قوقل ‏+‏ ‏
Use the English Language

في السلك .. بابكر سلك .. وبدأت الفعاليات

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

في السلك .. بابكر سلك .. وبدأت الفعاليات

مُساهمة من طرف حمزه عوض في الأربعاء 15 يونيو 2016 - 18:18

.
في السلك
بابكر سلك
وبدأت الفعاليات

* اختيار هاشم الزبير ضمن التسيير تو هو اعلان لعودة الحياه الثقافيه لدار النادي
* وهاهو هاشم الزبير ماجستير توجيه الهتاف الجماهيري يعود مجددا ليطلق صوته مجلجلا من جديد في سماء النادي الذي لم يفارقه هاشم يوما سواء كان عضو مجلس ام خارج المجلس
* فعلاقة هاشم بالمريخ ليست علاقة كراسي
* واذكر ان هاشم لم يحالفه التوفيق حيث كان مرشحا في احدي الدورات
* وتاني يوم من اعلان النتيجه كان هاشم حضورا انيقا كعادته لدار النادي ممسكا بقطع الضمنه كعادته برغم بلاطة نتيجة الانتخابات
* لم ينقطع هاشم عن النادي
* ولكن عاد صوته الجهوري المعروف لكل المريخاب وهو يطلق مبادرة
* مريييييييخنا
* مرييييييخنا
* الآن هاشم اعد العدة لليالي الرمضانيه
* عاد للنشاط الثقافي القه بعودة هاشم
* ونتمني ان يسارع جميع اعضاء التسيير تو بالبدء في تنفيذ مهامهم بالمجلس
* واولهم ناس الاستثمار
* المهم
* فطومه اختي عملت عمليه عجيبه
* لكن ربك رب الخير لطف
* عملت عمليه جبانه
* نسأل الله لفطومه الشفاء العاجل
* وشرك مقسم علي الدقشم ومعارضة الكاردينال
* وحمدالله علي السلامه
* بكرة او بعدو بنوريكم اخبار العمليه وبنوريكم هي عملية شنو اذا توفرت لدينا المعلومات الكامله والصور
* وماتعزبونا شديييييد
* لو عرفنا حاجه بنوريكم
* ايها الناس
* اتوقع نصرا كبيرا واداء رائع للزعيم
* المعنويات في السماء
* والاولاد قعدوا مع الوالي
* والبقعد مع الوالي كان عندو مابقوم
* وكان حبيب مابقوم ساي
* ورونا لعب المليار يا اولاد
* لعب الخمسين وريتونا ليهو
* ولعب الخمسه وريتونا ليهو
* ولعب بحاسبك بعدين شفناهوا
* وكت الفلس مابقيتوا الصمود
* بقيتوا زيف
* وكت القروش ورونا الفرق يا جماعه
* عشان نتأكد انو مستواكم المهزوز من اول الموسم كان لاسباب معنويه وماكان لاسباب نفسيه
* وحقو اولادنا يعرفوا حاجه
* لن نقبل التفريط في نقطه من نقاط المباريات المؤجله
* فاهداركم لنقاط عديده بالدوره الاولي تحت ستار حقي ومن حقي
* يجعلنا نطالب بحقوقنا كامله طالما قعدتوا مع الوالي
* وحقوقنا في المرحله الحاليه عليكم هي نقاط المباريات المؤجله كلها
* انتم من اختار ذلك
* وانتم اقصد بها قدامي لاعبينا الذين تهربوا عن دفع الضريبه وكت الفلس وادعوا الاصابه ووجع البطن ومرض ام سادومبا
* عوتونا وساندكم علي ذلك البعض
* اللاعب عندو حق يشيل حقو مهما كان المستوي لان الامر تعاقد
* وريتونا انو لاعب الايام دي زي شريحة الدفع المقدم
* محل مايقطع رصيدك بقطع ليك بدون خجله حتي ولو كانت المكالمه مهمه ودوليه ومع زول في المغرب
* لاعبين اذا ماعندك رصيد بدون خجله بقولوا ليك ليس لديك رصيد كاف لاجراء هذه المكالمه
* حتي ولو كنت مخصص الرقم مكالمتك لن تتم اذا ماقمت بشحن الرصيد
* ولاعب بهذا الفهم لن نقبل منه عذرا لما يكون مشحون رصيد
* يتكلم لينا قدر رصيدنا
* بمناسبة الرصيد دي
* مرات تضرب يقول ليك مقفول
* او مشغول
* او الرقم ده جبتو من وين
* او ماعندنا رقم بالشكل ده
* وهو بكون لامقفول ولا مشغول والرقم رقم الشركه وعندهم رقم بالشكل ده
* لكن اكضب زول في الدنيا بت التلفونات دي
* تكضب علي عينك ياتاجر
* في رمضان ده بتكضب
* الكضب بقي جاري في دمها
* حتي كتبت عند الله كذابه
* وعرفت عند الناس كذابه
* عشان كده لما نضرب
* وتنط البت دي تقول لينا مقفول
* بنضرب تاني لاننا عارفنها كذابه
* والمكالمه بتدخل معانا
*مرات يقابلك زول يقول ليك تلفونك طوالي مقفول
* وانت تكون متأكد انو مامقفول
* تقوم تبيع الموبايل علي اساس انك ركبت المشتري ماسوره
* والحقيقه انو بت الاتصالات هي الماسوره وركبتك ماسوره
* الناس الماعرفنها كذابه ودوا موبايلاتهم الصيانه
* في وحدين باعوها بالخساره واشتروا موبايلات بالشئ الفلاني بالاقساط
* دخلوا في خسارات كبيره بسبب كضب بت الاتصالات دي
* في اسر اتفرتقت بسبب كضب بت الاتصالات دي
* في خطوبات فركشت
* قافله التلفون في وشي ليه?
* انا?… ماقفلتو انت القفلت
* تشوت مكالمتي ليه???
* كنت قاعد مع منو???
* وتفركش الحبكانه
* بت الاتصالات في الحته دي بقت اخطر من اليعلمان الناس السحر يفرقان به بين المرء وزوجه
* المهم
* طالما بتطالبوا بي حقوقكم
* ادونا حقوقنا عروضا وانتصارات
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* في واحد بتاع بحر جا يبارك لينا
* عندنا وليدا جاب اتنين وتسعين في الميه يا والينا
* بتاع البحر قال مبروك جاب كم الوليد لينا
* قلنا ليهو اتنين وتسعين يا اخينا
* قال ماشاء الله كلو شئ زاد
* زمان في الحي سته بكونوا ممتحنين لينا
* السته تجمع نسبهم مابتتم اتنين وتسعين يا اخينا
* الآن هم بروف فلان ودكتور علان وكل الاسماء الناجحه الجايبه الشرف لينا
* اسي انت يا ابني بالاتنين وتسعين الجبتها براك دي بعد التخرج برضك حاتسوق ركشه لينا
سلك كهربا
ننساك كيف والكلب قال البجيب تسعين والبجيب تلتين بقروا في جامعه واحده الاتنين… كاش بقلل النقاش وبدخل طب
والي لقاء
سلك

حمزه عوض


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى