمعوا شووووو
* الف
* وتحرقوا يا خالدونا
* ايها الناس
* الزول مابسجل بالملوه
* لانو في التسجيل بالملوه اعتراف بانعدام المواهب وخلو الكشوفات
* لعيبه زي العيش
* تسجلوا بالملوه!!!
* واريت الملوه لو حبه وعبوه
* لملمتوا ساااي ياروشا
* ضروهوا اول
* الملوه نصها ورتاب ساااكت
* لكن تعالوا شوفوا تسجيلاتنا
* ونحنا في افلس حالاتنا
* بنشيل وش الملاح
* اول يوم اشوف زول يغرف اول يغرف من تحت
* قلنا ليكم المابتعرف ماتدوها تغرف
* اها غرفت اول من تحت وخلت لينا وش الملاح
* المهم
* اخبار كاش نفرة القصر شنو??
* لسه زي شوبش صاحبي بي وضع ولا حصل دفع!!!
*المهم
* مافي زول مضروب علي ايدو
* الماداير يدفع ما يدفع
* لكن علي لجنة التسيير اعلان منو الدفع ومنو القشر ساي وشتت
* واذا ما ورونا
* بنفترض انهم قبضوا مبلغ النفره كاملا
* ايها الناس
* نحن في بلد بعيده خلاص
* نقاتل من دون الوطن وحدنا
* ويقبع داخل الوطن غيرنا
* ولاننا رجال
* لايخيفنا النضال
* ولا نهاب النزال
* لاننا رجال
* نتمني عند عودتنا ان تزغرد النساء ويصفق القاعدون عن النزال ويهتف الناس
* رجال غابوا وجابوا
* يمكن خالد عزالدين يعلنها ويحب المريخ
* لكن حباهو ولا ما حباهو
* يظل المريخ رقما يصعب الوصول اليه
* ويظل الهلال صفرا تبدأ به ارقام الهواتف النقاله
* يجوا عايدين اولادنا متأهلين يا الله
* وقتها بكون فضل للتكميليه يوم
* صدقوني ناس الكسكته حايشطبوا كل الصلع زعل ساي،ويسجلوا صلع جديده غيرها
* ياروشا سادومبا !!!
* معقوله!!!
* طيب قاقرين والدحيش موش كانوا افيد ???
* ايها الناس
* لانريد محترفين علي،شاكلة كريم الحسن
* الكلام ليك يا المنطط عينيك
* ولانريد محترفين من نوع تلاته بي الف زي البجيبوهم لابو كسكته ديل
* دايرين زي ايداهور يا زول
* ايها الناس
* تخت شعار لن ندعك تسيير وحيدا
* وصل شفوت التعبئه ورابطة سوق ليبيا وتجمع الروابط للمغرب قبل وصول الفريق زاتو
* الشفوت الهنا عليهم الدعاء
* عشان نجي بي نتيجه توري خالد المريخ بحبوهو كيفن
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* اتنين بتاعين بحر من اهلا لينا
* جو ماشين في الشارع عطشانين ومسخنين يا والينا
* شافوا سبيل معمول للخير في المحطه علي يمينه
* جروا عليهو يا والينا
* لقوا فيهو هناي صلصه يا والينا
* الاول ختفوا وملاهو لكن اتفاجأ بالجنزير قصير والماء عديل مابنشرب لينا
* قال ياخ الربط هناي الصلصه ده منو علينا
* التاني قال ليهو اشرب ساي يا اخينا
* والله هناي الصلصه ده لو ماربطوهوا كان باع الزير علينا
سلك كهربا
ننساك كيف والكلب قال اتبرمجنا جنس برمجه
والى لقاء

حمزه عوض


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى