قوقل ‏+‏ ‏
Use the English Language

في السلك .. بابكر سلك .. الزول بفتخر ويباهي بالعندو

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

14062016

مُساهمة 

في السلك .. بابكر سلك .. الزول بفتخر ويباهي بالعندو




.
في السلك
بابكر سلك
الزول بفتخر ويباهي بالعندو

* اها
* بعد ماشفنا فطور ناس فطومه ونجيلة دحيه البتخدر براها
* نمشي حته تانيه
* لسنا بذلك الغرور الذي يظنه البعض
*ولكن انجازاتنا تجعلنا نبدو كذلك
* ويظهر ذلك حينما نفخر بمانديلا
* او نذكر سيكافا الاولي
* او نتذكر سيكافا التانيه
* او نستلهم ذكريات سيكافا التالته
* بعضنا يجتر كأس دبي وفي مخيلته جرية بريمه بعد احرازه لضربة الترجيح التي اعنلت فوزنا بكأس دبي الذهبي
* وهناك كأس الشارقه والذي يتمتع بمساحه ماساهله في سجل انجازاتنا
* ايها الناس
* الزول بفتخر ويباهي بالعندو
* ده العندنا
* ناس محمد عبد الماجد ديل بخروا بي شنو ويباهوا عشان عندهم شنو??
* عندكم شنو يامحمد عبد الماجد???
* التهاب ولا حمي??
* ماعندكم شئ قاعدين ساي
* لذا لا تزاحمونا في ساحة العرضه لمن نقدل متباهين بالعندنا
المهم
* الاعداد ماشي تمام
* وصدقوني بدون اعداد نحنا الاسياد
* الفرق كبير بيننا وبينهم
* فقط مسألة وكت
* ونعود لسيرة الاتحاد المتواطئ وحكام صلاح القلبوا صاح
*وتهديدات الانسحاب
* لكن المرة دي يا روشا
* السلطات اخلاقها هنا
* اي شنكبه عنكبه او انسحاب
* بفتحوا ليكم الباب
* والباب يفوت جمل
* وكان فات الجمل بفوت بما حمل
* يا حلييييلكم يا ناس الجمل
* تاني شئ برجعكم لمعصرة الممتاز مافي
* تحوموا في صحراء الله دي
* لمن تطشوا
* صحراء الله واسعه
ايها الناس
* تفاعل الشفوت مع منادي الدعم يتواصل
* ومقترحات عديده تصدر من الشفوت لتفعيل الدعم
الاخ محمد احمد ادريس من رابطة جده
* اقترح وسيلة تدعم بها روابط الخارج
* وبقول تحدد فترة معينه للدعم
* مثلا كل تلاته اشهر وفي يوم محدد تاتي جميع روابط الخارج بدعمها
* مع تكريم الاكثر دعما تكريما معنويا يخلق التنافس الشريف بين الشفوت في دعم المحبوب
* بحيث يكون يوم الدعم والتكريم يوما احتفاليا رياضيا ثقافيا سودانيا كبيرا يعكس جمال هذا البلد هناك
* واقترح شعار الدعم بلن ندعك تدعم لوحدك يا والي الجمال
* وارسل هذه الابيات المعبره
ادفع للزعيم والمولي ليــــكا
معين
واجب للزعيم انــــــــك ترد
الدين
المال هو الوحيد بيخلي ساسو متين
هرول للسداد تجني الثــــمار
بعدين
ياصفوة الكيان محتاج لــناس ثابتين
خاتين الزعيم جوة القلــــب
والعين
النوم بكرة لوم واجب نكـــون صاحيين
ادفع للزعيم بكرة البســــيط
بيبين
الناس والزمن قسماً عليــــك شاهدين
قوم ياصفوة هم اصلو التكاسل شين
شان الزعيم ادعم جــــــمال
الحين
مالازم يكون دعمك الـــــــف
والفين
قدر المستطاع ياصفـــوة كان عشرين
ايها الناس
* طالما هذا هو همنا وتفكيرنا
* يبقي المجلس ماعندو شغله غير الاستثمار
* وبذا نخرج بمعشوقنا من الانتظار في طابور الدعم الحكومي
* او الدخول في سنوات عجاف وتقشف
* ونعلن خرجنا دون رجعه من جيوب الافراد والاقطاب
* لنرتاح ونريحهم
ايها الناس
* جميعنا خلف الزعيم
* عندنا تسعه نقاط باقي الدوره الاولي نشيلها جميعها بفضل الله وبفضل تضامننا جميعا
* ولا نقطه ما تنقص
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* امس نتيجة الشهاده ظهرت لينا
* مبروك للناجحين ومافات شئ علي الذين لم يحالفهم الحظ يا والينا
* وسعدنا بدخول دارفور وكسلا وشمال كردفان والشماليه والجزيره والنيل الابيض في الاوائل يا والينا
* ونتمني ان يكون دخولا دائما وبي حقنا وبالاعتبارات السياسيه مايرتبط لينا
* واحد جاب خمسه وسبعين يا والينا
* من الضهر يبكي ويبكي فينا
* بتاع بحر ساكن جارنا يا والينا
* قال ليهو نسبتك دي معاها شوية كاش طب نفرين بتدخلكم لينا
سلك كهربا
ننساك كيف والكلب قال بحبة كاش طب نفرين تدخلكم لينا تتخرجوا تختوها لينا وتكتلونا بي حقكم يا اخينا.. ده نوع ناس الحاجه دي بتهمها بالبروستاتا
والي لقاء
سلك

حمزه عوض


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى