تابعونا عبر فيس بوك

قوقل ‏+‏ ‏
Use the English Language

اصل الحكاية .. حسن فاروق .. الوك اكيج .. طعن في شنو؟

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

22052016

مُساهمة 

اصل الحكاية .. حسن فاروق .. الوك اكيج .. طعن في شنو؟




.
اصل الحكاية
حسن فاروق
الوك اكيج .. طعن في شنو؟

• لم افهم بصراحة حكاية انه الهلال طعن في اجراءات تسجيل اللاعب الجنوب سوداني الوك اكيج للمريخ، وطعن وين؟ طعن في الاتحاد السوداني لكرة القدم في اجراءات تسجيل لاعب محترف اجنبي؟ افهم ان كان للهلال حق في اللاعب كما جاء علي لسان امينه العام عماد الطيب، واكد عماد الطيب ان كرت اللاعب بحوزتهم وانهم اشتروه من فريق الملكية جوبا، وفي حديث آخر ذكر ان للهلال عقد مع اللاعب وخطاب من اتحاد جنوب السودان يطلب فيه اعتماد تسجيل اللاعب للهلال.
• )كدي ياعماد خلينا من الورق والمستندات العندكم وبتثبت انه اللاعب لاعب الهلال، انت ياعماد معقول الامين العام لنادي الهلال؟ طيب قبل ماتطعن في اجراءات تسجيلو للمريخ، ورينا عملت شنو عشان يكون اللاعب لاعب الهلال، طيب قلت في تصريحك انه القواعد العامة بتلزم النادي باحضار اللاعب لمكاتب الاتحاد وقلت الشاهد انه المريخ لم يحضر اللاعب، ده مش كلامك؟ طيب انت احضرت اللاعب لمكاتب الاتحاد العام لابداء الرغبة او التسجيل؟ وهل خاطبت الاتحاد السوداني لكرة القدم عشان يخاطب اتحاد دولة جنوب السودان لطلب كرت اللاعب ؟ انت لاعملت ده ولا ده بتطعن في شنو وبياتو صفة ، شايل ليك في ايدك الاوراق بعيد عن المخاطبات الرسمية بين الاتحادات الوطنية بتعمل شنو؟ ياعماد ده الف باء عمل اداري تجيب اللاعب مكاتب الاتحاد ويعمل ابداء رغبة ، والاتحاد يطلب كرته من الاتحاد الجنوب سوداني ، ماجاء وماف مشكلة قانونية، الفيفا بسمح باستخراج بطاقة مؤقتة، ده كلو ماعملتو وتضحك في المريخ، شايل ليك ورق وحايم وتقول ده لاعبي هل هكذا يتم تسجيل اللاعبين؟.
• طيب الاتحاد السوداني لكرة القدم دخلوا شنو عشان تطعن ليهو في اجراءات تسجيل اللاعب للمريخ، ودخلو شنو عشان تقدم ليهو ورقك، جيت وجبت اللاعب وجبت الورق ووقع للعب للهلال؟ ماجيت وماجبت اللاعب، عندك عقد مع اللاعب امشي الفيفا طوالي، الاتحاد السوداني لكرة القدم دخلوا شنو؟ انت قايل الوك اكيج لسه سوداني عشان تجيب العقد للاتحاد السوداني؟ الوك اكيج الآن ياعماد محترف اجنبي من دولة جنوب السودان، مشكلة العقد الموقع معاهو لو صحيحة مابحلها ليك اتحادنا ولابقدر يفتي في صحته من عدمه؟ لانه عقد مع لاعب من دولة تانية، عشان تحسم الموضوع ده تمشي الفيفا، تقدر تمشي الفيفا؟ مابتقدر، اذا فشلتو في الوصول للفيفا وعندكم عقد صحيح مليون في المية مع بكري المدينة بتوجيهات من جهات عليا، ح تمشوا للاعب الوك اكيج ؟ مع العلم انه الهم الاساسي عندكم تعطيل اجراءات انتقاله للمريخ بهذه الطريقة المثيرة للشفقة.
• اما الكارثة والمصيبة الاكبر انك اخليت خانة لاعب محترف اجنبي )ايشيا( وتركتها خالية وفي بالك انك قطعت الطريق علي المريخ بهذه الخطوة التي تعكس المستوي الاداري المتواضع عندنا، وطعنك في اجراءات تسجيل اللاعب فطيرة للغاية، واقول لك من الآن اذا طلب المريخ بطاقة اللاعب من اتحاد جنوب السودان، خاصة انه لاعب هاوي ويمكن تجاوز ناديه الملكية جوبا، وفي حال وصلت بالفعل منذ وقت ليس بالقليل كما ذكر لي الصحفي الشاب عبدالله كمال، ونجح المريخ في اكمال اجراءات تسجيله، اؤكد لك انكم فقدتم بسذاجة ادارية تحسدون عليها خانة محترف اجنبي ستظل شاغرة حتي نهاية الموسم.

حمزه عوض


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى