ﻭﺇﻥ ﻃﺎﻝ ﺍﻟﺴﻔﺮ .. ﻣﺤﻤﺪ ﻋﺒﺪﺍﻟﻤﺎﺟﺪ .. ﺍﻟﻄﺎﻫﺮ ﻣﺤﻤﺪ ﻋﺜﻤﺎﻥ ﺍﻟﺤﻜﻢ ﺍﻟﺬﻱ ﺃﻃﺎﺡ ﺑﻤﻘﻮﻟﺔ )ﺍﻟﺘﺤﻜﻴﻢ ﻓﺎﺷﻞ ( …

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

25052016

مُساهمة 

ﻭﺇﻥ ﻃﺎﻝ ﺍﻟﺴﻔﺮ .. ﻣﺤﻤﺪ ﻋﺒﺪﺍﻟﻤﺎﺟﺪ .. ﺍﻟﻄﺎﻫﺮ ﻣﺤﻤﺪ ﻋﺜﻤﺎﻥ ﺍﻟﺤﻜﻢ ﺍﻟﺬﻱ ﺃﻃﺎﺡ ﺑﻤﻘﻮﻟﺔ )ﺍﻟﺘﺤﻜﻴﻢ ﻓﺎﺷﻞ ( …




ﻭﺇﻥ ﻃﺎﻝ ﺍﻟﺴﻔﺮ
ﻣﺤﻤﺪ ﻋﺒﺪﺍﻟﻤﺎﺟﺪ
ﺍﻟﻄﺎﻫﺮ ﻣﺤﻤﺪ ﻋﺜﻤﺎﻥ ﺍﻟﺤﻜﻢ ﺍﻟﺬﻱ ﺃﻃﺎﺡ ﺑﻤﻘﻮﻟﺔ )ﺍﻟﺘﺤﻜﻴﻢ ﻓﺎﺷﻞ ( …
#الحديبة_نيوز
○ ﻛﻞ ﻳﻮﻡ ﺑﻤﻮﺕ ﺯﻭﻝ ﻋﺰﻳﺰ ﻋﻠﻴﻚ.. ﻟﻜﻦ ﺃﺻﻼً ﻣﺎ ﺑﺘﺴﺘﻄﻴﻊ ﺃﻥ ﺗﺘﺨﻴﻞ ﺯﻭﻝ
) ﻋﺰﻳﺰ ( ﻋﻠﻴﻚ ﻳﻤﻮﺕ
○ ﻛﺎﻥ ﺃﺳﺘﺎﺫﺍً ..ﻓﻲ ﺃﻧﺎﻗﺘﻪ ﺍﻟﺪﺍﺋﻤﺔ .. ﻭﺻﻮﺗﻪ ﺍﻟﻬﺎﺩﻱ .. ﻭﺍﺑﺘﺴﺎﻣﺘﻪ ﺍﻟﺘﻲ ﻟﻢﺗﻜﻦ ﺗﻔﺎﺭﻗﻪ ﻭﻫﻮ ﻳﺘﺤﺪﺙ ﻋﻦ ﻟﻮﺍﺋﺢ ﻭﻣﻮﺍﺩ ﻭﻗﻮﺍﻧﻴﻦ
•••••••••• ••••••••• •••••••••••
○ ﻋﻨﺪﻣﺎ ﺭﺣﻞ ﺍﻟﺸﺎﻋﺮ ﻭﺍﻹﻋﻼﻣﻲ ﺍﻟﺸﺎﻣﻞ ﺳﻌﺪ ﺍﻟﺪﻳﻦ ﺇﺑﺮﺍﻫﻴﻢ ..ﻓﺘﺤﺖ
ﺍﻟﺼﺒﺎﺡ )ﺍﻟﺘﻠﻔﻮﻥ ( – ﻟﻘﻴﺖ ﻋﺸﺮﺍﺕ ﺍﻟﻤﻜﺎﻟﻤﺎﺕ.
ﺭﺳﺎﺋﻞ ﺍﻟﻤﻜﺎﻟﻤﺎﺕ – ﺍﻟﺤﺰﻥ ﻛﺎﻥ ﻭﺍﺿﺤﺎً ﻓﻲ )ﻧﺼﻬﺎ (.
○ ﻋﺮﻓﺖ ﻟﻴﻚ ﺍﻟﻤﻮﺿﻮﻉ ﺟﻠﻞ – ﻟﻢ ﺃﺗﻌﻮﺩ ﻋﻠﻰ ﻛﻞ ﻫﺬﻩ ﺍﻟﻤﻜﺎﻟﻤﺎﺕ ﻓﻲ ﻫﺬﺍ
ﺍﻟﺘﻮﻗﻴﺖ.
ﻣﻦ ﺍﻟﺼﺒﺎﺡ ﻛﺪﺍ.
○ ﻗﻠﺖ ﻓﻲ ﻧﻔﺴﻲ ﻳﺎ ﺭﺑﻲ ﺍﻟﻤﺎﺕ ﻣﻨﻮ؟ .
ﻗﻠﺘﻬﺎ ﻓﻲ ﺍﻟﺒﺪﺀ ﺳﺎﺧﺮﺍً – ﻫﺮﻭﺑﺎً ﻣﻦ ) ﺍﻟﺤﻘﻴﻘﺔ (.
ﺑﻨﺤﺎﻭﻝ ﻧﻤﺮﻕ ﻣﻦ ) ﺍﻟﻮﺟﻌﺔ ( ﻭﻟﻮ ﻛﺎﻥ ﺫﻟﻚ ﺇﻟﻰ )ﻭﺟﻌﺔ ( ﺃﺧﺮﻯ .
○ ﺍﻟﺤﺎﺻﻞ ﺷﻨﻮ؟.
ﺑﻘﻴﻨﺎ ﻣﺎ ﺑﻨﺴﺘﺤﻤﻞ – ﻭﺍﻗﻔﻴﻦ ﺳﺎﻛﺖ.
ﺍﻟﺤﺎﺻﻞ ﻋﻠﻴﻨﺎ ﺷﻨﻮ؟.
ﻣﺎﻟﻨﺎ ﻧﺤﻦ؟.
○ ﺑﻨﻐﺶ ﻓﻲ ﻧﻔﺴﻨﺎ .
ﻛﻞ ﻳﻮﻡ ﺑﻤﺸﻲ ﻣﻦ ﻗﺪﺍﻣﻨﺎ ﺯﻭﻝ.
ﺍﻟﺘﻠﻔﻮﻧﺎﺕ ﺑﻘﺖ ﻣﺎ ﺑﺘﺠﻴﺐ ﺇﻟّﺎ ﺍﻷﺧﺒﺎﺭ ﺩﻱ.
ﺑﻘﺖ ﻳﻮﻣﺎﺗﻲ ﺗﺮﺩﺡ ﻓﻲ ) ﺍﻟﺤﺰﻥ (.
○ ﻋﺎﺩﺓ ﻧﺤﻦ ﻣﺎ ﺑﻨﻼﺣﻖ ﺍﻟﺰﻭﻝ ﺇﻟّﺎ ﻓﻲ ﺧﺒﺮ ﺍﻟﻤﻮﺕ .
ﻳﺎ ﺯﻭﻝ ﺃﻧﺖ ﻭﻳﻦ صفحة الهلال عشقي الأبدي؟.
ﺗﻠﻔﻮﻧﻚ ﻣﻘﻔﻮﻝ .!!
○ ﻗﻌﺪﺕ ﺃﻓﻜﺮ ﻓﻲ ﺍﻟﺰﻭﻝ ﺍﻟﻤﻤﻜﻦ ﻳﻜﻮﻥ ﻣﺎﺕ , ﻭﺃﻧﺎ ﺑﻨﻈﺮ ﻓﻲ )ﺍﻷﺭﻗﺎﻡ (
ﺍﻟﻀﺎﺭﺑﺔ.
○ ﺃﻛﻴﺪ ) ﻗﺎﻡ ﺗﺎﻧﻲ ﺯﻭﻝ ﺭﺍﺋﻊ ﺭﺣﻞ ( .
ﺍﻟﻤﺎﺕ ﻣﻨﻮ؟ .
ﺯﻱ ﻟﻤﻦ ﺗﺸﻮﻑ ﻟﻴﻚ ) ﻧﺴﻮﺍﻥ ( ﻣﺘﻠﻤﻠﻤﺎﺕ .
○ ﺃﻭ ﺃﻭﻻﺩ ﺑﺮﻓﻌﻮﺍ ﻟﻴﻬﻢ ﻓﻲ ﺻﻴﻮﺍﻥ .
ﺃﻭ )ﻟﻮﺭﻱ ( ﻗﺎﻓﻞ ﺍﻟﺸﺎﺭﻉ.
ﻭﺗﻠﺞ ﺑﻨﺰﻟﻮ ﻓﻴﻪ .
○ ﻃﻮﺍﻟﻲ ﺑﺘﺴﺄﻝ ﻧﻔﺴﻚ : ) ﺍﻟﻤﺎﺕ ﻣﻨﻮ? (.
ﻫﺴﻊ ﺍﻟﺴﺆﺍﻝ ﺩﺍ ﺑﻘﻰ ﺗﻘﻮﻟﻮ ﻟﻤﻦ ﺗﻠﻔﻮﻧﻚ ﻳﻀﺮﺏ.
○ ﺣﻘﻴﻘﺔ ﺍﻷﻣﺮ ﺃﻧﻚ ﻣﺎ ﺑﺘﺴﺘﻄﻴﻊ ﺃﻥ ﺗﺘﺨﻴﻞ ﺍﻟﻤﻮﺕ ﻋﻠﻰ ﺯﻭﻝ ﻋﺰﻳﺰ ﻋﻠﻴﻚ هذا العمود حصري من صفحة الهلال عشقي الأبدي –ﺭﻏﻢ ﺃﻥ ﻫﺬﺍ ﺍﻷﻣﺮ ﻫﻮ ﺳﻨﺔ ﺍﻟﺤﻴﺎﺓ.
ﻛﻞ ﻳﻮﻡ ﺑﻤﻮﺕ ﺯﻭﻝ ﻋﺰﻳﺰ ﻋﻠﻴﻚ ..ﻟﻜﻦ ﺃﺻﻼً ﻣﺎ ﺑﺘﺴﺘﻄﻴﻊ ﺃﻥ ﺗﺘﺨﻴﻞ ﺯﻭﻝ) ﻋﺰﻳﺰ ( ﻋﻠﻴﻚ ﻳﻤﻮﺕ.
○ ﺑﺘﺨﺖ ﺍﻟﻤﻮﺕ ﻟﻴﻚ – ﻗﺒﻞ ﻣﺎ ﻳﻜﻮﻥ ﻟﻴﻪ .
ﺣﺎﻭﻟﺖ ﺃﻥ ﺃﺿﻊ ) ﺧﻴﺎﺭﺍﺕ ( ﻟﻠﻨﺎﺱ ﺍﻟﻤﻤﻜﻦ ﻳﻜﻮﻧﻮﺍ ﺭﺣﻠﻮﺍ .
○ ﻟﻜﻦ ﺍﻟﻤﻮﺕ ﻣﺎ ﻋﻨﺪﻭ ) ﺧﻴﺎﺭﺍﺕ ( .. ﻣﺎ ﺑﻌﺮﻑ ﺧﻔﻴﺮ ﻣﻦ ﻭﺯﻳﺮ.
ﻭﻣﺎ ﺑﻌﺮﻑ ﻛﺒﻴﺮ ﻣﻦ ﺻﻐﻴﺮ.
ﺍﻟﻌﻴﺎﻥ ﻣﻦ ﺍﻟﺸﺪﻳﺪ – ﻋﻨﺪﻭ ﻭﺍﺣﺪ.
ﻭﺍﻟﺸﺎﺏ ..ﻭﺍﻟﺸﻴﺦ .
ﺍﻟﻤﺮﺃﺓ ﻭﺍﻟﺮﺍﺟﻞ.
○ ﻣﺎ ﻓﻲ ﺧﻴﺎﺭﺍﺕ …ﻟﻜﻦ ﺩﺍﺋﻤﺎً ﺑﺸﻴﻞ ﺧﻴﺎﺭ ﻣﻦ ﺧﻴﺎﺭ.
ﻋﻤﻠﺖ ﻣﻌﺎﺩﻟﺔ ..ﺃﻗﺎﺭﻥ ﻓﻴﻬﺎ ﺑﻴﻦ ﺍﻟﺰﻭﻝ ﺍﻟﻤﻤﻜﻦ ﻳﻜﻮﻥ ﻣﺎﺕ .. ﻭﻳﻜﻮﻥ ﻋﻨﺪﻭ
ﻋﻼﻗﺔ ﺑﻜﻞ ﻫﺬﻩ )ﺍﻷﺭﻗﺎﻡ ( ﺍﻟﺘﻰ ﺿﺮﺑﺖ ﻟﻲ.
○ ﻣﺠﻤﻮﻋﺔ ﻣﻦ ﺍﻷﺭﻗﺎﻡ , ﺿﺮﺑﺖ ﻓﻲ ﺗﻠﻔﻮﻧﻲ – ﺍﻟﺰﻣﻼﺀ ﺣﺴﻦ ﻓﺎﺭﻭﻕ –
ﻣﻌﺎﻭﻳﺔ ﺍﻟﺠﺎﻙ – ﻫﻴﺜﻢ ﻛﺎﺑﻮ – ﺍﻟﻌﺸﺎﻱ – ﻳﺎ ﺭﺑﻲ ﺩﺍ ﻣﻨﻮ ﺍﻟﻤﺎﺕ؟ .
○ ﺍﻟﺰﻭﻝ ﺍﻟﻤﺎﺕ ﻋﻼﻗﺘﻮ ﻗﻮﻳﺔ ﺑﻜﻞ ﻫﺬﻩ ﺍﻷﺳﻤﺎﺀ.
ﺑﻔﻜﺮ كدا .
ﻓﻲ ﺣﻘﻴﻘﺔ ﺍﻷﻣﺮ ﻛﻨﺖ ﺑﺒﺤﺚ ﻋﻦ )ﻭﻗﺖ ( ﺃﻋﻄﻞ ﻓﻴﻪ ﻣﻌﺮﻓﺘﻲ ﺑﺎﻟﺰﻭﻝ ﺍﻟﺬﻱ
ﺭﺣﻞ ﻣﻦ ﻫﺬﻩ ﺍﻟﺪﻧﻴﺎ.
○ ﺑﺘﻠﻜﻚ ﻳﻌﻨﻲ ﻋﻠﻰ ﻗﻮﻝ ﺍﻟﻤﺼﺮﻳﻴﻦ .
ﻓﻜﺮﺕ .. ﺛﻢ ﻗﺮﺭﺕ ﺃﺭﺟﻊ ﻟﺮﻗﻢ ﻣﻦ ﺗﻠﻚ ﺍﻷﺭﻗﺎﻡ ﺍﻟﺘﻰ ﺿﺮﺑﺖ ﻟﻲ ﻳﻜﻮﻥ
ﺃﻛﺜﺮﻫﻢ ﻫﺪﻭﺀﺍً ..ﺃﻛﺘﺮ ﻭﺍﺣﺪ ﻓﻴﻬﻢ ﺑﻨﻘﻞ ﻟﻴﻚ ﺍﻟﺨﺒﺮ ﺑﺮﻓﻖ.
○ ﻓﻲ ﻧﻔﺲ ﺍﻟﻮﻗﺖ ﻳﺪﺧﻞ ﻟﻴﻚ ﻓﻲ ﺍﻟﻤﻮﺿﻮﻉ ﻃﻮﺍﻟﻲ.
ﺯﻭﻝ ﻳﻜﻮﻥ ﺻﺎﺑﺮ.
ﻭﻣﺘﻤﺎﺳﻚ .
○ ﺭﺟﻌﺖ ﻷﺣﺪ ﺍﻷﺭﻗﺎﻡ ..ﻓﻌﻠﻤﺖ ﺃﻥ ﺳﻌﺪ ﺍﻟﺪﻳﻦ ﺇﺑﺮﺍﻫﻴﻢ ﺍﺗﻮﻓﻰ.
ﻫﻜﺬﺍ .
ﺳﻌﺪ ﺍﻟﺪﻳﻦ ﻣﺎﺕ.
○ ﺳﻌﺪ ﺍﻟﺪﻳﻦ ﻣﻨﻮ؟.
ﺳﻌﺪ ﺍﻟﺪﻳﻦ ﺇﺑﺮﺍﻫﻴﻢ .
ﻗﺮﻳﺒﺎً ﻣﻦ ﺫﻟﻚ … ﻛﺎﻥ ﺧﺒﺮ ﺭﺣﻴﻞ ﺍﻟﺼﺤﻔﻲ ﺩﺍﺅﻭﺩ ﻣﺼﻄﻔﻰ .
○ ﻳﻮﻡ ﺭﺣﻴﻠﻪ ﻛﻨﺎ ﻧﻌﺮﻑ ﺃﻥ ﺩﺍﺅﻭﺩ ﻣﺼﻄﻔﻰ ﻛﺎﻥ ﻓﻲ ﺍﻟﻤﺴﺎﺀ ﻓﻲ ﻣﺒﺎﻧﻲ
ﺻﺤﻴﻔﺔ )ﻗﻮﻭﻥ ( .
○ ﺃﻱ ﺯﻭﻝ ﻓﻲ ) ﻗﻮﻭﻥ ( .. ﻛﺎﻥ ﺑﺤﺪﺛﻨﺎ ﺃﻥ ﺩﺍﺅﻭﺩ ﻣﺼﻄﻔﻰ ﺟﺎﺀ ) ﻗﻮﻭﻥ ( .
ﻫﺬﺍ ﻛﺎﻥ ﻳﻌﻨﻲ ﻟﻨﺎ ﺃﻥ ﺩﺍﺅﻭﺩ ﻣﺼﻄﻔﻰ ﻣﺘﺤﺮﻙ .. ﻭﻫﻮ ﺑﺨﻴﺮ.
ﻛﻨﺎ ﻓﺮﺣﺎﻧﻴﻦ ﺃﻧﻮ ﺍﺗﺤﺮﻙ .. ﺟﺎﺀ ﺻﺤﻴﻔﺔ ) ﻗﻮﻭﻥ ( .. ○ ﻭﻏﺸﻰ ﺍﻟﺴﻮﻕ ﺍﻟﻤﺮﻛﺰﻱ
ﺍﺷﺘﺮﻯ ﻟﻴﻪ )ﺑﺮﺗﻘﺎﻝ (.
○ ﺳﺎﻋﺔ ﺳﺎﻋﺘﻴﻦ ﻣﻦ ﺍﻟﻜﻼﻡ ﺩﺍ – ﻗﺎﻟﻮﺍ ﻟﻴﻨﺎ ﺩﺍﺅﻭﺩ ﻣﺼﻄﻔﻰ ﺍﺗﻮﻓﻰ .
ﻣﺸﻴﻨﺎ ﺍﻟﺒﻴﺖ ..ﻟﻘﻴﻨﺎ ) ﻛﻴﺲ ﺍﻟﺒﺮﺗﻘﺎﻝ ( ﻗﺎﻋﺪ ﻓﻲ ﺣﺘﺘﻮ ..ﺯﻭﻝ ﻣﺸﻰ ﻋﻠﻴﻪ
ﻣﺎﻓﻲ .. ﻭﺩﺍﺅﻭﺩ ﺭﺣﻞ.
○ ﻋﺒﺪﺍﻟﻤﺠﻴﺪ ﻋﺒﺪﺍﻟﺮﺍﺯﻕ ﺑﺘﺬﻛﺮ ..ﻧﺤﻦ ﻗﺎﻋﺪﻳﻦ ﻓﻲ ﺑﺮﺵ ﺭﻣﻀﺎﻥ ..ﻧﺘﺠﻬﺰ
ﻟﻺﻓﻄﺎﺭ .
ﺍﺗﺬﻛﺮ ﺃﻥ ﺍﻟﻴﻮﻡ ﻛﺎﻥ ﻳﻮﻡ ﻣﻤﻄﺮﺍً ..ﻭﺍﻟﻔﻄﻮﺭ ﻛﺎﻥ ﻳﺘﺨﻠﻠﻪ ) ﺭﺫﺍﺫ ( ﺣﺰﻳﻦ .
○ ﻟﻢ ﻧﻜﻦ ﻧﻌﺮﻑ ﺃﻥ ﺍﻟﺴﻤﺎﺀ ﻓﻲ ﺫﻟﻚ ﺍﻟﻴﻮﻡ ﻛﺎﻧﺖ ﺗﻤﺎﺭﺱ ﺑﻜﺎﺀً ﺣﺰﻳﻨﺎً ﻋﻠﻰ
ﺭﺣﻴﻞ ﻋﺒﺪ ﺍﻟﻤﺠﻴﺪ ﻋﺒﺪ ﺍﻟﺮﺍﺯﻕ.
ﻣﻔﺮﻭﺽ ﻛﺎﻥ ﻧﻔﻬﻢ.
ﻣﻔﺮﻭﺽ ﻛﺎﻥ ﻧﻌﺮﻑ .
○ ﻗﺒﻞ ﻣﺎ ﻧﻔﻄﺮ – ﻗﺎﻟﻮﺍ ﻟﻴﻨﺎ ﻋﺒﺪ ﺍﻟﻤﺠﻴﺪ ﻋﺒﺪ ﺍﻟﺮﺍﺯﻕ ﺍﺗﻮﻓﻰ.
ﻋﺒﺪ ﺍﻟﻤﺠﻴﺪ ﻋﺒﺪ ﺍﻟﺮﺍﺯﻕ ﺩﻓﻨﻮﻩ ﻓﻲ )ﻣﻄﺮﺓ ( ﺗﻘﻴﻠﺔ …ﺃﻇﻨﻬﺎ ﻛﺎﻧﺖ ﺗﻘﺪﻡ
ﻣﺸﺎﺭﻛﺔ )ﺍﻟﺴﻤﺎﺀ ( ﻓﻰ ﺣﺰﻧﻬﺎ ﻋﻠﻰ ﺭﺣﻴﻞ ﻋﺒﺪ ﺍﻟﻤﺠﻴﺪ .
○ ﺍﻟﺼﺤﺎﻓﻲ ﻋﻮﺽ ﺍﻟﻜﺮﻳﻢ ﻣﺤﻤﺪ ﻣﻬﺪﻱ ﺍﻟﻤﺠﺬﻭﺏ ..ﺍﺑﻦ ﺃﺧﻄﺮ ﺷﻌﺮﺍﺀ
ﺍﻟﺴﻮﺩﺍﻥ ﻣﺤﻤﺪ ﻣﻬﺪﻱ ﺍﻟﻤﺠﺬﻭﺏ ..ﻓﻰ ﻓﺘﺮﺓ ﻭﺟﻴﺰﺓ ﺣﺎﺻﺮﻩ ) ﺍﻟﺴﺮﻃﺎﻥ (.
○ ﻛﺎﻥ ﻋﻮﺽ ﺍﻟﻜﺮﻳﻢ ﻳﻤﺜﻞ ﻟﻴﻨﺎ ﺍﻟﻘﻮﺓ ﻭﺍﻟﺸﺒﺎﺏ – ﻭﺍﻟﺜﻘﺎﻓﺔ ﻭﺍﻟﺼﺤﺎﻓﺔ ﺍﻟﺮﺍﻗﻴﺔ
ﻭﺍﻷﻫﺪﺍﻑ ﺍﻟﻨﺒﻴﻠﺔ .
ﻳﺘﺤﺪﺙ ﺑﻬﺪﻭﺀ .
ﻳﻨﺎﻗﺶ ﻓﻲ ﻫﺪﻭﺀ .
○ ﻋﻮﺽ ﺍﻟﻜﺮﻳﻢ ﻛﺎﻥ ﺻﺎﺣﺐ ﻗﺎﻣﺔ ﻃﻮﻳﻠﺔ ﻭﺟﺴﻢ ﺭﻳﺎﺿﻲ ..ﺍﻟﻤﺮﺽ ﻓﻲ
ﺷﻬﺮﻳﻦ ﻗﻀﻰ ﻋﻠﻰ ﻛﻞ ﻣﻼﻣﺢ ﺍﻟﺼﺤﺔ ﻭﺍﻟﻌﺎﻓﻴﺔ ﻓﻴﻪ.
ﻟﻢ ﺃﻛﻦ ﺃﻋﺮﻑ ﺑﻤﺮﺽ ﻋﻮﺽ ﺍﻟﻜﺮﻳﻢ ..ﻋﻨﺪﻣﺎ ﻧﻘﻞ ﻟﻲ ﺧﺒﺮ ﺭﺣﻴﻠﻪ .. ﻓﺠﻌﻨﻲ
ﺫﻟﻚ ﻛﺜﻴﺮﺍً.
○ ﻟﻮ ﻛﻨﺖ ﺃﻋﺮﻑ ) ﻣﺮﺿﻪ ( ﺭﺑﻤﺎ ﻳﺴﺮ ﻟﻲ ﺫﻟﻚ ﺧﺒﺮ ﺭﺣﻴﻠﻪ ﺑﻌﺾ ﺍﻟﺸﻲﺀ –
ﻭﻣﻬﺪ ﻻﻧﺘﻘﺎﻟﻪ ﺍﻟﻔﺎﺟﻊ.
○ ﻛﺎﻥ ﺻﺎﺣﺐ ﻫﺪﻭﺀ ﻭﺛﻘﺎﻓﺔ …ﺻﻌﺐ ﺃﻥ ﻳﺠﺘﻤﻌﺎﻥ ﻓﻲ ﺷﺨﺺ ﻭﺍﺣﺪ.
ﻋﻮﺽ ﺍﻟﻜﺮﻳﻢ ﻋﺮﻑ ﺃﻥ ﻳﺠﻤﻊ ﺑﻴﻦ ﺍﻟﻨﻘﻴﻀﻴﻦ .
ﻭﻻ ﻗﺎﻋﺪﻳﻦ ﻧﺘﻌﻠﻢ.
○ ﻭﻻ ﻗﺎﻋﺪﻳﻦ ﻧﺘﻌﻆ.
ﻭﻻ ﻋﺎﺭﻓﻴﻦ ﺷﻲﺀ.
ﻣﺎ ﺟﺎﻳﺒﻴﻦ ﺧﺒﺮ.
○ ﺃﺧﺒﺎﺭ ﺍﻟﻮﻓﺎﺓ ﺃﺻﺒﺤﺖ ﺗﺼﻠﻚ ﻓﻲ ) ﺭﺳﺎﻟﺔ ( ﻣﻦ ﻏﻴﺮ ﺃﻱ ﻣﻘﺪﻣﺎﺕ .
ﻓﻼﻥ ﻣﺎﺕ.
ﻟﺪﺭﺟﺔ ﺃﻥ ﺍﻟﻜﺜﻴﺮﻳﻦ ﻋﻨﺪﻣﺎ ﻳﺮﻥ ﺟﺮﺱ ﺍﻟﺮﺳﺎﻟﺔ ﺑﻨﻈﺮﻭﺍ ﺇﻟﻰ ﺗﻠﻔﻮﻧﻬﻢ
○ ﻭﺑﻘﻮﻟﻮﺍ : ) ﺍﻟﻤﺎﺕ ﻣﻨﻮ ﺍﻟﻠﻴﻠﺔ ( .
ﺃﻋﺰﺍﺀ – ﻛﺎﻧﻮﺍ ﻳﻤﻸﻭﻥ ﺍﻟﺤﻴﺎﺓ ﻧﺸﺎﻃﺎً ﻭﺣﺮﻛﺔ – ﻏﺎﺩﺭﻭﺍ ﺍﻟﺤﻴﺎﺓ ﺍﻟﺪﻧﻴﺎ ﻓﻲ
)ﻟﺤﻈﺔ ( .
○ ﺑﺪﻭﻥ ﻣﻘﺪﻣﺎﺕ ) ﻣﺮﺽ ( ﻭﺟﺮﻯ ﻣﺴﺘﺸﻔﻴﺎﺕ.
ﻓﺠﺄﺓ ﻏﺎﺩﺭﻭﺍ.
ﻭﻻ ﺑﻨﺘﻌﻠﻢ .
ﻭﻻ ﺑﻨﺘﻌﻆ.
ﻭﻻ ﻋﺎﺭﻓﻴﻦ ﺷﻲﺀ.
○ ﻭﻓﺠﺄﺓ ﺗﻠﻔﻮﻧﻚ ﻳﻀﺮﺏ ..ﻋﺸﺎﻥ ﺗﺴﻤﻊ ﺧﺒﺮ ﻭﻓﺎﺓ ﺟﺪﻳﺪﺓ.
ﻫﺬﻩ ﺳﻨﺔ ﺍﻟﺤﻴﺎﺓ – ﻛﻠﻨﺎ ﺳﻮﻑ ﻧﻐﺎﺩﺭ ﺑﻨﻔﺲ ﺍﻟﻄﺮﻳﻘﺔ – ﺳﻮﻑ ﻧﻤﻀﻲ –
○ ﺍﻟﻠﻴﻠﺔ ﺃﻭ ﺑﻜﺮﻩ ﻣﻦ ﻏﻴﺮ ﺃﻥ ﺗﻘﻮﻝ ﻛﻠﻤﺔ ﻭﺩﺍﻉ.
ﻣﻤﻜﻦ ﺗﻜﻮﻥ ﻣﺎﺷﻲ ﻓﻲ ﻃﺮﻳﻘﻚ …ﺗﻤﻮﺕ .
ﻭﻣﻤﻜﻦ ﻓﻲ ﺳﺮﻳﺮﻙ …
ﻓﻲ ﻣﻜﺘﺒﻚ …
ﻓﻲ ﻋﺮﺑﻴﺘﻚ ..
○ ﻣﺎ ﻓﻲ ﺣﺘﺔ ﻣﺴﺘﻌﺼﻴﺔ ﻋﻠﻰ ﺍﻟﻤﻮﺕ.
ﻓﻲ ﺃﻱ ﻣﻮﻗﻊ ﻳﻤﻜﻦ ﺃﻥ ﻳﺼﻠﻚ ﺍﻟﻤﻮﺕ.
ﻣﻊ ﺫﻟﻚ – ﻧﺤﻦ ﺳﺮﻋﺎﻥ ﻣﺎ ﻧﻨﺴﻰ …
ﻻ ﻧﻌﺘﺒﺮ ﻭﻻ ﻧﺘﻌﻠﻢ.
ﺟﺎﺭﻳﻴﻦ ﻓﻲ ﺟﺮﻳﻨﺎ.
ﻛﺄﻥ ﻫﺬﺍ ﺍﻟﺪﻧﻴﺎ ﺧﺎﻟﺪﺓ.
○ ﺍﻟﻤﻮﺕ ﻓﻲ ﻛﻞ ﻳﻮﻡ ﺑﺸﻴﻞ ﻣﻨﻨﺎ ﻋﺰﻳﺰ ..ﻭﻧﺤﻦ ﻭﻻ ﺑﻨﺘﻌﻠﻢ .
ﺑﺸﻴﻠﻮ ﻣﻦ ﻗﺪﺍﻡ ﻋﻴﻮﻧﺎ.
ﻭﻧﺤﻦ ﻭﺍﻗﻔﻴﻦ ﻧﺘﻔﺮﺝ .
○ ﺍﻟﺪﻭﺭ ﺍﻟﻘﺎﺩﻡ ﻗﺪ ﻳﻜﻮﻥ ﺩﻭﺭﻙ .. ﺃﻭ ﺩﻭﺭ ﺯﻭﻝ ﻋﺰﻳﺰ ﻋﻠﻴﻚ … ) ﺍﻟﻤﻮﺕ ﻣﺎ
ﺑﻘﻴﻒ ( .
ﺍﻟﺤﻴﺎﺓ ﺑﻘﺖ ﻗﺼﻴﺮﺓ .
ﻭﺍﻟﻤﻮﺕ ﻛﺘﺮ.
○ ﺃﻣﺲ ﻣﻮﺍﻗﻊ ﺍﻟﺘﻮﺍﺻﻞ ﺍﻻﺟﺘﻤﺎﻋﻲ ﺣﻤﻠﺖ ﻓﻲ ) ﻓﺎﺟﻌﺔ ( ﺟﺪﻳﺪﺓ – ﺧﺒﺮ ﺭﺣﻴﻞ
ﺍﻟﺤﻜﻢ ﻭﺍﻟﺨﺒﻴﺮ ﺍﻟﻄﺎﻫﺮ ﻣﺤﻤﺪ ﻋﺜﻤﺎﻥ.
ﺍﻟﻄﺎﻫﺮ ﺍﻟﺬﻱ ﻛﺎﻥ ﻳﻤﺜﻞ ﺣﺎﻟﺔ ﻣﻦ ﺣﺎﻟﺔ ﺍﻟﺮﻗﻲ ﻓﻲ ﻛﺮﺓ ﺍﻟﻘﺪﻡ ﺍﻟﺴﻮﺩﺍﻧﻲ .
○ ﻛﺎﻥ ﻳﻤﺜﻞ )ﺛﻘﺎﻓﺔ ( ﻗﺎﻧﻮﻧﻴﺔ ﻟﻮﺣﺪﻩ .
ﻫﻮ ﻭﺣﺪﻩ ﺍﻟﺬﻱ ﻛﺎﻥ ﻳﺠﻌﻞ ﺍﻟﻘﻮﺍﻧﻴﻦ ﻭﺍﻟﻠﻮﺍﺋﺢ ﺍﻟﺠﺎﻓﺔ ﻣﺘﻞ ﺣﻠﻮﻯ
ﺍﻟﺸﻜﻮﻻﺗﺔ.
○ ﻛﺎﻥ ﻳﻘﺪﺭ ﻋﻠﻰ ﺃﻥ ﻳﺒﺴﻂ ﻫﺬﻩ ﺍﻟﻠﻮﺍﺋﺢ ﻭﻳﻘﺪﻣﻬﺎ ﻟﻠﻨﺎﺱ ﻟﻴﻔﻬﻤﻮﻫﺎ ﻣﻦ ﻏﻴﺮ
ﻣﺸﻘﺔ .
○ ﺗﺠﺪﻩ ﻓﻲ ﻛﻞ ﺍﻟﻤﻨﺎﺳﺒﺎﺕ ﻭﻓﻲ ﻛﻞ ﺍﻟﺘﺠﻤﻌﺎﺕ .. ﻭﺍﻟﺘﻘﺎﻃﻌﺎﺕ ﻳﺘﺤﺪﺙ ﺑﻌﻠﻢ
ﻭﺧﺒﺮﺓ ﻭﻗﺎﻧﻮﻥ .
ﺧﺒﻴﺮ ﻓﻲ ﻛﻞ ﺷﻲﺀ .
ﺿﻠﻴﻊ ﻓﻲ ﻛﻞ ﺍﻟﻀﺮﻭﺏ.
○ ﻓﻲ )ﻭﻧﺴﺎﺗﻪ ( ﻛﺎﻥ ﻛﺄﻧﻪ ﺑﻘﺪﻡ ﻓﻲ ) ﻣﺤﺎﺿﺮﺓ (.
ﻛﺎﻥ ﺃﺳﺘﺎﺫﺍً .. ﻓﻲ ﺃﻧﺎﻗﺘﻪ ﺍﻟﺪﺍﺋﻤﺔ .. ﻭﺻﻮﺗﻪ ﺍﻟﻬﺎﺩﻱ .. ﻭﺍﺑﺘﺴﺎﻣﺘﻪ ﺍﻟﺘﻰ ﻟﻢ
○ ﺗﻜﻦ ﺗﻔﺎﺭﻗﻪ ﻭﻫﻮ ﻳﺘﺤﺪﺙ ﻋﻦ ﻟﻮﺍﺋﺢ ﻭﻣﻮﺍﺩ ﻭﻗﻮﺍﻧﻴﻦ.
ﺍﻟﻄﺎﻫﺮ ﻣﺤﻤﺪ ﻋﺜﻤﺎﻥ ﺍﻟﺬﻱ ﺭﺣﻞ ﻣﻦ ﺩﻧﻴﺎﻧﺎ ﺃﻣﺲ .. ﻟﻢ ﺃﻛﻦ ﺃﻋﺮﻓﻪ ﻣﻌﺮﻓﺔ
ﺷﺨﺼﻴﺔ ..ﻟﻜﻦ ﺍﻟﻤﻨﺎﺳﺒﺎﺕ ﺍﻟﻘﻠﻴﻠﺔ ﺍﻟﺘﻰ ﻗﺎﺑﻠﺘﻪ ﻓﻴﻬﺎ ﺟﻌﻠﺘﻨﺎ ﻛﺄﻧﻲ ﺃﻋﺮﻓﻪ
ﻣﻨﺬ ﺳﻨﻮﺍﺕ ﺑﻌﻴﺪﺓ.
○ ﻛﺎﻥ ﺑﻌﺮﻑ ﻛﻞ ﺍﻟﻨﺎﺱ.
ﻭﻣﺘﻮﺍﺻﻞ ﻣﻊ ﻛﻞ ﺍﻟﻮﺳﻂ.
ﺍﻟﻄﺎﻫﺮ ﻣﺤﻤﺪ ﻋﺜﻤﺎﻥ ﻛﺎﻥ ﻣﻦ ﺃﻭﺍﺋﻞ ﺍﻟﻨﺎﺱ ﺍﻟﺬﻳﻦ ﻧﻘﻠﻮﺍ ﺛﻘﺎﻓﺔ ﺍﻟﺘﺤﻜﻴﻢ ﻣﻦ
ﺍﻟﻤﺴﺘﻄﻴﻞ ﺍﻷﺧﻀﺮ ﺇﻟﻰ ﺍﻟﻮﺳﺎﺋﻂ ﺍﻹﻋﻼﻣﻴﺔ.
○ ﻫﻮ ﺍﻟﺬﻱ ﺟﻌﻞ )ﺍﻟﺤﻜﻢ ( ﻳﻈﻬﺮ ﺑﺘﻠﻚ ﺍﻟﺼﻮﺭﺓ ﺍﻟﺒﻬﻴﺔ ﻭ ) ﺍﻟﺜﻘﺎﻓﺔ
ﺍﻟﻌﺎﻟﻴﺔ ( .. ﻭﺍﻷﻧﺎﻗﺔ ﺍﻟﻜﺎﻣﻠﺔ ﻭﺍﻻﺑﺘﺴﺎﻣﺔ ﺍﻟﺮﺍﺳﺨﺔ.
ﻟﻢ ﻳﻜﻦ ﺣﻜﻤﺎً ﻓﻲ ﺍﻟﻤﻠﻌﺐ ﻓﻘﻂ.
○ ﻛﺎﻥ ﺣﻜﻤﺎً ﻋﺒﺮ ﻟﺠﺎﻥ ﺍﻟﺘﺤﻜﻴﻢ .
ﻭﻛﺎﻥ ﺣﻜﻤﺎً ﻋﺒﺮ ﺑﺮﺍﻣﺞ ﺍﻹﺫﺍﻋﺔ ﻭﺍﻟﺘﻠﻔﺰﻳﻮﻥ.
ﻭﻛﺎﻥ ﺣﻜﻤﺎً ﻓﻲ ﺍﻟﺼﺤﻒ.
○ ﺍﻟﻨﺎﺱ ﻛﺎﻧﻮﺍ ﺑﻨﻈﺮﻭﺍ ﻟﻠﺤﻜﻢ ﺑﻤﻔﻬﻮﻡ )ﺍﻟﺘﺤﻜﻴﻢ ﻓﺎﺷﻞ ( … ﺍﻟﻄﺎﻫﺮ ﻏﻴّﺮ ﻫﺬﺍ
ﺍﻟﻤﻔﻬﻮﻡ .
○ ﺟﻌﻞ ﺍﻟﻨﺎﺱ ﺗﻨﻈﺮ ﻟﻠﺤﻜﻢ ﺑﺎﺣﺘﺮﺍﻡ ﻭﺗﻘﺪﻳﺮ صفحة الهلال عشقي الأبدي.
ﻳﺤﻤﻞ ﺛﻘﺎﻓﺘﻪ ﻭﻗﻮﺍﻧﻴﻨﻪ ﻓﻲ ﻛﻞ ﺍﻟﻮﺳﺎﺋﻂ ﻭﺍﻟﺘﺠﻤﻌﺎﺕ .
○ ﻓﺮﺽ ﺛﻘﺎﻓﺔ ﻗﺎﻧﻮﻧﻴﺔ ﺟﻌﻠﺖ )ﺍﻟﻤﺸﺠﻊ ( ﺿﻠﻴﻊ ﻓﻲ ﻟﻮﺍﺋﺢ ﺍﻟﺘﺤﻜﻴﻢ ﻭﻗﻮﺍﻧﻴﻨﻪ.
ﻫﺬﺍ ﺍﻷﻣﺮ ﻳﺮﺟﻊ ﻓﻀﻠﻪ ﻛﻠﻴﺎً ﻟﻠﻄﺎﻫﺮ ﻣﺤﻤﺪ ﻋﺜﻤﺎﻥ.
○ ﻫﻮ ﺍﻟﺬﻱ ﻧﻮَّﺭ ﺍﻟﻨﺎﺱ ﻭﻋﻠﻤﻬﻢ ﻟﻮﺍﺋﺢ ﻛﺮﺓ ﺍﻟﻘﺪﻡ.
ﻫﺬﻩ ﺍﻟﺜﻘﺎﻓﺔ ﺍﻟﻘﺎﻧﻮﻧﻴﺔ ﺍﻟﻔﻀﻞ ﻓﻴﻬﺎ ﻳﺮﺟﻊ ﻟﻠﻄﺎﻫﺮ ﻣﺤﻤﺪ ﻋﺜﻤﺎﻥ .
○ ﻧﺴﺄﻝ ﺍﻟـﻠﻪ ﺍﻟﺮﺣﻤﺔ ﻭﺍﻟﻤﻐﻔﺮﺓ ﻟﻠﻄﺎﻫﺮ ﻣﺤﻤﺪ ﻋﺜﻤﺎﻥ .. ﺃﻥ ﻳﺒﺪﻟﻪ ﺩﺍﺭًﺍ ﺧﻴﺮ
ﻣﻦ ﺩﺍﺭﻩ ﻭﺃﻫﻼً ﺧﻴﺮ ﻣﻦ ﺃﻫﻠﻪ.
ﻭﺃﻥ ﻳﺠﻌﻞ ﻗﺒﺮﻩ ﺭﻭﺿﺔ ﻣﻦ ﺭﻳﺎﺽ ﺍﻟﺠﻨﺔ.
○ ﺍﻟـﻠﻬﻢ ﺗﻘﺒﻠﻪ ﻗﺒﻮﻻً ﺣﺴﻨﺎً ﻭﺍﺟﻌﻠﻪ ﻣﻦ ﻋﺒﺎﺩﻙ ﺍﻟﻤﻜﺮﻣﻴﻦ .
ﻭﻻ ﺣﻮﻝ ﻭﻻ ﻗﻮﺓ ﺇﻟّﺎ ﺑﺎﻟـﻠﻪ.
………
○ ﻣﻠﺤﻮﻇﺔ : ﺣﺎﻝ ﺍﻟﺪﻧﻴﺎ.
ﻫﻮﺍﻣﺶ
ﻟﻢ ﻳﻌﺪ ﻋﻨﺪﻧﺎ ) ﺳﻄﻮﺓ ( ﻋﻠﻰ ﻛﺘﺎﺑﺎﺗﻨﺎ ﻭﺃﻋﻤﺪﺗﻨﺎ .
ﺍﻟﺤﺎﺟﺎﺕ ﻣﺴﻄﺮﺓ.
ﻭﻣﻜﺘﻮﺑﺔ.
ﻭﻣﻘﺪﺭﺓ .
○ ﺃﻣﺲ ﻣﻦ ﺍﻟﺼﺒﺎﺡ ..ﻛﻨﺖ ﺑﻔﻜﺮ ﻓﻲ ﻛﺘﺎﺑﺔ ﻫﺬﺍ ﺍﻟﻌﻤﻮﺩ ﻋﻦ ) ﻣﻮﺿﻮﻉ ( ﺁﺧﺮ.
ﺭﺗﺒﺖ ﻧﻔﺴﻲ ﻋﻠﻰ ﺫﻟﻚ.
ﻭﺟﺪﺕ ﻧﻔﺴﻲ ﺃﻛﺘﺐ ﻋﻦ ﺍﻟﻄﺎﻫﺮ ﻣﺤﻤﺪ ﻋﺜﻤﺎﻥ .
○ ﻳﺒﻘﻰ ﻣﻦ ﺍﻟﺼﻌﺐ ﺃﻥ ﻧﺘﺠﺎﻭﺯ ﺃﺳﻤﺎﺀ ﻓﻲ ﻫﺬﻩ ﺍﻟﻘﻴﻤﺔ.
ﻭﺗﺒﻘﻰ ﻛﻞ ﺍﻟﻤﻮﺍﺿﻴﻊ ﻻ ﻗﻴﻤﺔ ﻟﻬﺎ .. ﺃﻥ ﺗﺠﺎﻭﺯﻧﺎ ﺭﺟﻞ ﻓﻲ ﻗﺎﻣﺔ ﺍﻟﻄﺎﻫﺮ
ﻣﺤﻤﺪ ﻋﺜﻤﺎﻥ.
○ ﺁﺧﺮ ) ﻣﺸﻬﺪ ( ﻟﻠﻄﺎﻫﺮ ﻣﺤﻤﺪ ﻋﺜﻤﺎﻥ ..ﺃﺣﺴﺐ ﺃﻧﻲ ﺷﺎﻫﺪﺗﻪ ﻓﻲ ﺍﻟﺘﻠﻔﺰﻳﻮﻥ
ﻭﻫﻮ ﺣﻀﻮﺭًﺍ ﻓﻲ ﻣﺒﺎﺭﺍﺓ ﺍﻟﻬﻼﻝ ﻭﺍﻷﻣﻴﺮ.
ﻗﺪ ﻳﻜﻮﻥ ﺍﻟﻄﺎﻫﺮ ﻛﺎﻥ ﻣﺮﺍﻗﺒﺎً ﻟﻬﺬﻩ ﺍﻟﻤﺒﺎﺭﺍﺓ
○ ﺍﻟﻄﺎﻫﺮ ﻣﺤﻤﺪ ﻋﺜﻤﺎﻥ ﻛﺎﻥ ﻳﻮﺟﺪ ﻓﻲ ﻛﻞ ﺍﻟﻤﻨﺎﺳﺒﺎﺕ ﺍﻟﺮﻳﺎﺿﻴﺔ ﻭﻓﻲ ﻛﻞ
ﺍﻟﻤﺒﺎﺭﻳﺎﺕ .
○ ﺣﺘﻰ ﺩﺍﺭ ﺍﻟﺮﻳﺎﺿﺔ ﺃﻡ ﺩﺭﻣﺎﻥ ﻛﺎﻥ ﻳﻮﺟﺪ ﻓﻴﻬﺎ ﺑﺼﻮﺭﺓ ﻣﺴﺘﻤﺮﺓ
ﻓﻲ ﺍﻟﺴﻨﻮﺍﺕ ﺍﻷﺧﻴﺮﺓ ﻓﻘﺪﻧﺎ ﺃﺳﻤﺎﺀ ﻛﺒﻴﺮﺓ ﻓﻲ ﺍﻟﺴﻮﺩﺍﻥ.
○ ﺣﺘﻰ ﺗﺤﺴﺐ ﺃﻥ ﺍﻟﺒﻠﺪ ) ﻓﻀﺖ ( ﻣﻦ ﺍﻟﻜﻮﺍﺩﺭ ﻭﺍﻟﻨﻮﺍﺑﻎ ﻭﺍﻟﺨﺒﺮﺍﺕ.
ﻣﺜﻞ ﻫﺬﻩ ﺍﻷﺳﻤﺎﺀ ﻻ ﺑﺪ ﺃﻥ ﻧﺮﺩ ﻟﻬﺎ ﺍﻟﺠﻤﻴﻞ.
○ ﺍﻟﺪﻭﻟﺔ ﻭﺍﻻﺗﺤﺎﺩ ﺍﻟﻌﺎﻡ ﻟﻜﺮﺓ ﺍﻟﻘﺪﻡ ﺍﻟﺴﻮﺩﺍﻧﻲ ﻣﻄﻠﻮﺏ ﻣﻨﻪ ﺗﺨﻠﻴﺪ ﻫﺬﺍ
ﺍﻻﺳﻢ.
ﻭﻗﺪ ﻗﺪﻡ ﺍﻟﻄﺎﻫﺮ ﻣﺤﻤﺪ ﻋﺜﻤﺎﻥ ﺍﻟﻜﺜﻴﺮ ﻟﻠﺴﻮﺩﺍﻥ .
○ ﻣﺒﺎﺭﺍﺓ ﺍﻟﻬﻼﻝ ﻳﻮﻡ ﺍﻟﺨﻤﻴﺲ ﺃﻣﺎﻡ ﺳﺎﻥ ﺟﻮﺭﺝ .. ﻣﺠﻠﺲ ﺍﻟﻬﻼﻝ ﻭﺭﻭﺍﺑﻄﻪ
ﻳﺠﺐ ﺃﻥ ﻳﻘﻔﻮﺍ ﻛﺜﻴﺮﺍً ﻋﻨﺪ ﺍﻟﻄﺎﻫﺮ ﻣﺤﻤﺪ ﻋﺜﻤﺎﻥ .
○ ﺃﺣﺴﺐ ﺃﻥ ﺭﻭﺍﺑﻂ ﺍﻟﻬﻼﻝ ﻳﻤﻜﻦ ﺃﻥ ﺗﺤﻤﻞ ﺻﻮﺭﺗﻪ ﻓﻲ ﻻﻓﺘﺔ ﺿﺨﻤﺔ .
………….
○ ﻋﺎﺟﻞ : ﺍﻟـﻠﻪ ﻳﺮﺣﻤﻪ ﻭﻳﻐﻔﺮ ﻟﻴﻪ

حمزه عوض


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى