من هنا وهناك .. هيثم صديق .. بعيونك تقول لي تعال و تعال

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

28052016

مُساهمة 

من هنا وهناك .. هيثم صديق .. بعيونك تقول لي تعال و تعال




.
من هنا وهناك
هيثم صديق
بعيونك تقول لي تعال و تعال

* ناس السيير ديل خلونا ندي الدماعة راحة.
* راحة وعلاج.
* كورة الفريق الأثيوبي عملوها نهائي بطولة.
* الحكم طرد لاعب من الخصم.
* وما حسب بلنت.
* اصلا مفروض يطردوا ويحسب بلنت.
* كالعادة.
* وحركات معادة
* لكن طبعا الفريق الاثيوبي طلع مفتح.
* جاء لابس أحمر.
* الحكم ما قدر يتمادي.
* الهلال ما قدر يغلب.
* الطاهر الحاج يمرر للشغيل الشغيل لوليد علاء الدين .. بمرر لشيبوب… واحد معاي كب كباية الموية في رأسه قلت يا زول انت جنيت… في موية الأيام دي بدفقوها.
* انت ما عارف نحن بنساهر لحد الساعة كم.
* نكورك والموتور يكورك.
* قال لي سوري… قلت ليه ليي ولا يهمك.
* قال لي أصلي كنت قايل نفسي حلمان الخلا لاعبين المريخ ديل يلعبوا بالأزرق شنو.
* قلت ليه المحاكاة بعيد عنك.
* عاوزين أي كأس يا ناس.
* لجنة السيير استقالت لدقيقة كلفت نفسها… الدقيقة دي عرفنا الحاصل مع الدماعة.
* اللجنة كانت عارفة الوزير حا يرفض… قالت تريح الجميع المنتظرين استقالتها… مستغربين ثقالتها…
* استقالوا لدقيقة… دي قيقة حداد واللا شنو.
* الوزير رفض الاستقالة… ناسو ما رضيانيين… وهو ما بزعلهم… خليهم يتعلموا لسه… يعني شنو المريخ يعيش أوضاع صعبة.. ما تلتاشر سنة متبحبح… يعني شنو يفقد الدوري.. ما الهلال السنة الفاتت فقدو… يعني شنو يهبط عديل.. المهم مشاعر لجنة التسيير.. يبقي المريخ مسجوناً في سجنها لحين السداد.. حتى يسدد كل فواتير لجنة الفشل.. وفشل الوزارة… خلي الناس تنشغل شوية… دي رياضة جماهيرية يا سيدي اليسع…من طرف واحد… إلغاء حاجة أسمها المريخ… أن لا يقوي على الشطب ناهيك عن التسجيل.. أن يطارده ناس برد برد للديون.
* المريخ الكان بهدي الغير.. صبح محتار يكوس هداي.
* وجماهيره تقوقعت في لفظ الصفوة… تدجنت في داخل تفسير الحالمين.. اعتقلت داخل فضفضة العبارات… لكنها في أوقات معينة أعادت الأمور إلى نصابها… فلتقاطع… ولتقطع الشوارع على لجنة الخلود هذه… جاءوا بها لتعقد جمعية عمومية فعقدت كاثولكياً على مقاعد الحكم.. تسمرت وتخشبت عليها… لأول مرة يحس المريخاب أنهم مريكب شايلها التيار كما غني البركل.
* كفي.
* صفا.
* لا انتباه ادارة داخلية.
* سننتظر قليلا ونجد ان القليل مضى.
* سيدي الوالي عبد الرحيم.. وزيرك عين لجنة تسيير انت عينت الوزير فإما ان يبدلها أو أن تبدله.
* بقي للجماهير مريخها.. ورقة توتها فاتركوه لها.

حمزه عوض


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى