قوقل ‏+‏ ‏
Use the English Language

ﻓﻲ ﺍﻟﺴﻠﻚ .. ﺑﺎﺑﻜﺮ ﺳﻠﻚ .. ﺍﻟﺠﻤﺎﻋﻪ ﺣﻮﺻﻮﺍ

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

13062016

مُساهمة 

ﻓﻲ ﺍﻟﺴﻠﻚ .. ﺑﺎﺑﻜﺮ ﺳﻠﻚ .. ﺍﻟﺠﻤﺎﻋﻪ ﺣﻮﺻﻮﺍ




.
ﻓﻲ ﺍﻟﺴﻠﻚ
ﺑﺎﺑﻜﺮ ﺳﻠﻚ
ﺍﻟﺠﻤﺎﻋﻪ ﺣﻮﺻﻮﺍ

* ﺑﻌﺪ ﻋﺮﻓﻨﺎ ﻗﺼﺺ ﺍﻻﺧﻮﻩ ﺍﻻﻫﻠﻪ ﺑﻌﺪ ﺍﻋﻼﻥ ﻣﺠﻠﺴﻨﺎ ﺍﻟﺠﺪﻳﺪ
* ﻭﺑﻌﺪﻣﺎ ﻓﻄﻮﻣﻪ ﻓﻄﺮﺕ ﻓﺠﺄﺓ ﺳﻬﻮﺍ
* ﺗﻌﺎﻟﻮﺍ ﻧﺸﻮﻑ ﻗﺼﺺ ﺑﻌﺾ ﺍﻟﻤﺮﻳﺨﺎﺏ ﻋﻨﺪ ﺍﻋﻼﻥ ﺍﻟﻤﺠﻠﺲ
* ﺍﺟﺮﻳﺖ ﺍﺳﺘﻄﻼﻉ ﺑﺎﻟﺘﻠﻔﻮﻥ
* ﻛﻤﺎﻝ ﺩﺣﻴﻪ ﻗﺎﻝ ﻛﺎﻥ ﻗﺎﻋﺪ ﻓﻲ ﺍﻻﺳﺘﺎﺩ
* ﻋﻨﺪ ﺍﻋﻼﻥ ﺍﻟﻤﺠﻠﺲ ﺍﻟﺠﺪﻳﺪ ﻛﻤﺎﻝ ﻗﺎﻝ ﺷﻮﻑ ﻋﻴﻨﻮ ﺍﻟﻨﺠﻴﻠﻪ ﺑﺮﺍﻫﺎ ﺧﺪﺭﺕ
* ﺣﺎﻓﻆ ﺍﻟﺘﻌﺒﺌﻪ ﻗﺎﻝ ﻟﻤﺎ ﺍﻋﻠﻨﻮﺍ ﺍﻟﻠﺠﻨﻪ ﺳﻤﻊ ﺍﺿﺎﻧﻮ ﺍﻟﺴﺤﺎﺑﻪ ﻗﺎﻟﺖ ﻟﻠﺴﺤﺎﺑﻪ ﺍﻟﺘﺎﻧﻴﻪ ﺑﻌﺪ ﺩﻩ ﻧﺼﺐ
* ﻭﻛﺎﻥ ﻣﺎ ﺍﺧﺎﻑ ﺍﻟﻜﻀﺐ ﺍﻟﺴﺤﺎﺑﻪ ﺍﻟﺘﺎﻧﻴﻪ ﻗﺎﻟﺖ ﻟﻠﺴﺤﺎﺑﻪ ﺍﻻﻭﻟﻲ ﻧﺼﺐ ﻟﻲ ﺷﻨﻮ ﻭﻧﺎﺱ ﻓﻄﻮﻣﻪ ﻓﻄﺮﻭﺍ
* ﺍﻟﺼﺎﺩﻕ ﻭﺩ ﺍﻡ ﺩﺭ ﻗﺎﻝ ﻋﻨﺪ ﺍﻋﻼﻥ ﺍﻟﻠﺠﻨﻪ ﺟﺎﺕ ﻧﺴﻤﻪ ﺟﺎﺑﺖ ﻣﻌﺎﻫﺎ ﺍﻟﻜﻬﺮﺑﺎ ﻓﻲ ﺍﻻﺣﻴﺎﺀ ﺍﻟﻔﻴﻬﺎ ﺍﻋﻄﺎﻝ ﺑﺤﺴﺐ ﻛﻼﻡ ﻭﺯﻳﺮ ﺍﻟﻜﻬﺮﺑﺎ
* ﺍﺻﻠﻮ ﺍﻟﻜﻬﺮﺑﺎ ﺭﺍﺍﺍﻗﺪﻩ ﻭﺍﻱ ﺯﻭﻝ ﺑﻘﻄﻊ ﺑﻜﻮﻥ ﻋﻨﺪﻭ ﻣﺸﻜﻠﻪ ﺷﺨﺼﻴﻪ
* ﻭﺑﻌﺪﻳﻦ ﺍﻟﻨﺎﺱ ﺗﻘﻄﻊ ﻟﻴﻪ
* ﺍﻟﻘﻄﻴﻌﻪ ﺣﺮﺍﻡ
* ﻭﺗﺴﺘﻤﺮ ﺍﻻﺳﺘﻄﻼﻋﺎﺕ
* ﺿﺮﺑﺖ ﻟﻲ ﻓﺎﺿﻼﺑﻲ
* ﻗﺎﻝ ﻟﻲ ﻟﻤﺎ ﺍﻋﻠﻨﻮﺍ ﺍﻟﻠﺠﻨﻪ ﺍﻟﺠﺪﻳﺪﻩ ﺑﺪﻭﻥ ﻣﺎ ﺍﺷﻌﺮ ﺟﺪﻋﺖ ﺣﺒﻮﺏ ﺍﻟﻀﻐﻂ
* ﻭﺍﻟﻘﻠﺐ ﺍﻧﺸﺮﺡ
* ﺑﻘﻲ ﻣﺎﺑﺪﻕ
* ﺑﻘﻲ ﻳﺼﻔﻖ
* ﻗﻠﺐ ﺍﻟﻔﺎﺿﻼﺑﻲ ﺑﻘﻲ ﻳﺼﻔﻖ
* ﻭﻗﻠﺐ ﻋﺒﺪ ﺍﻟﻠﻪ ﻛﻤﺎﻝ ﻳﺼﻔﻖ
* ﻭﻗﻠﺐ ﻋﻤﺮ ﺑﺎﺑﻜﺮ ﻳﺼﻔﻖ
* ﻗﺮﺑﻮﺍ ﻳﻨﺰﻟﻮﺍ ﻻﻓﺘﺔ ﺍﻟﺰﻋﻴﻢ ﻭﻳﺨﺘﻮﺍ ﺑﺪﻟﻬﺎ ﻻﻓﺘﺔ ﻣﻜﺘﻮﺏ ﻋﻠﻴﻬﺎ ﺩﺍﺭ ﻓﻼﺡ
* ﺻﻔﻘﻪ ﺷﺪﻳﺪﻩ
* ﺩﻩ ﺣﺎﻝ ﺍﻟﻨﺎﺱ ﺑﺮﻩ ﺍﻟﻤﻠﻌﺐ
* ﺍﻟﺠﻮﻩ ﺍﻟﻤﻠﻌﺐ ﺍﺳﻜﺖ ﺑﺲ
* ﺟﻨﺲ ﺑﺎﺻﺎﺕ
* ﺟﻨﺲ ﺑﺎﻟﻜﻌﺐ
* ﺟﻨﺲ ﻛﺒﺎﺭﻱ
* ﺟﻨﺲ ﺍﺑﺪﺍﻉ
* ﻏﺎﻳﺘﻮ ﺑﺘﻜﻮﻥ ﺑﺼﻤﺎﺕ ﺍﻟﺨﻮﺍﺟﻪ ﺑﺪﺕ ﺗﻈﻬﺮ
* ﻻﻧﻮ ﻣﺎﻣﻤﻜﻦ ﻣﺤﺴﻦ ﻓﻲ ﻳﻮﻣﻴﻦ ﺑﺼﻤﺘﻮ ﺗﻈﻬﺮ
* ﻓﻲ ﺍﻟﺒﻠﺪ ﺩﻱ ﺍﻟﻔﻴﺶ ﻣﺎﺑﻈﻬﺮ ﻓﻲ ﻳﻮﻣﻴﻦ
* ﻓﻲ ﺳﺮ
* ﻳﺎﺥ ﺍﻟﻜﻮﺭﻩ ﺑﺘﺎﻉ ﻫﻼﻝ ﺍﻻﺑﻴﺾ ﻳﺸﻮﺗﻬﺎ ﻟﻲ ﺯﻣﻴﻠﻮ
* ﺗﻠﻒ ﺗﺠﻲ ﻟﻠﻨﻌﺴﺎﻥ
* ﺑﺘﺎﻉ ﻫﻼﻝ ﺍﻻﺑﻴﺾ ﻭﺍﺣﺪ ﺗﺎﻧﻲ ﻳﺸﻮﺗﻬﺎ ﻟﻲ ﺯﻣﻴﻞ ﺗﺎﻧﻲ
* ﺗﺠﻲ ﻟﻲ ﺍﻟﻮﻙ
* ﺍﻟﻮﻙ ﻳﻠﻌﺒﻬﺎ ﺑﺎﻟﻜﻌﺐ
* ﺗﺎﻧﻲ ﺗﺠﻲ ﻟﻲ ﺍﻟﻮﻙ
* ﺍﻟﻮﻙ ﺍﻟﻮﺭﻗﻮ ﻋﻨﺪ ﺍﻟﻬﻼﻝ
* ﺩﻩ ﺣﺎﻟﺘﻮ ﻭﺭﻗﻮ ﻋﻨﺪﻛﻢ ﻳﺎﻓﻄﻮﻣﻪ ﻳﺎ ﺍﺧﺘﻲ
* ﻟﻜﻦ ﺍﻟﻬﻼﻻﺏ ﺩﻳﻞ ﺣﻮﺻﻮﺍ
* ﺩﺍﻳﺮﻳﻦ ﻳﺴﺠﻠﻮﺍ ﺍﻟﻮﻙ ﺳﺠﻠﻮ ﺷﻴﺒﻮﺏ
* ﺷﻴﺒﻮﺏ ﺯﺍﺗﻮ ﺍﺣﻮﺹ
* ﺯﻱ ﺍﻟﻄﻴﺮﻩ ﺍﻟﺤﻮﺻﺎ ﺍﻟﻘﺒﻀﻬﺎ ﺯﻭﻝ ﺍﺣﻮﺹ
* ﺩﺍﻳﺮ ﻳﺨﺘﻬﺎ ﺟﻮﻩ ﺍﻟﻘﻔﺺ ﺧﺘﺎﻫﺎ ﺑﺮﻩ
* ﻃﺎﺭﺕ ﺩﺧﻠﺖ ﺍﻟﻘﻔﺺ
* ﺍﻫﺎ ﺍﻟﻬﻼﻻﺏ ﺍﻟﺤﻮﺹ ﻗﺒﻀﻮﺍ ﺷﻴﺒﻮﺏ
* ﻓﺘﺤﻮﺍ ﺍﻟﻘﻔﺺ ﻓﻲ ﺍﻟﺠﻨﻮﺏ
* ﺩﺍﻳﺮﻳﻦ ﻳﺨﺘﻮﺍ ﻓﻴﻬﻮ ﺷﻴﺒﻮﺏ
* ﺧﺘﻮﺍ ﺷﻴﺒﻮﺏ ﺑﺮﻩ ﺍﻟﻘﻔﺺ
* ﺷﻴﺒﻮﺏ ﻃﺎﺭ ﺑﺮﺍﻫﻮ ﻭﺩﺧﻞ ﻗﻔﺺ ﺍﻟﻬﻼﻝ
* ﻭﺍﺗﺤﻮﺻﻲ
* ﺍﻳﻬﺎ ﺍﻟﻨﺎﺱ
* ﺍﻟﻤﺴﺘﻮﻱ ﺍﻟﺸﻔﻨﺎﻫﻮﺍ ﻣﻦ ﺍﻟﺠﺪﺩ ﻳﻮﻡ ﻣﺒﺎﺭﺍﺓ ﺍﻻﺑﻴﺾ ﻣﺪﻫﺶ
* ﻭﻣﻄﻤﺌﻦ
* ﻭﻳﻠﺰﻣﻨﺎ ﺍﻥ ﻧﺸﻴﺪ ﺑﺎﻟﺘﺴﻴﻴﺮ ﻭﻥ ﻓﻲ ﺣﺴﻦ ﺍﺧﺘﻴﺎﺭﺍﺗﻬﺎ ﻓﻲ ﺍﻟﺘﺴﺠﻴﻼﺕ
* ﻭﻓﻲ ﺣﺼﺎﻓﺘﻬﺎ ﻓﻲ ﺗﻜﻠﻔﺔ ﺍﻟﺘﺴﺠﻴﻼﺕ
* ﻣﻌﻘﻮﻟﻪ ﺯﻭﻝ ﺑﻤﺴﺘﻮﻱ ﻣﺤﻤﺪ ﺍﻟﺮﺷﻴﺪ ﻟﻲ ﺁﺧﺮ ﻟﺤﻈﻪ ﺍﻟﻘﺮﻭﺑﺎﺕ ﺷﻐﺎﻟﻪ ﺗﺠﻤﻊ ﻓﻲ ﺣﺎﻓﺰ ﺗﺴﺠﻴﻠﻮ !!
* ﺍﺻﺎﺑﺖ ﺍﻟﺘﺴﻴﻴﺮ ﻭﻥ ﻧﺠﺎﺡ ﻛﺒﻴﺮ ﻓﻲ ﺍﻟﺘﺴﺠﻴﻼﺕ
* ﻭﻋﻠﻲ ﺍﻟﺘﺴﻴﻴﺮ ﺗﻮ ﺍﻥ ﺗﻌﺪ ﺍﻻﻭﻻﺩ ﺩﻳﻞ ﺑﻤﺎ ﻳﺘﻨﺎﺳﺐ ﻣﻊ ﻣﻬﺎﺭﺍﺗﻬﻢ ﻭﻣﻊ ﻣﻜﺎﻧﺔ ﺍﻟﻤﺮﻳﺦ
* ﻭﻧﺸﻜﺮ ﻟﻠﺘﺴﻴﻴﺮ ﻭﻥ ﺗﻔﻌﻴﻠﻬﺎ ﻟﺮﻏﺒﺔ ﺍﻟﺪﻋﻢ ﺍﻟﺠﻤﺎﻫﻴﺮﻱ ﻭﺗﺤﺮﻳﻚ ﺍﺣﺴﺎﺱ ﺩﻋﻢ ﺍﻟﻜﻴﺎﻥ ﻋﻨﺪ ﺍﻟﺸﻔﻮﺕ
* ﻭﻧﺘﻤﻨﻲ ﻣﻦ ﺍﻟﺘﺴﻴﻴﺮ ﺗﻮ ﺗﻨﻈﻴﻢ ﺫﻟﻚ ﺍﻟﺘﻔﻌﻴﻞ ﺍﻟﺠﻤﺎﻫﻴﺮﻱ ﻭﺍﻻﻋﺘﻤﺎﺩ ﻋﻠﻴﻪ
* ﺍﻳﻬﺎ ﺍﻟﻨﺎﺱ
* ﺍﻟﻨﺎﺱ ﺍﻟﻔﻄﺮﻭﺍ ﻳﻮﻡ ﻋﺸﺮﻳﻦ ﻣﻌﺎﻧﺎ ﻣﺎﺑﻨﺴﺘﺮﻭﺍ
* ﻓﺤﺎﻝ ﻫﻼﻝ ﺍﻟﺠﻮﻫﺮﺓ ﺍﺳﻮﺃ ﻣﻦ ﺣﺎﻝ ﻫﻼﻝ ﺍﻟﻔﺠﻴﺮﻩ
* ﻣﺴﺄﻟﺔ ﻭﻛﺖ ﻟﻴﺲ ﺍﻻ ﻭﻧﻘﺮﺃ ﻋﻠﻲ ﺻﺪﺭ ﺻﺤﻴﻔﺔ ﺭﻭﺷﺎ
* ﺩﻩ ﻣﺎﻫﻼﻝ ﺩﻩ ﻟﻌﺐ ﻋﻴﺎﻝ
* ﻋﻴﺎﻝ !!
* ﺑﺮﺍﻛﻢ ﻓﺘﺤﺘﻮﻫﺎ ﺭﻭﺿﻪ ﻳﺎ ﺭﻭﺷﺎ
* ﻭﻧﺤﻨﺎ ﻣﺎﺑﻨﻌﺮﻑ ﻳﻤﻪ ﺍﺭﺣﻤﻴﻨﻲ
* ﺍﻳﻬﺎ ﺍﻟﻨﺎﺱ
* ﺗﻨﺘﻈﻢ ﺍﻡ ﺩﺭﻣﺎﻥ ﺍﻋﻤﺎﻝ ﺟﺎﺩﻩ ﻓﻲ ﺍﻟﺸﺎﺭﻉ
* ﺑﻮﻫﻴﻪ ﻭﻧﻈﺎﻓﻪ ﻭﻗﺺ ﺷﺠﺮ ﻭﻣﺮﺍﺟﻌﺔ ﺧﻴﺮﺍﻥ
* ﺧﻄﻮﺓ ﺗﺴﺘﺤﻖ ﺍﻻﺷﺎﺩﺓ ﺑﻤﺤﺎﻓﻈﺔ ﺍﻡ ﺩﺭﻣﺎﻥ
* ﻭﺍﻡ ﺩﺭﻣﺎﻥ ﻛﻠﻬﺎ ﻗﺪﺭ ﺷﻨﻮ ﻳﺎ ﻣﺤﺎﻓﻈﻨﺎ
* ﻟﻮ ﺧﺘﻴﺖ ﺍﻟﺮﺣﻤﻦ ﻓﻲ ﻗﻠﺒﻚ
* ﻣﻤﻜﻦ ﻳﻮﻣﻴﺎ ﺍﻡ ﺩﺭﻣﺎﻥ ﺗﺘﻐﺴﻞ ﻭﺗﺘﻜﻮﻱ ﻭﺗﺘﺨﺖ ﻓﻲ ﺍﻟﺪﻭﻻﺏ
* ﻋﻮﺩ ﺑﻴﻨﺎ ﻳﺎﻣﺤﺎﻓﻈﻨﺎ ﻟﺰﻣﻦ ﺍﻟﻨﻀﺎﻓﻪ ﻭﺍﻟﻘﻴﺎﻓﻪ ﻭﺍﻟﺤﺼﺎﻓﻪ
* ﻓﺎﻡ ﺩﺭﻣﺎﻥ ﺩﻭﻟﺔ ﻭﻟﻴﺴﺖ ﻣﺠﺮﺩ ﻣﺤﺎﻓﻈﻪ ﻳﺎ ﻣﺤﺎﻓﻈﻨﺎ
* ﺣﺎﻓﻈﻮﺍ ﻋﻠﻲ ﻧﻈﺎﻓﺔ ﺍﻡ ﺩﺭﻣﺎﻥ
* ﺍﻳﻬﺎ ﺍﻟﻨﺎﺱ
* ﺍﻥ ﺗﻨﺼﺮﻭﺍ ﺍﻟﻠﻪ ﻳﻨﺼﺮﻛﻢ
* ﺍﻫﺎ
* ﻧﺠﻲ ﻟﻲ ﺷﻤﺎﺭﺍﺕ ﻭﺍﻟﻲ ﺍﻟﺨﺮﺗﻮﻡ
* ﻛﺎﻥ ﺷﻔﺖ ﻳﺎ ﻭﺍﻟﻴﻨﺎ
* ﺧﺎﺗﻴﻦ ﺍﻟﻔﻄﻮﺭ ﺭﺍﺟﻴﻨﻮ ﻳﺄﺫﻥ ﻟﻴﻨﺎ
* ﻫﻮ ﺷﻦ ﺍﻟﻔﻄﻮﺭ ﻳﺎ ﻭﺍﻟﻴﻨﺎ
* ﻗﺎﻡ ﺍﺫﻥ ﻟﻴﻨﺎ
* ﺣﻠﻠﻨﺎ ﺍﻟﺼﻴﺎﻡ ﻧﺎﺱ ﺑﻲ ﺟﻐﻤﺔ ﻣﻮﻳﺔ ﻭﻧﺎﺱ ﺑﻲ ﺭﻳﻘﻬﺎ ﻳﺎ ﻭﺍﻟﻴﻨﺎ
* ﻭﻗﻠﻨﺎ ﺫﻫﺐ ﺍﻟﻈﻤﺄ ﻭﺍﺑﺘﻠﺖ ﺍﻟﻌﺮﻭﻕ ﻳﺎ ﻭﺍﻟﻴﻨﺎ
* ﺟﻤﺒﻨﺎ ﻣﺎﺳﻮﺭﺓ ﻗﺎﻟﺖ ﺫﻫﺐ ﺍﻟﻈﻤﺄ? ﺍﻟﻌﻘﺒﺎﻝ ﻋﻨﺪﻳﻨﺎ
ﺳﻠﻚ ﻛﻬﺮﺑﺎ
ﻧﻨﺴﺎﻙ ﻛﻴﻒ ﻭﺍﻟﻜﻠﺐ ﻗﺎﻝ ﻟﻠﻤﻮﺍﺳﻴﺮ ﻳﺎﻣﻮﺍﺳﻴﺮ ﻟﺴﻪ ﺃﺫﺍﻧﻜﻢ ﻣﺎ ﺍﺫﻥ
ﻭﺍﻟﻲ ﻟﻘﺎﺀ
ﺳﻠﻚ‏

حمزه عوض


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى