قوقل ‏+‏ ‏
Use the English Language

داليا الياس : اندياح _ الناس

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

داليا الياس : اندياح _ الناس

مُساهمة من طرف حمزه عوض في السبت 28 مايو 2016 - 12:17

داليا الياس
اندياح
الناس
#الحديبة_نيوز
ﺍﻟﻨﺎﺱ ﺗﺘﺒﺪﻝ ﻭﺗﺘﻐﻴﺮ.. ﻭﺍﻟﻌﺸﺮﺓ ﺗﻬﻮووﻭﻥ..
ﻭﺍﻟﻜﺎﻧﻮا ﺑﻴﻘﻮﻟﻮا ﻋﻠﻴﻚ ﻋﺎﻗﻞ.. ﺍﻟﻠﻴﻠﺔ ﺑﻴﻘﻮﻟﻮا ﻋﻠﻴﻚ ﻣﺠﻨﻮﻥ!!
ﺍﻟﻮﺍﺣﺪ ﻳﺎﻛﻞ ﻓﻲ ﺑﻴﺘﻚ.. ﻭﻳﻨﻮﻡ ﻓﻲ ﻓﺮﺷﻚ.. ﻭﻋﺎﺩﻱ ﻳﺨﻮﻥ..
ﻳﻜﺸﻒ أﺳﺮﺍﺭﻙ ﻭأﺣﺰﺍﻧﻚ.. ﻭﻳﻤﺮﻕ ﻛﻞ ﺍﻟﻜﺎﻥ ﻣﺪﻓﻮﻥ..
ﻭﻛﻤﺎﻥ ﺑﺎﻟﺒﺎﻃﻞ ﻭﺍﻟﺒﻬﺘﺎﻥ.. ﻭﻣﻌﺎﻙ ﻳﺘﻠﻮﻥ ﻣﻴﺔ ﻟﻮﻥ..
ﻳﺎ ﺩﻧﻴﺎ.. ﻳﺎ ﺩﻧﻴﺎ ﺩﺭﻭﺳﻚ ﺟﺪ ﻗﺎﺳﻴﺔ ﺩﻭﺭﻧﺎ ﻭﺩﻭﺭ ﺑﻴﻨﺎ ﺍﻟﻜﻮﻥ..
ﻻﻋﺮﻓﻨﺎ ﺑﺪﺍﻳﺔ ﻭﻻﻧﻬﺎﻳﺔ.. ﻭلامين في ﺍﻟﻨﺎﺱ ﻣﺨﻠﺺ ﻭﻣﻀﻤﻮﻥ..
ﺍﻟﺪﻣﻚ ﻭﻟﺤﻤﻚ ﻳﻐﺘﺎﺑﻚ..
ﻭتضوﻕ ﺍﻟذل ﻣﻦ أﺣﺒﺎﺑﻚ..
ﻭﻳﺒﻴﻌﻮا ﺟﻤﺎﻳﻠﻚ أﺻﺤﺎﺑﻚ..
ﻣﺎ ﺗﻔﺘﺢ ﻟﻲ ﻭﺍﺣﺪ ﺑﺎﺑﻚ..
ﺧﻠﻴﻚ ﻓﻲ ذﺍﺗﻚ ﻣﺴﺠﻮﻥ..
ﻋﻴﺐ ﻟﻲ ﺍﻟﻮﺣﺪﺓ ﻭآلاﻣﺎ!
ﻣﺶ أﺣﺴﻦ ﻣﻦ ﻇﻠﻢ ﺍﻟﻨﺎﺱ.. ﻭﻋﻤﺎﻳﻞ ﺭﻳﺪﺗﻚ ﻭأﻭﻫﺎﻣﺎ..?!
ﻣﺎ ﺗﻘﻮﻝ ﺍﻟﺪﻧﻴﺎ ﺩﻱ ﻇﻼﻣﺔ.. ﻧﺤﻦ ﺍﻟﻈﺎﻟﻤﻴﻦ أﺭﻭﺍﺣﻨﺎ ﺯﻣﻦ..
ﺑﺎﻟﻄﻴﺒﺔ ﺍﻟﺴﺎﺫﺟﺔ.. ﻭﺣﺴﻦ ﺍﻟﻈﻦ..
ﻭأﻣﺎﻧﻲ ﺣﻴﺎﺗﻨﺎ ﻭأﺣﻼﻣﺎ..
ﻣﺎ ﺗﻤﺮﻕ ﺳﺮﻙ ﻟﻲ ﻏﻴﺮﻙ..
ﻭﺣﻘﻚ ﺧﻠﻴﻬﻮ ﺗﺤﺖ ﻳﺪﻙ..
ﻣﻜﻨﻮﺯ ﻟﻠﺪﻧﻴﺎ ﺍلبتضيرﻙ..
ﺍﻟﺰﻭﻝ ﺗﺪﻳﻬﻮ ﻭﺗﺤﻤﻴﻬﻮ.. ﻭﻻ حتى ﻳﻘﻮﻝ ﻛﺘﺮ ﺧﻴﺮﻙ..
ﺍﻟﻨﺎﺱ ﻻ ﺑﺘﺮﺣﻢ ﻻ ﺗﻘﺪﺭ.. ﻣﺎ ﺗﻐﻴﺮ ﺷﺎﻥ ﺯﻭﻝ ﺧﻂ ﺳﻴﺮﻙ..
ﻭﻣﺎ ﺗﺘذﻟﻞ أبداً ﻓﻲ ﻳﻮﻡ.. ﻣﺎ ﺑﺘﻐﻴﺮ ﺗﺎﻧﻲ ﻣﺼﻴﺮﻙ..
أﻣﺴﻚ ﻓﻲ ﺭﺑﻚ ﻭاﺗﻮﻛﻞ.. ﻳﺎﻫﻮ ﺍﻟﺪﺍيما ﻟﻴكا ﻧﺼﻴﺮﻙ..
والله.. والله ﺍﻟﻨﺎﺱ ﻳﺎﺥ ﺣﻘﺎﺭة.. أكّالة.. ﻭﺣﺎﺳﺪﺓ.. ﻭﻧﻜﺎﺭﺓ..
ﺗﺪﻳﻬﻢ ﺛﻘﺘﻚ ﻭإﺧﻼﺻﻚ.. ﺗﻠﻘﺎﻫﺎ ﺟﺒﺎﻧﺔ ﻭغدﺍﺭﺓ..
ﺩﻳﻞ ﻧﺎﺱ ﺍﻟﺪﻧﻴﺎ ﻭأﻧﺼﺎﺭﺍ.. ﻋﺸﺎﻕ ﺍﻟﻤﺘﻌﺔ ﻭﺗﺠﺎﺭﺍ..
ﻗﺎﻳﻠﻴﻦ ﺍﻟﻐﺶ ﺑﺒﻘﻲ ﺷﻄﺎﺭﺓ.. ﻣﺎﻛﻠﻴﻦ ﻟﺤﻢ ﺍﻟﻨﺎﺱ ﺑﺎﻟﺒﺎﻃﻞ..
ﺗﺸﻮﻳﻪ ﺍﻟﺴﻤﻌﺔ ﺑﻘﻲ ﻣﻬﺎﺭﺓ..!!
ﻧﺎﺳﻴﻦ ﺍﻟﺤﻖ ﻳﻮﻡ ﺍﻟﻤﻮﻗﻒ.. ﻭﺟﻮﺍﺭﺣﻚ ﺗﺸﻬﺪ أﺧﺒﺎﺭﺍ..
ﻭﻳﺠﻴﻚ ﺗﺎﺭﻳﺨﻚ ﺑﺎﻟﺤﺘﺔ ﻓﻲ ﺍﻟﺒﻴﺖ ﻭﺍﻟﻤﺪﺭﺳﺔ ﻭﺍﻟﺤﺎﺭﺓ..
ﻓﻲ ﺍﻟﻠﻮﺡ ﻣﺤﻔﻮﻇﺔ ﻭﻣﺤﺴﻮﺑﺔ.. ﻟﻮ ﻛﻠﻤﺔ ﻭﻟﻮ ﺣﺘى إﺷﺎﺭﺓ
ﻻ ﺗﻘﺪﺭ ﺗﻨﻜﺮ ﻻ ﺗﻜﺬﺏ.. ﻭﻻ تلقى ﻣﻜﺎﻥ ﻓﻴو ﺗﺘﻀﺎﺭى
ﻣﻔﻀﻮﺣﺔ ﺟﻮﺍﺭﺣﻚ ﻭﻣﺸﺎﻋﺮﻙ.. ﺩﺍﻗﻴﻦ ﻓﻲ ﺭﺍﺳﻚ ﻧﻘﺎﺭﺓ
ﺍﻟﺮﺏ ﻣﻮﺟﻮﺩ ﺳﺎﻣﻊ ﻭﺷﺎﻳﻒ.. ﻭﻛﺎﺷﻒ ﻭﺟﺪﺍﻧﺎ ﻭأﺳﺮﺍﺭﺍ
ﻧﺮﻓﻊ ﺍﻳﺪﻳﻨﺎ ﻭﻧﻀﺮﻉ ﺣﻘﻨﺎ ﻧﻠﻘﺎﻭ ﻳﻮﻡ ﺍﻟﻐﺎﺭﺓ.. ﻣﺎ ﺑﻀﻴﻊ ﺍﻟﺤﻖ
ﻋﻨﺪ ﺍﻟﻤﻮلى.. ﻓﻲ ﻛﻞ ﺍﻟﺪﻧﻴﺎ ﻭأﻃﻮﺍﺭﺍ.. ﻭﺍﻗﻔﻴﻦ ﻗﺪﺍﻣﻮ ﻭﻧﺘﻮﺳﻞ
ﺑﺎﻋﺘﻨﺎ ﻧﻔﻮﺳﻨﺎ ﻭأعذﺍﺭﺍ.
ﻣﺎ تبقى ﺟﺒﺎﻥ ﻭﺍﻃﻠﺐ ﺣﻘﻚ ﻣﺎ ﺑﻀﻴﻊ ﺍﻟﺤﻖ ﻟﻮ ﻃﺎﻟﺒﻨﻮ
ﻻ ﺗﺘﻨﺎﺯﻝ ﻻ ﺗﺘﻬﺎﻭﻥ.. ﻭﻛﻼﻡ ﺍﻟﻨﺎﺱ ﺳﻴﺒﻚ ﻣﻨﻮ.. ﻣﺎ ﻓﻴﻬﻢ ﺯﻭﻝ
ﺍﺣﺴﻦ ﻣﻨﻚ.. ﻋﻴﻨﻚ ﻋﻴﻨﻮ ﻭﺳﻨﻚ ﺳﻨﻮ..
ﺑﺘﻜﻠﻤﻮا ﻓﻲ ﻛﻞ ﺍلأﺣﻮﺍﻝ.. ﺑﺲ ﺑﺎﻛﺮ بيهدو ﻭﺑﻴﻜﻨﻮ.. ﻭﺍﻟﻴﻮﻡ
ﺍﻟﺘﺎﺧﺪ ﻓﻴﻬﻮ ﺣﻘﻚ.. ﺑﻴﺠﻮﻙ ﺑﺎﺳﻤﻴﻦ ﻟﻴكا ﻳﻬﻨﻮا..
ﻭﺍﻟﺪﻧﻴﺎ ﻛﺘﻴﺮ ﻳﺎﻣﺎ ﺗﻌﻠﻢ.. ﻭﺗﻮﺭﻱ ﻭﺗﺤﻜﻲ ﻭﺑﺘﻔﻬﻢ.. ﻣﺮﺍﺕ
ﺗﺠﺮﺣﻨﺎ ﻭبتألم.. ﻭﻣﺮﺍﺕ ﺑﺘﻘﺎﻟﺪ ﻭﺑﺘﺴﻠﻢ.. ﻣﺮﺍﺕ ﺗﻈﻠﻤﻨﺎ..
ﻭﻳﻮﻡ ﻧﻈﻠﻢ ..
وفي الآﺧﺮ ﻧﺮﺣﻞ ﻋﺪﻣﺎﻧﻴﻦ.. ﻟﻲ ﺩﺍﺭ ﺍﻟﺤﻖ ﻟﻲ ﻳﻮﻡ ﺍﻟﺪﻳﻦ
أﺣﺒﺎﺑﻨﺎ ﺑﻴﺒﻜﻮ.. ﺑﻴﺒﻜﻮا.. ﺑﻴﺒﻜﻮا.. ﻭﺣﺰﻧﺎﻧﻴﻦ, ﻳﻮﻣﻴﻦ ﻭﺍﻟتالت.. بيغنوا!!!
ﻭﺩﺍ ﺣﺎلهم ﻋﻠﻲ ﻣﺮ ﺍﻟﺴﻨﻮﺍﺕ.. ﻻ ﺑﺮﺣﻤﻮا ﻻ ﻳﻮﻡ ﺑﻴﺤﻨﻮا ..ﻻااااﻣﻦ يتعدوا مع الأموات..
ﻭﻳﻌﺮﻓﻮا ﺍﻟﻤﻮﺕ ﺟﺪ ﻛﻴف إنو..
وما تبقى ﺟﺒﺎﻥ.. ﻭأﻃﻠﺐ ﺣﻘﻚ.. ﻣﺎاااﺑﻀﻴﻊ ﺍﻟﺤﻖ ﻟﻮ ﻃﺎﻟﺒﻨﻮ..
.. ﻻ ﺗﺘﻨﺎﺯﻝ ﻻ ﺗﺘﻬﺎﻭﻥ.. ﻭﻛﻼﻡ ﺍﻟﻨﺎﺱ ﺳﻴﺒﻚ ﻣﻨﻮ.. ﻣﺎ ﻓﻴﻬﻢ ﺯﻭوووووﻝ.. .أحسن منك،
ﻋﻴﻨﻚ عينو.. ﻭﺳﻨﻚ ﺳﻨﻮ!
تلويح:
أحسب أن البشر لم يخلقوا لنأتمنهم.. فكل منهم يغدر بنا بطريقة ما!!

حمزه عوض


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى